رجعت للبيت اني وابويه ساعه١١تقريبآ
جنت تعبانه كلش ردت انام دك موبايل ابوي رد وضل يحجي شوي واشوفه فرح وضل يكول يلا جايكم مسافة الطريق كضه وباوعلي وهوا فرحان
كال بويه يلا حظري روحج
اديان.. بويه خير وين نروح
ابو اديان.. بويه هذا عمج وقرر
نصفي الگلوب ونرجع مثل گبل
واليوم حنة ابن عمج والفرحه راح
تصير فرحتين يبعد ابوج
اديان.. بس بويه اني ماعرفهم ولا شايفتهم مو عافونه گبل شذكرهم بينه هسه انه مااروح بويه
ابو اديان.. بويه خليني فرحان
فدوه اروحلح حظري روحج وخلي نروح
اديان.. هففففف يلا رايحه بس بشرط
شريد البس بكيفي
ابو اديان.. يلا يبعد ابوج اهم شي تروحين
اديان..رحت اركض للغرفه فتحت الكنتور طلعت احلا فساتين عندي حطيتهن بالجنطه ولبست برموده
وبدي نص لون احمر مخصر ع جسمي
وشوية مكياج طلعت اخبلل 😻
لبست الصايه وشال بس شامرتهه ع شعري وطلعت لكيت ابويه واكف من الفرحه بسرعه محظر كلشي طلعنه بطريقنه اسوگنه الهم وهديه اشترينه ورحنه تقريبآ ساعه وصلنه
نزلت من السياره تلكونه ولد ماعرفتهم منو وياهم رجال جبير سلمو ع ابويه
وانه واكفه بمكاني
ابو اديان.. ديونه بويه تعاي سلمي ع عمج او ولد عمج
اديان.. رحت سلمت عليهم بس ماحبيتهم ابد فوتونه للبيت جان جبير كلش وحلو وهوسه لان كرايبهم كلهم موجودين كامن لبنات يسلمن وابويه يعرفهن عليه وتعتب هالكد مابوستهن
دخلت للغرفه لبنات اخذني وبده لتحقيق وياي ع كلشي سألن
اجت بنيه حبابه حبيتها كلش
اسمها ريتاج كالت لحت عليه اله انزع الصايه واحنه اهلج ولتستحين ومن هالحجي نزعتها وكمت وياها للمطبخ
واني بدون شال وشعري نازل ع وجهي
ولد عمي يشيلون عصير للزلم
اتأخرو شو ماكو نور كالتلي
طلعي شوفيهم طلعت من باب لمطبخ وبيدي لصينيه جان اعثر واطيح ولد كدامي گبل لزمني لمن باوعت اي والله هذا نفسه الي شفته بالسوك
بس شي واحد ركزت بي ويمكن حبيته هم لحيته جانت مو طبيعيه وهالمره
ركزت بيها كلش لان جنت قريبه من
وجهي بوجهه هوا صافن بيه واني صافنه بي الي صحاني من هالحلم صوته وهوا يكول
بطه وكعت ع اسد 😻
ضجت من كال هيج وخرت عنه
وكتله حقير ردت امشي سحبني
من ايدي
انس.. منو الحقير؟
اديان.. باوع اكو واحد غيرك هنا
انس..اها هالكد شايفه نفسج
ومتسحبين كلامج
اديان.. اي طبعا چا بت ابوي اني مو اديان الي يخوفهه مايع وطگيتهه رگضه للمطبخ لصراحه خفت لا انسحل😂
دخلت للمطبخ الحمدلله محد جان بي
انس جنت واكف اخابر اهلي ومااحس
اله بطه اجتي تمشي ورادت توگع لزمتها ورحت لغير عالم هاي بشر يربي
اباوع قزومه بيضه والشعر شنو اشو بس كوتلهه بطه اتخبلت وانگلبت وحش مو بطه بس عجبتني وقررت اله اوگعهه😎
راسـي حطيـته اعلى صـدره
#و تيـهت گــاع الله وين...
