البارت اليوم حزين
ربي للحرم بنيه من ابوها
اديان اركض من واحد لواحد
واني مامصدگه اكلهم نجذبون عليه
ابوي ما يموت ويعوفني هوا ما يخليني
وحدي يدري ماعندي غيره فدوه خلوني اشوفه اريد احجي وياه ركضت ع عمي ابوس ب ايده فدوه كلهم اريد اشوف ابوي عمي فدوه اروحلك جان يدفعني لمن طحت وهوا يكول كلشي صار من وراج ابوج مات وانتي السبب وكام يطگ بيه اجه الولد الي اسمه انس كام يصيح ع عمي ويوخره عني
گمت وگفت وصرت اطگ بي واكله ما راح اسامحك طول عمري انته اخذت روحي مني الله ينتقم منك
انس.. ماعرف شحجي هيه تضرب بيه واني احس الوجع بگلبي ماعرف بشنو اساعده كل الي اعرفه لازم مااعوفها ابد اديان من ليوم صارت مسؤليتي
اجه ابن عمها شافها تضرب بيه وهيه تغلط جان يلزمها ويحظنها ويهدي بيها
اني نار صرت ماعرف شنو هالاحساس
طلعت بره المستشفى ماعرف شسوي
ما حسيت اله ع صوت وهوا
يكول انته تحبها؟
باوعت واشوف مره جبيره بالعمر شوي
كوتله منو حظرتج
جان تكول تحبها مو
كوتلهه من الاخير شرايده؟
كالت انه مرت عمها
وابني رايدها وانه
مااريدها اله واريدك تساعدني حته اخلص منها
انس هالكد تكرهيهه
ام علي.. مو اكرهه بس تكدر تكول
مااريد اخسر ابني
وانه اعرف كلش زين بس تاخذه
تسوي مثل امها
انس.. شكم يوم ونحجي بالموضوع
هسه اترخص
ام علي.. خوش بس فكر بكلامي زين
انس.. ان شاء الله
رجعت للمستشفى ابن عمها اخذها للبيت
كوه طبعا واحنه كملنه كلشي وره شكم ساعه اخذنه الجنازه للبيت
اديان.. جنت اطگ بي واغلط اجه ابن عمي وخرني عنه وحظني واني مصدومه مامصدگه شويه وعمي كاله علي اخذ اديان للبيت ماقبلت اروح عمي صار يغلط
بالكوه رحت وصلت للبيت تلكني البنات
جابلي ملابس سود وانه مامصدگه عبالي حلم واكعد منه واشوف ابوي وهوا يصيح بسمي
شوي صار صوت وصياح كالو اجت الجنازه
كمت اركض واشوف التابوت يعني صدگ
حطو التابوت وطلعو اجيت شمرت نفسي
عليه واني اصيح وابجي حته شعري گطعته
بويه لا تعوفني فدوه أنته تكول مااخلي ديونتي تبجي بويه ديونتك هل تبجي اكعد
فدوه اروحلك فتحت التابوت اريد اشوفه اريد اصدگ واشوف ابوي امدد والوجه اصفر ومغمض
ابوي احجي وياه مايجاوبني شو مايفتح عيونه بويه باوعلي بويه فدوه كافي
المن مخليني بويه المن عايفني
ياهو الي بعدك ولك بويه اكعددد
بعدها
فقدت ماحسيت ع نفسي اله واني
بالمستشفى يمي الدكتور شافني كعدت اجه يمي جان يكول الحمدلله ع سلامتج
بابا من كال بابا رجعت للواقع انو اني صرت بدون اب صرت ابجي واصرخ اجن للممرضات وكلهه التمت عليه ضربوني ابره بعد ماحسيت ع نفسي وضليت ع هالحاله
كل يوم نفس الشي اكعد اخلصها اصرخ وابجي ليوم الرابع كعدت اسمع صوت يحجي هالصوت اعرفه كلش زين مبين يحجي وي حبيبته
لان جان يكلهه راح نزوج بس اصبري
ابتسمت ب ستهزاء هه اني خسرت عافيتي ابوي وهوا يزوج لا والله تحلم
تشوف الراحه طول مااني عايشه
انس يلا روحي هسه بعدين نحجي اني هم احبج باي
سديته
باوعت شفتها شلون مغمضه عيونها ملاك يربي
شنو راح اسوي يربي ساعدني حته اكدر
على هاي الامانه اوووف يبطتي خايف عليج
اذا عمامج ماقبلو شسوي؟
شنو الحل شلون اخلصج منهم
مااحس اله كعدت!
