اديان. انته شسوي جاي يمي ها
انس. اهدئي اول شي بعدين نحجي
اديان شنو اهدئي كلشي صار بسببك
ابوي وراح بعد شتريد مني اطلع بره بسرعه
انس.اديان اسف واعرف لو شحجي ماراح اعوضج بس اسمحيلي اوكف وياج بهل ضروف بروح ابوج
اديان. مااريد وكفتك ولا محتاجتك عوفني بحالي وبس لخاطر ربك
انس. راح اطلع هسه بس ماراح اعوفج
طلعت لان معصبه جانت واعرف ماراح
اكدر افهمها وماراح تسامحني بسهوله اعرف بس ماراح اعوفها ابد راح ارجع بغير وقت واتفاهم وياهه
اديان. بعد ماطلع اتذكرت ابوي وحجيي
كمت ابجي بويه مدللتك راح تضيع بدونك
هوا بس انته الي وهم عفتني ليش هيج
بويه بس لتخاف بتك ذيبه وترباتك
راح اندم الي جان السبب راح ادمر حياته
مو وكت الدموع هسه وكت الانتقام مسحت دموعي وكمت افكر شلون راح انتقم شلون شسوي ياربي ساعدني واجت ابالي فكر بسيطه استاذ انس مو بعيني☺
انس. طلعت اشتريت غده كباب وعصير
ورجعت بس كلت اكيد متاكل مني
دزيته بيد الممرضه ع اساس منها فهمتها متكول مني
اديان. اجت الممرضه بنيه حلوه ونازكه
سلمت وعرفتني ع نفسها
هلو حبي اني ساره
اعتبريني اختج صديقتج
شفتج وحدج وجبتلج غده فدوه اكلي ولا ترديني واذا مقبلتي ازعل والله
اديان. اتشرف بيج عمري
بس والله مااشتهي شي هسه بس تعبانه حيل
اريد انام ومااكعد محد الي المن عايشه
ساره.شهل حجي راح تزعليني منج
مو كتلج اني اختج يلا عرفيني ع نفسج وخلي ناكل جعتت
اديان. وبديت احجيلها كلشي عني وهيه نفس الشي حسيته طيبه وحبابه
ويمكن ربي عوضني بيها حبيتها حيل
واكلنه سوه بعدين صاحوها وراحت
نمت شوي للعصر كعدت ع صوت ابن عمي
يحجي ويه انس ويكله روح اني ابن عمها وموجود انته شكو وانس يكله مااروح واعوفها بهل حاله
لمن اجت ساره تعاركت وياهم وطردتهم
خلصتهم منهم وكعدنه نسولف كالت هسه يطلعوج تره وين مفكره تروحين كتلهه
ويه انس☺
ساره. اديان مو تكولين هوا سبب موت ابوج شنو ابالج احجيلي؟
