فصليه ابو أسد(سجينة أبو أسد)

مشهد

♡مشهد♡
... ما امشي وياك انته منووو
... كتلج امشي عبالج تفلتين مني وراج وراج
... اتركني ماريدك يا اخي افهم عاد
... انجبي لا اكسر راسج امشي
... اتركني مالك دخل بيه هسه اني ع ذمه رجال ثاني روح واتركني
... فدك امشي لا أجرم بيج رجال ثاني شنو اني رجلج اني وبس
... مو بكيفك خلص افهم احنه انتهينه
... ماكو شي انتهى انتي الي اني وبس فاهمه ماعاش اللي ياخذج مني ولا تفكرين تخلي ابو اسد يستفرد بيج أنتي مالتي اني وحدي
فدك بعد ما خلص صبرها وهيه تشوف الكل يباعلها ومحد اتدخل بيهم الشيخ واكف والولد كلهم يتفرجون كانو عارضين شي فلم او مسرحيه محد حاول يفهم السالفه فدك وبنتر... ساهر تترك ايدي لا تشوف شي ما يعجبك
ساهر... اعلى ما بخيلج ركبي امشي
فدك طفح الكيل وياه سحبت ايدها من ايد ساهر وضربته راشدي وكتله... حذرتك يا ساهر اذا ما تتركني تشوف شي ما يعجبك
ساهر... فدك امشي دخيل ربج جايه هنا وشنو فصليه امشي
فدك... فصليه ولا الذل يمك
ساهر... مو ع كيفج امشي
فدك وهيه تتذكر ازاد و فهد من يتكلمون ع الدخيل بسد الشيخ مايردهم... شيخ دخيله ع بابك كلشي ولا ارجع وياه
الشيخ موسى... فدك شنو سالفه بويه وانته ساهر هيج تتهجم ع حرمه
ساهر... شيخ انته اطلع منها حرمتي وحر بيها
فدك... جذاب شيخ والله جذ.... ممكمله وقاطعني صوت من ورانه
... شنو صاير هناا

ورجعنه مره اخره بارت جديد من قصه فصليه ابو أسد (سجينة أبو أسد) اتمنه القصه تعجبكم وتتفاعلون عليها وتنشروها بكل مكان احبكم من القلب للقلب