فصليه ابو أسد(سجينة أبو أسد)

البارت 4

بيوم كلت جمعه استراحه ماكو محكمه جنت كاعده ويه أبرار زوجه مهدي نحضر بالغده وسمعنه صوت اطلاق نار ع بيتنه الجهال كلهم يبجون من الصوت خافو طلعت بالحديقه من بعد ما هدئ صوت الاطلاق سمعت صوت ساهر يضرب بالباب
ساهر... فدك كافي طلع خلص صبري
فدك فتحت الباب... انته خبل اكو واحد هيج يتصرف ماتكول تضرب واحد
ساهر... فدك امشي اروحلج فدوه لا تركيني اسف اعترف غلطان بس رجعي والله ما تكرر
فدك... لا والله ما اكدر ارجعلك لان ذيل الكلب يبقى عوج
ساهر... لا والله ما تكرر
فدك... ساهر روح منا احسن
ساهر... مو بكيفج فدك انتي الي اني وبس
فدك... لا عيني اني مو الك خلص افهم كلشي انتها
ساهر... ما انتها  نكدر نكمل اروحلج فدوه لا تركيني
مسلم... انته شسوي هنا
ساهر... انته مادخلك
مسلم... شنو مادخلك اشو تعال
فدك... ضلو يتضاربون والناس اتجمعو عليهم يردون يبعدوهم عن بعض ماكو مسلم دمه ساهر وكملت السبحه بجيه كرار ومهدي وهم تعاركو كان ادور اكو دوريه تفتر بالمناطق وبالصدفه اجت وقفتهم كلهم اخذو ساهر والولد لان مسوي ازعاج رحت وراهم بسياره وصلنه للمخفر دخلت اشكالهم تخوف اعتقد من جماعه التماسيح اهل شوارب خفت منهم بس لازم اكون قويه علمود البرستبج ما يخرب دخلت شفتهم واكفين والمحقق يحجي عليهم
مهدي... انتي شسوين هنا
فدك... لعد اخليكم
كرار... امشي للبيت
فدك... لا عيني ما اطلع اذا انتم مو وياي
المحقق... منو حضرتج
فدك... المحاميه فدك سامي جبار اخت الولد اللي كدامك حضره المحقق هذا اللي واكف يمك اتهجم ع بيتنه بالسلاح وبعدها اتهجم علي ومن اخواني عرفو هجمو عليه الغلط منه مو من اخواني
المحقق... السبب اللي يخلي يتهجم ع البيتكم
فدك... سبب انفصالي عنه تهجم ع البيت
المحقق... خلص انتم تكدرون تطلعون بس انته تبقى يمي اليوم
فدك... طلعنه مهدي يسوق واحنه كاعدين هدوء
مهدي... هذا شلون وياه ما نخلص من السالفه هاي
كرار... اذا ما تركها لحالها اتصرف وياه تصرف ثاني
مسلم... بس اريد اعرف من سئلنه عليه ليش يكولون خوش ولد وهوه اكبر كو...
فدك... حظي هذا اللي ما يوم كاعد
مسلم... لا حبيبي اناي مادخلج وربج خلصج منه وعرفتي ع حقيقته
فدك... ربي يديمكم إلي
مهدي... يي انروح المطعم لو للبيت
مسلم... للبيت شوفني شلون وجه مال مطعم
فدك... حبيبي هاي شمسوي بيك ان شاء الله كسر بيده
مسلم... مو بس ايده كلشي
كرار... لا تدعون
فدك... تكلم الشيخ
مسلم... كركر لا تتدين براسنه
كرار وهوه يندار ع مسلم... كركر بعينك
فدك... لا تتعاركون
كرار ، مسلم.... انتي سكتي
فدك... كبور المهم رجعنه للبيت وعادي الايام مثل ماهيه ماكو شي مهم بيوم جنت نايمه كعدت ع صوت الفون يرن شفته مهدي رديت عليه
فدك... هاا مهداوي
مهدي... فدك سمعي شنو راح اكلج وسوي
فدك... شنو
مهدي... اخذي واحد من الولد وتعالي انتي وياه المستشفى *****
فدك... ليش شبيك
مهدي... تعالي وتعرفين مو امي لو ابوي يعرفون
فدك.... اوك بس شوي واجي باي نهيت الاتصال كانت الساعه ب10 بليل وطلعت من الغرفه ماكو لا مسلم ولا كرار طلعت للحديقه اتصلت ع مسلم وكتله كال راح يروح للمستشفى واني اروح وراه نهيت الاتصال انداريت شفت ابوي وراي
بابا... شبي مهدي
فدك... ماادري هوه كلي اروحله
بابا... امشي بسرعه غيري ملابسج
فدك... ان شاء الله طلعت بسرعه غيرت ملابسي وطلعت شفت ابوي واكف بالباب طلعنه صعدنه بالسياره ومشيت بسرعه للمستشفى بس بغداد والازدحامات بعد ساعه وصلنه للمستشفى اتصلت ع مسلم  كال اوكفي هسه اجي عليج شوي واجه
بابا... مهدي شصاير عليه
مسلم... مهدي سالم حجي بس مسوي حادث والولد اللي ضاربهم متاذين
فدك... يي وهسه
مسلم... للاسف الولد شيوخ واذا صار عليهم شي نروح بيها
فدك... ليش نروح بيها شنو هيه تايهه
مسلم... امشي نروح نحجي وياهم خلي نشوف مهدي
فدك... صدك هوه وينه
مسلم... عدهم
فدك... رحنه نمشي وصلنه يم العمليات زلم معكله مبينه عليهم الهيبه والرزانه والوقار 3شباب واكفين وزلم كبار هواي الشباب مبين عليهم محترمين اتقربنه عليهم وابوي كال
بابا... الله بالخير
شيخ موسى... الله بالخير والعافيه
بابا... خويه اتي ابوي اللي مسوي الحادث ماعرف منو الغلطان بس ان شاء الله سالمين
موسى... ان شاء الله
فدك... اتفاجئت من رد فعله اتوقعت راح يرجون المستشفى بصوتهم بس اني ضليت الوب اريد احجي ويه مهدي اتقربت ع الشيخ وكتله... ححي بس مهدي وين
موسى... عدنه اذا صار شي  الولدي ارجعها بولدكم
بابا... ححي كول يالله شنو وين عايشين حته ارجعلك وترجعلي وكلشي قضاء وقدر
موسى... هوه هذا اللي عدكم قضاء وقدر
فدك... زين حجي بس اشوفه
موسى... تلكي بره يم الولد
فدك... عفتهم ومشيت بسرعه انضربت بشخص رفعت رأسي شفت واحد معصب حيل بس شنو محمل جمال يموت كتله... اسفه مو قصدي
زين... عميه ماتشوفين
فدك... استغفر الله اخي اسفه مو قصدي
زين... ولي بغداديه شترجه منج
فدك... ليش ما عاحبتك
زين... كح.... ما تشرفتي ولا تعجبني
فدك بعصبيه... انته واحد متخلف
زين.... وانتي وحده وكحه وما تستحي
فدك... الفاضك قبيحه مثلك
زين... احترمي نفسج
فدك... اشو بعد عن طريقي وخلي امشي بعدته ومشيت طلعت من المستشفى ماعرف وين هوه اتمشيت شفت سياره مهدي ويمها شباب اثنين رحت امشي عليها وصلت يمهم
فدك... السلام عليكم
الولد1.... وعليكم السلام تفضلي بشنو اخدمج
فدك... اريد احجي ويه مهدي ياريت يجي هنا
الولد. مهدي منو
فدك. اللي كاعد بالسياره
الولد. ممنوع
فدك. الحجي كلي طلعي احجي وياه راح فتح السياره نزل مهدي واجه حظني
مهدي. انتي شسوين هنا رجعي للبيت
فدك. شلون ارجع وانته هنا تعال كلي شنو صار الحادث منو الغلطان بي انته لو همه
الولد.اكيد راح يكول احنه
فدك. لو سمحت لو تحترم نفسك و تسكت ولو تكوم منا اريد اخذ راحتي
الولد. أي راحه ايي بطيخ احنه حقنه ناخذ مربع وهذا اخوج مادري ابوج مادري زوجج مادري حبيبج ماادري الكو. مالج انموته اذا صار بالشيخ شي
فدك. روح بابا روح انته والشيخ مالكم شيوخ وهذا كلامكم لعد الباقين شلون ناس متخلفه
الولد. بنات بغداد شنترجه منجن
فدك. لو سمحت اخي اريد اخلص شغلي وانته مهدي كلي شلون صار الحادث
مهدي. من طلعت من الشغل العصر جنت راجع للبيت بس كلت أمر ع الولد شوي رحت من الطريق اللي كل مره اروح منه كان الشارع فارغ أسرعتي طبيعيه 60 بس اني وماشي طلعتلي سياره من الفرع وضربت سيارتي وبعدها نزلت من السياره طلعتهم منها وخليتهم بسيارتي وجبتهم للمستشفى واتصلت ع أهلهم واجوي
فدك... اول شي بقانون المرور لازم تنظر للطريق من جهه اليمين واليسار قبل لا تطلع ع الشارع العام يعني همه غلطانين ف...(بعدني مكملت وطلع نفس الولد العصبي الي بالمستشفى)
الولد... ولك اليوم اموتك راح اخوي كله منكم راح
فدك. بعد شنو سالفه وين عايشين
الولد... انتي تسكتين
الولد2... زين كلنه شنو صار
زين. ولكم غياث يوموت وع ايد بغدادي اخو كح.
والله م اموته
فدك. بس فهمتي شنو شبيكم اهدى ماكو شي ينخل بالصياح غلط والضرب
زين... بعدي مني لا والله اموتج انتي اخوج
فدك... صار الوضع نار راح الحجي وابنه المركز وقدم بلاغ ع مهدي اجت الشرطه واخذته
الحجي... بويه الكم أسبوع ع ماتخلص الفاتحه ونجيب عمامنه ونفصلكم
بابا... ان شاء الله والبقيه بحياتكم
فدك... رجعنه للبيت دخلنه امي وزوجه مهدي كاعدات ع نار شافنه دخلنه كامن واجن يردن يعرفن شنو صار حجيتلهم ورحت الغرفتي تعبانه حته بيوم العطله مانرتاح خلص الأسبوع بخوف وحزن ع مهدي وهمه شيوخ والي عرفته واحد منهم مات والثاني رجليه اتكسرن ومايكدر يمشي والمات شيخهم اجه يوم اللي يجون بي اهل الولد  عمامي اجوي وشيخ العشيره اجه اوووه  الولد كلهم اجوي وكلهم مسلحين وعمامي و عمامهم نفس الحال كل واحد سلاحه بيده دخلو

انسلم القلم الزين
زين... من بعد موت غياث نصبنه الفاتحه خلصت عمامي كعدو علمود سالفه البغدادي ابنهم بالسجن خلص الاسبوع واجه يوم الكعده تحضرنه وطلعنه من الصبح علمود نوصل من وكت وصلنه تقريبا ب3 الضهر سلمنه عليهم وكعدنه
موسى... حجي ابنك كسر ضهري من أخذ ابني
سامي... حجي الموت حق وكلمن يموت بيومه لا انه ولا ابني ولا ابنك النه دخل هذا قدر
موسى... حجي كسرتي بيمن تنصلح اني اريد دم ابنك
سامي... لا حجي غيرها تريد فلوس انطيك فلوس الدنيا كلها
موسى.... فلوس ترجع ابني
سامي... ولا الدم يرجع ابنك
موسى... ابنك كتله واني اريد دمه
شيخ طباب خير... اني عندي حل
موسى ، سامي.... شنو احجي
الشيخ... فصليه و 100 مليون
سامي... 100 مليون تم بس فصليه ما عندي بنات بعمر الزواج زين.... وهاي ام السان بكد البعير وانته تكول مو مال زواج
بابا... بنت دفنها بالدنيا ربيتها وكبرتها وعلمتها وتخرجت وهسه تريدني ادفنها مستحيل
زين... لعد  دم ولدك كلهم وياهم بعدد 7
بابا... مااكدر اثنينهن صعبات بنتي ولدي مااكدر
زين... انتركك 3 أيام تفكر بيهن يوم ثالث الصبح ما تجي الفصليه ولدك كلهم يذبحون
بابا... الله كريم
الحجي... اودعناكم
أبو أسد... طلعت من بيتهم
الحجي...  انتم من عقلكم تريدون فصليه
زين... لعد حجي تريد الدم يوصل للركب
الحجي... يي والله يابوي احس شي سويته اني كنت حل اذا اخذ فلوس الناس تكول اخذ فلوس ونسه دم ابنه اخلي ناخذ بتهم والله كريم
زين... رجعنه للانبار ابوي جمع ولد عمامي واخواني علمود الفصليه منو ياخذها
الحجي... تعرفون احنه راح ناخذ منهم فصليه واريد واحد منكم ياخذها
الولد... محد حجه
الحجي.... ساهر انته تاخذها وتسكت الناس
ساهر... لا حجي اني عندي مرتي تريد تبليني بوحده ثانيه
الحجي... لعد منو ياخذها انته ايمن
أيمن... حجي ماريد
زين....