فصليه ابو أسد(سجينة أبو أسد)

البارت 5

زين.... أبو أسد يحتاجها حجي هسه من يخرجو من المستشفى
أيمن... خويه تعرف ابو اسد ما يريد يتزوج
زين... هسه غصب عليه انصير احنه ما موجودين منو يساعده نسوان اخوانك

نرجع ونسلم القلم الفدك

فدك ... من طلعو اهل الولد دخل ابوي عمامي وجوهم مكلوبه امي راحت الأبوي
ماما... ابو مهدي اروحلك فدوه شنو صار راح يرجع ابني مو
بابا... خسرانين ع الحالتين خسرانين
ماما... شنو شنو يردون
بابا... لو ولدج كلهم لو فدك
ماما... فدك شكو
بابا... لو ادفن ولدي بالتراب لو ادفن بنتي بالدنيا
ماما... شكو فدك شكو بالنص
بابا.... يردون فدك ياخذوها فصليه
ماما... شنوو مستحيل ما اخليها تروح
بابا... ولا اني اريدها تروح تعبت عليها سنين وهسه اذبها مثل الكلب لا مستحيل
فدك... اني هنا مثل الأطرش بالزفه مااعرف عن شنو يحجون بس اللي فهمتا مهدي يرجع اذا اني رحت وياهم مااعرف شلون هيج يعني رحت البابا وكتله يمته مهدي يطلع
بابا... مادري بابا مادري
فدك... ضليت اليل ما اعرف شنو صاير دخلت الغرفتي طلعت رقم ازاد ردت اتصل بس بطلت لان ازاد يعرف هاي الأشياء زي ودخلو بابا ماما وكرار ومسلم
بابا... عرفتي اهل الولد شنو رادو
فدك... لا بابا شنو
بابا... يردونج انتي الوحيده اللي تكدرين ترجعين اخوانج من الموت يعني اذا قبلتي ترحين وياهم راح تخسرين كلشي
فدك... مثل شنو
بابا... شغلج حياتج طلعتج دخلتج كلشي
فدك... واخواني يضلون بخير ع حساب سعادتي
بابا... يي بابا
فدك... بس اني بابا خليني أفكر
بابا.. براحتج بابا نامي وارتاحي
فدك... طلعو اهلي من الغرفه كعدت افكر اذا اروح أخسر حياتي بس اذا ماروح أخسر اخواني وابوي وأولاد عمي بس حياتي شهادتي كلشي بحياتي سعيت وصلتله ضليت افكر بين حياتي واخوني شفت الساعه ب3 رحت دكيت الباب ع مسلم ودخلت
مسلم... هااا فدووك اكو شي
فدك.. سمسم اريد انام يمك
مسلم... تعالي
فدك... رحت خليت رأسي ع صدره واندكت الباب
مسلم... منو
كرار... اني فدك يمك
مسلم... يي تعال
كرار... تنامون واني مو وياكم مايصير هيج
فدك... تعال نمت بين إخواني كعدت الصبح رحت اخذت جهاز بابا واخذت منه رقم الحجي انتظرت للساعه ب9 واتصلت عليه رد
الحجي... الووو منو
فدك... سلام عليكم
الحجي... وعليكم السلام منو وياي
فدك... حجي اني اخت اللي دعم ولدكم واللي طلبتو منهم فصليه عمو اني موافقه بس اريد اطلب منك طلب
الحجي... هاا وشنو تردين
فدك... عمو اني كلشي بحياتي اهلي وانتم انطيتو مهله3 أيام اريد بهاي 3ايام ابقى ويه إخواني وأهلي
الحجي... وانه شكو اهلج يمج 
فدك... عمو بس اريد تطلع مهدي من السجن
الحجي... بنيتي عذريني ما اكدر
فدك... عمو فدوووه لاتحرمني منهم والله ماراح أتراجع عن قراري ابوس إيدك حجي
الحجي... بنيتي ان شاء الله يجرالج
فدك بفرح... صدك حجي مشكور
الحجي... يلا بويه الله وياج
فدك... الله وياك حجي نهيت الاتصال للساعه ب12 اندكت الباب طلعنه شفته مهدي حظنته مهداوي حبيبي الحمدلله ع سلامتك
مهدي... الله يسلمج
فدك.... يووم اجه مهداوي
ماما... كولي والله
فدك... والله يوم  اجه طلعت امي وحظنته وزوجته هم طلعت دخل للبيت محد يعرف ليش طلع اليوم العصر كتلهم كومو اريد اطلع
مسلم... وين ترحين كعدي وسكتي
فدك... اريد اطلع ما اكعد كومو خزرت مسلم
مسلم... اوك كومي
فدك.... رحت غيرت ملابسي وسويت شعري وطلعنه رحنه نفتر بالشوارع وبعدها رحنه للمطعم مهدي راح للحمام
كرار... ليش طلعو من السجن وبدون مقابل
مسلم... ماادري فدووك تعرفين ليش
فدك.... سمعو اني الصبح اتصلت ع الحجي اللي مات ابنه وكتله موافقه بس اريد يخرج مهدي من السجن
مسلم... يعني انتي راح ترحين الهم
فدك.. حياتكم أهم
كرار... بس مراح تكدرين تعيشين وياهم
فدك... وحته اذا مارحت مراح اكدر أعيش بدونكم
مسلم... فدك و احلامج شهادتج شغلج مو تردين تكملين دراسات عليا
فدك... بس اذا انتم يصير بيكم شي مراح اكدر أعيش اموت بدونكم حياتكم أهم وبعدين اني راح اعيش بس انتم راح تموتون اذا ما رحت
مسلم... سكتي اجه مهدي
فدك.... خلصنه العشه بس نضحك رجعنه للبيت رحت ع المكتب مالي طلعت كل الاوراق مالات أستاذ جاسم وكل شي يخص القضايه اللي مستلميها وعندي كان اخذهن الصبح اله رحت احضر بملابسي فتحت الكنتور طلعت ملابسي وخليت بالجنطه بعدها اخذت جنطه ثانيه خليت بيها كتبي وشهادتي و أشياء احتاجها هناك نمت كعدت يوم ثاني حضرت نفسي وطلعت رحت لمكتب أستاذ جاسم وكتله بعد مااكدر اشتغل وانطيته كل الاوراق وسئل ليش كتله اريد ادرس ومااكدر اكمل شغل عندي سفره بعد يومين للخارج وسكته رحت لمركز التجميل صبغت شعري رمادي وبعدها خصلته وردي اعتقد اخر مره اصبغ واتعدل ماعرف يمكن اتعدل الحياتي الجحيميه او الحياه سعيده المهم كملت من الشعري سويت تنضيف(قناع الكاربون) الوجهي كملت وطلعت للبيت وصلت كلهم كاعدين اليوم اخر يوم بين اهلي ماعرف ليش احس اني راح اكون بأمان عدهم دخلت الغرفتي غيرت ملابسي ونمت ماحسيت غير من الولد محاوطيني من كل مكان مهدي ع جهه اليمنه وكرار ع اليسره و سمسم بيني وبين مهدي وراسه ع بطني رجعت نمت كعدت يوم ثاني حظرت كلشي احتاجه وطلعت شفت بابا كاعد سلمت عليه وحظنته
بابا... لا تخافين بنيتي همه مبين عليهم ناس محترمين وانتي احترميهم
فدك... ان شاء الله بابا وانته لا تقهر روحك مو زين اهم ذي السكر ما يرتفع
بابا... فدوووه اللي تخاف ع ابوها
فدك... حبيبي انته وعد يوميه اتصل عليك بس هاا حولي رصيد مو تنسه
بابا... ولج اجيب الشركه مال الرصيد واخليها كلها بين ايديج
فدك... يي والله يلا روح جيبها
بابا... اتموتين ع الرصيد
فدك... شسوي بسرعه يخلص
مسلم... صباح الخير
بابا فدك... صباح النور
مسلم... هاا فدوك هاي شنو كلهن ماخذتهن
فدك... يي اخذت كتبي كلهن
مسلم... هاااا لعد ألبرت أينشتاين راح يتخرج من عدنه ويحول البيت شيخ موسى
فدك... سمسم مو من الصبح
مسلم... هاي سكتت بس أخذني الانترنيت المحمول لو لا
فدك... يي أخذته
مسلم... هاا يمته ترحون
فدك... نص ساعه  واطلع
مسلم... منو ياخذج
فدك... اني اروح
مسلم... هاي وين صايره
فدك... همه يردوني لو يردوكم بعد المن يحجون بس احدد المكان واروح
مسلم... بس الطريق طويل
فدك... عادي المهم ضلينه نسولف ماحبيت سوالف الوداع بس سلمت عليهم وطلعت حبيت اروح البيت نهله اشوفها بس كلت اخاف أتأخر اتصلت عليها وضلينه نسولف
نهله... هسه راح ترحين
فدك... يي هاي طالعه بالطريق
نهله... اوووف راح اشتاقلج
فدك... و اني هم
نهله... ان شاء الله يطلع بي خير مو مثل هذا اللي ما يتسمه ساهر
فدك... هسه هذا شجابه بالنص
نهله... يي والله شجابه بالنص
فدك... اكلج هسه خليني أنتبه ع الطريق باي نهيت الاتصال وكملت طريقي فتحت ماي لوكيشن وحددت الانبار قضاء حديثه وضليت امشي دخلت المحافظه الساعه ب2 الضهر ضليت امشي وصلت القضاء حديثه مكان حلو اتصلت ع مسلم كلي بناحيه**** رحت للمكان اللي ملي عليه وصلت يم أسواق نزلت شفت الكاكاو والحلويات فقدت اخذت نمبر 1 و نوتيلا رجعت للسياره ومشيت شفت رجال كبير بالعنر كلت اسئله دكيت هورن ونزلت الجامه
فدك... السلام عليكم
الحجي... وعليكم السلام تفضلي
فدك... حجي وين بيت الشيخ موسى
الحجي... بنهايه هذا الشارع ع ايدج اليمين
فدك... مشكور حجي من رخصتك مشيت وصلت للنهايه الشارع اكو هواي بيوت اي واحد منهم بيت الشيخ شفت ولد صغير يمشي صحت عليه اجه
فدك... يا حلو وين بيت الشيخ موسى
الولد... قصدج بيت جدوو
فدك... يي هوه وين
الولد... شايفه هذاك البيت اللي يمه ولد  هوه هذا بيتنه
فدك... هاا انته وين رايح
الولد... اشتري يلا انتي روحي
فدك... فدووه شكد حلو مشيت وصلت يم البيت وكفت السياره ونزلت احس عيونهم تريد تاكلني كلهم يباوعون كان اكو شباب بالباب فتحت الصندوق مال السياره وبديت انزل بالجنط
ايمن... منو انتي
فدك... مو هذا بيت الشيخ موسى
ايمن... يي هوه منو  انتي
فدك... الفصليه
ايمن... انتي الفصليه
فدك... يي اني ليش ما عاجبك
ايمن... لا مو قصدي وحدج جايه
فدك... الله وياي مو وحدي
ايمن... ابوج وين واحد من اخوانج
فدك... سؤال
ايمن... جواب
فدك... انتم تردوني اني لو اهلي
ايمن... اكيد انتي
فدك... لعد شيسون جاين والطريق طويل
ايمن... اوك روحي دخلي اني ادخل الجنط
فدك... لا اني ادخلهن
ايمن... يابه دخلي الولد هينا دخلي
فدك... اوك دخلت للحديقه كبيره اول شي كراج ينصف بي 3 او 4 سيارات وبعدها حديقه وبعد الحديقه بيت بي 3 بيبان باب المطبخ وباب الاستقبال وباب يمكن مال الديوان ضليت واكفه مااعرف وين امشي ومنين ادخل اجه الولد اللي حجيت وياه بره
ايمن... سمعي اني ايمن اصير اخو زوجج
فدك... همممم
ايمن... انتي شنو اسمج
فدك... اسمي فدك
ايمن... تعالي داخل يم امي والبنات
فدك... دخلنه للبيت هوسه كلهم يحجون وجهال يمه هاي شنو انتبهو علي من دخلت كلهم سكتو صار هدوء بس صوت الكعب مال حذائي من امشي وكف ايمن يم مره كبيره وكفت يمه
ايمن... يمه هاي الفصليه
الحجيه... تعالي حبيبه شسمج
فدك... اسمي فدك
الحجيه... هلا بيج فدك عهدددد عهددد تعالي هنا اشوف
عهد... هاا يوم شنو
الحجيه... تعالي اخذي مره اخوج خلي ترتاح
عهد... ان شاء الله انداريت ع البنيه وكتلها هذا شعرج طبيعي لو ما حصان
فدك... جربي وشوفي شعري لو شعر حصان
عهد... تعالي اشوف عتيتها من شعرها حيل
فدك... يابه بشويش كفشتي شعري
عهد... اعرفج اني عهد اخت زوجج
فدك... اهلاً  اني فدك
عهد... تعالي اعرفج ع البنات بالمطبخ
فدك... امشي رحنه للمطبخ
عهد... بنات 
الكل... منو هاي
عهد... هاي فدك مره ابو أسد
الكل... هلا حبيبه
فدك... هلا بيكم
عهد... خلي اعرفج هاي زينه مره ابو جهاد (فهد) وهاي زهور مره ابو محمد(عماد)
فدك... أهلاً تشرفت
عهد... صدك شكد عمرج
فدك... 24 سنه وانتي
عهد... 21 سنه
فدك... العمر كله متزوجه
عهد... لا
فدك... هاا تدرسين لو لا
عهد... يي ادرس كليه علوم حاسبات
فدك... حلوو
عهد... وانتي شنو
فدك...  اني محاميه
عهد... صدك
فدك.. يي صدوك
عهد... لعد شلون قبلت تجين هنا
فدك... لو انتي مكاني ترحين لو يكتلون اخوانج
عهد... اكييد اروح اهم شي عندي اخواني
فدك... اني هم مثلج
عهد... تعالي نروح الغرفتي
فدك... اوك امشي رحنه للغرفه دخلنه
عهد... فدك اسمعي اعتبريني اختج ولا تخافين بس نصيحه لا تتقربين من زين لان هذا عصبي ومن يوم تللي مات بي غياث وهوه كالب البيت كلاب يوميه يتعارك
فدك... تره اني مالي دخل بيهم اصلاً اني صرت ضحيه فصل عشائري
عهد.... اعرف بس زين يكول همه كتلو اخوي والثاني راحن رجليه وبعد ما يمشي
فدك... مااعرف شنو اكلج بس ان شاء الله
عهد... وتعالي خلي احجيلج ع ابو اسد
فدك... يي احجي
عهد... ابو أسد انسان صعب وغامض محد يكدر يعرف شنو بداخله عصبي وبنفس الوقت حنين شوفي اني اخواني كلهم اعترضو ادخل كليه بس ابو جهاد وابو اسد اعترضو كالو هذا مستقبلها ليش نحرمها من الشهاده وهيه ذكيه بالف ياويل قنعو ابوي وداومت ابو اسد اقرب شخص الا امي و ابو جهاد كلشي عنه يعرفون بس محد يحجي قبل سنتين  او اكثر اجه ابو اسد فرحان ويضحك ويغني وابو جهاد وياه بعدها عرفنه هوه يحب وحده هم من بغداد وياه بالكليه موت روحه عليها بس ماكال شنو اسمها او وين بيتهم بالضبط كل اللي كاله من بغداد امي فرحتله وكال بس تكمل اروح اخطبها رسمي بس البنيه ماتدري بي يحبها هوه هوه كال احسها تحبني لان تصرفاتها كلها تكول احبك يكول تشاقيني وتطلع وياي وماعرف شنوو بس قبل سنه انخطبت البنيه وهوه تخبل ومن عدها كره شي اسمه زواج جان يكول هيه هاي اللي تكدر تتحمل طبعي
فدك... زين هوه متزوج لو لقب ابو أسد
عهد... هوه تزوج بنت عمتي من كان عمره 23 سنه من تخرج ورجع للانبار ابوي خطب بنت عمتي بديوان الزلم وهوه ماكدر يكول لا اتزوجها من بعد ما كمل السنه لاولى بزواجه صار عنده اسد بس بعد يمكن 6اشهر زوجته ماتت واسد عباله امي هيه نفسها امه وكله يكللها ماما ابو اسد عمره ما حب زوجته
فدك... خطيه الطفل من صغره يتيم
عهد... حكمه الله ماكو عتراض
فدك... ونعم بالله
عهد... فدك
فدك... همممم
عهد... انتي مو محجبة
فدك... يي مو محجبه
عهد... وامج
فدك... محجبه
عهد... لعد انتي ليش مو محجبه
فدك... ماادري اعتقد لان اهلي منطيني كامل الحريه وما تحجبت
عهد.... بس هنا الوضع يختلف عن بغداد
فدك... ماكو شي يختلف اني بنيه حالي حال اي وحده عراقيه تره اللي مو محجبه مو معناها ماعدها شرف او ماتستحي لا اكو بنات يلبسن نقاب و الله يعلم شعدهن
عهد... فعلا كلامج صح بس عدنه البنيه لازم تتحجب
اسد... عمه ماما تكول تعالي
عهد... يي حبيبي هسه اجي
اسد... هاي منو
عهد... تعال هنا
اسد... السلام عليكم
فدك... وعليكم السلام
اسد... اني اسمي اسد الشيخ أسد
فدك بضحكه... هلا اسد اني فدك
اسد... انتي صديقه عمه
عهد... لا حبيبي هاي راح تصير زوجه بابا
اسد... هاا يعني تصير مثل عمه زينه وعمه زهور
عهد... يي حبيبي
اسد... يلا عمه راح اروح يم جدو
عهد... يي يلا روح
فدك... فدوه حلوو
عهد... هوه هادء وحلو و مأدب يحب يكعد يم ابوي ومايقبل الولد يلعبون وياه يكلهم اني شيخ وانتم زعاطيط
فدك... هه الشيخ الصغيرون
عهد... يلا كومي نطلع نشوف امي شنو تريد
فدك... طلعنه شفت شباب كاعدين ورجال كبير الحجيه سلمنه عليهم وكعدنه
موسى... بنتي شنو اسمج
فدك... فدك
موسى... اسمعي اني اعرف انتي مالج دخل بالي صار كله انتي كلج ضحيه فصل عشائري بس اذا ما انتي تضحين الدم يوصل للركب
فدك... شيخ اعرف لازم اني اضحي علمود اهلي وهاي اني هنا اللي تردو سوه بس بعد عن اهلي
موسى... بنتي اهلج احنه ما عدنه شي وياهم بس احنه سوينه الفصل علمود الناس ماتاكل وجهنه
فدك... عادي حجي كلشي قسمه ونصيب واني هذا اللي كاتبه الله اصير فصليه
موسى... لا بنتي انتي هنا حالج حال البنات
فدك... مشكور حجي
عهد... شيخ فدك تنام يمي
موسى... ليش غرفه رجلها موجوده
فدك... لا شيخ انام ويه عهد
موسى... براحتج
عهد... لعد اغراضج وين
فدك... ماعرف ايمن كال هوه يدخلهن
زين وهوه يدخل من بره... السلام عليكم
الكل... وعليكم السلام
زين... هاي الدودج تشارجر مالت منو
ايمن... ليش
زين... ضربت المرايه مالتها
ايمن... ولك ليش
زين... ماعرف ما صافينها عدل وضربتها المهم مالت منو
ايمن... مال فدك
زين... هاي منو بعد
ايمن... مال الفصليه
زين... حلووو فصليه وبيدها سياره
موسى.   فدك مو فصليه واللي اسمعه يكول فصليه اغرف اتصرف وياه
زين... شنو حجي نسيت اخوها كتل ابنك
موسى... مهما يكن هيه ما دخلها يلا كافي شوف اخوك يمته يخرجو
زين... اتصلت ع ابو جهاد كال باجر ويخرجو
موسى... الله كريم لعد بويه باجر حضرن روحجن عمامجن راح يجون هنا ع الغده
البنات... ان شاء الله شيخ
موسى... يي فدك شنو دارسه
فدك... حقوق
موسى.. تخرجتي لو بعدج
فدك... تخرجت من سنه واشتغل ويه محامي
موسى... شلون جنتي بالكليه
فدك... الاولى ع كليه
موسى... حلوو شاطره
فدك... الحمد لله
عهد... شيخ شتريد صار عندك 3 محامين بلبيت
موسى... عجل راح أفتح مكتب وانتم اشتغلو بي
عهد... يي لعد اني ماكو تعين ع شهادتي
موسى... هسه انتي اتخرجي وبعدين شوفي شغل
عهد... يي والله يلا ما بقى شي كلها سنه واتخرج
الكل... ان شاء الله
فدك... ايمن بس اغراضي وين
ايمن...  بسياره هسه انزلهن
فدك... اوك طلع نزلن الجنط جنطتين سفر وجنطه ضهر وجنطه الابتوب اخذتهن الغرفه عهد وعهد كاعده يمي  طلعت جهازي سمسم متصل 10 مرات رجعت اتصلت عليه
مسلم... ولج وينج من الصبح اتصلت عليج
فدك... جذاب وين من الصبح تتصل
مسلم... سمعي شصار بعد ما رحتي
فدك... شصار
مسلم... هذا ساهر اجه البيتنه
فدك... ويعني شي جديد
مسلم... ولج لا بس من عرف تزوجتي تخبل وكام يصرخ بنص الشارع اريد مرتي مالكم حق تزوجونها وهيه زوجتي
فدك... لا والله مصدك روحه زوجته
مسلم... ولج الناس التمت علينه وهذا يصرخ مرتي ترجعلي ياناس شلون يزوجونها واني متزوجها والناس كلها ضلت تحجي عليه لان كلهم يعرفون انتم انفصلتو اخر شي ابوي اتصل ع ابوه وكله تعال أخذ ابنك لا اموته صدك شوي واجو خوانه اخذو
فدك... حبيبي نارهم تاكل حطبهم خلي يولي ربي يخلصنه منه
مسلم... المهم انتي شلونج
فدك... اول ما دخلت اكلت طن كتل
مسلم... عود صدك
فدك... هه لا جذب ناس حبابين بس عدهم هذا اللي شفنا بالمستشفى عصبي
مسلم... يي زوجج شلونه
فدك... اذا انته شفته اني اشوفه
مسلم... يعني ما شفتي
فدك... لا بس شفت ابنه
مسلم... ابنه ليش هوه متزوج
فدك... يي بس زوجته ميته
مسلم... هاا
فدك... يي امي شلونها ومهداوي وكركر شلونهم
مسلم... امي من رحتي بس تبجي وهسه نامت وابوي من جيت هذا العار ارتفع السكر
فدك... الله ياخذه ابن الحرام ما نخلص منه
مسلم... ان شاء الله يلا اني اروح انتبهي ع نفسج
فدك... اوك باي نهيت الاتصال
عهد... منو هذا
فدك... اخوي
عهد... لا ابن الحرام
فدك... اخخخ هاي سالفه طويله
عهد... ماعدنه شي احجي
فدك... يا بنت الناس هذا جان خطيبي بس قبل  6اشهر اكتشفت هوه متزوج وانفصلنه وما خلصانه منه يوميه جاي ومسوي سالفه قبل فتره اجه واطلاق نار ع بيتنه ماكو رجال بالبيت اجه اخوي وشافه وكبت الدنيا واخذوهم الشرطه واليوم هم جاي ع بيتنه وهم متعاركين ومن عرف اتزوجت كام يصرخ بالشارع
عهد... عززه هذا صدك ما يستحي
فدك... ربج خلصني منه
عهد... يي والله هم زين خلصتي
فدك... اوك حبي وين الحمام
عهد... ثاني باب ع ايدج اليمين
فدك... اوك طلعت فستان  طويل اخاف ما يقبلون تراكسود طلعت دكيت الباب ماكو احد دخلت وقفلت الباب اخذت شور بسرعه وطلعت شفت شاب واكف عبرته ومشيت للغرفه بسرعه نشفت شعري عهد كاعده تدرس رحت كعدت يمها ضوجه طلعت من الغرفه افتر بالبيت
اسد... خاله
فدك... هاا حبيبي
اسد... وين عمه عهد
فدك... كاعده تدرس
اسد... تعالي لعبي وياي
فدك... تعال
اسد... شنو نلعب
فدك... انته شنو تريد
اسد... ختيلان
فدك... لا عيب خاف الشيخ ما يقبل
اسد... عجل شنو
فدك... تعال اعلمك الاحرف علمود بالمدرسه تصير شاطر
اسد... اوك
فدك... رحت اخذت اوراق من عهد وكعدت اعلمه وهوه حلو بسرعه يحفظ
اسد... همزه ألف باء تاء فاء
فدك... لا مو فاء ثاء
اسد... هسه هنه نفس الشي 
فدك... لا مو نفس الشي ثاء تختلف عن الفاء
اسد... همزه الف باء تاء ثاء حاء جيم خاء
فدك... عفيه عليك هسه انته حفظتهن والك هديه
اسد... شنو
فدك... تحب الكاكاو
اسد... يي
فدك... تعال عندي كاكاو حلو اخذته انطيته وكعد ياكل
اسد... انتي حلووه
فدك... حبيبي انته احلا
عهد... شنو هاي كاعد تتغازلون
فدك... انتي شكو بينه
عهد... عجل بس يطلع ابو أسد اكله اسد زحف
فدك... هه يي كليله
اسد... خاله حلو هذا الكاكاو منين
فدك..  من بغداد تريد بعد
اسد... يي
فدك... روح افتح الجنطه واخذ
عهد... فدك حلوو اسد متقبلج
فدك... ليش هوه ما يتقبل احد
عهد... لا بس هوه ما يحب يختلط بالناس هواي دائما ويه ابوي بالديوان
فدك... ماعرف بس اني حبيته
عهد... تدرين اسد محد مهتم بتعليمه وهوه السنه اللي تجي يدخل مدرسه ومايعرف القلم شلون ينمسك
فدك... هسه اني اعلمه لا تخافين
عهد... ربي يحفظج ويهدي سرج
فدك... الهمم ضلينه نسولف شوي وكالو اجه الشيخ طلعت عقدلنه  لليل رحنه انحضر بالعشه كملنه واخذنه بالاستقبال علمود ياكلون اني ما اكل بليل ردت اروح للمطبخ
موسى... تعالي بويه اكلي
فدك... لا شيخ ما اكل بليل
موسى... مهما يكن تعالي اكلي
فدك... ان شاء الله كعدت يمهم اجه اسد كعد يمي
الحجيه... هاا يمه اسد شو اليوم مغير مكانك
اسد... ماما هاي صديقتي اريد اكل يمها اليوم
الحجيه... هاا ولج فدك شمسويه حته اجه يمج
فدك... كلشي ما مسويه
اسد... ماما سمعي فدك شنو علمتني
الحجيه... شنو
اسد... همزه الف باء تاء ثاء حاء جيم خاء
موسى... هاي شنو تعلمك الاحرف
اسد... يي علمود اصير شاطر مثل بابا
موسى... عفيه عليج بنيتي علمي ع الاحرف والكتابه
فدك... ان شاء الله شيخ
عهد... بابا تعرف احنه ناسين اسد السنه الجايه مدرسه وهوه كلشي مايعرف
موسى... يي والله ناسين يلا هسه ايضل يتعلم وانتي بويه فدك حاولي وياه وعلمي
فدك... ان شاء الله
الحجيه... يمه ماتاكلين
فدك... والله ما اكل بليل لو ردت اكل اكل توست او نساتل ما اكل هيج
عهد... يمه جماعه الدايت
فدك... لا والله لا  دايت ولا بطيخ بس اني هذا طبعي
الحجيه... اكلي يمه تره جسمج خربان خربان باجر عكبه عندج حمل ولاده خرب جسمج وتكورشين
فدك