حبيت الوزير

اللقاء

كعدت مثل كل يوم الساعة ٦ ونص سبحت وما تريكت لانو هيه هيج دائما سبحت وبدلت عسكري ولبست هذا

خذت تكسي ووصلت للجامعة .
في الجامعة عند الباب:
عذراء :صباح الخير سوسو
سجون: هله عذيره صباحج نور
عذراء وهيه تمشي ويه سجون باتجاه القسم: اكلج سجون سمعتي بالخبر؟
سجون: يا خبر؟
عذراء : وج عماد رحيم الجان جوارينه وجنت احجيله عنه وعن جماله صاير وزير داخلية
سجون: لج يا سماد هذا
عذراء: سماد السمدج وج اخو شيرين شبيج انتي ثوله.
سجون: هاااا ابو خيسة الشايف روحه شوفه
عذراء: وانتي وين شايفته
سجون : يله خندخل للقسم وخلي يولي

وصل الاستاذ وبدت المحاضرة . سجون وعذراء يتبسبسن بيناتهن.
عذراء: سجون سجون اليوم الاستاذ الله يستر منه اضن مرته كاتلته.
سجون: هههههاي دنجبي انجبي لا يسمعج
الاستاذ: هذا منو الديحجي هدوء بابا هدوووء .
سجون:استاذ انه الاحجي عندك مانع(كالتهه بتحدي)
عذراء(بهمس): سجون عزه العزاج اسكتي ولج
الاستاذ :سجون انتي كاعده ببيت الخلفوج😡😠
سجون:لا استاذ ابيت خالتي
وانفجر القسم كله يضحك 😂😂😂😂😋
الاستاذ:بسس يله اسكتو وانتي طلعي بره يله😡
عذراء بسخرية: طيييط اطلع صاحبتي بره اكول استاااذ اذا مرتك كاتلتك عليش اذب حركتك بينه
او من جديد انفجر القسم بالضحك😂😂😂
الاستاذ بغضب: اسكتو كاافي وانتن ثنيجن برره
ديطلعن او صاحلهن كلهن: لحظه لحظه انوب صاح المراقب :امجد
امجد : نعم استاذ
الاستاذ : وديهن الغرفة العميد خليتادبن
وداهم امجد للعميد وكله هيج وهيج ايكول استاذ يوسف
العميد بغضب: سجوووون انتي هنا بكلية مو بروضة كل يوم معاركة واحد لو مسوية ضجة بالقسم
سجون : استاذ والله المدرس بعدهي ممكمله قاطعهه العميد :انجبي ولا تحجين انوب عذرها اقبح من ذنبها
عذراء: استاذ اني مو قليلة شر ليش دائما سجون هيه الي تتحاسب واني لا
العميد بنفاذ صبر: وانتي همينه تردين ارزلج
عذراء بفخر :طبعا استاذ
العميد : طيح الله حظج يله طلعن بره
ومر الوقت وكلمن راح البيته
الساعة ١ ظهرا
في بيت عماد
عماد : اكول يابة
رحيم : كول ابني
عماد:يابه اذا ردت اتزوج محتمانع
رحيم: لا يابة ليش
عماد : يابة اني اريد اتزوج سعاد بس مو زوجتي احبهه واحترمهه لا اريد ارضي بيهه رغبتي لا اكثر بس اني مراح ااذيهه ولا امنعهه من حقهه.
رحيم: ابني سعاد بنت صديقي العزيز وما اريدك تاذيهه اذا تزوجتهه لانو ابوهه صديقي المقرب واذا موافق على الي كتلكياه فبراحتك كل لامك ومن عين باجر اخطبهه الك
عماد:اوك يابة
اجت ام عماد وجابت الاكل او صاحت عماد او رحيم او شيرين او كملو غده او كعدو يشربون جاي ففتح عماد موضوع زواجه
عماد : يوم اني اريد ازوج سعاد
افياء: يا سعاد بعد امك
رحيم: بنت صديقي احمد بس يكول ايشبع بيهه رغبته بس ميظلمهه
افياء:هاااا بنت احمد اعرفهه بس يوم انته لازم تلكه وحده تحبك او تحبهه يعني انته عايش ويه بنيه طول عمرك لحته ترضي بيهه رغبتك يوم اروحلك فدوة اني اريد راحتك وانته بعد بكيفك
عماد: لا يوم هاي هيه باجر نخطبهه
شيرن طول الوكت ساكته وهيه متحب سعاد او على عداوه وياهه فانفجرت بوجه عماد تكول بصياح :عمااااااد لو اني لو هيه بالبيت او ما تزوجهه لو اعرف انتحر او ما تزوجهه نسيت من رادت تسممني جي جنت رافضة زواجك منهه من جنه بعدنه ندرس او لو ما صديقتي الغالية سجون هيه او عذراء يتلاحكلي ويكشفنهه جان اني هسه ميته عماد
عماد: ازوجهه او غصبا عليج
رحيم بنفاذ صبر :كااافي اني كاعد وهيج تتعاركون لعد اذا ماكو شتسوون.
شيرين بعدهي تصيح او تكول ما تزوجهه وابوهه يكلهه كافي وامهه تهدئ بيهه او قاطعم عماد بصياحه
: اتزوجهه اتزوجهه غصبن على الي يقبل والي ما يقبل .
سكت الكل وكلمن راح الغرفته وكلهم نامو اله شيرين خابرت سجون او هيه تبجي : الو سجون شونج اهئ اهئ اهئ
سجون :توهه كاعده من النوم وسمعت صوت تلفونهه وردت : هااا وج شونج نسيتينه شو ماكو شبيج تبجين ولج بس كليلي منو مبجيج اله ادفنه
شيرين ابجي واحجي عماد مبجيني
سجون: خيولي ابو خشم شبي
شيرين: وج ايريد يزوج هاي الكللللبة سعاد بس ايكول يشبع بيهه رغبته
سجون :وج هاي الارنب المخادع ما تعوفنه بحالنه اني اجي البيتكم باجر واكعد وية امج اقنعهه ما توافق وتكل لابوج ميوافق ماشي
شيرين: اوك حبي
سجون: يلا باي وبعد لا تبجين متسوه هاي الحاوية تبجين عليهه.

في بيت عذراء

الام : عذرااااء عذراء وينج مامه
عذراء: ها مامه جيتج شرايده
الام: اكلج مامه اني احب سجون هواي وهيه مدام ما عدهه بيت او ساكنه بخرابة خل تجي يمنه تكعد وابوج ميكول شي لا هو ولا اخوج
عذراء: مامه بدون متكليلي كتلهه حتلو متقبلين هاي صاحبتي الروح بالروح بس متقبل تكول اني ما احب اصير عاله عليكم كتلهه شنو عاله علينه حبي انتي صديقتي لا واختي بعد عادي تعال يمنه ما قبلت وتعرفيهه يوم عنيدة فبعد ما فتحت وياهه الموضوع
الام : لعد مامه بكيفهه، يله راح يجهز العشه صيحي اخوج ياسر
ومر اليوم كباقي الايام

في يوم من الايام كالو راح يجي وزير الداخلية وياة مجموعة ضباط يشوفون طلاب الكليات العسكرية .

بجامعة سجون
الاستاذ : بابه انتبهولي زين حيجي وزييير الداخلية او شخصيات مهمه وضباط يختبرون قدراتكم ويشوفوكم او يتفقدون احوالكم فاني من هسه انطي انذار لكل واحد يتصرف تصرف مو زين انوب وجه نضراته على سجون او عذراء او كال او تصرف شاذ ومستهتر
فكامت عذراء دتساله: استاذ ممكن سؤال
الاستاذ 😒:هااا شترديين
عذراء: على كيفك استاذ دتحجي لو تعارك
الاستاذ: هذا التصرف الحجيت عنه احجي عدل ولج
عذراء: المهم استاذ بس حبيت اعرف شنو عقوبة اليطاول على الوزير
الاستاذ: فصل اسبوع كامل
كامت سجون: استاذ ممكن سؤال
الاستاذ 😒: ها انتي الوخ شتردين
سجون: استاذ اذا اطاولنه انه وعذراء على الوزير شون تفصلونة اسبوع والاسبوع الجاي عطله والوراه احنه مجازاة عدنه عرس يومين وعملية خمسة ايام
الاستاذ بسخرية : بسييطة ورة اسبوعين افصلجن اسبوع.
كال واحد من الطلاب: استاذ ورة اسبوعين امتحانات بعد
الاستاذ بغضب: يله بس الكل يسكت وخلنبدي الدرس

《شضنون شراح ايصير بين سجون وعماد وهل سعاد حتكون موجودة تابعو واعرفو》