حبيت الوزير

انتقمت منه

سجون: رحنه لبيت شيرين ولمن وصلنه دكيناه وفتحلنه ابوهه الباب
رحيم: اهلا بناتي شونكم شلونج سجون شونج عذيره
سجون وعذراء: الحمد لله عمو
عذراء: عمو شيرين هنا
رحيم : اي عمو تفضلو
سجون: دخلنه و صاح ابو شيرين عليهه كلهه سجون وعذراء جاياتج او نسمعلك صوت ام شيرين(افياء)
افياء: يا هلة بسوسو او عذراء شونكم خاله ولا تبينون خو انتو لو ما شيرين بعد حته ما تعرفونه
سجون: صدك جذب خاله احنه نحبكم ونتمنه نزوركم بس تعرفين بعد جامعة او دراسة والاستاذ ما يعرف يشرح
ملاحظه (هذا الحجي همه واكفين بالمطبخ)
رحيم بضحك : سجووون الاستاذ ما يشرح لو انتي ما تنتبهين .
نزلت بهالاثناء شيرين اجت حضنت سجون حيل وتكول: افييش يا ريحة هلي
انوب حضنت عذراء انوب كالت: ها شونكم بنات اكلكم شو تضحكون ضحكوني وياكم
افياء: سجون تكول الاستاذ ميشرح زين وابوج كللهه هوه ميشرح لو انتي ما تتنتبهين
عذراء: اي صدك ما يشرح زين
سجون: اي والله
شيرين : انجبي سجينة انتي وعذيرة عاساس ما ندري انتن شنو من مصيبة
رحيم: اي ويابة انتي هم ما مقصره
ضحكو او طبو للصالة يسولفون وره ثلث ساعة راحت افياء تصب الغده لانو موعد جية عماد او رحيم راح يتفرج على الاخبار بالتلفزيون الي بغرفته وكعدن البنات بالصالة
شيرين : او هسه شلون سجون
عذراء كامت وجرت سجون تكومهه:يله سجون كومي وانتي هم شيرين تعالو نحاجي خالة بالمطبخ
بلكي نقنعهه
سجون+شيرين:يله
افياء : ها بنات تردون شي
شجون: خاله انتي والله حبابه
افياء: حبيبتي اشكرج
عذراء :اي واله خالة
افياء: تسلمين
سجون : اكلج خاله صدك راح تزوجون عماد بسعاد
افياء: اوووف والله يا بنتي اني ما اريد ابني يتزوج اله وحدة عسكرية بس شسوي هوه يتحاجه
شيرين: اي يوم يتحاجه بس انتو مدللينه او محد يوكف بوجهه
دخل رحيم وكال: اني هم ما قابل على زواجه هذه او راح اقاطعة احسن او هيه سعاد من النوعية الي يتنرفز منهه عماد فالافضل احاجي بس يجي .
افياء: يله اني احضر السفرة
شيرين + عذراء: خاله حنساعدج
سجون ضلت بالصالة ويه رحيم
سجون: عمو ممكن تكل الابنك انو بعد ميمد ايده عليه
رحيم: شنوووو مد ايده عليج غير اطيح حضه شوكت هاي😡
سجون: عمو هيج وهيج السالفه وحجيتله كلشي
رحيم : يا بنتي اثنينكم غلطانين

ورة مده اجه عماد دخل وشاف سجون (هاي شعدهه هنا )[بكلبه]
عماد:السلام عليكم
رحيم: وعليكم السلام ورحمة الله وبركاته شونك يابة
عماد: الحمد لله
هذا الحجي سجون حاطه رجل على رجل او تعلج او دايرة وجهه من عماد بس بداخلهه تكول( اووووف شهالجمال وك والله عذبتني يا عماد انوب يا حلات مشيته ويا حلاته بالعسكري)
عماد: شنو الانس راد يكول شنو الانسه متسلم بس قاطعته امه
افياء: هله يوم شونك حبيبي
عماد : الحمد لله نبع الحنان
افياء: يله يله الكل يجي يتغده
كامو كلهم وكعدو على السفره وكال عماد : يابه اني رعد ما اتزوج سعاد
افياء : فرحت من كل كلبي وكتلة: اي يوم احسنلك
رحيم: بكيفك يابه على راحتك ماكو شي غصب .
رعد :  يابه ختولي رس تتموع ورقيقة و من هاي السوالف .
سجون : هو انته بالاصل تدري بيهه هيج لعد ليش هسه يله رفضت
عماد باوعلهه هيج😏 ورفع حاجب او كللهه : اي انسه سجون صحيح بس اني جنت اريد اتسله بيهه انوب كلت لا شمورطني اطلكهه انوب وتصير مشاكل ختولي زباله
عذراء: شنووو عيني شعبالك كل بنية لعبة تلعب بيهه او تذبهه بعدين
سجون: حضرت الوزير مو كل البنات ثولات وينطنك رواحهن لا انته مخطئ او دمعت عيني او كلت : ليش هيجي ليش يعني بس الولد مكرم والبنت مذللة
عماد ورفع حواجبه: البنية ماكو فرق بينهه وبين الرجل لو كانت مثلج او مثل عذراء او حتلو مثل شيرين او امي لكن لا فالاكثرية يتموعن ومدري شنو او بعدين سجون اريد اسئلج سؤال
سجون : جواب
عماد : ليش دائما لازم الولد هوه اليضحي ليش ما تضحي البنية همين ليش دائما السلطة للرجل ليش مو للبنية
سجون : واني ابجي كتله وكمت اصيح ودفعت الماعون كتله منو كلك اني اريد الرجل اله سلطة علية هاااا منو كلك اني محد اله سلطه عليه الي خلقني وامي وابوي الي تركوني وراحو وبعدين اني اتمنى اضحي بنفسي او تركت الاكل او كمت او جريت عذراء او كتلهه يله كومي خلنروح يلللة
عذراء: اي اي على كيفج
شيرين: لا وين شعدكم
طلعن بدون ان يكولن كلمه وافياء ظلت تحجي على عماد او عماد ممهتم