البيت المسحور

البيت المسحور البارت الثالث والأخير

#بقلم_Shahd_Amer
،،،،،،،،،،،،،،،،،،،،،،،،،،،
اسماء:نزلت من الدرج وضليت اسمع الصوت جان جاي من الحمام فتحت باب الحمام وانصدمت صدمه مو طبيعيه شفت شي بشع كدامي شفت جنيه بشعه بشعه معلكه بحبل مثل الواحد الي يعدموه ودمها جاي يجري بس عايشه وتأشر عليه ركزت بوجهه جان كلش بشع عيونها كلهم بياض وحلكها جبير ومفطر وخشمها طويل ووجها ابيض جامد والشعر مشيب وشلون المحترك ورجليها رجلين معز جمدت بمكاني اريد اصرخ ما اكدر باوعت للكاع صارت تراب وطلعت منها ايد بيضه جامده وكلها شعر والاضافر طويلات طلعت الايد ولزمت رجلي اريد اصرخ ماكدر بس دخلت بحالة صدمه-ضلت اسماء:ضلت الايد تجرح برجليه واني اريد اصرخ حسيت موس واكف ببلعومي لشوي اختفى كلشي من كدامي ردت اصرخ ماكدر صوتي راح شكد حاولت احجي ماكدرت صعدت فوك ركض ونمت واني ارجف من الخوف ماحسيت غير للصبح ع صوت اسراء
اسراء:كومي اسماء شبيج
اسماء:كمت اريد احجي ماكدر صوتي رايح اشرتلها بمعنى ماكدر احجي
اسراء:صخام الصخمني شنو اخرسيتي شبيج اسماء
اسماء:حاولت انطق ولو حرف واحد ماكدرت
اسراء:نزلت ركض ع ماما جانت بالمطبخ
سميره:شبيج يخايبه شكو
اسراء:ماما لحكي اسماء مجاي تكدر تحجي
سميره:اصخام الصخمني شبيها البنيه
اسراء:ركضنا فوك اني وامي ودخلنا للغرفه شفنا اسماء تبجي وتملخ بروحها
اسماء:ضليت ابجي واملخ بروحي عالمنضر البشع الي شفته
سميره:شبيج اسماء فدوه يوم حاولي تحجين
اسماء:حاولت احجي ماكدرت حتى نفسي راح من المحاوله
سميره:اهدي يوم هسه اخابر الابوج يجي ياخذنا للدكتور
اسماء:راحت امي تخابر ابويه باوعت للزاويه مال غرفه شفت جنيه صغيره كاعده جان ينزل دم من حلكها وتباوع عليه قشعر بدني من المنضر اشرت الاسراء
اسراء:شكو شبيج
اسماء:اشرتلها ع الزاويه مال غرفه
اسراء:باوعت للمكان الي اشرتلي بي اسماء ماشفت شي سترك ربي شجاي تشوف-اسماء ماكو شي حبيبتي
اسماء:اتخبلت من اسراء كالت ماكو شي اني الجنيه دا اشوفها بعيني ودمها ترس الغرفه شوي وشفتها اختفت من اجت ماما
سميره:يله كومي اسراء نلبس اختج وناخذها للدكتور ابوج جاي
اسماء:لبسوني ماما واسراء واجه بابا نزلت باوعت للحمام كلشي رجع طبيعي الكاع ماضلت تراب وماكو لا مره معدومه ولا اي شي
سميره:يله امشي يمه
علي:شبيج باباتي شنو صارلج
سميره:خاب علي البنيه ماتكدر تحجي-اسراء ديري بالج ع حسن وهيثم اني رايحه للدكتور
اسراء:انرعبت من امي خلتني وحدي بالبيت وراحت ضليت واكفه اباوع للبيت رحت حضنت حسن وكعدت بالحديقه
اسماء:طلعنا للدكتور اني وماما وبابا وصلنا ودخلونه للدكتور
الدكتور:اتفضلو كعدو
اسماء:كعدنا وبدا بابا يحجي وياه
علي:دكتور بنتي بعد ماتكدر تحجي مدري ليش البارحه ماجان بيها شي كعدت الصبح ماتكدر تحجي
الدكتور:اهدأ هسه افحصها واشوف شنو السبب
اسماء:فحصني الدكتور وكمل كال-
الدكتور:اخي بنتك مابيها اي شي مجرد متعرضه لصدمه قويه خلتها تفقد النطق
سميره:صخاااام الصخمني يعني بنتي اخرست
الدكتور:اهدأي حجيه بنتج ماخرست هسه انطيكم هاي الحبوب اشتروها من الصيدليه وان شاء الله ترجع تحجي بس لاتضغطون عليها انتو
علي:دكتور يعني بنتي بيها امل ترجع تحجي
الدكتور:اكيد اي
علي:بارك الله بيك دكتور اشكرك
اسماء:من بعد ماطلعو اهلي من البيت رحت اني وحسن للحديقه كعدت بالمرجوحه جاي الاعب حسن شفت جني صغير راكب ع بايسكل قشعر بدني من شكله يمكن جان يخوف اكثر من الجني الجبير جان شكله نصه عضم ونصه الثاني كله مفطر ودم وعينه طالعه والسنون طويلات والدم تارسهم والرجلين جانو عضم ضل يباوع عليه واني بحالة صدمه قويه اخذت حسن وصعدت فوك لغرفة هيثم ركض حتى هو فز
هيثم:شبيج يخايبه هو هيج اليفتح الباب شكو
اسراء: ه ه هييثم شفت جني صغير بالحديقه
هيثم:اعوذ بالله لا عفيه لاتخوفيني وينه
اسراء:تعال اكعد لحد مايرجعون لازم اليوم نكول البابا ونحجيله ع كلشي
اسماء:اشترينا الادويه ورجعنا للبيت بصراحه جنت حيل مرتاحه برا وماردت ارجع للبيت جنت حيل مختنكه من الوضع وجنت مقرره اكول البابا ع كلشي بس اخرسيت وماكدرت احجي-رجعنا للبيت دخلنا شفناه هدوء صعدت فوك لغرفتي ماكو احد رحت لغرفة هيثم شفته كاعدين هو واسراء ويرجفون-اشرتلهم بمعنى شبيكم كامو طفرو لحضني
اسراء:ووج شفنا جني ثاني اسماء بعد ماكدر اسكت اني لازم احجي البابا كلشي مايصير نضل ساكتين والرعب بالبيت تارس كلبنا
اسماء:اشرتلها بمعنى اي احجيله
اسراء:يله لعد تعاي نحجيله
اسماء:نزلنا اني واسراء وهيثم وحسن بايدي ورحنا لبابا
علي:خيركم حبايبي محتاجين شي
اسراء:بابا خلاص بعد مانكدر نتحمل لازم نسولفلك كلشي صار
علي:ياستار شصار سولفي باباتي اسمعج
اسراء:سولفت كلشي البابا
علي:ياستار معقوله جاي تشوفون الجن بعينكم
هيثم:اي بابا ذاك اليوم شفته يكمز فوك راسي بابا فدوه هذا مو خوش بيت خلينا نطلع منه الله يخليك الجن خلو بينا حالة رعب
علي:اهدأ بابا ولاتحجون اي حرف كدام امكم لان بعدها نفسه لاتروح يصيرلها شي مو زين بس ان شاء الله اني افكر بحل انتو اقرو قرأن واتعذو من الشيطان الرجيم واني اشوفلنا حل
سميره:ها شتسولفون
علي:لا حبيبتي ماكو شي جانو يوصوني ع غراض من برا
سميره:اي خطيه جيبلهم الي يحتاجونه
علي:شي اكيد اجيبلهم شعندي غيرهم حبايب كلبي غير اموت عليهم
اسماء:لاحضت ع بابا بانت ملامح خوفه علينا بس ماكدر يحجي شي كدام امي يخاف عليها لان توها جايبه
سميره:يله يابنات كومو نكمل شغل البيت
اسماء:كمنا نضفنا البيت ومر اليوم طبيعي صار الليل واجه الرعب صعدنا فوك لغرفتنا
اسراء:يله راح انام اني نامي انتي هم
اسماء:نمت وحلمت احنا بوسط غابه مضلمه والذيابه تارسه المكان باوعت للذيابه ع الغفله اتحولو جن كل جني جان شكله يختلف عن الثاني حيل جانو بشعين اجو كلهم هجمو عليه وفزيت
اسراء:جنت نايمه حسيت ع اسماء فزت بوجه الفجر تقريبا-خير حبيبتي اسماء شكو شبيج
اسماء:اشرتلها ع المي بمعنى انطيني
اسراء:هاج حبيبتي شربي
اسماء:قربت المي الحلكي ردت اشرب شفت وجه جنيه بي درت راسي شفت راسها يم راسي وفاتحه حلكها وجهي صار قريب ع وجهه كمت ع السريع وفقدت الوعي ماحسيت ع شي بعد
اسراء:كامت اسماء ركض وفقدت الوعي اتخبلت ياربي سترك شصار بيها نزلت ركض ع امي وابوي
علي:فزيت ع صوت الباب اسراء دخلت-شكو بابا اسراء شبيج شصاير
اسراء:بابا الحك اسماء فقدت الوعي
سميره:صخام الصخمني راحت بنتي
اسراء:ركضنا فوك اني وبابا وماما وانصدمنا بالمنضر الكدامنا شفنا اسماء كاعده بالزاويه وشكلها مرعب اضافرها صارن طويلات وشعرها صار كفش ووجها صار جامد وعيونها بس بياض وحلكها مفتوح
علي:انصدمت من منضر بنتي يا الله اني شسويت بعائلتي  ركضت عليها راحت طفرت ع الجربايه
اسراء:ضليت بس حاضنه ماما وخايفه من منضر اختي الكدامي
سميره:وووج يوم اسماء اسمعيني اني امج احجي
اسراء:نريدها تحجي مانسمع غير صوتها تغير صار مثل صوت الجن وتضحك بصوت عالي
علي:سترك ربي البنيه انلبست جني تعالو نطلع ونقفل الباب عليها بسرعه
سميره:وووك شلون اعوف بنتيي
علي:ولج بس تعاي هسه جوا نتفاهم راح تأذينا شوفي الجن الي لابسها
اسراء:طلعنا ركض من الغرفه وقفلنا الباب وماسمعنا غير بس صراخ جن بالغرفه جانت اسماء تصرخ بصوت جني
علي:ركضت لغرفة هيثم وعباس كعدتهم
عباس:شكو بابا شبيك شنو هذا الصوت
علي:ووولك كل هالشي صار وحضرتك نايم امشي ننزل يله هيثم
اسراء:نزلنا اني وبابا وهيثم وعباس وماما ركضنا لغرفة ماما جبنا حسن وطلعنا للصاله وصوت الصراخ مال اسماء ترس البيت جانت تصرخ بصوت جني الصوت جااان بششع
سميره:سترك يارب شنسوي هسه علي
علي:بس امشو نطلع للشارع نضل برا مانكدر نكعد بالبيت البنيه ع غفله وتفتح الباب تهجم علينا
سميره:مستحيل اعوف بنتيي
علي:يابنتج بنتج صااارت جنيي يله بسرعه تعالو نطلع صراخها كام يزيد وصارت تضرب ع الباب
اسراء:سمعنا صوت اسماء فوك تصرخ بصوت جني وتضرب ع الباب قوي-ركضنا للشارع طلعنا وقفلنا باب البيت ضلينا واكفين برا لشوي وانفتحت البرده مال غرفتنا اني واسماء
علي:ياستار شوووووفو المنضرررر
اسراء:باوعنا للشباك مال غرفه شفنا البرده انفتحت واسماء او الجنيه صارت مو اسماء شكلها كله صار عباره عن شيء كلش بشع جان وجهه وجه جن جانت واكفه وتضرب بالشباك وتباوع علينا وتصرخ
علي:سترك ربي شسوي هسه حتى شيخ ماكو بعدنا هسه يله راح تطلع الشمس
عباس:يابه كله منك انت السبب البيت من البدايه ماردناه شكو جبتنا عليه هاا ارتاحيت هسه راح تخسر اسماء ارتااااحيت
علي:لا لا مستحيل اخسر اسماء ولكم هاي قطعه من روحي شلون هيج صار وياها
اسراء:كعد بابا بالكاع ويبجي منضره كسر كلبي حتى اني ماجنت متوقعه اسماء يصير بيها هيج
سميره:وولكم رااحت بنتي راااح اخسررها شسووي هسه
علي:ماتموت مايصيرلها شييييي اسكتيييي
اسراء:بابا فدوه اهدء مايصيرلها شي اكيد
علي:تعالو نكعد بالسياره بس تطلع الشمس زين نروح للشيخ نجيبه للبيت
اسراء:كعدنا بالسياره واني اخاف التفت اخاف من منضر اختي اختيي الي جنا ننام ع سرير واحد اني وياها اختي الي جانت مثلي تخاف من الجن معقوله كدر الجن يتغلب عليها ويسوي هيج بيها دخيلك ياربي استرها ويانا
سميره:ليش محد بينا شاف الجن غيرها
اسراء:لا يوم اني وياها وهيثم شفنا الجن
سميره:شنووو سترك يااارب وليش ماكلتولي
اسراء:خفنا عليج لان نفسه يمه هستوج جايبه شلون تريدينا نسولفلج ع الجن
سميره:ووولكن الله ياخذني وووولكم طززز بيه رااحت بنتي شنو الفايده من عيشتيييي
اسراء:ضلت امي تصرخ وتملخ بروحها حضنتها-يمه اهدي اهدي ماكو شي اسماء راح ترجعلنا بخير بس اهدي وادعيلها
سميره: ان شاء الله يارب
اسراء:ضلينا كاعدين بالسياره لحد الساعه 7 الصبح طلعت الشمس زين
علي:يله طلعت الشمس خل نروح للشيخ
اسراء:التفت لشباك الغرفه شفت اسماء بعدها واكفه وتباوع علينا جان منضرها مخيف بس ماتصرخ-رحنا لمنطقه وكعد ابوي يسأل رجال عن عنوان بيت الشيخ
علي:بلا زحمه عليك اخي نريد بيت شيخ هنا
الرجال:اي اخويه عنوان البيت بمنطقة ال(....) ع ايدك اليسره تدخل بفرع ع ايدك اليسره تشوف بيته صاير اخير بيت بالركن
علي:ممنون منك اخويه جزاك الله خير
الرجال:تدلل اخي
اسراء:اخذنا بابا ورحنا للمكان الي وصفه النا الرجال وصلنا للبيت
علي:يله هذا بيت الشيخ تعالو
اسراء:نزلنا ودك بابا الباب شوي يله انفتح وطلعلنا الشيخ
علي:السلام عليكم حضرتك الشيخ محمد
الشيخ:نعم اخي تفضل ادخل
علي:تعالو يله
اسراء:دخلنا لبيت الشيخ وكعدنا بالاستقبال
الشيخ:تفضل اخي احجيلي مشكلتك
علي:شيخ بنتي دخل بيها جني دخيلك الحكها
الشيخ:اخذني للبيت راح اجيب القران انتضر هنا
علي:ماشي شيخ
اسراء:راح الشيخ جاب القران وطلعنا صعدنا بالسياره ومشينا للبيت شوي يله وصلنا ونزلنا كلنا
علي:شيخ قافلين البواب مالت البيت خاف نفتحهم ويصير شي
الشيخ:لاتخاف مايصير شي ويانا قران راح ابدي ارتل من ندخل للبيت
علي:ماشي شيخ-سميره اخذي حسن وروحي للسياره واسراء وهيثم هم روحو
اسراء:ما اروح بابا اختي بحاجتي اكيد
علي:بنتي لاتعاندين دخيل الله مابينا حيل
اسراء:رفضت رفض تام انو اكعد بالسياره جنت اردد بداخلي اختي محتاجتني اكيد فتحنا الباب ودخلنا اني والشيخ وعباس وبابا اول مادخلنا للبيت هدوء هو الشيخ بدأ يرتل قران بدا الصراخ مال اسماء من فوك جان صراح جني وصار ابشع من البارحه
علي:شيخ شلون هسه
اسراء:اشر الشيخ البابا بمعنى اصعد وبقى يرتل بالقران واسماء تصرخ فتح الباب بابا شفنا اسماء كاعده بالزاويه وتصرخ الشيخ كطع قرائة القران وكال
الشيخ:روحو الزموها واربطوها
اسراء:نزلت ركض جبت حبل وانطيته البابا وعباس جانو لازمين اسماء الي هي عباره عن جنيه وترافس جوا ايدهم وتصرخ-انطيتهم الحبل وربطوها
علي:يله شيخ ابدأ بترتيل القران
اسراء:بدا الشيخ يرتل قران واسماء تصرخ بصوت جن وروحها تريد تطلع للسما ضلت ترافس وتصرخ وتفتح حلكها جان شكلها بشع خلى بدني يقشعر ضل بحدود النص ساعه الشيخ يرتل قران اخر شي اسماء كامت تصرخ بصوت جن عاالي وصارت ترافس وترفع نفسها ليفوك شوي وهدئت ووكعت بالكاع
علي:شيخ فدوه شصار ببنتي احجي
الشيخ:بنتك طلع الجن منها اعوذ بالله جانت لابستها جنية كلش خطره همزين بقت عايشه
علي:اعوذ بالله زين شيخ ليش هيج محد مرتاح بالبيت
الشيخ:هذا البيت اشتريته جديد مو
علي:نعم شيخ
الشيخ:اخي البيت مسحور بالسحر الاسود
اسراء:فتحت حلكي بصدمه شنو سحر اسود
علي:اعوذ بالله شنو سحر اسود شيخ
الشيخ:البيت جانت كاعده بي مره سحاره وجانت تدفن سحر اسود جوا البيت وجددت العمل اكثر من مره وصار البيت مسكون بالجن والعياذ بالله
علي:اعوذ بالله من الشيطان الرجيم وشلون هسه شنسوي
الشيخ:امشي وياي نطلع السحر من جوا البيت لان عرفت مكانه وين مدفون
علي:امشي شيخ
اسراء:رحت ع ماما كلتلها تصعد ع اسماء فوك لان جانت فاقده الوعي ورحت اني ويا الشيخ وبابا اخذنا بطرف البيت وبدا عباس يحفر المكان الي دلاه عليها الشيخ
الشيخ:ابني احفر هنا بعد
اسراء:ضل عباس يحفر لحد ماطلعت اشياء سوده
الشيخ:هذا السحر الاسود اخي
اسراء:ضل الشيخ يطلع بالسحر جان عباره عن شغلات غريبه ماكدرت اعرف شي منها غير الشعر والباقي ماعرفت اي شي منه
الشيخ:بعد اكو باطراف البيت
اسراء:راحو هما يطلعون باقي السحر واني صعدت فوك شفت امي مخليه اسماء ع الجربايه ضلينا نفرك بايدها شوي يله صحت
اسماء:من بعد ما التفت شفت الجنيه لازكه وجهها بوجهي  حسيت كلبي راد يوكف ركضت للكاع ووكعت ماحسيت ع شي بعد صحيت هسه شفت ماما واسراء فوك راسي
سميره:يمه بنيتي فدوه رحتلج وج يوم ربي يبعد عنج كل شر
اسراء:حضنت اسماء وضليت ابجي طبعا شكلها رجع طبيعي-وج خفتتت عليج اسماء
اسماء:ل ل لاتخافين حبيبتي
اسراء:وووج حجيتي رجع صوتج
سميره:وج اي يوم رجع صوتج اسماء
اسماء:طار كلبي من الفرحه من رجع صوتي ضليت ابجي-يوم شنو صار وياي
سميره:دخلت بيج جنيه ماما
اسماء:وكف كلبي من الخبر معقوله الجنيه الشفتها دخلت بيه اعوذ بالله من الشيطان الرجيم
اسراء:ضلينا يم اسماء لشوي وسمعنا صوت الشيخ وابوي جوا كمنا اني واسماء وماما نزلنا شفنا الشيخ واكف يرتل قرأن بصوت كلش عالي
اسماء:نزلت شفت شيخ واكف يمكن هذا نفسه الي طلع الجنيه مني بدأ يرتل قرأن وصار شي مرعب غراض البيت والشبابيك ضلت تتكسر والبواب مال غرفة تنفتح وتنضرب قوي بدأ الشيخ يعلي صوته بترتيل القران والتكسير والضرب بدا يزيد اكثر واكثر لشوي خف الصوت واختفى كلش ورجع الوضع طبيعي
علي:ها شيخ بشر شصار وياك
الشيخ:خلاص اخي ابطلت السحر والجن طلعو من البيت يعني البيت صار امان تكدرون تسكنون براحتكم
علي:لا والله مستحيل بعد نكعد هنا لو دقيقه وحده اني اخاف ع عائلتي الحمدلله عدت ع خير ومحد منهم اتأذى
الشيخ:براحتك اخي شي يرجعلك
علي:اشكرك شيخ والله ماقصرت الله يحفضك
الشيخ:لا هذا واجبي
علي:يله شيخ خلي اوصلك للبيت-سميره لمو الغراض كلها اليوم نطلع من هذا البيت هسه رايح اشوف بيت
اسماء:راح بابا وبدينا احنا نلم بالغراض للضهر كملنا كلشي لان مو هواي غراض عدنا رجع بابا كال
علي:يله لكيت بيت فارغ اجرته بس نبيع هذا ونشتري واحد غيره هسه نكعد بالبيت الي اجرته مؤقتا
اسماء:بابا خو ما هم منطقه مهجوره
علي:لا بابا منطقه سكنيه ساكنين بيها عالم وحيل طيبه يله جيبو الغراض وطلعو اني حتى السياره جبتها تنقل الغراض
اسماء:اخذنا اغراضنا وطلعنا باوعت للبيت واتذكرت كلشي بشع صار ويانا طلعنا بالسياره ورحنا البيتنا الجديد عشنا كلش مرتاحين بي ونسينا كل الرعب الي صار بهذاك البيت المسحور
#النهاية
حبايب انطوني رأيكم بالقصه عجبتكم لو لا لان رأيكم حيل يهمني😘 انتضروني بعد العيد بقصه كلش مشوقه مو رعب قصه رومانسيه وحزينه مشاعر مختلطه بين الضلم والحقد والحب انتضروني بعد  العيد دمتم في امان الله😘
‏#Shahd_Amer