#بقلم_Shahd_Amer
،،،،،،،،،،،،،،،،،،،،،،،،،،،،،
اسماء:نمنا اني واسراء وكعدنا بالليل ع صوت امي جانت تصرخ بصوت كلش عالي
سميره:لحكوووولي
اسراء:ووولج شبيها ااامي
اسماء:نزلنا ركض اني واسراء من فوك شفنا امي امدده وتصرخ وابوي واكف فوك راسها محتار شيسوي-بابا فدوه شبيها ماما
اسراء:بابا شكو امي شبيها عفيه كول
علي:ولكم جاي تولد صعدو جيبو عبايتها خل اخذها للمستشفى
اسماء:ركضت فوك جبت عباية امي ونزلت لبستها
سميره:وووولكم حموووت يله اخذووني للمستشفى بسرعه علييي يلللله اخخخخ بطني
عباس:يله يابه جاي وياك
علي:يله امشي
اسماء:اخذو امي للمستشفى وكعدت بالكاع ابجي يااارب دخيلك كومها بالسلامه
اسراء:لتبجين حبيبتي ربي يكومها النا بالسلامه
اسماء:كاعدين اني واسراء نبجي ع امي ونزل هيثم ركض من فوك ويلتفت ليورا كمت ركضت عليه-شكو هيثم شبيك حبيبي
هيثم:ا ا ا شفته والله ج ج ج جان واكف فوك راسي
اسراء:اعوذ بالله من الشيطان الرجيم شفت منو
اسماء:كعد هيثم بالكاع وكرفص ع روحه ويبجي ووجهه اصفر-هيثم كول شنو شفت
اسراء:ولج خاف هم شاف جني
هيثم:شفت واحد اسود واكف فوك راسي وفاتح حلكه جان شكله كلش مرعب لابس اسود وايديه شعر
اسماء:ياستار يارب هذا البيت سالفته غامضه اني مستحيل بعد اكعد بي دقيقه وحده
اسراء:ولج مخبله امي راح تجيب بعد وين نطلع
اسماء:اوووف ياربي شنو هالمصيبه-كعدنا اني وهيثم واسراء ننتضر اتصال منهم يطمنونا ع امي وماشاء الله الرعب الصار بالبيت كل شوي نشوف خيال يركض ع الدرج يانسمع صوت مواعين تتكسر ومن نروح للمطبخ نشوفه مرتب وماكو شي مكسور عشنا حالة رعب وضلينا بس نبجي اني وهيثم واسراء لنص الليل الساعه ب 3 دك التلفون
اسراء: التلفون ديدك امي ولدت اكيد
اسماء:ركضت للتلفون شفته بابا رديت عليه الوو..
علي:الوو حبيبتي اسماء ابشركم اجاج اخو يجنن جنه كمر
اسماء:طارت كلبي من الفرح ونسيت كل الخوف صدك بابا وماما هسه شلونها
علي:الحمدلله بخير هسه ساعه ونرجعلكم
اسماء:ماشي بابا-سديته منه وكمت اكمز
اسراء:ها جابت امي
اسماء:اي ولج جابت ولد
هيثم:الف الحمدلله صارلنا اخو ثاني
اسماء:يله امشو لغرفة ماما نرتبها ونخلي السرير مال طفل
اسراء وهيثم:يله
اسماء:رحنا للغرفه كاعدين نرتب بيها مانشوف الا باب الكنتور ينفتح وينسد قوي
هيثم:يمممممه فدوه تعالو اسماء نسرين
اسماء:ركضت ع هيثم حضنته هو واسراء وكاعدين نباوع للباب مال كنتور شلون ينفتح وينضرب قوي انسد اخر شي بكل قوته وسمعنا صوت ضربه قويه ع الكنتور
اسراء:يممممه ولج ماضل هنا تعاي نشرد للشارع فدوه تعااالو
اسماء:ضليت ارجف وابجي درنا وجهنا للشباك شفنا نفسه الشخص الاسود المخيف ديكمز من الشباك هو كمز اختفى كل الصوت
هيثم:يمممه ماااكدر فدوه اخاااف
اسراء:ووولكم بشع شفتوه شكد بشع
اسماء:ضليت بس حاضنه اخواني وابجي ومصدومه ياربي سترك
اسراء:هسه بس يجي بابا اسولفله كلشي اني مستحيل بعد ابقى هنا لو لحضه وحده
اسماء: لا لا لا شنو تسولفيله شبيج اسراء تخبلتي نسيتي امي راح ترجع للبيت هستوها جايبه ونفسه اصلا اي كلمه عن الي صار ماريد اسمع مفهوم
اسراء:ماشي
اسماء:اخذت اخواني ورحنا كعدنا بالاستقبال واحد بصف الثاني وسنونا تطكطك من الخوف كل شوي نشوف خيال يعبر من كدامنا عشنا حالة رعب للاربعه ونص بالليل يله رجعو اهلي سمعنا صوت السياره
اسراء:اكيد اجو
اسماء:ركضنا للباب فتحته شفت اهلي جايين رحت ساعدت امي حتى تمشي واسراء اخذت الطفل
اسراء:اوووي فدوه يخبل حبيبي
سميره:اخخخ يمه دخلوني جوا ولكم بردانه
اسماء:دخلنا امي للبيت ونومناها بغرفتها واخذنا الطفل يمنا بس سبحان الله هو دخل للبيت بدا يصرخ ويبجي
علي:ياستار شبي هسه جان بالمستشفى هادء شنو الجديد
اسماء:يابه ماعرف شو هو دخل للبيت تخبل
عباس:حاولي تسكتي
اسماء:حاولت وياه كوا يله كدرت اسكته وانومه رحت خليته يم امي بالسرير مالته
علي:يله صعدو نامو اني هم رايح انام
اسماء:اي بابا تصبح ع خير
علي:وانتي بخير حبيبتي
اسماء:اخذت اسراء وصعدنا فوك الغرفتنا نمنا ثنينا ع جربايتي لان نخاف نمنا وماحسيت غير للفجر جان توه طالع الفجر كعدت اول مافتحت عيني شفت شي كلش بشع شفت جني لازك ع اللسكف مال حايط ويباوعلي جان شكله بشع بشع بشع وجهه مفطر وابيض شلون الدم الجامد وحلكه مشكك واضافره طويلات لازكين بالحايط والشعر مال ايده طويل نازل من السكف ورجليه رجلين خروف ضليت اباوع بصدمه اريد اصرخ ماكدر ضليت بس ارفس باسراء
اسراء:شكو ولج شبيج
اسماء:باوعت للسكف اختفى وينه يا الله ا ا ا اسراء ش شششفتي الجني
اسراء:يمه فدوه لاتخوفيني ياجني
اسماء:الي لازك ع ا ا ا السكف
اسراء:ولج لا فدوه سكتي اسماء تعاي غطي راسج ونامي
اسماء:غطيت راسي وحضنت اسراء:وضليت ابجي وارجف جنت احس ع الغفله واحد راح يمد ايده من جوا الجربايه ضليت لوجه الصبح ارجف طلعت الشمس يله اطمنت وكدرت انام-نمت وكعدت الساعه 10 الصبح شفت اسراء مو يمي نزلت ركض جوا دخلت لغرفة امي شفت اسراء يمها
سميره: ها يوم كعدتي
اسماء:اي يمه
سميره:هاي شبي وجهج ليش اصفر
اسماء:احم لايوم ماكو شي بس لان البارحه هواي خفنا عليج
سميره:فدوه حبيبتي تعاي كعدي يمي صرت زينه اني
اسماء:لا يوم اني رايحه اسوي ريوك
سميره:ماشي بنيتي
اسماء:رحت للمطبخ كعدت اسوي ريوك لشوي يله طلعت اسراء اجت يمي
اسراء: ها جيبي اساعدج
اسماء:ولج لاتساعديني بس روحي كعدي يم امي ولج خايفه عليها وع الطفل من الشغلات الي جاي اشوفها بالبيت
اسراء:والله صدك بهاي معاج حق شنسوي هسه
اسماء:نضل يمها لحد مايرجع بابا
اسراء:لعد رايحه اني يمها
اسماء:راحت اسراء ووكفت اني احضر بالريوك كملت ورحت وديت الامي كعدنا يمها نتريك
سميره:يمه صرت زينه ترا اني بولادتي اكوم واكعد عادي مو جايبه عمليه حتى هيج تدللوني اصلا من باجر اكوم واتحرك
اسماء:صيري زينه هسه يوم والله كريم
سميره:الله يرضى عليج يوم
اسماء:كاعدين نتريك وسمعنا صوت الطفل يبجي رحت عليه شفته يرفس ووجهه ازرك ويصرخ-وج يوم وجهه ازرك الطفل
سميره:صخام الصخمني جيبي
اسماء:اخذته الامي فتحت كماطه وكعدت تنفخ بوجهه يله رجع الدم لوجهه
سميره:هاج اخذي انتي واختج وروحو للمغسله غسلوله وتعالو نبدله
اسماء:اخذنا الطفل اني واسماء ووكفنا يم المغسله نغسله
اسراء:وولج هذا اكيد الجني أذا الطفل ولج شنسوي راح يموته
اسماء:هي اسراء حجت هيج وسمعنا صوت ركض كلش قوي ع الدرج
رحت اركض شفت ماكو شي بس اثار رجلين بيهم دم ع الدرج
اسماء:ولج شنو هذا الدم صخام الصخمني
اسماء:ولج هيثم فوك رايحه اكعده وانزله كملي تغسيل للطفل
اسراء:ماشي
اسماء:ركضت فوك دخلت لغرفة هيثم كعدته-هيثممم كووم ولك
هيثم:شكو ولج
اسماء:كوم تدري انت نايم وحدك بالغرفه
هيثم:كمزت من مكاني-للللا عفيه شنو وحدي
اسماء:اي يله كوم ننزل بسرعه
هيثم:يله
اسماء:نزلنا اني وهيثم وشفت اثار الدم ع الدرج سترك يارب انوب صار دم
هيثم:يممه شنو هذا الدم
اسماء:اشششش اسكت لاتكول الامي هسه امسحه
هيثم:يله تعاي نمسحه
اسماء:مسحنا اثار الدم اني وهيثم وركضنا للغرفه مال امي شفناهم يبلدون للطفل صرنا نخاف نضل وحدنا لازم واحد يحمي الثاني
سميره:شكو ليش وجهكم اصفر ترا وضعكم مو عاجبني
اسماء:احم لا يوم ماكو شي-كملنا تبديل الطفل ورحنا بلشنا بالغده اني واسراء
اسراء:اسماء شلون هذا البيت اكيد مسكون شنسوي انوب بابا اشتراه
اسماء:اوووف يا اختي من البداية ماردته
اسراء:الله كريم حبيبتي
اسماء: كملنا الغده للضهر يله رجعو بابا وعباس
علي:ها شلون صارت امج
اسماء:زينه بابا
علي:الحمدلله
اسماء:صبينا الغده ورحنا جبنا ماما كعدناها بالصاله ويانا
اسراء:الا صدك بابا شنسمي الطفل
علي:حسن
اسماء:خوش اسم حلو
اسراء:اي والله حلو بابا
اسماء:دناكل ونسولف وسمعنا صوت حسن يبجي كمت ركضت عليه رحت شفته فاتح عيونه ويباوع للسكف وشلون المصدوم عرفت شاف شي شلته وركضت بي للهول
سميره:اوووف ياربي هالطفل من جبته للبيت لهسه ماسكت جيبي اسماء
اسماء:لا عوفي يمي-ضليت اباوع عليه وهو يباوع للسكف وحلكه يرجف غطيت عيونه بايدي ونومته وخليته ع القنفه يمنا بالهول-كملنا غده وكمنا غسلنا المواعين ونضفنا
اسراء:امشي نطلع للحديقه نكعد
اسماء:طلعنا للحديقه كعدنا بالمرجوحه ونباوع للورد كاعدين نسولف وع الغفله المرجوحه كامت تهز قوي
اسراء:يممممه ولج شكو منو يهز قوي
اسماء:ووولج هاي شنو فدوه كمت اخاف-ضلت تهز اقوى واقوى وحتى صارت تضرب بالحايط نريد ننزل مانكدر من الخوف بعد مانكدر نتحرك-لشوي يله هدأت ووكفت
اسراء:كووومي لغرفتنااا
اسماء:كمنا ركضنا فوك لغرفتنا دخلنا وكعدنا نرجف
اسراء:وولج شلون راح نتخبل اذا بقينا هنا والله
اسماء:شنسوي ماتكوليلي بابا مدري شنو عاجبه بهالبيت
اسراء:اوووف شلون مصيبه
اسماء:كاعدين نرجف اني واسراء ونبجي من الخوف دخل علينا هيثم يركض-شكوو هيثم شبيك
هيثم:راااح اتخبل ولج جنت نايم وحلمت بزازين سود محاوطه بيتنا طلعت اني ووحده منهم خرمشتني وضلت تعض بيه
اسماء:حيل خفت ع هيثم من هذا الحلم خفت لا الجن يسووله شي اخذته يمي وحضنته-لاتخاف حبيبي هيثم ماكو شي انت بطل مو ماتخاف
هيثم:ما اخاف بس شي بشع
اسماء:لا ماكو شي يله تعال نام يمنا مادام الدنيا ضهر
هيثم:ماشي
اسماء:نامو هيثم واسراء ع جرباية اسراء واني ضليت اباوع للحايط كل شوي اشوف خيال اسود مرات اشوف اذان حمار مرات اشوف ايد اضافرها طويلات
غطيت راسي ونمت ماحسيت غير للمغرب كعدت شفت اسراء وهيثم ماكو باوعت للسكف شفته نفس الجني واكف ويباوع عليه راد ينزل وطكيتها ركضه كبل طلعت من الغرفه رحت لغرفة ماما ركض
سميره:اسم الله شبيج اسماء
اسماء: م م م ماكو شي يوم وين اسراء وهيثم
سميره:بالمطبخ
اسماء:رحت للمطبخ شفت اسراء وهيثم كاعدين يصفنون-شكو شبيكم
اسراء:ولج خايفين ثنينا اني وهيثم
اسماء:ولج اني مرعوبه رعب والله بس شنسوي
اسراء:تعاي نسوي عشى هيثم روح يم امي لاتخليها وحدها
هيثم:ماشي
اسماء:وكفنا اني واسراء نحضر بالعشى جنا نحضر وسمعنا صوت ضرب ع شباك ركضنا فتحنا البرده شفنا ايد سوده طويله كاعده تشخط الشباك باضافرها
اسراء:يمممممه ولج شوووفي
اسماء:اتجمدت بمكاني ضليت اباوع للايد شوي ونزلت جوا التراب
اسراء:ولج شنسوي فهميييني نضل بهذا الرعب البيت هذا يخنك خنك
اسماء:اكيد مانضل بس خلي تصير ماما زينه ونحجي كلشي لبابا مانضل هيج مستحيل هذا راح يأذي واحد بينا
اسراء:اي اي اسماء فدوه لازم نحجيله
اسماء:خلصنا العشى ع السريع ودخلنا بالغرفه يم امي شلت حسن وحضنته جنت حيل خايفه لا يأذي واحد من اخواني
سميره:شبيج ترجفين اسماء شكو يوم هم رجعتي تشوفين شغلات مو زينه
اسماء:لا لا يوم ماكو شي لاتخافين بس بردانه شوي ابد لاتخافين
سميره:ماشي بنيتي اجو ابوج واخوج كومو حضرو العشى خطيه هسه جوعانين
اسماء:كمنا حضرنا العشى وكعدنا بالهول كلنا بس جبت حسن يمنا خفت عليه يضل وحده-كملنا العشى ونضفنا البيت وصعدنا فوك اني واسراء
اسراء:ولج والله صرت اخاف انام لا هم اشوف جني شلون هسه يعني كاعدين نشوفه ونايمين نشوفه شنسوي
اسماء:اوووف يا اختي راح اتخبل اني والله نامي والله كريم شنسوي لعد مو بيدنا شي
اسراء:ماشي حبيبتي نامي انتي هم
اسماء:نمنا اني واسراء ومشه شوي من الليل
اسراء:فزيت ساعه 1 بالليل تقريبا شفت اقزام شكلهم بشع يكمزون كدامي كلهم سنونهم طويلات ودم واضافرهم طويلات جمدت بمكاني دا اباوع عليهم اجه واحد منهم كمز عليه قوي-اسماااااااااء
اسماء:جنت نايمه فزيت ع صوت اسراء تصرخ-شكو حبيبتي اسراء شبيج
اسراء:جمد الدم بجسمي ضليت مصدومه ودموعي تنزل لهسه اتخايله من اجه وكمز عليه قوي جان كلش بشع بشع لدرجه
اسماء:اباوع ع اسراء مصدومه ووجها جامد ودموعها تجري-اسراء شنو شفتي بس احجي حبيبتي
اسراء:قققزم و و ولج واكف هناك جججان
اسماء:بس اهدي واحجي شبيج حبيبتي وين القزم ماكو شي
اسراء:انفجرت بالبجي كمت املخ بروحي_ولج كمز عليه شكلللله جااان بشع
اسماء:اعوذ بالله من الشيطان الرجيم نامي حبيبتي اني يمج لاتخافين هاج مي شربي
اسراء:شربت مي وتمددت وضليت ارجف
اسماء:نمنا اني واسراء وماحسيت غير ساعه 3 بالليل بشعر ع وجهي فتحت عيوني وشفت الصدمه الي جان راح يوكف كلبي منها-شفت جنيه مخليه وجهه ع وجهي وفاتحه حلكها جانت بشعه بشعه مخليه ايديها ع جتافي وفاتحه حلكها وسنونهه طويله وعيونها كبار وبشعين صرخت-يمممممممه
اسراء:ياستار ششفتي انتي
اسماء:و و ولج جنيه فوك راسي وووالله بعيني شششفتها
اسراء:اوووف حبيبتي ماكو ماموجوده
اسماء:التفت بالغرفه شفت ماكو الجنيه سترك يارب وين اختفت بعيني شفتها
اسراء:يله تعاي نامي
اسماء:حضنت اسراء وكمت ارجف ونمت ماحسيت للصبح كعدت ماكو احد بالغرفه كبل نزلت ركض لغرفة امي
سميره: ها حبيبتي همزين اجيتي هاج اخوج روحي غسليله ع المغسله
اسماء:اخذت حسن ورحت للمغسله اغسله رفعت عيني للمرايه شفتها كلها طبعات ايدين دم صرخت-يمممممه
سميره:وج كومي شوفي اختج شبيها
اسراء:ركضت ع اسماء شفتها تباوع للمرايه ومصدومه-اسماء شبيج فدوه
اسماء:درت وجهي ع اسراء ورجعت باوعت للمرايه ماكو اي اثار دم
اسراء:ولج شبيج تصرخين جيبي حسن
اسماء:ذبيت حسن ع اسراء وضليت اغسل وجهي وابجي
اسراء:تعاي نروح للغرفه
اسماء:رحنا لغرفة امي اني واسراء وضليت كوا امشي احس رجليه بيهن شلل
سميره:وج شبيج يوم شصار
اسراء: احم لا لا يوم ماكو شي بس شافت صرصر
سميره:يخايبه من صرصر تصرخين تعالو بدلو الاخوكم والله موجوعه اني
اسماء:رحت بدلت لحسن لشوي يله راحت الصدمه مني بس ضليت عايشه برعب-مر اليوم طبيعي بالنهار ماشفنا شي صار الليل وصعدنا لغرفتنا اني واسراء
اسراء:وج والله صرت اخاف من النوم شلون
اسماء:اتعوذي من الشيطان ونامي
اسراء:ماشي حبيبتي تصبحين ع خير
اسماء:وانتي بخير-نمنا اني واسراء ماحسيت غير ساعه اربعه الفجر امي تصيحلي من جوا كمت ورجليه كوا تشيلني جنت مرعوبه فتحت باب الغرفه ونزلت ع كيف سمعت الصوت جان جاي من الحمام مشيت ودخلت للحمام شفت شي خلاني ادخل بصدمه
يتبع...
بارت باجر راح يكون الاخير واحداثه راح تكون قويه ومشوقه😘
لاتنسون التصويت ع البارت حبايبي هي نجمه وادوسوها🙄
#Shahd_Amer
