البيت المسحور

البيت المسحور البارت الأول

#بقلم_Shahd_Amer
،،،،،،،،،،،،،،،،،،،،،،،،،،
مرحبا اعرفكم بنفسي اسمي اسماء عمري 18 سنه عندي 2اخوان واحد اكبر مني عمره 23 اسمه عباس والثاني اصغر واحد بينا اسمه هيثم عمره 14وعندي اخت وحده اسمها اسراء عمرها 16 سنه وامي اسمها سميرة وهسه حامل وابوي اسمه علي
قصتي بدت بيوم احنا كاعدين نتعشه
علي:سميرة راح ابيع هذا البيت
سميرة:يااا واحنا وين نكعد ابو عباس شلون تبيعه
علي:راح اشتري بيت ثاني اليوم رحت شفته صح بمنطقه مهجوره ومابيها بيوت  بس شنسوي احسن من هذا البيت الي كاعدين بي هذا حيل صغير وانتي ماضل شي ع ولادتج لازم بيت جبير شويه
اسماء:لا بابا فدوه هذا البيت حلو ليش تريدنا نطلع منه
عباس:يابه هسه لحكتنا ع البيت دخلينا كاعدين مرتاحين
علي:ولكم شبيكم اكلتوني بكشوري هذاك البيت احلى من هذا الي هسه كاعدين بي احنا اليوم اخذكم ونروح نشوفه العصر
سميرة:خلص حبيبي براحتك مثل ماتريد
اسماء:كملت شغلي وصار الضهر صعدت نمت حسيت العصر ع صوت ماما
سميرة:يله يمه اسماء كومي نروح نشوف البيت
اسماء:كمت بدلت ونزلت شفت اهلي ينتضروني
علي:يله حبيبتي امشي
اسماء:صعدنا بالسياره ومشت بينا ضلت تمشي مسافه بعيده شوي وقربنا نوصل لمنطقة مهجوره مدا اشوف بيها غير 3 بيوت
علي:يله انزلو هنا راح نكعد
اسماء:نزلنا وانصدمت بالمنطقه عبارة عن 3 بيوت فقط بيتنا صاير بجول ع تراب وبيوت ثنين كدامنا بيناتنا شارع ترابي احنا وهذوله البيتين
عباس:يابه بشرفك هاي هم منطقة
علي:تعالو بابا شوفو البيت راح يعجبكم اكيد شوفو شكد جبير
عباس:وشنو فايدة الكبر يابه اهم شي الواحد يرتاح وانت جايبنا لهيج بيت
علي: هسه انت شفته حتى تضل تحجي ع راسي يله تعالو بلا حجي
اسماء:طلع بابا المفتاح وفتح الباب دخلنا بس اول مادخلت لزمني كلبي وشعرت بدوخه قويه حتى ردت اوكع
سميرة: اسم الله شبيج يمه
علي:شبيج اسماء
اسماء: دخت شوي
علي:يله تعالو شوفو البيت
اسماء:دخلنا للبيت المهجور والمخيف البيت جان عباره عن شبكات عنكبوت بالحيطان وشكله جدا جدا بشع جان بي غرفة استقبال وغرفة نوم جوا ودرج نازل من النص وحمام ع الجهة اليمنى
علي:صعدو فوك شوفو غرفكم ياولد اسماء واسراء بغرفه وعلي وهيثم بغرفه
اسماء:صعدنا فوك جان هول بس بي جامه كلش جبيره ع الجهة اليمنى غرفه وع الجهة اليسره غرفه ثانيه
اسراء:تعاي ناخذ هاي الغرفه الي ع الجهة اليمنى اسماء
اسماء:جنت دايخه وكوا امشي دخلت للغرفه شفتها بيها شباك ع الجهة اليسرا رحت وكفت باوعت ع الجول والمكان المهجور الي احنا بي ياترا شلون راح يكون بالليل شكله
اسراء:اسماء صارلهم ساعه يصيحون وين شارده
اسماء:منو جاي يصيح
اسراء:شبيج حبيبتي بابا جاي يصيحلنا يكول يله نروح للبيت
اسماء:صدك للبيت يله بسرعه امشي
اسراء:ياستار شبيج فرحتي وكمتي تكمزين
اسماء:اسراء اني ابد ابد مامرتاحه لهذا البيت كلبي لزمني ودخت بس دخلت بي من صدك شكله كئيب وبشع
اسراء:كولي يا الله صح اني هم ماعاجبني بس شنسوي
علي:يللللله بناات وينككم
اسراء:يله بسرعه بابا خبصنا
اسماء:نزلنا جوا شفتهم واكفين ينتضرونا
علي:يله عاد وين صرتو
اسماء:موجودين يابه يله نروح
علي:الا صدك شلون شفتو البيت حلو لو لا
اسماء:لا بابا ابد مو حلو اني ماريد اكعد بي فدوه لاتكعدنا بي شكله كلش بشع
سميرة ياستار شبيج فكرتي البيت من هسه اصلا يخبل مو صح عباس
عباس:لا ماما مو يخبل يلعب النفس يا يخبل
علي:هسه يله امشو عبالك اني اخذ رأيهم يله بسرعه كدامي
اسماء:صعدنا بالسياره ورجعنا لبيتنا دخلنا وابوي كال
علي:سميرة حضرو غراضكم راح اخابر لصاحبي ابيعله هذا البيت حتى اروح للدلال انطي فلوس هذاك البيت
سميرة:يعني يمته نطلع منا احنا ماعدنا هواي غراض
علي:خلي الولد يساعدوج لمي الغراض باجر ننتقل لهذاك البيت
سميرة:ان شاء الله يله ياولد تعالو ساعدوني
اسماء:راح بابا واحنا بدينا نلم بغراضنا صعدت فوك لميت ملابسي وغراضي نزلت الدمعه من عيني
اسراء:يااا شبيج تبجين
اسماء:اسراء اني ماريد اطلع من هذا البيت هذا عشنا طفولتنا بي شلون بهاي السهوله بابا يبيعه
اسراء:شنسوي حياتي مو بايدنا شي يله تعاي ننزل نساعد ماما جوا
اسماء:نزلنا ساعدنا ماما لليل واحنا نلم بالغراض متنا تعب يله خلصنا لشوي ودك الباب
سميرة:روح عباس شوف منو بالباب
عباس:طلعت شفت بابا واكف دخلنا وسديت الباب
علي:ها سميرة اخذته لهذاك البيت وهذا البيت بعته لصاحبي كلتله باجر الضهر تجي تستلمه
اسماء:يعني باجر ننتقل بابا
علي:اي بابا باجر ننتقل يله صعدو نامو حتى تكعدون من وكت
اسماء:صعدت اتمددت وضليت ابجي مدري ليش كلبي حيل لازمني من هاي النقله نمت وماحسيت غير للصبح ع صوت امي تكعدني
سميره:يله كومو بنات راح تجي السياره تاخذ غراضنا كومو تحضرو
اسماء:كمت غسلت وجهي وبدلت ونزلنا جوا شفت السياره الي راح تنقل غراضنا واكفه طلعنا الغراض وكملنا باوعت للبيت بحسره ونزلت دمعتي لان كل ذكريات الطفوله اجت ابالي
سميره:يله يابنات
اسماء:طلعنا وصعدنا بالسياره وانطلقنا للبيت المرعب وصلنا نزلنا غراضنا وبدينا بالتنضيف انكسر ضهرنا لليل يله كملنا تنضيفه حيل حيل وسخ جان وبشع بشكل مو طبيعي
علي: رايح اجيب عشه من برا امشي وياي عباس
سميره:اي روحو
اسماء:كعدنا نرتب بالغراض وصعدت الغرفتي رتبنا غراضنا اني واسراء
اسراء:ولج البيت مو طيب بالليل ابد شلون يعني راح نضل هيج بي
اسماء:شنسوي البابا ماتكوليلي اووووف
اسراء: بلكي الله يهدي ويطلعنا لغير بيت تعاي هسه ننزل جوا نتعشى مادام كملنا الترتيب
اسماء:نزلنا جوا شفتهم كاعدين يتعشون كعدنا وياهم
علي:ها بابا عجبكم البيت
اسماء:كلنا سكتنا لان محد بينا عاجبه البيت كملنا العشى ونضفنا المطبخ اني واسراء واهلي كل واحد راح الغرفته نام من التعب صعدت فوك اخذت ملابسي ونزلت اسبح فتحت الدوش وضليت اسبح دينزل المي وبدا ينزل وياه كومه شعر واضافر رجليه حسيتهم جمدن وبعد ماكدر احركهم اريد اصرخ ماكدر احس  واكف ببلعومي موس درت وجهي للمرايه شفت مره واكفه بشعه كلش كلش جان وجهه كله مفطر ودم وسنونها طويلات وشعرها نازل ع وجها جانت واكفه ومأشره ايدها ع المرايه شلون الوحده من تريد تخنك واحد واضافرها جانو كلش كلش طويلات وايديها شعر اني شفت هالمنضر وصرخت بعلو صوتي-يمممممممممممه-وكعت بالكاع وكرفصت ع روحي واني اشوف المره كدامي بعدها واكفه ضليت ابجي وارجف والكاع عباره عن شعر واضافر
سميره: ولج فتحيي باب الحمام اسماء شكو
اسماء:ضلو اهلي يدكون بالباب واني مكرفصه ع روحي وابجي وضليت بحالة صدمه شفت المره اجت باتجاهي وكمت ركضت فتحت باب الحمام
سميره:ياستار شبيج ترجفين يوم شنو هاي وجهج ليش هيج اصفر
اسماء: ي ي يوم م موجوده د د تشوفيها مو واكفه ش ش شوفيها يوم شبيج
سميره:عزاا العزااني شبيها البنيه كامت تلعثم بالكلام
علي:ولج دخلي للحمام لبسيها وتعاي شوفي شكو ليش هيج تصرخ
اسماء:رجعت كعدت للحمام وكرفصت ع روحي وارجف
سميره:ولج يوم بس فهميني شنو شفتي
اسماء:ذبت امي الخاولي عليه وكومتني واني رجليه ماكدر احركهن احس صار بيهن شلل
سميره:وللللج احجي لا بس ترجفين
اسماء:يوم جنيه جانت واكفه هنا شوفي الكاع كلها شعر واضافر
سميره: اسم الله يوم ماكو شي بالكاع شوفي ماكو شي
اسماء:درت وجهي شفت الكاع نضيفه باوعت لمكان المره شفتها ماكو دخيلك يارب لعد شنو هذا الي اني شفته
سميره:يله خلي البسج
اسماء:لبستني امي وطلعتني من الحمام واني ضليت التفت وارجف كعدتني ع القنفه واجو اهلي كلهم يمي
علي:شبيج يابابا ليش وجهج اصفر
سميره:علي البنيه شايفه جنيه واكفه كدامها وشايفه شعر واضافر ومدري شنو
علي:لا يمعوده شنو هاللعقليه ياشعر ياجن شو البيت يخبل كلشي مابي
اسماء:بابا ااا اني شفتها بعيني شبيك
علي: لا بس انتي لان سبحتي بالليل هيج شفتي يله كومي صعدي نامي اخذيها اسراء ونوميها
اسراء:يله كومي
اسماء:اخذتني اسراء فوك واني كوا واكفه ع رجليه لهسه منضر الجنيه والشعر والاضافر ابالي نومتني ع الجربايه وغطتني وراحت هي هم نامت بمكانها غمضت عيني وارجف نمت وحلمت اني واكفه ع شباك الغرفه وبزازين سود وكبار وعيونهم كلش حمر ديدخلون من الشباك جانو يدخلون ويكمزون عليه يخرمشوني ويعضوني واني اصرخ-يممممه وج يووووم وخريهم فدوووه وووينكم وخروهم مني
اسراء:شبيج ياستار شكو اسماء كومي اكعدي فدوه
اسماء: وخريهم مني وخررريهم
اسراء: اوخر منو بس كولي ولج شبيج تخبلتي شوفي حتى وجهج عركان اوكفي اشربج مي
اسماء:شربتني اسراء مي وذبت ع وجهي واني ضليت بس ارجف واباوع للشباك
اسراء:اهدي حبيبتي الدنيا صبح ماكو شي اني رايحه اساعد ماما بالريوك
اسماء:لا فدوه لاتروحين هسه البزازين يجون عليه
اسراء:ههه يابزازين ولج الدنيا صبح ماكو شي يله كومي غسلي ونزلي جوا
اسماء:كمت من فراشي واني ارجف والتفت رحت للمغسل دا اغسل وباوعت بالمرايا ع ايديه وع ركبتي جان جسمي عباره عن خراميش وجروح حمره باوعت الايديه بيهم اثر عض مال سنون صغار ودم دينزل منهم والجروح كلش هوايه غسلت ع السريع ورجعت لغرفتي ضليت ارجف وابجي ياربي دخيلك شنو الي جاي يصير وياي
سميره:يله ولج شبيج ترجفين
اسماء:ي ي يوم تع تعاااي شوفي ايديه وركبتي البزازين خرمشوني-جنت احجي وارجف ودموعي تجري
سميره:شو خل اشوف ايديج
اسماء:رفعت رداناتي ماما وشافت ايديه واني اضرب راسي ع الكنتور وابجي
سميره:شبيج يوم ماكو شي باوعي الايدج مابيها شي شوفي
اسماء:باوعت الايديه شفت الاثار بعدهم-يوم شبيج هاي الجروح كدااااامج لاتخبلييييني
سميره: ولج لاتصرخين شبيج والله ماكو شي راح تتخبلين بنيتي
اسراء:شكو ماما ليش تصرخ اسماء
سميره:ولج تعاي انتي شوفيها ايديها بيهم جروح وخراميش لو اني خاف عميت ومدا اشوف
اسراء:لا يوم ماكو شي ايدين اسماء مابيهم شي
اسماء:اتخبلت يعنيي شنو ليش هما مجاي يشوفون الجروح والاثار بايدي ليش بس اني اشوفهم شصاير وياي ياربي دخيلك
سميره:كومي يمه تعاي نزلي جوا تريكي بنيتي تعوذي من الشيطان ماكو شي
اسماء:هي امي كالت تعوذي من الشيطان وكعت المزهريه وصار صوت كلش عالي واني صرخت-لااا يووووم فدوه طلعووووني ماريد ابقى هنااا
اسراء:ياستار يمه هاي المزهريه شلون وكعت
سميره:شو وخري خل اشوف خاف الشباك مفتوح وصار هوى
اسماء:ضليت مكرفصه ع روحي وابجي وارجف
سميره:يااا شبيكم سويتوها فلم رعب ترا الشباك مفتوح والهوى كلش عالي يله تعالو نزلو وراي ننزل نحضر الريوك
اسماء:نزلت اني وضلينا اني واسراء وحده تباوع بوجه الثانيه
اسراء:لا والله يا اسماء هالبيت سالفته غامضه يعني من البارحه لليوم انتي بس تبجين وترجفين وهسه بس امي كالت تعوذي من الشيطان وكعت المزهريه
اسماء:ماااريد ابقى هنااا فدوه كولي لبابا يطلعني
اسراء: اوووف يا اختي ع  الاساس اني اريد ابقى كومي يله ننزل نساعد ماما بالشغل
اسماء:بابا واخواني وين
اسراء:بابا وعباس راحو للمحل وهيثم نايم يله تعاي ننزل
اسماء:نزلنا وكعدنا نحضر الريوك ويا ماما بس اني مسطور راسي احس بصداع كلش قوي والمنضر مال بزازين والجنيه والاضافر والشعر وكلللشي مدا يروح من بالي
سميره:يله تعالو تريكو يابنات
اسماء:كعدنا نتريك شلت كلاص الجاي اريد اشرب شفت دم بمكان الجاي ذبيته وركضت للحديقه ضليت اتقيء وابجي
سميره:شبيج اسماء شنو شفتي انوب
اسراء:اسماء احجي
اسماء:ضلو اهلي يفركون بضهري واني كوا اسحب النفس احس روحي تريد تطلع للسما
سميره: وج خلي نغسل وجها اسراء راح تموت البنيه
اسماء:ضلو اهلي يغسلون بوجهي شوي يله رجعت اتنفس طبيعي شالوني ومشوني للاستقبال لان هناك جنا نتريك
سميره:شبيج يوم احجي شنو شفتي
اسماء:يوم الكلاص مال جاي جان بي دم مو جاي
سميره:وج هياته الكلاص كدامج بي جاي ماكو دم
اسماء:باوعت للصينيه شفت الكلاص بي جاي وين اختفى الدم يا الله-يوم اني ردت اشرب الجاي بس شفته دم ذبيته
اسراء:يوم هي شربته للجاي مو ذبته اني شفتها شربت منه
اسماء:فتحت عيوني بصدمه يمته شربت منه اني ذبيته ياربي شديصير وياي
سميره: كومي يوم اقرا قران ع راسج تعاي للحديقه
اسماء:طلعتني امي للحديقه وضلت تقرا ع راسي قران طول ماهي تقرا اني احس روحي تريد تطلع ضل منضر الجن والشعر والبزازين والدم كلشي كام يجي ابالي صرخت-يووووم فدوه لاتكملين دا اختنك اني عفيه روحي دخلي جوا خليني وحدي كاعده عوفييني
سميره:ياستار يوم شبيج تعاي كعدي خلي اكمل قرائة قران ع راسج
اسماء:كعدتني امي وضلت تقرا عليه قران واني منضر الجن يدور ابالي ضليت اتخايل نفسي بوسط مجموعه من الجن وهما يخنكون بيه
سميره:كافي ترجفين يله خلصت قرائه ع راسج كومي غسلي وجهج حبيبتي
اسماء:فزيت ع صوت امي عبالك جنت نايمه واتخيل روحي بوسط الجن-كمت غسلت وجهي ورحت للاستقبال كعدت
اسراء:شنو الشي الي جاي تشوفي اسماء
اسماء:جاي اشوف شغلات كلش غريبه مره بشعه واضافر وشعر وبزازين عفيه ليش هيج ساعديني اسراء
اسراء: ماكو شي حبيبتي من تتخيلين او تشوفين هيج شي تعوذي من الشيطان الرجيم ولاتخافين ابد ولاتفكرين بهاي الشغلات خلي ايمانج بالله قوي وشيلي هاي الافكار البشعه من راسج وهسه يله حبيبتي كومي لهي روحج ويانا بالطبخ
اسماء:سمعت كلام اسراء وشلت هاي الافكار من راسي وكعدت الهي روحي بالطبخ وياهم للضهر يله رجعو بابا وعباس
علي:شلونها اليوم بنيتي الحلوه
اسماء:زينه بابا الحمدلله
علي: فدوه لبنيتي يله صبو الغده وتعالو
اسماء:صبينا الغده وكعدنا نتغده
علي:اني كلش مرتاح بهذا البيت احسن من هذاك جان صغير
سميره: اي بس شنو الفايده بنتك مامرتاحه وجاي تتخايل شغلات ماموجوده
علي:شلون يعني تتخيل شغلات ماموجوده
اسماء:هما جابو هاي السيره لزمني كلبي
علي:شبيج حبيبتي خلي امج تاخذج للشيخ يعزملج
اسماء:لا بابا مايحتاج اني زينه مابيه شي
علي:براحتج بنيتي
اسماء:كمت غسلت المواعين اني واسراء مر اليوم طبيعي وصار الليل كلمن راح لغرفته صعدنا فوك اني واسراء وهي كبل نامت اني ضليت اتكلب بفراشي ومنضر الجن ابالي مديت ايدي من الجربايه وشفت ايد سوده كلها شعر واضافر طوال انمدت من جوا الجربايه ولزمت ايدي اريد اصرخ ماكدر احس اكو واحد ساد حلكي بايده ضلت الايد السوده ضاغطه ع ايدي قووي بحيث حسيت ايدي راح تنخلع حاولت اصرخ ماكدر ضليت ارفس ماحسيت غير شخص اسود طلع من جوا الجربايه جان شكله كلش بشع طلع وراح كمز من الشباك مال غرفه صرخت بعلو صوتي-اسرااااااء
اسراء:ياستار  شبيج انوب شصاير
اسماء:اسراء والله شفته كمز من الشباك شخص اسود كمز من الشباك والله
اسراء:اهدي حبيبتي شبيج هاج شربي مي هسه جايه اني انام يمج ع جربايه يله سويلي مكان
اسماء: سويت مكان الاسراء نامت يمي واني ضليت ارجف ودموعي تجري اباوع ع حيطان الغرفه ماكو شي ضليت ارجف ونمت ماحسيت غير للصبح كعدت شفت اسراء ماكو باوعت الايدي شفتها حمره ومخرمشه رحت للمغسل ضليت اذب مي ع وجهي وابجي حسيت روحي بيه حاله نفسيه مدا اتحمل الوضع الشي الي جاي يصير وياي بشع هوااي رحت نشفت وجهي ونزلت جوا شفت امي واسراء كاعدين كعدت يمهم
سميره:ها يمه خو ما هم صار شي وياج
اسراء:اي يوم صار شي وياها
سميره:ياستار شصار انوب
اسراء:يوم اليوم كعدت بالليل تصرخ وتكول اكو شخص اسود طلع من جوا الجربايه
سميره:ياستار راح تتخبل البنيه يوم حضري روحج باجر اخذج للشيخ يشوف شبيج
اسماء:ماشي ماما باجر نروح
سميره:يله كومو ننضف البيت ونبدي بالغده
اسماء:كمنا نضفنا البيت وبدينا نجهز بالغده للضهر رجعو بابا وعباس وكعدنا نتغده
سميره:ابو عباس باجر راح اخذ اسماء للشيخ لان وضعها مو طبيعي
علي:ليش بنيتي اسماء شنو شفتي اليوم
اسماء:سولفت كلشي شفته لبابا
علي:لا بنيتي هاي اخوانج شو مجاي يصير شي وياهم
هيثم:لا بابا اني اليوم كاعد العب بالتلفون بالليل وهم سمعت واحد دفر الكنتور بكل قوته
علي:ياستار راح تتخبلون وتخبلوني وياكم لاتخافون بابا ماكو شي لان البيت جديد علينا وانت لان تشوف اختك هيج تحجي كمت تتخيل هالشغلات
اسماء:كملنا الغده وغسلنا مواعين وصعدنا فوك نمنا صار العصر كعدت ونزلت يمهم جوا شفت امي تشتغل
سميره:ها يوم كعدتي
اسماء:اي يوم جيبي اني اشتغل عنج
سميره:اي والله يايوم بطني جاي توجعني
اسماء:اخذت الشغل عن ماما وكعدت انضف بالبيت مر اليوم طبيعي وصار الليل وراح كلمن الغرفته صعدنا فوك اني واسراء
اسراء:هههه  فدوه لاتشوفين شي اليوم خليني نايمه
اسماء:هههه اوك حبيبتي يله نامي انتي-نمنا اني واسراء وكعدنا بالليل ع صوت امي تصرخ بصوت كلش عالي
سميره:وووولكم لحكووولي
يتبع...
لاتنسون التصويت ع البارت حبايبي وانطوني رأيكم بالقصه
‏#Shahd_Amer