دلع حماتى

الجزء الاول

#دلع_حماتى
الجزء الاول
#بقلم_سيدعبدربه
فى احد المناطق متوسطة الدخل وبالعقار رقم 77 شقة 4 تقيم سهام مع اسرتها المكونة من 9 افراد اب. وام. و اربعة ذكور وثلاث إناث بما فيهن سهام التى فى العام الاخير من الدراسه الجامعيه .سهام اكبر اخوتها عمراً
وهى تساعد والدها بعد الجامعة و تساعد والدتها ايضا بعد العمل والدراسه و لا تستريح إلا عند الذهاب للنوم بعد تعب كثير وإرهاق شديد من دراسه. وعمل ومساعدة الام. فى البيت لرعاية اخوتها. فهى فتاة جادة. و مجتهدة وتتحلى بالصبر والهدوء جدا .
الان الساعة السابعة صباحاً تستيقظ الام. على صوت المنبه الذى يصدر صوتاً قوياً و مزعج جداً، تنهض الام بصعوبة بالغة وتطفىء المنبه
ثم تذهب بسرعة الى سهام. لكى توقظها .
ام سهام : سهام.. يا سهام. اصحى يا بنتى الساعة بقت تمانية.
سهام فى صوت خافت متقطع : ايوة يا ماما حاضر بس سبينى شوية😴
ام سهام : تدخل الحمام. و تخرج تلاقى سهام لسه نايمة تروح تقف جنب سريرها : سهام... ياااا سهااام اصحى بقا يا بنتى علشان تشوفى جامعتك و تصحى اخواتك علشان المدراس عقبال ما احضر الفطار .قومي يا بت الساعة بقت تسعة يوه .
سهام : تصحى. وتقعد. على السرير. ييي يا ماما كل يوم تقولي الساعة بقت تسعة ولسه الساعة سبعة و نص ! 😴
ام سهام. : يلا بس صحى اخواتك. و صحى بابا لحد ما احضر الفطار .
سهام تبص جنبها على اخواتها : مروة.. مروة..اصحى يلا. ليلي اصحي يا ليلى علشان المدرسة . تصحى ليلي و مروة بعد زن كتير اووى من سهام مروة فى سنة اولى جامعة. وليلى فى الثانوية العامة .
سهام لاخواتها البنات.: صحوا. العيال الباقية دى علشان يفطروا. و يلحقوا المدرسة .
لحد ما ادخل الحمام.
مروة : صحيهم. يا ليلى .
ليلى. :. و متصحهمش حضرتك ليه !
مروة : و الله. ما فايقه. و دماغى وجعانى صحيهم بقا ما انا صحيتهم. و لبستهم انبارح .
و لا حضرتك برنسيسة !
ليلى : اه برنسيسة .😏 صوتهم يعلى .
ام سهام. : فى ايه يا بت انتى و هى اصتبحوا على الصبح !
ليلى : يا ماما مروة مش عاوزة تصحى العيال
ام سهام : صحيهم. و لبسيهم انتى يا ليلى هى لبستهم انبارح .
ليلى. : هو انا. الحيطة المايلة بتاعت البيت دة. اوووف . تروح ليلى تفتح اوضة اخواتها الصبيان و تصحيهم : اصحى يا احمد انت. ومحمد وصحوا. حمزة ومحمود
. محدش منهم يصحى . تصحيهم تانى. الكل يصحى إلا حمزة اخر العنقود .
ليلى تمسكه من رجله. وتسحبه على الارض علشان يصحى.
احمد : ايه الى بتعملى دة يا بنتى انتى عبيطة !
ليلى : ملكش دعوة انت. خليك فى حالك.
احمد : يا ماماا. ....يا مامااااا......
ام سهام : في ايه تانى ؟
احمد : بنتك. الغبية. بتسحب حمزة من رجليه على الارض علشان يصحى .
ام سهام : اتجننتى. يا بت تصحى اخوكى. كدة !
ليلى : والله اعمله ايه نومه تقيل. اووى. ومعرفش انتوا. بتصحوه. ليه دة لسه فى اولى ابتدائي !
ام سهام : اه و ايه يعنى اما يصحى. علشان يتعلم زيك. و زى اخواتك .
سهام. تخرج. من الحمام :فى ايه صوتكم صحى الجيران !
ام سهام. : ادخلى يا سهام. صحى بابا بسرعة انا قربت اخلص الفطار .
سهام تخبط. على باباها :. بابا... بابااااا.......
ابو سهام :. ايوة يا بنتى .
سهام. : اصحى الساعة بقت سبعة ونص. الفطار جاهز. يا حاج.
يصحى ابو سهام. ويدخل الحمام يخرج يلاقى الجميع. قاعد منتظره. علشان الفطار.
يفطروا. و كل واحد ياخد كتبه. وحاجته وينزلوا للجامعة والمدرسة.
مروة. وهى نازلة تقول : بابا. ايدك على خمسين جنيه.
ابو سهام : ليه بتاعت ايه. دى على الصبح !
مروة : عندى ملاازم. وحاجات لازم اشتريها يا بابا .
ابو سهام : انتى مش خدتى فلوس منى من يومين للدرس !
ليلى : دا انا يا بابا الى اخدت. للدرس. مش مروة ههههه.
سهام : خلاص يا مروة. انا هديكى الفلوس. بس يلا. ننزل علشان منتاخرش .
ابو سهام : كفاية. يا بنتى انك شايله هم. نفسك. و بتساعدى فى البيت .
سهام: كله من خيرك. يا بابا ربنا يخليك لينا .
الكل ينزل. وتروح سهام للجامعة
تبص. تلاقى صاحبتها. كوثر. تسلم عليها. و يحضروا المحاضرة . وبعدين. ينزلوا لحديقة الجامعه يقعدوا. ينتظروا. المحاضرة التانية .
كوثر. : سهام. عملتى ايه. مع. الواد. الى كل شوية يجيلك الشغل بالعربية دة .
سهام : اخر مرة. اتخانقت معاه وقلتله. انا مش بتاعت كدة. لو سمحت لم نفسك .
واتخانقت. معاه خناقة جامدة .
كوثر. : بجد. يخرب بيتك هههههه. بس احسن علشان يلم. نفسه. هو. اسمه ايه ؟
سهام : بيقول اسمه. اشرف و شغال مهندس .
كوثر : وعاوز. ايه. سي اشرف. منك .
سهام :عاوز يتعرف و يحب. وكدة ههههه. سيبك. منه. احنا بتوع كدة.
يلا بينا نحضر المحاضرة. التانية
. علشان امشي للشغل .
بعد انتهاء المحاضرة يخرجوا من الجامعة يقفوا على المحطة علشان يركبوا عربية .
فاجاة تقف عربية. وينزل شاب ليهم
الشاب : السلام عليكم.
اخبارك. ايه يا انسة سهام عاملة ايه ؟
سهام : انت. تانى هى حصلت كمان تيجى عند الجامعة بتاعتى .
الشاب : اهدى بس لحظة هفهمك. و الله انا قاصد خير
و مش بتسلى انا بحبك. و معجب بيكى جدا. وعاوز. اجي البيت اطلبك. من اهلك
سهام يحمر وجهها من الكسوف. والخجل .
وتبصله. وتقوله. لو كلامك فعلا جد. تروح البيت مش تمشي. ورايا. كدة فى كل حته .
الشاب : انا اسف. بس معرفش العنوان بصي باختصار زى ما قلتلك. قبل كدة. انا اسمى. اشرف مهندس مدنى و وحيد مليش اخوات. غير اخت واحدة و عايش مع والدتى .
كوثر. تبص ليه. و تقوله. : اهلا. يا بشمهندس انا هكتبلك. عنوان بيتها .
تكتب كوثر العنوان. و تديه. لاشرف.
اشرف. : قولى لوالدك. اننا. هاجى يوم الجمعة اقابله. لو الوقت دة يناسبه .
سهام. بخجل : إن شاء الله تشرف فى اى وقت
تيجى العربية. يركبوا. وتروح. سهام. على شغلها وبعد ما يخلص الشغل فى المكتبة . تروح البيت .
تدخل تغير هدومها و تخرج . تقف جنب مامتها فى المطبخ. سرحانة .
ام سهام. مالك يا سهام. سرحانة. فى ايه ؟
سهام. : ابدا. يا ماما بس ...... وتسكت
ام سهام : بس ايه. يا بنتى انطقى قلقتينى!
سهام : مفيش حاجة بس .. 😌 فى واحد. عاوز يجي. يقابل. بابا. علشان يتقدملي.
ام سهام. وهى. فرحانة. : والله تعرفيه. هو كويس يعني. وابن. ناس.
سهام : هو مهندس. و باين عليه ابن. ناس. و معجب بيا. اووى .
ام سهام : طيب خير هكلم. بابا. وهقوله. .بس هو هيجي امته. بقا ؟
سهام : هيجي الجمعة .
ام سهام. الجمعة. يعنى بعد بكرة.
ماشي هقول لبابا و يشرف فى اي وقت .
يعدى اليوم. وتاني يوم. الصبح بعد الفطار. وقبل ما تنزل. سهام. للجامعة .
ام سهام : سهام. انا قلت. لبابا. وهو بيقول مفيش مشكلة. يجي. نتعرف. عليه. ونشوفه .
سهام. : ماشي. يا ماما ربنا يسهل عاوزة حاجة انا نازلة .
ام سهام : تسلمي. يا حببتى. ربنا يفرحك.
يا رب. و يعوضك. خير. على تعبك معانا .
تنزل سهام. للجامعة. و تخلص و تروح المكتبة الى شغاله فيها. بعد ساعتين. تبص. تلاقي. اشرف. واقف. قدامها. وبيبص ليها ومبتسم.
سهام : اهلا بحضرتك .
اشرف : ما بلاش حضرتك. دى. اسمى اشرف .
كلمتى اهلك. و عرفتيهم.
سهام. وهى مكسوفة. : اه. قولتلهم. ان حضرتك جاى تشرب الشاى. معاهم . وقالوا يشرف. فى اي وقت .
اشرف. : الله يكرمكم. دة شرف. ليا. والله. اتعرف عليكم. وادخل بيتكم . عموما مش هطول عليكى علشان شغلك . بكرة ان شاء الله. هكون عندكم بعد المغرب .
سهام : ان شاء الله تشرف فى اى وقت .
يمشي. اشرف. ويخلص اليوم. تروح. سهام البيت. وتعرف. مامتها. ويبدأ الاستعداد. لاستقبال العريس المنتظر.
يا ترى ايه الى هيحصل⁦؟ انتظرونى