دلع حماتى

الجزء الخامس

#دلع_حماتى
الجزءالخامس
#بقلم_سيدعبدربه
بعد ما صحى اشرف و سهام من النوم بعد ليلة جميلة ،استغربوا إن ام اشرف مجتش. زى يوم الصباحية تصحيهم. وتجيب الفطار لاشرف ،
صحيوا اشرف يبص فى الساعة لاقاها 12بعد الظهر ، دخلت سهام تحضر الفطار و دخل اشرف اخد حمام وخرج فطروا.
وصلوا الظهر مع بعض ،بعدها اشرف قال : هروح. ابص على ماما. يا سهام .
سهام : ماشي يا حبيبي اتفضل .
يروح. اشرف يرن جرس الباب. على امه محدش يفتح .
ام اشرف تسمع الجرس لكن متفتحش. و تفضل قاعدة فى مكانها .
اشرف يقلق. ينادى عليها لكن متردش عليه
يدخل بسرعة شقته. ويمسك تلفونه. و يرن على امه وبعد مرة و التانية من الرن من اشرف ترد ام اشرف بصوت ضعيف وظاهر عليه التعب و المرض : آآآلو 😓😓 .
اشرف : انتى فين. يا ماما ؟
ام اشرف : انا فى السرير. يا اشرف 😭😭
اشرف. : مالك. يا ماما سلامتك ؟
ام اشرف : انا تعبانة. اووى يا حبيبى 😔😔
اشرف : الف سلامة. يا حببتي تقدرى. تفتحى الباب علشان ادخل اطمن عليكى ؟
ام اشرف. : لا مش قادرة اقوم يا بنى انا نايمة فى السرير .
اشرف : خلاص انا هفتح بمفتاحى استنى انا جاي بسرعة .
ام اشرف بسرعة تجرى تنام على السرير وتتغطى بسرعة. وتربط دماغها وتبص على باب الشقة. تستنى دخول اشرف علشان يشوفها و هى تعبانة.
اشرف فى شقته ياخد المفاتيح بسرعة.سهام تبصله و تقوله : فى ايه يا حبيبي مالك ؟
اشرف : ماما تعبانة اووى .
يخرج. اشرف و وراه سهام لشقة ام اشرف الى قصادهم .
يفتح اشرف الباب بسرعة. وينادى على امه . ام اشرف فى نفس الوقت تلف نفسها بالبطانية
بسرعة. و تعلى صوتها بالاهات.
اشرف : خير يا ماما. الف سلامة عليكى .
ام اشرف : تعبانة يا اشرف اووى و مش قادرة اقف على حيلي يابنى 😫😫
اشرف : يلا يا ماما طيب نوديكى للدكتور .
ام اشرف : 😲 لا. لا مش مستاهلة. انا بس حاسة بحبة تعب و إرهاق ومش قادرة اعمل اى حاجة ولا حتى اكل 😭
سهام : خلاص يا ماما متعمليش اي حاجة نادى عليا لو احتجتى اى شيء. وانا اعمله ليكى .
ام اشرف. :متشكرة يا بنتى. مش عاوزة اتعبك كل شويه ،وبعدين مش هقدر. انادى. و مش هتسمعينى 😭😭 و انا قاعدة هنا لوحدى 😭
اشرف : لا متقعديش لوحدك بعد كدة تعالى اقعدى معانا يا ماما .
ام اشرف : لا يابنى مينفعش انتوا عرايس وبعدين سهام. تضايق. منى😕.
سهام : لا يا ماما اضايق منك ازاى دا انا اشيلك فوق دماغي و عنيا تعالى بس انتى .
اشرف : تعالى يا ماما عيشي معانا فى اوضة الاطفال ، مينفعش نسيبك فى الحالة دى .
اخدوها معاهم ودخلت الشقة وهى ساندة عليهم و ماسكين اديها ، تدخل و تقعد على السرير ، تسالها سهام وتقولها : فطرتى يا ماما؟
ام اشرف : لا ، مين هيفطرنى. وانا تعبانة 😌
تدخل سهام تحضر فطار بسرعة وتقدمه لحماتها و تقعد جنبها .
ام اشرف : اية دة يا سهام. انتى عاملة فطار ايه ؟
سهام : علملتك بيض وجبنة بيضة ومربى يا ماما اجبلك حاجة تانية ؟
ام اشرف :. لا انا محبش الجبنة البيضة 😒 عندك جبنة رومي ؟
سهام : اه عندى. حاضر هجبلك لحظة بس.
تجرى سهام و تجيب جبنة رومي وتقدمها .
ام اشرف : ايه دة دى جديدة 😒 يلا مش مشكلة ، دا انا بجيب جبنة رومى
من القديمة. و انضف حاجة
من الغالية مش من الرخيصة😒
سهام تبص لاشرف 🙄 وتقول لام اشرف والله يا ماما احنا جايبنها من النضيفة وغالية .
اشرف : اه طبعا. ربنا يبارك فيها حماتى اشترت حاجات كتير اووى .
ام اشرف : طيب كويس ⁦☹️⁦☹️⁩
خلصت الاكل. وطلبت شاى ومر اليوم كله كدا طلبات و تعيب على كل شيء.
لحد ما دخل الليل و وقت النوم . دخل اشرف لامه وقالها : محتاجة. حاجة يا ماما قبل ما انام ؟
ام اشرف : لا يا حبيبي. تصبح على خير .
دخل اشرف. اوضة نومه ومعاه. سهام .
اشرف. :سهام. معلش انا عارف ان ماما تعبتك النهاردة اووى .
سهام. : لا يا قلبي عادى متعبتش. ولا حاجة .
اشرف: عارفة يا سهام. كل يوم بتكبرى فى نظري و بحبك اكتر، انتى فعلا زوجة صالحة
سهام : يا حبيبي انا الى محظوظة بجد لانك جوزى وحبيبي. وانت بار بامك ولو ملكش خير فى. امك. مش هيكون ليك. خير فيا 😊 اشرف : انا بموت. فيكى. وفى تراب رجليكى
بعشقك. و بعشق كل تفاصيلك .
بعدها مسك ايديها و باسها👄. وحضن سهام اووى وقعد يبوس فى ايديها بحب ولهفة😘 .
لكن فجأة حصل امر عجيب جدا !
يا ترى ايه الى حصل؟
#انتظرونى_