دلع حماتى

الجزء الثالث

#دلع_حماتى
الجزء الثالث
خرجت سهام من المطبخ تقدم العصير لاشرف. و مامته. واخته ، بص الجميع عليها. واشرف وشه نٓور وبان عليه السعادة.
ودخلت سلمت على ام اشرف. واخته .
بصت ام اشرف وكانت مذهولة من جمال سهام
ام اشرف : ماشاء الله لا. يا اشرف عرفت تنقى يابنى ، عسولة. وجميلة جدا 😍
ام سهام : ربنا يخليكى. يا ام اشرف اشرف كمان ما شاء الله عليه زى القمر.
اشرف : يعنى عرفت اختار. يا ماما ؟
ام اشرف : اه والله يا بشمهندس بنت قمورة خالص. انا كدة (( هغير منها ))
سهام : تسلمى يا طنط. حضرتك الاصل والله
سوسن اخت اشرف : اشرف اصله كان ميعجبوش العجب ، وكان كل ما نجبله عروسه يرفضها. لما يشوفها ،
لكن انتى بجمالك سحرتيه. ربنا يسعدكم .
ام اشرف : بص يا ابو سهام اشرف عنده شقه قصادى. فى بتنا مفيش حد غريب فى البيت. بنتى متجوزة فى الدور الى فوقنا. وانا. واشرف فى الدور التاني والدور الاول جراچ .
احنا جاهزين وكل حاجتنا موجودة إن شاء الله. يعنى بس ناقص على الفرشة بس .
ابو سهام : كويس يا حاجة ربنا يوسع. عليكم .
ام اشرف : حاااجة ...😲 لا يا ابو سهام انا لسه صغيرة. على الكلمة دى 😏 دا انا متجوزة. وانا عندى15 سنة بس😌
ام سهام. تبص لجوزها و سهام. والكل مستغرب من كلامها. بس مقدروش يعلقوا. على كلامها .وسكتوا .
ابو سهام : معلش يا ام اشرف مختش بالي وبعدين يا ستى ربنا يوعدك بالحج .
ام اشرف. : امين يارب بس لسه شوية .
ام اشرف : طيب طلباتكم. ايه يا ابو سهام؟
ابو سهام : ملناش طلبات غير انه يحافظ على سهام ويتقى الله فيها. لان سهام دى جوهرة. والله. ومش علشان دى بنتى لا ، دى فعلا بنت صبورة. و هادية و جدعة جدا. بمية راجل .
ام اشرف: باين. عليها ونعمه الناس بس شوف عاوزين دهب ايه و مهر ايه. وكدة .
ابو سهام :والله. يا حاجة .. اسف يا ام اشرف الى هيجيبه ليه هو. و لبيته والمهر زى ما الناس ماشيه هنعمل زيهم. و العفش الى ناقص هنجيبه. احنا. وزى ما الناس بردوا. ماشيه. هعمل زيهم. وذيادة .
اشرف : ان شاء الله. يا عمى كل شيء كل شيء هيكون سهل ومعظم الحاجة جاهزة. يعنى الباقى حاجات بسيطة .
ابو سهام. : خلاص يا ابنى. ربنا يقدم الى فيه الخير ، على بركة الله.
ام اشرف : طيب نقراء الفاتحة بقا يا ابو سهام
ابو سهام : اه طبعا بس. لما نتغدا الاول الغدا يا ام سهام يلا .
ام اشرف : لا غدا. ايه احنا. اكلنا. فى بيتنا. ميرسي اووى. ليكم .
ام سهام : يا حببتى وماله. دى لقمة كدا خفيفة احنا مينفعش تيجوا عندنا. ومناكلش لقمة مع بعض دى عوايدنا .
ام اشرف. : لا اتفضلوا. انتوا. احنا شبعانين والله ميرسى اووى.
لحظتها يظهر. على وش ابو سهام و اولاده الزعل . اشرف يلاحظ كدة يبص لى امه ويقول : خلاص يا ماما منكسفش الجماعة ناكل اي حاجة علشان ميزعلوش .
يتحط الاكل على السفرة تأكل ام اشرف بأطراف اصابعها وهى مصضرة هى و بنتها ويبصوا لبعض ويتهامسوا ⁦⁦⁩👂
ودة سبب ضيق لي ام سهام. وسهام واخواتها .
بعد الغدا. وشرب الشاي تم قرأة الفاتحة. ولبس اشرف سهام خاتم الخطوبة واتفقوا على الزواح بعد ثلاث شهور . بعدها مشيوا على وعد ان فى يوم يروحوا يتفرجوا على الشقة عند اشرف . ينزل معاهم ابو سهام يوصلهم. ويطلع. تانى .
ابو سهام : الف مبروك يا سهام ربنا يا بنتى يفرحك و يرزقك الذرية الصالحة . و يبوسها فى جبينها. و يحضنها بحنان.
ام سهام : ربنا يا بنتى يسعدك يا رب . بس انا .... وتسكت .
ابو سهام :انتى ايه. مالك. ؟
ام سهام : خايفة من الولية. ام اشرف دى ⁦☹️⁩ ست باين. عليها. شديدة. و دلوعة. اووى .
ابو سهام يضحك. ويقول : هى دلوعة. باين. عليها بصراحة بس كل واحد هيكون فى شقته. و بيته وسهام تعاملها. زى امها. وهى تكسبها .
سهام : طبعا يا بابا هى زى ماما. متقلقش عليا انا هعرف اكسبها. و اخليها تحبنى زى بنتها .
ام سهام : انت عارف. ان بنتك. طيبة. اووى والست دى خايفة تطلع عينها والله😒
سهام : متخافيش يا ماما عليا .
بعدها اخواتها يهيصوا ليها. ويحتفلوا. بيها والكل ينام سعيد. وفرحان .
بعد يومين. يتصل ابو سهام على اشرف. ويقوله يوم الجمعه هنيجى. نبص على الشقة . ويتفقوا على الميعاد .
يوم الجمعة
يروح ابو سهام و مراته وسهام ومروة يتفرجوا على الشقة .يقدموا ليهم. العصير وطبق حلويات صغير. وبعد ما يتفرجوا يرجعوا البيت
ابو سهام : ايه رائيك فى الشقة. يا سهام ؟
جميلة يا بابا و كبيرة. ما شاء الله .
ام سهام : كبيرة. او صغيرة مش دى المشكلة. اهم شيء يكون فيها حب. وعشرة وهدوان سر
ابو سهام :. وكمان حلواتها انها فى بيت مفيش حد غريب فيه وهكون مطمن عليكى .
ام سهام :اه. حماتك. الدلوعة. قدامك. على طول متخافيش.
سهام. : تضحك اووى. وتقول. اه يا ماما 🤣🤣
تمر الايام وكل يوم يشتروا الحاجات الى ناقصة فى جهاز سهام لحد. ما كل شيء كمل .
عدى التلات شهور وجاء يوم الزفاف وعملوه. فى قاعة افراح كبيرة على حساب اشرف.
قاعة الافراح
ام اشرف لابسة فستان سوارية لا يتناسب مع عمرها وسنها و تصر ام على دخولها مع اشرف وهى ماسكة ايدة التانيه زى العروسة 😆
و تقف جنبه طول وقت الفرح كل الناس. تلاحظ دة. وكانوا مستغربين من افعالها .لدرجة قعدت. تبكى. اووى فى القاعة. وهى جنب اشرف. وهو كان بيمسح دموعها.ويبوس ايديها و راسها لحد ما الفرح. خلص خرجت معاه. وهى ماسكة ايدة. زى ما دخلت .
بيت الزوجية
بعد وصول اشرف وسهام. بيت الزوجية يدخل الاهل معهم يهيصوا ليهم شويه ويباركوا ليهم .ام اشرف ماسكة فى ايد ابنها. ومش عاوزة تسيبه. وسهام. ماسكة الايد التانية 😂
بعد شويه. ام سهام تقول :. يلا يا جماعة نمشي كفاية كدة خلى العرايس يتهنوا ببعض.
الكل يتحرك. علشان يمشوا. الا. ام اشرف مش عاوزة. تتحرك. وتقوم من جنب ابنها😲
بالفعل يمشوا كلهم. واشرف يبص لى امه و مكسوف. منها اووى . ومش عاوز يقولها حاجة علشان متزعلش منه .
اشرف يقول لى امه : اتعشيتى يا ماما ؟
ام اشرف : لا يا حبيبي مأكلتش من الصبح. 😭 وقلبي تاعبني .
سهام : الف سلامة. عليكى يا ماما ، خلاص استنى. اتعشي معانا. انا هحضر عشا حالاً
تدخل سهام تحضر العشا بعد ما غيرت هدومها .
سوسن اخت اشرف تحس ان امها طولت اووى عند اشرف تنزل. ليها. وتقولها. : يلا. يا ماما😒
ام اشرف : انا هتعشى مع اشرف. وسهام وبعدين هروح شقتى .
سوسن : لا تعالى يا حببتى اتعشي معايا يلا دول عرايس .😏
ام اشرف تتكسف وتقوم تمشي وهى زعلانة .
سهام تحاول تمسك فيها علشان تاكل معاهم. لكن ترفض. وسوسن ترفض .
تمر الليلة بسلام بين العروسين وتكون اجمل ليلة فى العمر و يناموا على حب و سعادة ويصحوا على شيء غريب جدا !
يا ترى ايه الى حصل ؟