ام علي:يمه فرح بنيتي تعالي نزلي يمه
فرح:ها يمه جاية نزلت
ام علي:يمه يله تريكي خلي اخذج للسوك ابوج
كال اخذيها جهزيها بكلشي تحتاجه
فرح:يمه يعني ابوي قافل على هذي الزواج😔😔
ام علي:اي يمه ابوج يكول ذولة شيوخ وخوش ناس
يمه شتسوين هذا قدرج يمه وهمة خوش ناس وان شاء الله تنسعدين واريد اوصيج يمه
رفعي راسي وراس ابوج وصيري سباعية يمه
يمه باجر يجون حتى يكطعولج مهر
فرح:يمه مااريده😭😭
يمه مااحبه اني اصلا احب ابن خالي عزام
وهو يحبني يمه كلي لخالي خلي يجي
يخطبني
ام علي:ولج اسكتي لحد يسمعج فضحتينه ولج شنهي تحبين ابن خالج هذي سالفة جديدة ولج ياهوو منهم ولج احجيلي شمصخمه
فرح:يمه شبيج شنو كفرت من حبيت ابن خالي دومكم حابسينه بهالعادات وقوانين العشاير شنهي مالي حق اعيش حياتي
احب ابن خالي عزام وهو يحبني وراح اكله خلي يجي خالي يخطبني
ام علي:ولج ياهوو من ولد خالج ولج نزلتي راسي من الله ياخذج شاكول لابوج هسة البنية عاشكه وماتريد تزوج ولج وحق الله يذبحونج ابوج واخوتج
فرح:ليش يذبحوني ماسويت شي غلط اريد اعيش حياتي واني وجابر ابن خالي عزام واحد يحب الثاني من زمان
ام علي:ولج انه راح اسولف لاخوج علي وهو يتصرف وياج
فرح:لا يمه اترجاج لا دكولين لعلي يذبحني يمه
ام علي:ولج لعد انسي حبج هذا الفاشل وكومي وياي للسوك ولج ذولة شيوخ ومايرحمون الي يردهم كومي ولج
فرح:اي يمه كايمه بس خطيتي بركبتكم😔😔
ام علي:كومي ولج يله بسرعة
علي:كملت دوامي ورجعت للبيت اول ما دخلت للبيت لكيت امي وفرح جايات من السوك دخلت كلت السلام عليكم
ام علي:هلا يمه وليدي كواك الله
علي:هلا بالغالية الله يساعدج يروحي
ها فروحه شلونج
فرح:زينه
علي:شبيها فروحتي الحلوة
ام علي:ما بيها شي يمه عيارة نسوان
علي:لا فروحتي بيها شي
تعالي فرح تعالي وراي خوية اريد اسولف وياج
فرح:اي خوية جاية
علي:صعدت لغرفتي وكعدت على الجرباية
اجت فرح اختي كتلها تعالي فرح كعدي بصفي
اي فرح خوية سولفيلي شبيج اشوفج مو على بعضج من يوم ابوي وافق على طلب الشيخ ابو عباس لليوم
فرح:خوية علي احجيلك وتساعدني
علي:شنهوو ولج انه اخوج اذا اله الج الحك اجيبه من حلك السبع واذا عليج الحك اكسر راسج فهمتي
فرح:خوية علي ما اريد اتزوج من الاخير
علي:ليش خوية شنو السبب شنهي الولد ماترغبينه لو اكو غير سبب
فرح:خوية ما مستعدة للزواج هسة وذولة بيت الشيخ يكولون يضلمون المرة ومايراعوها
علي:شوفي سالفة مامستعدة للزواج شيليها من بالج لان كل بنية ومصيرها بيت رجلها
وسالفة بيت الشيخ يضلمون ولج الي يسحكلج على طرف اكسر ضهره وانه اخوج
أنت تقرأ
حبيبة ابن الجنوب
Romanceقصة تتحدث عن معاناة الحب تتحدث عن فتاة من عائلة راقية ذات مستوى عالي جدا قد تعودت هذه الفتاة على ان تحصل على كل ماتتمناه لكن هل هذه الفتاة ستمارس عنادها عندما تقع في الحب وهل تستطيع ان تضحي من اجل الحب سرحان واسولف بيك واحجي بجمالك مو جنت صافي الب...
