ملكته

البارت الاول

المشهد الاول
**********
صاحت بصوت مرتفع : يا ماما ارحميني انا مبقتش صغيره .. سندوتشات اي بس يا ماما

قطبت حاجبيها بضيق : الحق عليا اني خايفه عليكي يعني

زفرت بحنق : يا ماما اي دخل خوفك بالسندوتشات افهم انا

الام : مهو لو مكلتيش ممكن تتعبي وتقعي من طولك

ملكه : لا متقلقيش لو وقعت مش هقولك عشان متقلقيش

الام : إنتي بتهزري انا غلطانه

ملكه بعطف : ماما بالله عليكي هتأخر ع السيكشن والدكتور هينفخني .. لما ارجع هقعد انا واللنشون ونتفاهم سلام

ركضت مسرعه للخارج ف نفس الوقت ارتطم (شبشب) بالباب خلفها

الأم بضيق : أنا معرفتش اربي .. والله ما عرفت اربي

ركضت مسرعه ف الشارع غير مهتمه باحد كل ما يشغل تفكيرها هي أن تصل قبل الموعد حتى لا تتعرض للاحراج ركبت باول مواصله كانت امامها وجلست وهي تتنفس بعنف من شده الركض

ملكه بصياح : ف باقي ورا يااسطا

السواق : مفيش باقي الكل خد فلوسه

ملكه : انت هتهزر ع الصبح .. ابعت الباقي يسطا

السواق بغلظه : بقولك ايه؟؟ .. بلاش شغل الحراميه

ملكه باستنكار : انا حراميه .. ابعت الباقي بالذوق دول باقي خمسين

السواق : محدش بعتلي خمسين

ملكه : طب اركن بقي

اخذ ينظر إليها من معها ف نفس الحافله وكأنها برأسين هبطت للاسفل ونزل السواق معها تجاهلته وتقدمت مكان القياده وسحبت الأموال التي رأتها واخرجت الخمسين جنيه

ملكه للناس : الخمسين جنيه اهي .. يعني انا مش نصابه ولا حراميه لا سمح الله .. ولا بفتري ع حد .. انا عارفه امثالك كويس

احد الرجال وهو ينزل خلفها : يابن ال**** بتضحك ع الانسه

ملكه : اهو انتوا رجاله اتصرفوا معاه انتوا انا كده حقي اخدته

اخذ السواق يسب ويلعن ولكن لم يكمل لان الشباب اخذوا يلقنونه درسا يجعله يقسم الا ينصب ع امرأه ثانيه .. ركبت سياره اخره وهي تلعن ذلك السائق ع الوقت الذي اضاعه منها .. وصلت الي وجهتها سريعا ولم يتبقي معاها وقت الا خمس دقائق قضتهم ف الركض مسرعه ودخلت السيكشن وجلست بجوار رفاقها وهي تأخد انفاسها بسرعه

منال : اي يا بنتي اتأخرتي ليه

ملكه وكأنه امر معتاده عليه : ابدا اتخنقت مع سواق الميكروباص

هبه بتأفف : تاني يا ملكه .. انتي ولد يا بنتي

ملكه : يعني اسيبه ينصب عليا واسكتله