ملكته

مشهد خاص بمناسبه العيد 🌹

زمت شفتها بغضب طفولي وهي بتبص علي إللي قاعد ومش همه حاجه
ملكه بدلع : زيزو .. يا حليوه
حمزه بنصف عين : ايه يا ملكه؟عايزه اي ؟
ملكه : احنا داخلين على عيد
حمزه بترقب : اها
ملكه : فين هديه العيد يا حمزه
حمزه باستغراب : هو العيد بيتجبله هدايا
ملكه هامسه بسخرية : لا صواريخ افرقعها ف وشك .. علت صوتها .. طبعا يا حبيبي خصوصا أنه اول عيد لينا مع بعض
حمزه : اااه .. طب سوري بقي يا ملوكه نسيت خالص الموضوع ده العيد الجاي أن شاء الله هجبلك الهدايا
ملكه : لا انت بتهزر صح
حمزه : لا مبهزرش .. وكفايه بقي عشان عايز انام يا ملكه تعبان وعندي شغل مهم بكره واحنا في رمضان يا حبيبتي مش قادر?
ملكه : تناام؟؟! نام يا حمزه نام
واللي صدمها انه نام فعلا غمضت عينها بحزن كانت متوقعه انه هيفتكرها لوحده بس طلع ناسيها خالص نامت بهدوء مكانها وهي بتحاول متعيطش وهو لف ليها وحضنها من وسطها وقربها ليه وسند راسه جنب راسها وهو بيشم عبير شعرها باستمتاع ونام بهدوء وسابها في حزنها لوحدها
تاني يوم اتصل بيها وقالها انه مش هيقدر يجي على الفطار زعلت بس متكلمتش وقفلت معاه وبعد الفطار لقت خبط علي الباب فتحت لقت واحد واقف وشايل بوكس كبير
ملكه باستغراب : خير حضرهك
الراجل بوقار: الاستاذ حمزه باعت لحضرتك البوكس ده
اخدت منه البوكس وقفلت الباب ودخلت اوضتها وفتحته ولقت فستان من اللون السماوي وتحت خالص طبقه من الدانتيل الاسود مع مستلزمات الفستان كامله ولقت ورقه موجوده فتحتها وكان فيها (ياريت تعجبك هديتي البسيطه وتقبلي تلبسي الفستان ) قفلت الورقه بسعاده وفعلا لبست الفستان إللي كان متفضل ليها ولبست الطرحه  الخاصه بالفستان مزيج اللون السماوي والاسود وانتظرت مكالمه حمزه اللي فعلا اتصل
حمزه بهدوء : ممكن ملكتي الجميله تتكرم وتنزل لأني مستنيها
قفلت الفون من غير ما ترد عليه ونزلت تحت بهدوء وهو شافها فضل لحظات متنح بعدين قرب منها وباس أيدها بلطف وفتح الباب وهي  دخلت بابتسامة وهو قفل وراها وركب من الناحية التانية ومشيوا بالعربيه وكان الصمت سيد الموقف لحد ما وصلوا غمي عينها بقماشه صغيره
ملكه : ف اي يا حمزه
حمزه : هشششش ثقي فيا وبس
مسك ايدها ودخلوا جوا وهو بيساعدها تطلع السلالم لحد ما وصلوا وشال القماشه من على عينها فتحت عينها وانصدمت من المنظر صورها ف كل مراحل حياتها متعلقه علي الحيطه قصادها وكلمه اسف وبحبك قصادها و دوار الشمس اللي بتحبه ف المكان وريحه الورد منتشره ليها قربت منه وحضنته جامد اوي وهو بادلها بحب
حمزه بحب : كل سنه وانتي طيبه .. كل سنه وانتي معايا يا ملكتي
ملكه بفرحه : أنا بحبك اوووووي يا حمزه .. بحبك اوي
حمزه : وانا كمان .. انا مقدرش انساكي يا ملكه لانك باختصار النفس إللي انا بتنفسه إنتي روحي يا ملكه مقدرش انساكي
ملكه : انا .. انا بجد مش مصدقه نفسي انت احلي حاجه حصلتلي ف حياتي ربنا يخليك ليا يا حمزه
حمزه : ويخليكي ليا يا من ملكت قلبي .. تسمحيلي بالرقصه دي يا ملكتي الحلوه
ومد ايده بطريقه دراميه حطت ايدها علي ايده بنعومه واشتغلت الاغنيه اللي هي بتحبها ورقصوا عليها برومانسيه وعينهم علي بعض لفها سند براسه علي رقبتها وباسها برقه
حمزه : أوعي تفتكري ف يوم اني ممكن انساكي يا ملكه .. لانك باختصار حياتي إللي هعيشها
ملكه : انا مش عارفه اقولك اي بجد
سكتها بطريقته الخاصة بقبله رقيقه على شفايفها واتكلم بهمس : ومن مش عايزك تقولي حاجه .. عايزك تستمتعي بسحر اللحظه وبس .. انا قولتلك أن شكلك بالفستان يجنن
ملكه بدلع : تؤ مقولتليش
حمزه بخبث : لا ده أنا لازم اعتذر بقي واشرحلك إزاي هو حلو عليكي
وقرب منها وباسها جامد بادلته نفس شغفه ومفيش مكان للبعد الاشتياق صعب وهما بيعوضوا اشتياقهم اللي مكنش الا يوم واحد وبس بس بالنسبه ليهم فهو سنه لي لا وهي من ملكت قلبه وعقله وكيانه هي من ملكته بقلبها وهو من اسرها بحبه وشخصيته لتصبح بعدها اسيره في عشقه وهو سجانها!♥

كل عام وانتم بخير يااارب 💙🙈 وعيد مبارك علي الجميع ان شاء الله
#Nemo