خطوة نحو الجحيم 2 (باللهجة التونسية )

الحلقة 62

ﺍﻟﺤﻠﻘﺔ : 62
ﺭﺍﺋﺪ؛ ﻣﺎﻻ ﺍﻧﺘﻲ ﺍﻟﻤﺴﺎﻋﺪﺓ ﻣﺘﺎﻉ ﺃﻟﻜﺲ
ﻣﺮﺍﺩ؛ ﺗﻲ ﻭﻳﻨﻮ ﻫﻮ
ﺍﻟﻴﻒ؛ ﻣﻤﻢ ﺍﻧﺎ ﻣﺴﺎﻋﺪﺗﻮ
ﺭﺍﺋﺪ؛ ﺷﻨﻮﺓ ﺳﻴﻼ ﻣﺎ ﻏﺮﺗﺶ ﺧﺎﺗﺮ ﻭﺣﺪﺓ ﻣﺰﻳﺎﻧﺔ ﺍﻛﺎ ﺗﺨﺪﻡ ﻣﻊ ﺣﺒﻴﺒﻚ
ﺍﻟﻴﻒ؛ ﻫﻬﻪ ﻣﺮﺳﻲ
ﺳﻴﻼ؛ ﻫﻬﻬﻪ ﺭﺍﺋﺪ ﺃﻟﻜﺲ ﻳﺤﺒﻨﻲ ﻳﻌﻨﻲ ﺣﺘﻰ ﻟﻮ ﻳﺨﺪﻡ ﻣﻊ ﻣﻠﻜﺔ ﺟﻤﺎﻝ ﺍﻟﻌﺎﻟﻢ
# ﺍﻟﻴﻒ :
ﺣﻜﻤﺖ ﻓﻲ ﺭﻭﺣﻲ ﻗﺪ ﻣﺎ ﻧﻨﺠﻢ .... ﺗﻲ ﺯﺍﻳﺪﺓ ﺛﻘﺔ ﻓﺮﻭﺣﻬﺎ ﺭﺍﻫﻲ ... ﺣﻂ ﻣﻮﺳﻴﻘﻰ ﺳﻠﻮ ...
ﺳﻴﻼ؛ ﺷﻨﻮﺓ ﻣﺮﺍﺩ ﻣﻔﻤﺎﺵ ﺷﻄﺤﺔ ﻣﻌﺎﻙ ﻳﺎﺧﻲ
ﻣﺮﺍﺩ؛ ﻫﻬﻪ ﺑﺎﻟﻄﺒﻴﻌﺔ ﻓﻤﺎ
ﺣﻜﻢ ﻳﺪﻫﺎ ﻭ ﺑﺪﺍﻭ ﻳﺸﻄﺤﻮ .... ﻫﺰﻳﺖ ﻛﺎﺱ ﻣﺘﺎﻉ ﺟﻲ ﻣﻦ ﻋﻨﺪ ﺍﻟﺴﺎﺭﻓﻮﺭ ... ﻭ ﺗﻠﻔﺘﺖ ﻟﻴﻬﻢ ... ﻣﻨﻌﺮﺵ ﻋﻠﻰ ﺷﻨﻴﺔ ﻳﻀﺤﻜﻮ ....
ﺍﻟﻴﻒ؛ ﻫﻬﻪ ﺷﻔﻤﺎ
ﺟﺎﺩ؛ ﺍﻏﺰﺭ ﻷﻛﺎ ﺍﻟﺴﻤﻴﻨﺔ ﻛﻴﻒ ﺗﺸﻄﺢ ﺍﻟﺴﻠﻮ ﻛﻴﻒ ﺍﻟﺸﺎﻭﻱ
ﺗﻠﻔﺘﺖ ﻏﺰﺭﺗﻠﻬﺎ ﺷﺮﻗﺖ ﺑﺎﻟﻀﺤﻚ
ﺭﺍﺋﺪ؛ ﻫﻬﻬﻬﻪ ﺗﻲ ﺑﺎﻟﻌﻘﻞ ﻻ ﺗﻤﻮﺕ ﻣﻦ ﺍﻟﻀﺤﻚ ﻳﺎ ﻃﻔﻠﺔ
ﺍﻟﻴﻒ؛ ﻫﻬﻬﻬﻬﻬﻬﻬﻬﻬﻬﻬﻬﻪ ﺑﺎﻟﺮﺳﻤﻲ ﻣﻮﺵ ﻧﻮﺭﻣﺎﻝ
ﺟﺎﺩ؛ ﺣﻄﻮﻟﻬﺎ ڨﺼﺒﺔ ﻋﺎﺩ ﺗﻠﻔﺘﻠﻬﺎ ﺍﻟﺸﻄﺤﺔ ﺭﺍﻫﻲ
ﺍﻟﻴﻒ؛ ﻫﻬﻬﻬﻬﻬﻬﻬﻬﻬﻬﻬﻪ ﻳﺰﻱ ﻋﺎﺩ
ﺭﺍﺋﺪ؛ ﻫﻬﻬﻬﻬﻬﻪ ﻏﺮﻳﺒﺔ ﻛﻴﻒ ﺭﺟﻞ ﺃﻋﻤﺎﻝ ﻛﻴﻒ ﺍﺣﻤﺪ ﻣﺘﺰﻭﺝ ﻭﺣﺪﺓ ﺍﻛﺎ ﻫﻬﻬﻪ
ﺟﺎﺩ؛ ﺍﻟﺤﺐ ﻫﻬﻬﻬﻬﻪ
ﺗﻠﻔﺘﻨﺎ ﻭﻗﺖ ﺣﺒﺴﺖ ﻣﻦ ﺍﻟﺸﻄﻴﺢ ... ﻫﺰ ﺭﺍﺋﺪ ﺍﻟﻤﺴﺪﺱ ﻣﺘﺎﻉ ﺍﻟﺬﻫﺐ ...
ﺟﺎﺩ؛ ﺍﻣﺎ ﻛﺎﺩﻭﺍ ﻣﻴﺠﻴﺶ ﻓﺎﻟﺒﺎﻝ
ﺭﺍﺋﺪ؛ ﻫﻬﻬﻪ ﻻﺯﻡ ﺧﺎﺗﺮ ﻫﺎﺫ ﺍﻟﻜﺎﺩﻭ ﻟﻲ ﻳﻠﻴﻖ ﺑﻤﺮﺍﺩ
ﺍﻟﻴﻒ؛ ﺍﻣﺎ ﻣﺴﺪﺱ ﻣﺘﺎﻉ ﺍﻟﺬﻫﺐ ﺍﻭ ﻣﺴﺪﺱ ﻋﺎﺩﻱ ﻓﻲ ﺯﻭﺯ ﻋﻨﺪﻫﻢ ﻧﺘﻴﺠﺔ ﻭﺣﺪﺓ ﻫﻲ ﺍﻟﻤﻮﺕ
ﺭﺍﺋﺪ؛ ﻋﻼﻩ ﻣﺘﺨﺎﻓﺶ ﻣﻦ ﺍﻟﻤﻮﺕ ﺍﻧﺘﻲ ﺍﻟﻨﺎﺱ ﺍﻟﻜﻞ ﺗﺨﺎﻑ ﻣﻨﻬﺎ ﻛﻮﻥ ﺑﻠﻌﺒﺔ ﻧﻮﺟﻪ ﺍﻟﺴﻼﺡ ﺍﻛﺎ ﻓﻮﺟﻬﻚ ﺷﺘﻌﻤﻞ؟
ﺍﻟﻴﻒ؛ ﻯﻔﻤﺎ ﺯﻭﺯ ﺣﻮﺍﻳﺞ .... ﺍﻟﻨﺎﺱ ﻳﺨﺎﻓﻮﺍ ﻣﻨﻬﻢ .... ﺍﻟﻤﻮﺕ ﺃﻭ ﻳﻤﻮﺕ ﺣﺪ ﻣﻦ ﻋﺎﻳﻠﺘﻬﻢ .... ﻋﺎﻳﻠﺘﻲ ﻣﻔﻤﺎﺵ ... ﻭ ﺃﻧﺎ ﻣﻨﺨﺎﻓﺶ ﻣﻦ ﺍﻟﻤﻮﺕ .... ﺗﻮﺍ ﺭﺍﻙ ﺗﻠﻌﺐ ﻣﻊ ﻭﺣﺪﺓ ... ﻣﺘﻨﺠﻢ ﺗﺨﺴﺮ ﺷﻲ
ﺭﺍﺋﺪ؛ ﻛﻲ ﻋﺎﺩ ﺍﻛﺎ ﺷﺘﺤﺐ ﻣﻦ ﺍﻟﺪﻧﻴﺎ ﺍﻧﺘﻲ ؟
ﺍﻟﻴﻒ؛ ﺣﻮﺍﻳﺞ ﺑﺮﺷﺎ .... ﺃﻭﻟﻬﻢ ﺃﻧﻲ ﻧﻌﻴﺶ ﻛﻞ ﻳﻮﻡ ﺣﺎﺟﺔ ﺟﺪﻳﺪﺓ ... ﻣﻊ ﻋﺒﺎﺩ ﺟﺪﺩ
ﺟﺎﺩ؛ ﻣﻤﻤﻢ ﻋﺠﺒﺘﻨﻲ ﺍﻟﻘﺎﻋﺪﺓ ﻫﺎﺫﻱ
ﺭﺍﺋﺪ؛ ﻛﻴﻔﻲ ﺑﺎﻟﻀﺒﻂ ﺃﻣﺎ ﺷﻤﺨﻠﻲ ﻭﺣﺪﺓ ﻛﻴﻔﻚ ﺗﺪﺧﻞ ﻟﻠﻤﺎﻓﻴﺎ !!!
ﺍﻟﻴﻒ؛ ﻫﻬﻪ ﺗﺠﺮﺑﺔ ﺟﺪﻳﺪﺓ
ﺭﺍﺋﺪ؛ ﻣﻤﻢ ﺗﻔﻜﻴﺮﻙ ﻣﺨﺘﻠﻒ ﺷﻮﻱ
ﺍﻟﻴﻒ؛ ﻫﻬﻪ ﺷﻘﻮﻟﻚ ﺗﺨﻮﺽ ﺗﺠﺮﺑﺔ ﺟﺪﻳﺪﺓ
ﺭﺍﺋﺪ؛ ﻛﻴﻒ !
ﺍﻟﻴﻒ؛ ﺍﻏﺰﺭﻟﻲ
ﻏﻤﺰﺗﻮﺍ ﻭ ﻣﺸﻴﺖ ﻟﻠﺪﻳﺠﻲ ... ﻫﻤﺴﺖ ﻓﻲ ﻭﺫﻧﻮﺍ .... ﻏﺰﺭﻟﻲ ﻭ ﺗﺒﺴﻢ .... ﻗﺼﺖ ﺍﻟﻤﻮﺳﻴﻘﻰ ﺑﺎﻟﻮﻗﺖ ﺍﻟﻜﻞ ﺗﻠﻔﺘﻮﺍ ﻏﺰﺭﻭﻟﻮﺍ ... ﻃﻔﺎ ﺍﻟﻀﻮ ﻋﻠﻰ ﺍﻟﻤﻨﺼﺔ ﺍﻟﻌﺎﻟﻴﺔ ﻓﻴﻬﻢ .... ﻭ ﺷﻌﻞ ﻣﻊ ﺃﻏﻨﻴﺔ Corazon ﻣﺘﺎﻉ maluma ... ﺍﻟﻜﻞ ﻏﺰﺭﻭﻟﻲ ﻭ ﻟﻺﻳﻜﻴﭗ ﻣﺘﺎﻉ ﺍﻟﺸﻄﻴﺢ ﻟﻲ ﺗﻔﺎﻫﻤﺖ ﻣﻌﺎﻫﺎ ﺑﺎﻟﻮﻗﺖ .... ﺑﺪﻳﺖ ﻧﺘﻤﺎﻳﻞ ﻣﻌﺎﻫﺎ .... ﻋﻴﻮﻧﻬﻢ ﺗﺮﺷﻘﺖ ﻣﻌﺎﻳﺎ .... ﺭﻳﺖ ﺳﻴﻼ ﻛﻴﻒ ﺗﺤﻜﻲ ﺑﺎﻟﺘﻴﻠﻴﻔﻮﻥ .... ﻟﻔﻴﺖ ﻭ ﺗﻠﻔﺘﺖ ﻏﺰﺭﺗﻠﻬﺎ ﻃﻤﻨﺘﻨﻲ ﺑﻌﻴﻨﻴﻬﺎ ... ﺗﻮﺍ ﺍﺭﺗﺤﺖ .... ﻛﻤﻠﺖ ﺍﻷﻏﻨﻴﺔ ﻟﻠﺨﺮ .... ﻗﺼﻴﺖ ﻣﻌﺎﻫﺎ ﻛﻴﻒ ﻧﺰﻟﺖ ﺭﺍﺳﻲ ﻭ ﻃﻠﻌﺘﻮﺍ .... ﺍﻟﻜﻞ ﺻﻔﻘﻮﺍ ﺑﺎﻟﻮﻗﺖ .... ﺟﺎﺕ ﻋﻴﻨﻲ ﻣﻊ ﻋﻴﻨﻴﻪ .... ڨﺤﺮﻟﻲ ڨﺤﺮﺓ ﻣﺘﺎﻉ ﻣﻮﺕ ... ﻧﺰﻟﺖ ﻋﺎﺭﺿﻨﻲ ﺭﺍﺋﺪ ﺑﺎﻟﻮﻗﺖ ...
ﺭﺍﺋﺪ؛ ﺇﻳﺠﺎ ﻟﻠﻤﻨﺼﺔ
ﺍﻟﻴﻒ؛ ﻋﻼﺵ
ﺭﺍﺋﺪ؛ ﻫﻴﺎ
ﺣﻜﻤﻠﻲ ﻳﺪﻱ ... ﻫﺰﻳﺖ ﻋﻴﻨﻲ ﻏﺰﺭﺗﻠﻮﺍ .... ﺑﺎﺵ ﻳﻄﺮﺷﻖ ... ﺃﺻﻼ ﻳﺒﺎﻥ ﺗﺎﻋﺐ ... ﻣﺎ ﺻﺪﻗﺖ ﺃﻧﻮ ﻧﺠﻢ ﻳﻌﻤﻠﻬﺎ .... ﻏﺰﺭ ﻟﻴﺪﻭ ﻟﻲ ﻓﻴﺪﻱ ... ﺟﺎ ﺑﺎﺵ ﻳﺠﻲ ... ﺷﺪﺗﻮ ﺳﻴﻼ ﻣﻦ ﻣﺮﻓﻘﻮ ... ﻃﻠﻌﻨﺎ ﻟﻠﻤﻨﺼﺔ ... ﻫﺰ ﺍﻟﻤﺎﻳﻜﺮﻭﻓﻮﻥ ﺑﺎﻗﻲ ﺣﺎﻛﻢ ﻳﺪﻱ ... ﻣﻮﺵ ﻓﺎﻫﻤﺔ ﺃﺻﻼ ﺷﻨﻴﺔ ﻟﻲ ﻳﻌﻤﻞ ﻓﻴﻪ .. ﻏﺰﺭﺕ ﻟﻴﻬﻢ ﺍﻟﻜﻞ ﻳﺴﺘﻨﺎﻭ ﺷﺒﺎﺵ ﻳﺤﻜﻲ
ﺭﺍﺋﺪ؛ ﺑﻮﻧﺼﻮﺍﺭ ﻟﻠﻜﻞ ﻭ ﻧﻌﺎﻭﺩ ﻧﺮﺣﺐ ﺑﻴﻜﻢ ﻣﻦ ﺟﺪﻳﺪ ... ﺍﻟﻜﻞ ﻓﻴﻜﻢ ﻳﺘﺴﺂﻝ ﻋﻼﺵ ﺍﻧﺎ ﻫﻮﻧﻲ ﻭ ﺣﺎﻛﻢ ﻳﺪ ﺁﻳﻨﺠﻞ ﺯﺍﺩﺓ ..
ﺗﻠﻔﺖ ﻏﺰﺭﻟﻲ
ﺭﺍﺋﺪ؛ ﺑﻄﺒﻴﻌﺘﻲ ﻧﺤﺐ ﻛﻠﺶ ﻓﻴﺴﻊ ... ﻭ ﺍﻟﺤﺎﺟﺔ ﻟﻲ ﺗﺴﺘﺎﻫﻞ ﺍﻧﻮ ﻧﺎﺧﻮ ﻃﺮﻳﻖ ﻟﻴﻬﺎ ... ﻣﻨﺨﻤﻤﺶ ﻣﺮﺗﻴﻦ ... ﻓﻲ ﻟﺤﻈﺘﻬﺎ ﻧﺎﺧﻮﻫﺎ ﻭ ﺃﻧﺎ ﺗﻮﺍ ...
ﻏﺰﺭﻟﻲ ﻓﻌﻴﻨﻴﺎ ﻳﺤﻜﻲ
- ﺁﻧﺠﻞ ﺗﻌﺮﺱ ﺑﻴﺎ ؟
_____________________
# ﺧﻄﻮﺓ _ ﻧﺤﻮ _ ﺍﻟﺠﺤﻴﻢ
# ﻳﺴﺮﻯ _ ﺃﻣﺠﻮﺝ