خطوة نحو الجحيم 2 (باللهجة التونسية )

الحلقة 69

الحلقة 69 :
ﺍﻟﻴﻒ ﺗﺤﻜﻲ :
ﻭﻗﺖ ﻧﺤﺒﻮ ﻣﻦ ﻗﻠﺒﻨﺎ ... ﺗﺘﻨﺎﺯﻟﻮﺍ ﺑﺮﺷﺎ .... ﻭ ﻧﺴﺎﻣﺤﻮ ﺯﺍﺩﺓ ... ﺃﻣﺎ ﺍﻟﻌﻼﻗﺔ ﻭﻗﺖ ﺗﺒﺪﺍ ﻋﻠﻰ ﺗﻨﺎﺯﻝ ﻃﺮﻑ ﻭﺍﺣﺪ ﻛﻞ ﻣﺮﺓ ..... ﻣﺘﻨﺠﺤﺶ ﺯﺍﺩﺓ ﺑﺎﺵ ﻳﺘﺠﺮﺡ ﻛﻴﻒ ﻛﻞ ﻣﺮﺓ . ...
ﻗﺮﺑﻮ ﻟﻴﺎ ﺩﻭﺧﻨﻲ ... ﺃﺻﻼ ﻣﻨﻌﺮﺵ ﻛﻴﻒ ﻧﺠﻤﺖ ﻧﻜﻮﻥ ﺑﺎﻟﺒﺮﻭﺩ ﺍﺫﺍﻛﺎ .... ﺻﺤﻴﺢ ﻧﺪﻡ ﻭ ﻃﻠﺐ ﺍﻟﺴﻤﺎﺡ ﺃﻣﺎ ﻣﻮﺵ ﻛﻞ ﻣﺮﺓ ﻧﺘﺴﺎﻫﻞ ﻣﻌﺎﻩ .. . ﻋﺎﻻﻗﻞ ﺧﻠﻴﻪ ﻳﺤﺲ ﺑﺎﻟﺸﻲ ﻟﻲ ﺣﺴﻴﺘﻮﺍ ﻟﻴﻠﺘﻬﺎ ... ﺩﺯﻳﺘﻮﺍ ﺑﻜﻞ ﻗﻮﺗﻲ ... ﺭﺟﻊ ﻟﻠﺘﺎﻟﻲ ﻳﻐﺰﺭﻟﻲ ﻣﺘﻔﺎﺟﺄ ... ڨﺤﺮﺗﻠﻮﺍ ﻧﺤﻜﻲ ...
ﺍﻟﻴﻒ؛ ﺷﻨﻮﺓ ﺃﻟﻜﺲ ﺑﺠﻼﻟﺔ ﻗﺪﺭﻭ ﻭﻻ ﻳﻨﺰﻝ ﻣﻦ ﻣﺴﺎﻭﺍﻩ ﺑﺎﺵ ﻳﺒﻮﺱ ﻝ *****
ﺃﻭﺱ؛ ﺍﻟﻴﻴﻴﻴﻴﻴﻒ ﺷﻨﻴﺔ ﺍﻟﻬﺪﺭﺓ ﻫﺎﺫﻱ
ﺍﻟﻴﻒ؛ ﺁﻧﺠﻞ ﺗﻲ ﻧﺴﻴﺖ ﻣﻮﺵ ﻫﺎﺫﻱ ﻫﺪﺭﺗﻚ ! ﺷﺘﺒﺪﻝ ﺗﻮﺍ ؟
ﻋﻄﻴﺘﻬﺎ ﺑﺎﻟﻈﻬﺮ ... ﻋﺪﻳﺖ ﻳﺪﻱ ﻋﻠﻰ ﻭﺟﻬﻲ ﻣﻨﻌﺮﺵ ﺷﻨﻴﺔ ﻧﻌﻤﻞ ﻓﻲ ﺳﻤﺎﻫﺎ ﺗﻮﺍ ... ﺗﻠﻔﺘﺖ ﻏﺰﺭﺗﻠﻬﺎ ﻛﻴﻒ ﺗڨﺤﺮﻟﻲ ﺑﺘﺴﻮﻣﻴﻢ
ﺃﻭﺱ؛ ﻫﻴﺎ ﻧﺮﻭﺣﻮ ﻓﻴﺴﻊ
ﺍﻟﻴﻒ؛ ﻭﻳﻦ
ﺃﻭﺱ؛ ﺑﺎﺵ ﺗﻜﻤﻞ ﻣﻬﻤﺘﻚ ﻣﺪﻣﻮﺯﺍﻝ ﺁﻧﺠﻞ
ﺍﻟﻴﻒ؛ ﻧﺠﻲ ﻭﺣﺪﻱ ﻣﻴﺴﺎﻟﺶ
ﺃﻭﺱ؛ ﻣﻮﺵ ﻧﺸﺎﻭﺭ ﻓﻴﻚ ﻓﻤﺎ ﻣﻬﻤﺔ ﻏﺪﻭﺓ ﺍﻟﻠﻴﻠﺔ ﺑﺎﺵ ﺗﺪﻱ ﻣﻌﻠﻮﻣﺎﺕ ﻋﻠﻴﻬﺎ
ﺍﻟﻴﻒ؛ ﻫﻴﺎ
ﺗﻌﺪﺍ ﻣﻦ ﻗﺪﺍﻣﻲ .... ﻣﻌﺼﺐ ﻋﻠﺨﺮ ... ﺗﺒﺴﻤﺖ ﻋﻠﻰ ﺟﻨﺐ ... ﺣﻠﻴﺖ ﺍﻟﻔﺮﻳﺠﻴﺪﺍﺭ ﻫﺰﻳﺖ ﺑﻮﺍﺕ ﻛﺒﻴﺮﺓ ﻣﺘﺎﻉ ﻻﻛﺮﻳﻢ ﻭ ﻣﻐﺮﻓﺔ ... ﺧﺮﺟﺖ ﻣﻦ ﺍﻟﻜﻮﺟﻴﻨﺔ ﻭﺻﻠﺖ ﻟﻠﺒﺎﺏ .... ﻫﺰﻳﺖ ﻣﻔﺎﺗﺢ ﺍﻟﺪﺍﺭ ﻗﻔﻠﺖ ﺍﻟﺒﺎﺏ ﻭ ﺧﺮﺟﺖ . ... ﺭﻛﺎ ﺍﻟﻜﺮﻫﺒﺔ ﻗﺪﺍﻣﻲ .... ﺍﻟﺴﺨﻄﺔ ﺭﺍﻛﺎﻫﺎ ﻗﺒﻴﻞ ﻣﻮﺭﺍ ﺍﻟﺪﺍﺭ ﺑﺎﺵ ﻣﻨﻌﺮﺵ ﺍﻟﻠﻲ ﻫﻮ ﺟﺎ .... ﻧﺰﻟﺖ ﺍﻟﺪﺭﻭﺝ .... ﺣﻠﻴﺖ ﻟﻠﺒﺎﺏ ﻭ ﺭﻛﺒﺖ ﻣﻐﺰﺭﻟﻴﺶ ﺟﻤﻠﺔ .... ﻃﺎﺭ ﺑﺎﻟﻜﺮﻫﺒﺔ .... ﺣﻄﻴﺖ ﺍﻟﻤﻔﺎﺗﺢ ﻓﻲ ﺣﺠﺮﻱ ... ﺣﻠﻴﺖ ﺍﻟﺒﻮﺍﺕ ﻣﺘﺎﻉ ﺍﻟڨﻼﺱ ﻧﺎﻛﻞ ﻭ ﻧﺘﺒﻨﻦ .... ﻋﺎﻣﻠﺔ ﺟﻮﻱ ﻋﻠﺨﺮ .... ﻛﻞ ﻣﺮﺓ ﻳﺘﻠﻔﺖ ﻳڨﺤﺮﻟﻲ ..... ﻭﺻﻠﻨﺎ ﻟﻠﻔﻴﻼ ...
ﺃﻭﺱ؛ ﺍﻧﺰﻝ
ﻧﺰﻟﺖ ﺃﺻﻼ ﻣﻮﺵ ﻧﺎﻓﺤﺘﻠﻲ .... ﻧﺎﻗﺸﻮﺍ ﺗﻮﺍ ... ﻏﺰﺭﺕ ﻟﻠﻔﻴﻼ .... ﺣﺴﻴﺖ ﺭﻭﺣﻲ ﻛﺎﻧﻲ ﻛﻨﺖ ﻏﺎﻳﺒﺔ ﻋﺎﻡ ﻣﻮﺵ ﺷﻬﺮ ... ﻋﺪﻳﺖ ﻟﺴﺎﻧﻲ ﻋﻠﻰ ﺷﻔﺎﻓﻲ ... ﺑﻨﻴﻦ ﻣﻮﺵ ﻧﻮﺭﻣﺎﻝ ... ﺩﺧﻠﺖ ﻋﺎﺭﺿﺘﻨﻲ ﺍﻟﺒﻮﻥ ... ﺭﺣﺒﺖ ﺑﻴﺎ ... ﺗﺒﺴﻤﺘﻠﻬﺎ ﻭ ﻃﻠﻌﺖ ﻟﺒﻴﺘﻲ ... ﻣﻨﻌﺮﺵ ﺷﺒﻴﻨﻲ ﺗﻮﺣﺸﺖ ﻧﻘﻌﺪ ﻓﻴﻬﻢ .... ﺣﻄﻴﺖ ﺍﻟﺒﻮﺍﺕ ﻋﺎﻟﻜﻮﺍﻓﻮﺯ ﺃﺻﻼ ﺧﻠﺼﺘﻬﺎ ... ﺗﻜﻴﺖ ﻋﺎﻟﺴﺮﻳﺮ ﻟﻠﺘﺎﻟﻲ ... ﻫﺰﻧﻲ ﺍﻟﻨﻮﻡ ﺑﻼ ﻧﻔﻴﻖ
ﺃﻭﺱ ﻳﺤﻜﻲ :
ﺩﻭﺏ ﻣﺎ ﻭﺻﻠﺘﻬﺎ ﻟﻠﻔﻴﻼ .... ﻃﺮﺕ ﺑﺎﻟﻜﺮﻫﺒﺔ ﻋﻨﺪ ﻛﻴﻢ ... ﻧﺤﺐ ﻧﺘﺄﻛﺪ ﻣﻦ ﺃﻛﺎ ﺍﻟﻬﺪﺭﺓ ...
ﻛﻴﻢ؛ ﺟﻴﺖ ﻓﻲ ﻭﻗﺘﻚ ﻣﺴﺘﻌﺪ
ﺃﻭﺱ؛ ﻣﺘﺄﻛﺪ ﻟﻲ ﺍﻟﺴﻴﻨﻴﻮﺭ ﺍﻟﻜﺒﻴﺮ ﺑﺎﺵ ﻳﻜﻮﻥ ﻓﻤﺎ ؟
ﻫﺪﻳﻞ؛ ﺗﺄﻛﺪﻧﺎ ﺃﻭﺱ ﺗﻌﻘﺐ ﻣﺘﺎﻉ ﺗﻴﻠﻴﻔﻮﻥ ﻣﺆﻳﺪ ﻳﻘﻮﻝ ﻫﻜﺎ
ﺳﻴﻼ؛ ﻻﺯﻡ ﻧﺮﻭﺣﻮ ﺍﻟﻜﻞ
ﺃﻭﺱ؛ ﺑﺎﺵ ﻧﻨﺼﺒﻮﺍ ﻛﻤﻴﻦ ﻟﻴﻬﻢ ... ﻭﻛﺘﺎﻩ ﺍﻹﺟﺘﻤﺎﻉ ﺑﺎﻟﻀﺒﻂ !!
ﻛﻴﻢ؛ ﺑﻌﺪ ﻏﺪﻭﺓ ﺍﺳﻄﻨﺒﻮﻝ ﺗﺮﻛﻴﺎ ﺍﻟﺴﺎﻋﺔ 22
ﺃﻭﺱ؛ ﺑﺎﻫﻲ ﺍﺣﺠﺰﻟﻨﺎ ﺍﻟﻜﻞ ﻭ ﺧﺒﺮ ﺍﻝ FBI ﺯﺍﺩﺓ ﺑﺎﺵ ﺗﺴﻬﻠﻠﻨﺎ ﺍﻟﻤﻌﺎﻣﻼﺕ ﻫﻮﻧﻴﻚ ﻛﻴﻢ : ﻣﻔﺮﻭﺯﺓ ﻣﺎﻡ ﻟﺆﻱ ﺑﺎﺵ ﻳﻜﻮﻥ ﻫﻮﻧﻴﻚ
ﺃﻭﺱ؛ ﺑﺎﻫﻲ
ﻫﺪﻳﻞ؛ ﺣﻜﻴﺖ ﻣﻊ ﺍﻟﻴﻒ ﻳﺎﺧﻲ !
ﺃﻭﺱ؛ ﺍﻣﻤﻢ ﻓﺎﻟﻔﻴﻼ ﺭﺍﻫﻲ ﺑﺎﺵ ﻧﻤﺸﻲ ﺗﻮﺍ
ﺳﻴﻼ؛ ﺑﺎﻱ
ﻛﻴﻢ؛ ﻏﺪﻭﺓ ﻧﺘﻼﻗﺎﻭ ﻃﻮﻝ ﻓﺎﻟﻤﻄﺎﺭ
ﺃﻭﺱ؛ ﺃﺣﺴﻦ ﺑﻴﻨﺎﺗﻨﺎ ﺗﻴﻠﻴﻔﻮﻥ
________
ﺩﺧﻠﺖ ﻟﻠﻔﻴﻼ ... ﺳﻘﺴﻴﺖ ﺍﻟﺒﻮﻥ ﻗﺎﺗﻠﻲ ﺑﻠﻲ ﻓﻲ ﺑﻴﺘﻬﺎ ... ﺣﻠﻴﺖ ﺍﻟﺒﺎﺏ ﻗﺎﺑﻠﺘﻨﻲ ﻛﻴﻒ ﺭﺍﻗﺪﺓ ... ﻗﺪﻣﺖ ﺑﺨﻄﻮﺍﺕ ﺭﺯﻳﻨﺔ ﺗﺎﻋﺐ ﺑﺮﺷﺎ .... ﻫﺎﺫ ﺍﻟﺤﻜﺎﻳﺔ ﺗﻌﺒﺘﻨﻲ .... ﻧﺤﺐ ﻧﻮﺻﻠﻮﺍ ﻭ ﻧﺘﻬﻨﻰ ﻛﻬﻮ ... ﻗﻌﺪﺕ ﻋﻠﻰ ﻃﺮﻑ ﺍﻟﺴﺮﻳﺮ ... ﻧﻐﺰﺭﻟﻬﺎ ﻗﺪﺍﺵ ﺗﻮﺣﺸﺘﻬﺎ ... ﺷﻬﺮ ﻛﺎﻥ ﻛﺎﻓﻲ ﺑﺎﺵ ﻧﻌﺮﻑ ﻟﻲ ﺣﻴﺎﺗﻲ ﻓﺮﺍﻍ ﻣﻦ ﻏﻴﺮﻫﺎ ... ﻋﺪﻳﺖ ﻳﺪﻱ ﻋﻠﻰ ﺧﺪﻫﺎ ... ﻧﻌﺮﻑ ﺗﺤﺎﻭﻝ ﺗﺼﻄﻨﻊ ﻓﺎﻟﺒﺮﻭﺩ ﺃﺫﺍﻛﺎ ... ﻣﻬﻤﺎ ﺣﺎﻭﻟﺖ ﻣﺘﻨﺠﻤﺶ ﺗﻜﻮﻥ ﺁﻧﺠﻞ .... ﺧﺎﻃﺮﻫﺎ ﺍﻟﻴﻒ ﻣﺘﺎﻋﻲ ﻛﻬﻮ ... ﻏﺰﺭﺕ ﻟﻠﺸﻮﺭﺕ ﻟﻠﻲ ﻣﺰﺍﻟﻬﺎ ﺑﻴﻬﺎ ﻭ ﺍﻛﺎ ﺍﻟﺸﻮﻟﻴﻘﺔ ﻟﻲ ﻻﺑﺴﺘﻬﺎ ... ﺳﺪﺭﻫﺎ ﺍﻟﻜﻞ ﻋﻠﻰ ﺑﺮﺍ ﺑﻼ ﻣﺎ ﻧﺤﻜﻲ ﻋﻠﻰ ﻛﺮﺷﻬﺎ ... ﻏﻤﻀﺖ ﻋﻴﻨﻴﺎ ﻧﺤﻲ ﻓﺎﻷﻓﻜﺎﺭ ﺍﻟﻤﻨﺤﺮﻓﺔ ... ﻧﺰﻟﺖ ﺑﺴﺘﻬﺎ ﻋﻠﻰ ﺧﺪﻫﺎ ﻭ ﺧﺮﺟﺖ ..
ﺍﻟﻴﻒ ﺗﺤﻜﻲ :
ﻋﺪﻳﺖ ﻳﺪﻱ ﻋﻠﻰ ﺧﺪﻱ ... ﺭﻫﻮﺟﺘﻨﻲ ﺭﻳﺤﺘﻮ ... ﺣﻜﻤﺖ ﺭﻭﺣﻲ ﻗﺪ ﻣﺎ ﻧﻨﺠﻢ ... ﻫﺰﻳﺖ ﺭﻭﺣﻲ ﻭ ﻗﻤﺖ ﺧﻼﻗﻲ ﺩﺍﻳﺮﺓ ﻋﺎﻟﻠﺨﺮ ... ﻫﺰﻳﺖ ﺭﺍﺳﻲ ﻟﻘﻴﺘﻮﺍ ﻓﺎﻟﺒﺎﺏ ﺗﻲ ﻣﻌﻨﺪﻭﺵ ﻧﺺ ﺳﺎﻋﺔ ﻣﻦ ﻟﻲ ﺭﺍﺡ ....
ﺃﻭﺱ؛ ﺍﻧﺰﻝ ﺗﺘﻌﺸﺎ
ﺍﻟﻴﻒ؛ ﻭﻗﺖ ﻧﺠﻮﻉ ﻧﺎﻛﻞ ﻣﺮﺳﻲ
ﺃﻭﺱ؛ ﺗﻔﺮﻙ ﻓﻴﻬﻢ ﻋﻠﻴﺎ ﺗﻮﺍ ﺍﻧﺰﻝ
ﺍﻟﻴﻒ؛ ﺃﻟﻜﺲ ﻧﺨﺪﻣﻮﺍ ﻛﻴﻒ ﻛﻴﻒ ﺭﺍﻧﺎ ﻣﻮﺵ ﻧﺨﺪﻡ ﻋﻨﺪﻙ ﺣﺘﻰ ﺗﺄﻣﺮﻧﻲ ﺷﻨﻌﻤﻞ ﻭﻗﺖ ﻧﺠﻮﻉ ﻧﺎﻛﻞ ﺻﺤﻴﺖ
ﻗﺪﻣﺖ ﻟﻴﻬﺎ ﺷﺪﻳﺘﻬﺎ ﻣﻦ ﻳﺪﻫﺎ ... ﺑﺎﻗﻲ ﺗﻔﺎﺭﻉ ﻓﻴﺎ ﻟﻴﻦ ﻧﺰﻟﻨﺎ .. ﺍﻟﺒﻮﻥ ﻏﺰﺭﺗﻠﻨﺎ ﻣﺒﻬﻤﺔ ﻣﺒﻌﺪ ﺭﺍﺣﺖ ... ﻗﻌﺪﺗﻬﺎ ڨﺤﺮﺗﻠﻲ ﺑﺘﺴﻮﻣﻴﻢ .. ﻫﺰﻳﺖ ﺍﻟﻜﺎﺱ ﻣﺘﺎﻉ ﺍﻟﻜﻮﻛﺎﺷﺮﺑﺘﻮﺍ ... ﻣﺒﻌﺪ ﻗﻌﺪﺕ ...
ﺍﻟﻴﻒ ﺗﺤﻜﻲ ﻏﺰﺭﺕ ﻟﻠﺘﺎﺑﻞ ... ﺣﻮﺕ ﻣﺸﻮﻱ ... ﺗﺤﻠﻮﺍ ﻋﻴﻨﻴﺎ .. ﻏﻄﺴﺖ ﻓﻴﻪ ﺑﻼ ﻣﺎ ﻧﺨﻤﻢ ... ﺩﻭﺏ ﻣﺎ ﻛﻤﻠﺖ ﻫﺰﻳﺖ ﺭﺍﺳﻲ ﻟﻘﻴﺘﻮﺍ ﻳﺘﺒﺴﻢ ...
ﺍﻟﻴﻒ؛ ﺷﺒﻴﻚ ﺗﻀﺤﻚ ﻓﻤﺎ ﻛﻠﻮﻥ ﻫﻮﻧﻲ ﻭ ﺍﻧﺎ ﻣﻔﻴﺒﺎﻟﻴﺶ ؟
ﺃﻭﺱ؛ ﻫﻬﻬﻪ ﻋﻠﻰ ﺃﺳﺎﺱ ﻣﻜﻨﺘﺶ ﺟﻴﻌﺎﻧﺔ ﻫﺎﻙ ﻗﺮﻳﺐ ﺗﺎﻛﻞ ﺍﻟﺘﺎﺑﻞ
ﺍﻟﻴﻒ؛ ﻫﻪ ﺯﺍﻳﺪ ﻣﺎﺳﻂ ﻧﻔﺤﺘﻠﻲ ﻧﺎﻛﻞ ﺣﺴﺪﺗﻨﻲ ﻓﺎﻫﺎ
ﺃﻭﺱ؛ ﺑﺼﺤﺘﻚ ﻣﻘﻠﻨﺎ ﻭﺍﻟﻮ
ﻗﻤﺖ ﻣﻦ ﺍﻟﺘﺎﺑﻞ ﺣﻠﻴﺖ ﺍﻟﻔﺮﻳﺠﻴﺪﺍﺭ ... ﻧﻔﺮﻛﺲ ﻋﺎﻟڨﻼﺱ ... ﺷﺎﻫﻴﺘﻮﺍ ﻋﺎﻟﻠﺨﺮ ... ﺭﻳﺖ ﻭﺍﺣﺪ ﻣﺘﺎﻉ ﺍﻟﺸﻜﻼﻁ ﺟﺒﺪﺗﻮﺍ .. ﺗﻠﻔﺘﺖ ﺧﺒﻄﺖ ﻓﻴﻪ
ﺃﻭﺱ؛ ﻣﻤﻢ ﺣﻘﻲ ﻫﺬﺍ ﺩﻭﻣﺎﺝ
ﺍﻟﻴﻒ؛ ﺗﻘﺼﺪ ﺍﻟڨﻼﺱ !
ﺃﻭﺱ؛ ﺍﻣﻤﻢ ﺷﻨﻴﺔ ﺣﻜﺎﻳﺘﻚ ﻣﻊ ﺍﻟڨﻼﺱ ﻫﺎﻙ ﻣﻦ ﺍﻟﺼﺒﺤﺔ ﺗﺎﻛﻞ ﻓﻴﻪ
ﺍﻟﻴﻒ؛ ﻧﻔﺤﺘﻠﻲ ﺗﺤﺐ ﻋﻠﻴﻪ ﻫﺎﻙ ﺗﻮ ﻧﺨﺮﺝ ﻧﺸﺮﻱ
ﺣﻄﻴﺖ ﻓﻴﺪﻭ ... ﺟﻴﺖ ﻧﻤﺸﻲ ﺭﺩﻧﻲ ﻟﻠﺘﺎﻟﻲ ﺧﺒﻂ ﻇﻬﺮﻱ ﻓﺴﺪﺭﻭ ... ﺣﻄﻮ ﻓﻴﺪﻱ ﻭﻛﺒﺲ ﻋﻠﻰ ﺟﻨﺒﻲ
ﺃﻭﺱ؛ ﻧﻘﺺ ﻣﻦ ﺍﻟﺘﻔﻮﺭﻳﺦ ﻣﺘﺎﻋﻚ
ﺍﻟﻴﻒ؛ ﺑﺎﻫﻲ ﺑﺎﺵ ﻧﺎﻛﻞ ﺗﻮﺍ ﻭﻻ ﺣﺘﻰ ﻧﺴﻤﻊ ﻣﺤﺎﺿﺮﺓ ﻣﺘﺎﻋﻚ
ﺳﻴﺒﺘﻬﺎ ﺑﺎﻟﻮﻗﺖ ... ﺗﺨﻤﻢ ﻛﺎﻥ ﺗﺎﻛﻞ ... ﻗﻌﺪﺕ ﻋﺎﻟﺘﺎﺑﻞ ﺗﺎﻛﻞ ﻭ ﺗﺒﻨﻦ ... ﻗﺪ ﻣﺎ ﺣﻜﻤﺖ ﺭﻭﺣﻲ ﻣﻨﺠﻤﺘﺶ ... ﻗﺪﻣﺖ ﻟﻴﻬﺎ ﺣﻄﺖ ﻣﻐﺮﻑ ﻓﻲ ﻓﻤﺎ ﻣﺒﻌﺪ ﻧﺰﻟﺘﻬﺎ ... ﻏﺰﺭﺗﻠﻲ ﻟﻔﻴﺖ ﻳﺪﻱ ﻋﻠﻰ ﻭﺳﻄﻬﺎ ... ﻓﻴﺪﻫﺎ ﺍﻟﺒﻮﺍﺕ ﻭ ﺍﻟﻴﺪ ﺍﻟﺜﺎﻧﻴﺔ ﺍﻟﻤﻐﺮﻓﺔ ...
ﺍﻟﻴﻒ؛ ﺃﻭﻭﻭﺱ ﺍﺑﻌﺪ
ﺃﻭﺱ؛ ﺍﻧﺘﻲ ﺟﺒﺘﻬﺎ ﻟﺮﻭﺣﻚ
ﺧﻄﻔﺘﻬﺎ ﻣﻦ ﺭﻗﺒﺘﻬﺎ ﻭﻧﺰﻟﺖ ﻋﻠﻰ ﺷﻔﺎﻓﻬﺎ ... ﻧﺤﺐ ﻧﺤﻲ ﻣﻨﻬﺎ ﻭﺣﺶ ﻣﺘﺎﻉ ﺷﻬﺮ ﺍﻟﻜﻞ ... ﻣﺒﻌﺪﺗﻨﻴﺶ ﻭ ﻣﺘﻔﺎﻋﻠﺘﺶ ﺯﺍﺩﺓ ... ﻋﺮﻓﺘﻬﺎ ﻛﺎﺑﺴﺔ ﺭﻭﺣﻬﺎ .. ﺟﺒﺪﺕ ﺭﻭﺣﻲ ﺷﻮﻱ .. ﻏﺰﺭﺗﻠﻲ ﻓﻌﻴﻨﻴﺎ ...
ﺃﻭﺱ؛ ﻧﺤﺒﻚ ﺣﺘﻰ ﻭﺍﻧﺘﻲ ﻣﺘﻐﺸﺸﺔ ﻭ ﻣﻴﺠﻴﺶ ﺗﺎﻛﻞ ﺍﻟڨﻼﺱ ﻭﺣﺪﻙ ﻛﻲ ﺗﻜﻤﻞ ﻫﺎﻧﻲ ﻓﺎﻟﺼﺎﻟﺔ ﻋﻨﺪﻧﺎ ﻣﺎ ﻧﺤﻜﻮ
▶▶▶▶▶▶▶▶▶▶▶▶▶▶
# ﺧﻄﻮﺓ _ ﻧﺤﻮ _ ﺍﻟﺠﺤﻴﻢ
# ﻳﺴﺮﻯ _ ﺃﻣﺠﻮﺝ