ولكن❤

2

"" العلامة دي معناها الزول بتكلم مع نفسو""
انا مشيت لي اسلام ولقيت معاهو في المكتب محمد يلا دا اظرف استاذ في الدنيا ياخ لمن ما اكتب ما بدقني ومعاهم سلمى  

انا: يا استاذ قالو انت عايزني
سلمى:انتي يا بت داخلة حديقة حيوان ما تسلمي ولا دا بيت ابوك
انا:"كويس انكم عارفين روحكم حيوانات" يا استاذة ابوي ما سالك
اسلام: يابت ما تقلي ادبك
انا:ماقليت ادبي لكن هي ما تجيب سيرة ابوي
سلمي: اديني رقم ابوك هسه
انا:...09180
سلمى:اقيفي هنا اضرب ليهو قدامك
انا: اصلا واقفة
سلمى: الو السلام عليكم استاذ محمد عايزنك تجي المدرسة اي طيب تمام
انا:يا استاذ اسلام عايزني لي شنو
اسلام:انتي مش قلتي على السمين الاصلع
انا:"ووووب على الليلة كشفني" انا متين قلت كد
اسلام:خلاص امشي
انا:كويس
ومشيت الفصل لي اية
انا:ااااية يا سجم الرماد
اية:مالك ياخ
انا:اسلام عرف انو انحنا بنقطع فيهو
اية:معناها الليلة حا يدونا انذار
انا:بابت انا نكرتو حطب
اية:الحمدولله
انا: غايتو انتي يوم حا تجيبي لينا الهوا
اية: 😒
انا:😂
اية:اجي نحنا كضبنا ما ياهو سمين واصلع
انا:اية وحيات الله انتي ما نصيحة
واليوم انتهى
ومشيت كلمت البنات الشمار
لولو:ياخ عمو محمد ما حا يشاكلك لانك ما غلطي
دانية:بالجد
سلمى:يابت تعالي ابوك جا
انا:جاااااااية
ومشيت لقيت سلمي واسلام واسلام شكلو حكي ليهو
بابا: والله يا استاذة انا شايف انو  رزان دي ما غلطت لانو مارضت في ابوها
سلمى:لاكن كان مفروض تحترمني وما تلعي صوتها على
بابا:وتسمع انو  ابوها بتهان عادي الموضوع عندك
سلمى: خلاص يا استاذ محمد معليش

(هي نسيت اوصف ليكم اسلام وسلمى ومحمد اسلام سمين قصير مااادي كرشتو زي المرة الحامل مجلح او بالاصح اصلع وسلمى مررت اسلام ياهو المثل البقول شبهينا و اتلاقينا يلا سلمى طويلة ضعيفة وعندها كريشة صغنونة وعندها جبهة وجلاحات اللهم لا شماتة غايتو الشفع حا بكونو مصلعين محمد طويل اسمر ملاحمو هادئة ومكسر بنات تامن)
بابا: يابتي انتي ما غلطتي وانا شايف انو معاك حق
انا: عارفة عارفة يا بابا❤
بابا:اها تمشي معاي ولا بالترحيل
انا: بمشي معااااك لكن دقيقة اكلم هديل انو حا امشي معاك
بابا:طيب
انا: هددددديل
هديل:اها مالك
انا: انا ماشة مع بابا
هديل: حظك ياااا معفنة سوقني معاك
انا:ابببببيت يلا طيري
ومشيت مع بابا
انا:حممممممودي
(بقول ليهو حمودي لمن اكون عايزة حاجة)
بابا:عايزة شنو
انا:يعني ما ادلعك
بابا:لالا ما تدلعيني قولي عايزة شنو
انا:المهم بما انك كاشفني عايزة اسكريم
بابا:طيب
انا:انا نهووووبك يا همودي 😂❤
بابا:يابت انا راجل متزوج بكلم ليك مرتي😂💔
انا:لالا مرتك بتضبحني
ومشينا اشترينا اسكريم ومشينا البيت دخلت لقيت براءة بتقرا في الكيمياء
(براءة بنقول ليها فافا)
انا: ياحليلك يا فافا كيمياء قلتي لي
فافا:اسكتي مني يا سجم
انا:اااااابيت
حسااام:يا بنات
انا:الليلة دا مالو جا بدري
فافا:بري ارح نشوفو عشان ما يعمل لينا موضوع
انا: ارح
فافا:نعم يا حسام
حسام: امي وابوي وين
انا:ماعارفة امي لكن ابوي قبل شوية كان في
فافا: في واحد ببقا لينا مات مشو البكا
حسام:وحاتم وين
انا:قال حا يتاخار
حسام:لي حا يتاخر
انا:ماعارفة
حسام:طيب تاكلو من البيت ولا اطلب ليكم اكل
فافا غمزت لي يعني قولي اي
انا:في ملاح خدرة وانت ما بتحبو
حسام: يعني اطلب
فافا:اي
حسام: خلاص كويس ولمن حاتم يجي كلموني
انا وفافا:طيب
وهو مشا غرفتو وانا مشيت غرفتي وفافا غرفتها
انا مشيت لي فافا وقلت
انا: ليها اضرب لي حاتم عشان حسام زهجان مش
فافا:اااي وقولي ليهو ما يتاخر
انا:طيب
ومشيت ضربت لي حاتم
حاتم:مالك يا سجم الرماد
انا:استاااهل خلي حسام يكتلك ويريحنا منك
حاتم: شنو شششنو حساام الجابو الليلة بدري شنو
انا:مااعارفو انحنا زاتنا استغربنا
حاتم:طيب قال شنو
انا:سال منك وقلت ليهو قال حايتاخر سالني يتاخر لي قلت ليهو ما عارفة
حاتم:ياخ كان تقولي ليهو مشا يقرا مع اصحابو
انا:ابيت وهو هسي زهجاااان
حاتم:ياخ هسي دا وقتو كنت خالط مع مزة من الموت
انا:يخلطوك في خلاط يا بعيد اقول ليك حسام زهجان ما بتفهم
حاتم: طيب قتي لي لحدي ما اجي
انا: عندي ليك فكرة
حاتم:شنو
انا: ناس امي وابوي مشو بكا تمشي هناك وتحضر الجنازة مع ابوي وتجي معاهو وهو اكيد حا يسالك قول ليهو مشيت البكا من الجامعة مع ابوي
حاتم:لكن لو قال لي انت البعرفك بيهم شنو ما بتعرفي اخوك بحكها مع الزول كيف
انا:قول ليهو صلة رحم
حاتم: انا اسوي فيك شنووو ياه
انا:شوكلاتات ومعاها رصيد
حاتم:شوف المعفنة دي ولا حاجة
انا:خلاص بكلم حسام
حاتم:كلميهو انا خايف منو
انا:حسااااام
حاتم:خلاص خلاص بجيب ليك
انا:والرصيد ما تنسي
حاتم:اقطعي وشك الواحد دا
انا:بااااي
وقفلت كدا حسام نادنا كدا
مشيت لقيت فافا نايمة صحيتها قلت ليها حسام عايزنا قالت لي ياخ قولي ليهو نايمة
انا:طيب
ومشيت لي حسام
حسام:اختك ويناا
انا:نايمة
حسام :خلاص امشي صحيها عشان تجي تاكل
انا:طيب
ومشيت اصحيها
انا:فافا قوومي جبنا الاكل
فافا:ممممم
انا لقيت عندها حمة
انا:حسااااام حسااااام
حسام جا جااري
حسام: في شنو قلت ليك خشرمية مرة ما تكوركي
انا:فافا عندها حمة وبتقول كلام قريب ومامفهوم
حسام هبشها لقاها محمومة
حسام:لبسيها عباية نوديها المستشفى
انا:طيب
لبستها وناديت حسام
حسام:انتي لابسة ماشة وين
انا:حا امشي معاكم طبعا
حسام:لالالا
انا: وانت بتقدر لي فافا براها
حسام: خلاص امرقي
ومشينا المستشفي ودخلنا لي الدكتور طوالي حسام: السلام عليكم
الدكتور:وعليكم السلام
حسام:اختي عيانة شوية
الدكتور:عندها شنو
حسام:حمة وبتهضرب
الدكتور: كشف عليها وقال لينا اعملو الفحوصات دي
حسام: طيب
وعملنا الفحوصات وحسام كان متوتر شديد
انا:ماما ضربت لي اقول ليها شنو
حسام:جيبي انا برد ليها
شال التلفون ومشي لمن جا قال لي ناس امي جاين
انا: مافي داعي يجو
حسام:اسكتي خلينا نشوف دي مالها
انا سكت عشان هو زهجان هسي بقوم يكورك فيني
بعد شوية امي وابوي وحاتم جو
امي:في شنو مشيت خليت بتي كويسة
ابوي:استهدي بالله ما كدا
حسام:ماعارفين
والتحاليل طلعت مشا ابوي وحسام لي الدكتور
وجو مارقين
امي: قال ليكم شنو
ابوي: ارهاااق من القراية بس
امي:الحمد لله
حاتم: خلاص ياجماعة ارح البيت
انا:اي عشان هي زاتها ترتاح
حسام:امي وابوي امشو وسوقو رزان وفافا وانا بسوق حاتم وبجيب الدوا وبجي
ابوي:طيب لكن ما تتاخرو
حسام:طيب
امي:خلو بالكم من نفسكم
حسام:طيب يا امي ويلا ياحاتم
يلا انحنا مشينا البيت وامي مشت سوت شوربة
وحسام وحاتم اتاخرو وامي قلقت شديد
امي: يا محمد اضرب لي الاولاد ديل شوفهم مالم اتاخرو
ابوي: طيب
وضرب ليهم قال ليهم مالكم اتاخرتو
حسام:هسي انحنا في الباب
ابوي :طيب
امي:اها مالهم
ابوي:قالو في الباب
امي:طيب
وحسام وحاتم جو شايلين كمية اكيااس
انا: دا كلو لي شنو
حسام: بطلي كلام كتير وتعالي شيلي معانا
انا:طيب
ومشيت شلت معاهم
حسام: في كيس حا امشي اجيبو
انا شفتو تعبان ومن ما جا ما رقد
انا: انا بمشي بجيبهم يا حسام
حسام: لالالا انا بمشي
انا:لي انا بمشي انت تعبان
حسام: لكن الساعة 10
انا: ما بتجيني حاجة ما تخاف
حسام: طيب خلي بالك من نفسك وهاك المفتاح
انا: طيب
ومشيت فتحت باب الصالون لقيت الدنيا ضلام وانا بخاف من الضلام لكن قلت حرام حسام تعبان قلت بسم الله ومشيت مشيت فتحت باب الشارع وفتحت العربية جبت الكيس وبعد نزلت سمعت صوت كلب قررريب وانا بخاف من الكلاب موت
انا: يارزان عندك خيارين يا اما تركبي العربية لحدي ما يمشي يا اما تفحطي لي البيت  ركبت العربية و بعد شوية الكلب مشا نزلت ومشيت البيت دخلت كدا الكهربا قطعت وانا بخاف من الضلام بقيت بقول بسم الله بسم الله بي صوت عالي ودخلت جوا ختيت الكيس في المطبخ وبعد مرقت طقشت زول

يتبع...