أم احمد،،،ماما غزوله وين صرتي ياامي تعالي ساعديني،
غزل ،،اي ماما جيت جيت دقايق
ام احمد ...ولج يوم بدل متلعبين ادرسي النهار كله امگابله البلاي وتلعبين ادرسي كلمه تفيدج
غزل ...ههه اي يايمه هي ساعه ارتاح بيها العب ويه احمد شويه لو حتى الساعه ممنوع ارتاح بيها
ام احمد .. والله يايمه جوابج بطرف السانج منو يكدرلج ابوج دللج
غزل ههههه فديته بابا حبيبي ربي يحفضه بس يمكن انتي تغارين منه ههههههه
ام احمد ... عابت اي والله ما عايز بس اغار منج بكد الفصمه هههههه
غزل.. طلعت اضحك على كلام امي وهي تصيح ياربي منين اجيبلج عقل اني متاكدة الياخذج امه داعيه علي بمغربيه
خل اعرفكم شويه عن نفسي
اسمي غزل صف اول متوسط عمري 12سنه عيوني سود كبار وشعري اسود ناعم كلش وطويل يوصل النهايه ضهري لاطويله ولاقصيرة ناعمه موخشنه اكثر شي يميزني كثافه رموشي اي شخص يشوفني يعتقد رموشي اصطناعيه بسبب كثافتهن وهلشي منطي عيوني الكبار جماليه اكثر
عمري ماكنت مغرورة بالعكس حيل طيبه واحب الناس ومااعرف شي اسمه كره ومشكلتي الوحيدة الثقه اثق بالكل وبسرعه ابيع اسراري موكتومه يعني من اول حچايتين تبوگين الساني ههههه
عندي 4اخوان واخت وحدة كلهم اصغر مني اني الچبيرة ابوي كان مدللني كلش دائما ايگلي انتي اول فرحتي وجان يفرقني عن كل اخواني حيل مدللني امي تعترض دائما اتگله البنيه متنعطي حريه زيادة ميصير تخرب البنيه بالدلال الزايد
كان يضحك وتلمع عيونه ايگل لمي دام خشمي ايشم الهوى ادلل بناتي شعندي غيرهن حتى من اموت يتذكرني ويبچن من گلبهن عليه لان يذكرن دلالي
والدي چان يشتغل موضف بالبصرة واحنه من سكنه بغداد وبسبب بعد المسافه ابوي ميگدر يرجع للبيت كل يوم فكان كل اسبوع ينزل مجاز ومرات اكثر
رحت للحمام سبحت ولبست اتراك نيلي وطلعت رحت مشطت شعري وسويته ضفيرة اجيت اساعد امي بالمطبخ سمعت صوت الجرس طلعت امي كالت هذا اكيد همام محد يجينه غيرة روحي الباب
همام ابن عمي اكبر مني ب 12سنه طويل شعرة بني وعيونه عسلي اسمر ملامحه حادة شخصيته جدا قويه كتوم كلامه قليل بس عصبي حيل هو الرباني دائما يكلهم هاي بنيتي من جانت صغيرة دوم هي بحضني اشيلها والعبها احسها بنتي ربت على ايدي
فكان مسؤل مني بعد ابوي يقريني ويعلمني الصح من الخطآ احترمه واخاف منه الدرجه كلش چبيرة واحسب الكلمته الف حساب هو يصير ابن عمي وابن خالتي بنفس الوقت امي وخالتي ماخذات الاخوة
امي تحب ولد اختها حيل ومن يحاسبوني تفرح اتگول يمه ذوله حزام ضهر ذوله اخوتج الماجابتهم بطني همه سندچن بالدنيه بعدنه اني وابوچن
أنت تقرأ
المفر منك واليك
ChickLitقصه حقيقيه افترقنا منذ 10 اعوام تماما واذا ب اتصال هاتفي قبل أيام اسما جميلا يملأ الشاشه ابتسمت لأني لم احذف اسمه او بألاحرى رقمه اجبته الو الو بلهفه ثم قال انا اسف ربما اخطأت بالعنوان ثم اغلق الهاتف بعدها ارتحت كثيرآ في سمع صوته عله يتصل بعد 1...
