أجت سلوى وهي مبتسمى من شفتها دنگت
ماحچيت وياها عبرتها ودخلت للغرفه
اول ماگعدت اجه همام
كان لابس بنطرون اسود وقميص أبيض مشنف اردانه
صارت عيوني بعيوني بس نضراتنه كلها كانت عتب
عافنه وطلع لان الناس بدت تنجمع لحفله الحنه
وبيت عمي انمله عالم عماتي وخالاتي وبناتهن واولادهن كان البيت هوسهالكل فرحانين ويرگصون
بس اني وهمام نحسهم يرگصون على جروحنه
غصه بكلوبنه اثنينه
ليش الدنيه ويانه عوجه
ليش بعد كل هذا الحب والالم كل واحد من عدنه يروح بطريقه كل واحد يختار يكمل طريقه وحدة بس هذا الاختيار كان اجباري
رغم جو الفرح الكان يحيط بالعائلة
بس اني وهمام كان يعلى بداخلنه صوت نحيب محد يسمعه غيرنه
ارواحنه تبچي مدمرة مكسورة وحزينهبدت الناس تخف وخالتي طلبت مني اروح ارتاح وامدد شويه لأن تعبت لازم انام ضهري صار يوجعني
اخذتني منى الغرفة خالتي كانت فارغه
گالت تمددي هنا محد يجي موزين عليج تضلين گاعدة هواي
شكرتها عافتني وطلعت واني سنحت بمكاني
شويه ونفتح الباب دخل همام
شفته تراجع راد يسد الباب ويطلع عباله احد من بنات عمي
بس من شافني دخل وسد الباب
اتقدم بخطوات بطيئه اتجاهي اني گعدت وگمت على حيلي ردت اطلع لزم ايديهمام ،،،انتضري لتروحين
غزل،، درت وجهي باوعت بعيونه چانن كلهن دموع ومبين علي التعب ولا عبالك عريس واليوم حنته
جاوبته واني احاول اسحب ايدي منه بس هو كان لازمها قوي
-,اترك ايدي رجاءا اريد اروح
همام ،،،اطلب منج طلب
غزل،تفضل
همام ،،ضميني بحضنج اخر مرة الله يخليج
غزل،،،عيوني غرگن بالدمع احچي وياه واني مهضومه وگوة تطلع الكلمه ماريد اضعف گدامه
ماريدة يشوفني مكسورة بغيابههمام،،غزل يبت گلبي يبت روحي ضميني الصدرج واندعيلي تكون اخر حضنه وبعدها اموت واني اشم عطرج تعبت بفراگج حيل تعبت
غزل ،،ضحكت ب أستهزاء على كلامه
ههه منو التعب همام ؟؟؟
هاااا فهمني منو التعب من منو ؟
اني لو انت؟
جرب توصل شويه الجرح گلبي
جرب تعيش العشته اني بسببك
جرب اتهمك بالخيانه واعوفك واروح وماانطيك فرصه تبرر شي لو ادافع عن نفسك جرب 3سنوات واني اراقبك من بعيد حالي حال الغريب
جرب واني يوميه ادخل على حسابك بالفيس اگابل صورتك واحچي وياك واشكيلك منك عليكتذكر شگد ضربتني بهذاك اليوم؟
كل ذاك الضرب البجسمي ماحسيت بي
لأن ضربك كان بروحي ياهمام
كنت عايشه قبلك ومرتاحه وبالي خالي صح احبك بس حب من طرف واحد اشوفك مثل النجمه البعيدة بس على الاقل كنت مرتاحه اشوفك مثل الحلم الصعب يتحققگعدت بالگاع وصرت ابچي واحچي من بين دموعي
ليش ياهمام ليش ؟
طول عمري واني احبك رغم ضربك وقساوتك واهانتك بس ولا مرة قل حبي الك
بالعكس كان يزود ماينقص
ليش دخلت حياتي سحبتني من ايدي ومشيتني بطريق عبالي نكمله سوى
بس من درت وجهي مالگيتك
لگيت نفسي وحدي عايفني لا اني مكمله طريقي ولا اني المتراجعه وناسيتك
ومن يومها ياهمام اني واگفه بذاك الطريق انتضرك وماتحركت خطوة وحدة
بشنو اذيتك حتى استاهل كل هذا التعب ؟
أنت تقرأ
المفر منك واليك
ChickLitقصه حقيقيه افترقنا منذ 10 اعوام تماما واذا ب اتصال هاتفي قبل أيام اسما جميلا يملأ الشاشه ابتسمت لأني لم احذف اسمه او بألاحرى رقمه اجبته الو الو بلهفه ثم قال انا اسف ربما اخطأت بالعنوان ثم اغلق الهاتف بعدها ارتحت كثيرآ في سمع صوته عله يتصل بعد 1...