محد كان يسمع لان صوت المولدات والمبردات كان عالي
غزل ،،،،كااااافي شنو انته من بشر ساعه تضربني وساعه تهيني وساعه تحضني
احچي واشهگ بالبجي لان صدگ تعبت وصلت حدها بعدم احترامه الي
رجعت احجي منبين شهكاتي
همام كافي الله يخليك اذا انته ربيتني مو معناها تهيني كدام الكل اني هم بشر حالي حالك هم عندي مشاعر ليش داىما تجرحني ليش؟
ماحسيت غير رجع حضني
دفعته ردت احجي
رجع ثبتني وهو يسحب شفايفي بين شفايفه ردت اوگع من الخوف لو ماهو لازمني
كل جسمي يرجف واني مفتحه عيوني واشوفه شلون مغمض يبوسني وعايش بعالم ثاني
جمعت حيلي حتى اگدر ادفعه وابعدة عني
ماحسيت غير ضربته راشدي بكل قوتي
ودرت وجهي اركض للبيت واني ابچي
دخلت للغرفه رجعت لفراشي واني بس ابجي وكاتمه صوتي
غطيت راسي بالبطانيه
حسيته فتح الباب رفعت للغطه واجت عيوني بعيونه
عيوني كلها دموع وعيونه مليانه حزن
همام ،،،كعدت الفجر عطشان رحت اشرب مي فاجئتني غزل وهي واگفه بالباب بمنضرها الطفولي وكصيبتها مااعرف شوكت ضميتها الصدري
دفعتني وصارت تعاتب وتبچي
ماحسيت غير اني حاضنها وملتهم شفايفها
عبالك اول مرة ارتوي بمي اول مرة اضوگ الشهد من بين شفايفها احس نفسي بحلم جدا جميل وماريد اصحى منه
بس للأسف صحيت على ايدها الصغيرة وهي تضربني وتصحيني من اجمل حلم
ضليت متبسمر بمكاني مااكدر حتى الحگها من نهزمت مني
اتمنيته يطلع حلم من صدك وماصير شي ولابايسها
لحگتها فتحت الباب شفتها نايمه ومغطيه راسها شافتني وهي عيونها وارمه من البچي
اووووف ياطفلتي شسويتي بحالي شليتيني شل
غزل ،،،اول مرة احد يبوسني كنت خايفه عبالي اني حامل من البوسه والله العظيم كان هذا تفكيري بوقتها لان بالمسلسل البطل يبوس البطله واللقطه الثانيه تطلع حامل فكنت خايفه مر شهر على الي صار بينه اني وهمام واني يوميه اباوع بالمرايه على بطني وخايفه خاف تكبر واهلي يعرفون ويذبحوني
صار لازم احجي السلوى هي تعرف اكثر مني بلكي تگدر تخلصني من مشكلتي
لحد يستغرب من تفكيري بموضوع الحمل كنت طفله واني اكبر اخواني وماعندي فكرة عن الحياة الزوجية ولا مرة حاولت اعرف كل معلوماتي من المسلسلات فقط
غزل ،،،سلوى عندي موضوع وياج مهم
سلوى، احجي حبيبتي اسمعج شبيج لونج مخطوف؟
غزل ،،هاا لا مابيه شي بس توعديني اذا احچي متعصبين
سلوى ،،ولج احچي خوفتيني راح اضربج
غزل ،،،همام ،همام باسني
سلوى،، شنووو
غزل ،،والله ياسلوى باسني وحچيتلها كلشي صار
سلوى ،،،،،هههههههههه ضحكتيني عبالي شي يخوف
غزل ،،شنو اليضحك فهميني دااگلج باسني واذا صار عندي طفل اشلون ابوي يموتني انقذيني الله يخليج
كنت احچي وابچي مختنگه وخايفه
سلوى ،،شوفي حبيبتي اكو هواي شغلات مااكدر اشرحها الج ولا اكدر افهمج عليها لان بعدج طفله بس اطمني انتي مو حامل ولتحجين هيج حجي اكبر من راسج
أنت تقرأ
المفر منك واليك
Chick-Litقصه حقيقيه افترقنا منذ 10 اعوام تماما واذا ب اتصال هاتفي قبل أيام اسما جميلا يملأ الشاشه ابتسمت لأني لم احذف اسمه او بألاحرى رقمه اجبته الو الو بلهفه ثم قال انا اسف ربما اخطأت بالعنوان ثم اغلق الهاتف بعدها ارتحت كثيرآ في سمع صوته عله يتصل بعد 1...
