ام احمد ،،،،اصحي ماما ساعه 7اتاخرتي ع المدرسه
غزل ،،،بسرعه نهضت لان متاخرة دخلت للحمام واني اباوع على عيوني مبين عليهن التعب
اباوع للمرايه واحجي ويه نفسي
معقوله اني غلط وهو صح يعني السبب والغلط مني ومتعبه همام بتصرفاتي ؟؟
لازم اغير من نفسي للأحسن ماعاندة ولا اكسر كلمته راح اصير مثل ميريد البنت المطيعه بلكي يتغير ويصير يحترمني وميضربني ويهيني بعدسبحت وبدلت وطلعت بدون ريوگ لان متاخرة كان يوم خميس رفعت علم
وصلت اتلگتني نورة حضنتني عبالك سنه ماشايفتني ولا چن البارحه يمها واكلت كتله بسبب دولمتها
اخذنه الحصه الاولى كانت المرشدة التربويه تشرح شرح مبسط عن كلشي مرات نحسها صديقه مو مدرسه ماعدها قيود بالتعالمل لو الشرح بالعكس توضح كل النقط المبهمه
اتگول انتن مراهقات واني مو بس مدرستجن اني امچن والام لازم توعي بناتها وتفهمهن تخليهن واعيات لكلشي يصير بالمستقبل حتى ع الشهريه كانت تشرح وتفهم بشرح مبسط المدرسه الوحيدة النركز وياها لان صدگ نحبها ونحب درسها لان توعينه على هواي شغلات منعرفهاكملنه الحصه الاولى وكلعادة ننتهز الفرصه اني ونور نتريگ من الكافتريه البداخل المدرسه بيها بنات يبيعن لفات وجاي وعصاير
گعدت احجي النور عن همام وعن ضربه البارحه
نور تفاجئت من تصرفه واعتذرت مني لان حست نفسها هي السبب
كملنه كل الحصص ورجعت للبيت واني مقررة افتح صفحه جديده وياه
اول مادخلت سلمت امي واخواني ردو السلام فقط همام مارد عليه ولا كأنه شافنيكمل وگام من الاكل گال خاله اني طالع اتاخر ليضل بالج
غزل ،،،من سمعت كلامه حتى مالي نفس اكل اكلت لگمتين ورحت توضيت وصليت الضهر
وجريتها نومه للعصر
گعدت رحت افتريت ماكو احد بس الباب مال البيت مفتوح واخواني بالباب يلعبون وامي واگفه اباب جيرانه تحجي ويه ام عمر جيرانه وصديقتها مم زمان
كنت لابسه اتراك برمودة ماروني وكفت بالباب بس مو برة بداخل البيت
ماحسيت غير همام صار گدامي خزرني خزرة روحي ذابت من الخوف
ماحچه ابد بس خنزر بوجهي دخلت للبيت
صاحني رحت اركض
وصلت يمه رفع ايدة غمضت عيوني ورفعت ايدى غطيت وجهي لا اراديآ عبالي يريد يضربني
حسيته لزم التراك من متني بطرف اصابيعههمام ،،شوفي ترحين هسه تبدلين وتنطيني التراك بسرعه
غزل ،،،مافهمت شيقصد رحت ركض بدون مااناقشه بدلت لبست دشداشه ربع ردن نيلي واجيت انطيته التراك بيدة
شو هذا فتح حاويه الزباله وشمر التراك
ضليت صافنه ليش هيج يتصرف
تقرب يم اذني وگالهمام ،،،هلمرة صار حصت الحاويه مرة الثانيه قسما بذات الله امزگه عليج فهمتي؟؟
غزل، ،بسرعه هزيت راسي بمعنى أي
عافني وراح واني ضليت جامدة بمكاني
أنت تقرأ
المفر منك واليك
ChickLitقصه حقيقيه افترقنا منذ 10 اعوام تماما واذا ب اتصال هاتفي قبل أيام اسما جميلا يملأ الشاشه ابتسمت لأني لم احذف اسمه او بألاحرى رقمه اجبته الو الو بلهفه ثم قال انا اسف ربما اخطأت بالعنوان ثم اغلق الهاتف بعدها ارتحت كثيرآ في سمع صوته عله يتصل بعد 1...