#الثلاثيني_الملتحي
بقلم عذاري آل شمر
#بارت٤
ﺍﻟﺒﺎﺭﺕ ﺍﻟﺮﺍﺑﻊ
ﺍﻟﺜﻼﺛﻴﻨﻲ ﺍﻟﻤﻠﺘﺤﻲ
ﺑﻘﻠﻤﻲ ﻋﺬﺍﺭﻱ ﺍﻝ ﺷﻤﺮ
ﺑﻨﺎﺕ ﺗﺼﻮﻳﺖ ﻟﻠﺒﺎﺭﺕ ﻟﻴﺶ ﻣﺪﺍ ﺗﺼﻮﺗﻮﻥ ﺍﻟﺒﺎﺭﺕ ﻣﺸﺎﻫﺪﺍﺗﻪ ﺍﻛﺜﺮ ﻣﻦ ٢٠٠٠ ﻭﺍﻟﺘﺼﻮﻳﺖ ٣٠٠ ﺍﻭ ٤٠٠ ﻟﻴﺶ ﻫﻴﺞ ﻗﺪﺭﻭﺍ ﺗﻌﺒﻲ ﻭﺩﺍ ﺍﻛﺘﺒﻠﻜﻢ ﻗﺼﻪ ﺣﻠﻮﺓ ﻭﺗﺤﺒﻮﻥ ﺳﺮﺩﻫﺎ
ﺷﻮﻓﻮﺍ ﺣﻴﻜﻮﻥ ﺍﻟﻨﺸﺮ ﻣﻌﺘﻤﺪ ﻉ ﺗﺼﻮﻳﺘﻜﻢ ﺍﺫﺍ ﺍﻟﺘﺼﻮﻳﺖ ﺍﻗﻞ ﻣﻦ ١٠٠٠ ﻣﺎﺍﻧﺸﺮ ﻭﻛﻞ ١٠٠٠ ﺗﺼﻮﻳﺖ ﺍﻧﺸﺮ ﺑﺎﺭﺕ ﻟﻮ ﺣﺘﻰ ﺑﺎﻟﻴﻮﻡ ﺗﺼﻮﻳﺘﻜﻢ ٣٠٠٠ ﺣﻨﺸﺮ ٣ ﺑﺎﺭﺗﺎﺕ ﻭﺑﻘﺖ ﻳﻤﻜﻢ
ﻫﺎﺍﺍ ﺭﻧﺪ ﻟﺤﺪ ﺍﻻﻥ ﻛﺎﻋﺪﺓ
ﻻ ﺍﺳﺘﻮﻧﻲ ﻛﻌﺪﺕ ﺍﺻﻼ ﻣﻦ ﻧﻮﻣﻪ ﺍﻟﻌﺼﺮ ﻭﻫﺴﻪ ﻛﻌﺪﺕ
ﺍﻭﻭﻭﻭ ﺍﻋﺘﻘﺪ ﻫﺬﺍ ﻣﻦ ﺍﻟﻌﻼﺝ ﺍﻟﺘﺎﺧﺬﻳﻨﻪ ﻣﻮﻭﻭ
ﻳﻲ ﻣﻦ ﺍﺧﺬ ﺍﻟﻌﻼﺝ ﺍﻧﺎﻡ
ﺍﻧﻤﺎﺭ ﻓﺪﻭﺓ ﺍﺭﻳﺪ ﻣﻲ ﻋﻄﺸﺎﻧﻪ
ﻳﻲ ﻫﺎﺝ
ﺷﻜﺮﺍﺍﺍ
ﻋﻮﺍﻓﻲ ﺑﻨﻮﺗﻲ
ﺍﻧﻤﺎﺭ ﺷﻨﻮ ﻫﺎﻱ ﺑﺮﻛﺒﺘﻚ ﺷﻨﻮ ﻣﻜﺮﻭﺹ
ﺍﻧﻤﺎﺭ ﻛﻮﺓ ﻛﺎﺗﻢ ﺿﺤﻜﺘﻪ ﻳﻲ ﺷﻠﻮﻥ ﺍﻧﻜﺮﺻﺖ ﻣﻦ ﺑﻜﻪ ﺻﺎﻛﻪ ﻭﻏﻤﺰﻟﻲ ﻭﺭﺍﺡ
ﺧﺮﺏ ﺍﻧﻲ ﺷﻜﺪ ﺍﺟﻔﺺ ﻭﺷﻜﺪ ﻏﺒﻴﻪ ﻭﻏﺒﺮﺓ ﻟﻴﺶ ﻣﺎﺍﺟﺎ ﺍﺑﺎﻟﻲ ﻫﻮ .....
ﻳﻲ ﺻﺢ ﺑﻨﻮﺗﻲ ﺍﻧﺘﻲ ﻏﺒﺮﺓ ﻭﺿﺮﺑﻨﻲ ﻉ ﺭﺍﺳﻲ ﺑﺨﻔﻪ ﻭﺭﺍﺡ
ﺍﻓﻔﻔﻔﻔﻒ ﺳﻤﻌﻨﻲ ﺍﺑﻮ ﺍﻟﻨﺴﻮﺍﻥ
ﺭﺣﺖ ﻟﻐﺮﻓﺘﻲ ﻭﺩﺍ ﺍﻧﺰﻝ ﻣﻦ ﺍﻟﻜﺮﺳﻲ ﺍﻟﻤﺘﺤﺮﻙ ﺍﺭﻳﺪ ﺍﺗﻤﺪﺩ ﻉ ﺳﺮﻳﺮﻱ ﻭﻭﻛﻌﺖ ﺍﺭﻳﺪ ﺍﻛﻮﻡ ﻣﺎﺍﻛﺪﺭ ﻛﻤﺖ ﺍﺑﺠﻲ ﺍﻳﺪﻱ ﺍﻟﻴﺴﺮﻯ ﻣﺎﺍﻛﺪﺭ ﺍﺳﻮﻱ ﺑﻴﻬﺎ ﺷﻲ ﺑﺲ ﺍﻛﺪﺭ ﺍﺳﺘﺨﺪﻡ ﺍﻳﺪﻱ ﺍﻟﻴﻤﻨﻰ ﻭﻣﺎﺍﻛﺪﺭ ﺍﺳﻴﻄﺮ ﻉ ﻭﻛﻔﺘﻲ ﻛﻤﺖ ﺍﺯﺣﻒ ﺣﺘﻰ ﺍﻭﺻﻞ ﻟﻠﻤﻴﺰ ﺣﺘﻰ ﺍﺧﺬ ﻣﻮﺑﺎﻳﻠﻲ ﺍﺗﺼﻞ ﺏ ﺭﻓﻞ ( ﺭﻓﻞ ﻭﺍﻣﻬﺎ ﺍﻟﻬﻦ ﻏﺮﻓﻪ ﺑﺎﻟﺒﻴﺖ ﻣﺮﺍﺕ ﻳﺒﺎﺗﻦ ﺑﻴﻬﺎ ﻭﻣﺮﺍﺕ ﻳﺮﻭﺣﻦ ﻟﺒﻴﺘﻬﻦ )
ﺍﺗﺼﻠﺖ ﺑﻴﻬﺎ ﻛﺎﻟﺖ ﻫﻴﻪ ﻣﻮ ﺑﺎﻟﺒﻴﺖ ﺭﺍﻳﺤﻪ ﻟﺒﻴﺘﻬﻢ ﻫﻴﻪ ﻭﺍﻣﻬﺎ
ﻭﺍﻧﻲ ﻋﺒﺎﻟﻲ ﺑﺎﻳﺘﻪ ﺍﺑﻴﺖ ﺍﻧﻤﺎﺭ ﺧﺮﺏ ﻫﺴﻪ ﺷﺴﻮﻱ ﻣﺎﻝ ﺍﺻﻴﺢ ﺍﻧﻤﺎﺭ ﻣﺴﺘﺤﻴﻞ ﺍﺳﻮﻳﻬﺎ ﺍﻟﻴﻮﻡ ﺍﺗﻔﺸﻠﺖ ﻣﺮﺗﻴﻦ ﻭﻳﺎﻩ ﺍﻓﻔﻔﻔﻔﻒ ﻭﺑﻘﻴﺖ ﻉ ﻛﻌﺪﺗﻲ ﻭﺍﺑﺠﻲ
ﺩﻙ ﺍﻟﺒﺎﺏ
ﺭﻧﺪ ﻣﻤﻜﻦ ﺍﺩﺧﻞ
ﺗﻔﻀﻞ ﺍﻧﻤﺎﺭ
ﻫﺎﻱ ﻟﻴﺶ ﻫﻴﺞ ﺑﺎﻟﻜﺎﻉ ﺑﻘﻴﺘﻲ ﻟﻴﺶ ﻣﺎﺍﺗﺼﻠﺘﻲ ﺑﻴﻪ ﻭﻟﻴﺶ ﺍﻟﺒﺠﻲ ﺑﻨﻮﺗﻲ
ﻣﺎﺍﺭﺩﺕ ﺍﺗﻌﺒﻚ ﻭﻳﺎﻳﻪ
ﻳﻌﻨﻲ ﻟﻮ ﻣﺎ ﺭﻓﻞ ﺗﺘﺼﻞ ﺑﻴﻪ ﺍﻧﺘﻲ ﺗﺒﻘﻴﻦ ﻫﻴﺞ
ﺳﻜﺘﺖ ﻣﺎ ﺟﺎﻭﺑﺘﻪ
ﻳﻠﻪ ﺍﺷﻴﻠﺞ
ﻣﺎ ﻣﺎ ﻣﺎﺭﻳﺪ
ﺭﻓﻊ ﺷﻌﺮﻩ ﺑﺄﻳﺪﻩ ﻭﺟﺮ ﺣﺴﺮﺓ
ﺭﻧﺪ ﺩﻳﺮ ﺑﺎﻟﺞ ﺗﻌﻴﺪﻳﻦ ﻫﺎﻟﺘﺼﺮﻑ ﻣﺎﻟﺘﺞ ﻛﺪﺍﻣﻲ ﺑﻌﺪ
ﻟﻴﺶ ﺍﻧﻲ ﺷﻨﻮ ﻛﻠﺖ
ﻣﺎﻝ ﺍﻝ ﻣﺎﺍﺍﺍ ﻣﺎﻟﺘﺞ ﻓﻜﺮﻱ ﺑﺘﺼﺮﻓﺎﺗﺞ ﻗﺒﻞ ﻣﺎ ﺗﺴﻮﻳﻨﻬﺎ
ﺍﺗﻘﺮﺏ ﻛﻌﺪ ﻉ ﺭﻛﺒﺘﻪ ﻣﻘﺎﺑﻴﻠﻲ ﻭﺍﻳﺪﻩ ﺍﻟﻴﻤﻨﻰ ﺟﻮﺓ ﺭﺍﺳﻲ ﻭﺍﻟﻴﺴﺮﻯ ﺟﻮﺓ ﺭﻛﺒﻲ ﻭﺷﺎﻟﻨﻲ ﺻﺮﺕ ﻛﻮﻟﺶ ﻗﺮﻳﺒﻪ ﻉ ﺻﺪﺭﻩ ﻭﺑﺤﺮﻛﻪ ﻋﻔﻮﻳﻪ ﺧﻠﻴﺖ ﺭﺍﺳﻲ ﻉ ﺻﺪﺭﻩ ﺍﺣﺲ ﺑﺄﻧﻔﺎﺳﻪ ﺣﺎﺭﺓ ﻭﻳﺤﺎﻭﻝ ﻳﺒﻌﺪ ﻭﺟﻬﻪ ﻋﻨﻲ ﺣﺘﻰ ﻣﺎﺍﺣﺲ ﺑﺘﻮﺗﺮﺓ ﺣﺴﻴﺘﻪ ﻛﻮﻟﺶ ﺍﺗﻮﺗﺮ ﺭﻏﻢ ﻫﻴﻪ ﺛﻮﺍﻧﻲ ﻣﻦ ﺷﺎﻟﻨﻲ ﺧﻼﻧﻲ ﻉ ﺳﺮﻳﺮ ﺑﺲ ﺣﺴﻴﺖ ﺑﻜﻞ ﻫﺬﻱ ﺍﻟﺤﻮﺍﺱ
ﺧﻼﻧﻲ ﻉ ﺳﺮﻳﺮ ﻭﻣﺎﺣﺠﻪ ﻭﻻ ﻛﻠﻤﻪ ﻛﺒﻞ ﻃﻠﻊ ﻣﻦ ﺍﻟﻐﺮﻓﻪ ﺣﺴﻴﺘﻪ ﺷﺮﺩ ﻣﻨﻲ
ﻛﻌﺪﺕ ﻉ ﺳﺮﻳﺮ ﻭﺍﻓﻜﺮ ﺍﺳﺄﻝ ﻧﻔﺴﻲ ﻭﺍﺟﺎﻭﺏ ﺑﻨﻔﺲ ﺍﻟﻮﻗﺖ
ﻫﺎﻱ ﺍﻧﻲ ﻟﻴﺶ ﻫﻴﺞ ﺻﺎﺭ ﺑﻴﻪ ﻣﻌﻘﻮﻟﻪ ﺣﺒﻴﺘﻪ ﻻ ﻻ ﺷﺒﺴﺮﻋﻪ ﺣﺒﻴﺘﻪ ﺍﺻﻼ ﺍﻧﻲ ﺑﻴﺎ ﺣﺎﻝ ﻭﺍﺣﺒﻪ ﺑﺲ ﻳﻤﻜﻦ ﻻﻥ ﺳﺎﻋﺪﻧﻲ ﻭﻫﻮﺓ ﺍﻟﻮﺣﻴﺪ ﺍﻟﻮﻛﻔﻠﻲ ﺑﺲ ﻟﻴﺶ ﻫﻴﺞ ﻳﺼﻴﺮ ﺑﻴﻪ ﻣﻦ ﻳﻜﻮﻥ ﻗﺮﻳﺐ ﻣﻨﻲ ﻟﻴﺶ ﺍﺗﻮﺗﺮ ﻣﻦ ﺍﺷﻮﻓﻪ
ﺍﻓﻔﻔﻔﻒ ﻛﺎﻓﻲ ﺗﻔﻜﻴﺮ ﺍﺻﻼ ﻋﻴﺐ ﻋﻠﻴﻪ ﺍﻓﻜﺮ ﻭﺍﻧﻲ ﺍﻫﻠﻲ ﻣﺼﺎﻳﺮﻟﻬﻢ ﻛﻢ ﺷﻬﺮ ﻣﻦ ﻣﺎﺗﻮﺍ
ﻭﻫﻮﺓ ﺍﺻﻼ ﻳﺼﻴﺤﻠﻲ ﺑﻨﻮﺗﻲ ﻭﻳﻌﺘﺒﺮﻧﻲ ﻃﻔﻠﻪ ﻳﻌﻨﻲ ﻣﺮﺍﺡ ﻳﺤﺒﻨﻲ ﻙ ﺣﺒﻴﺒﻪ ﺑﻴﻮﻡ ﻭﺍﻧﻲ ﺍﺻﻼ ﻣﻌﺎﻗﻪ
ﺑﻘﻴﺖ ﻟﻞ ٦ ﺍﻟﺼﺒﺢ ﻳﻠﻪ ﻧﻤﺖ ﻛﻌﺪﺕ ﺏ ١٠ ﻉ ﺻﻮﺕ ﻣﻮﺑﺎﻳﻠﻲ ﻳﺪﻙ ﺍﺑﺎﻭﻉ ﻫﺎﻱ ﺳﺠﻰ ﺻﺪﻳﻘﺘﻲ ﺻﺎﺭﻟﻲ ﺍﻛﺜﺮ ﻣﻦ ﺷﻬﺮ ﺍﺗﺼﻞ ﺑﻴﻬﺎ ﻣﻐﻠﻖ ﺍﺣﺘﺎﺟﻴﺘﻬﺎ ﻫﻮﺍﻳﻪ ﺧﻼﻝ ﻫﺎﻟﻔﺘﺮﺓ
ﺟﺎﻭﺑﺘﻬﺎ
ﻋﺎﺵ ﻣﻦ ﺳﻤﻊ ﺻﻮﺗﺞ ﻭﻟﺞ
ﺍﻭﻭﻭﻑ ﺣﺘﻰ ﺍﻧﺘﻲ ﺗﻌﺘﺒﻴﻦ ﻭﻟﺞ ﺍﺳﻜﺘﻲ ﻟﻮ ﺗﺪﺭﻳﻦ ﺷﺼﺎﺭ ﺑﻴﻪ ﺑﻌﺪﻳﻦ ﺍﺳﻮﻟﻔﻠﺞ
ﺍﻟﺒﻘﻴﻪ ﺑﺤﻴﺎﺗﺞ ﻋﻤﺮﻱ ﺑﺮﻭﺡ ﺍﻣﻲ ﻣﺎﺍﺩﺭﻱ ﺑﺎﻟﻲ ﺻﺎﺭ ﻫﺴﻪ ﻳﻠﻪ ﻋﺮﻓﺖ ﺷﻔﺖ ﻧﺎﺩﻳﻪ ﺑﺎﻟﺴﻮﺑﺮ ﻣﺎﺭﻛﺖ ﻭﺳﻮﻟﻔﺘﻠﻲ
ﻭﺣﻴﺎﺗﺞ ﺍﻟﺒﺎﻗﻴﻪ
ﺷﻠﻮﻧﺞ ﻭﻳﻦ ﻋﺎﻳﺸﻪ ﻫﺴﻪ ﺍﺟﻴﺖ ﻟﺒﻴﺘﻜﻢ ﺩﻛﻴﺖ ﻟﺤﺪ ﻣﺎﻣﻠﻴﺖ ﻭﺭﺟﻌﺖ
ﻳﻲ ﻋﺎﻳﺸﻪ ﺍﺑﻴﺖ ﺍﺑﻦ ﺧﺎﻝ ﺑﺎﺑﺎ
ﺣﻴﺎﺗﻲ ﻳﺎﻋﻤﺮﻱ ﺍﻋﺬﺭﻳﻨﻲ ﻻﻥ ﻫﺎﻟﻔﺘﺮﺓ ﺍﻧﻘﻄﻌﺖ ﻋﻨﺞ ﺑﺲ ﺑﺮﻭﺡ ﺍﻣﻲ ﺍﻟﺒﺎﺭﺣﻪ ﻳﻠﻪ ﺍﻧﻄﻮﻧﻲ ﻣﻮﺑﺎﻳﻠﻲ
ﻣﻦ ﻛﺎﻟﺖ ﺍﻋﺬﺭﻳﻨﻲ ﻛﻤﺖ ﺍﺑﺠﻲ
ﻭﺝ ﺳﺠﻰ ﺷﻔﺘﻬﻢ ﺑﻌﺪ ﺍﻻﻧﻔﺠﺎﺭ ﻣﺎﻣﺎ ﻭﺣﻴﺪﺭ ﺷﺼﺎﻳﺮ ﺑﻴﻬﻢ ﺳﺠﻰ ﺣﻴﺪﺭ ﻭﺟﻬﻪ ﻣﺸﻮﻩ ( ﻭﺳﻮﻟﻔﺘﻠﻬﺎ ﺍﻟﻤﻨﻀﺮ ﺍﻟﺸﻔﺘﻪ )
ﺭﻧﻮﻭﻭ ﻳﺎ ﻋﻤﺮﻱ ﺍﻟﻠﻪ ﻳﺴﺎﻋﺪﺝ ﻭﻳﻜﻮﻥ ﺑﻌﻮﻧﺞ
ﻭﺝ ﺍﻧﺸﻠﻴﺖ ﻣﻦ ﺷﻔﺘﻬﻢ ﻭﻫﺴﻪ ﻣﺎﺍﻛﺪﺭ ﺍﻣﺸﻲ ﻛﺎﻋﺪﻩ ﻉ ﻛﺮﺳﻲ ﻣﺘﺤﺮﻙ
ﻳﻤﺎﺍﺍﺍﺍﺍ ﺍﺳﻢ ﺍﻟﻠﻪ ﻭﺝ ﺍﺻﺨﺎﻡ ﺍﻟﺼﺨﻤﻨﻲ ﻋﻠﻴﺞ ﻭﻛﺎﻣﺖ ﺗﺒﺠﻲ ﻭﻳﺎﻳﻪ ﻭﺗﺘﻌﺬﺭ ﻣﻨﻲ
ﻭﺳﺄﻟﺘﻬﺎ ﻋﻦ ﺍﺣﻮﺍﻟﻬﺎ
ﺷﻨﻮ ﺍﺧﺒﺎﺭﺝ ﻭﻟﻴﺶ ﻫﺎﻟﻔﺘﺮﺓ ﻣﻮﺑﺎﻳﻠﺞ ﻣﻐﻠﻖ
ﺍﻭﻭﻭﻭﻑ ﺷﺤﺠﻴﻠﺞ
ﺍﺣﺠﻲ ﻭﻟﺞ ﻣﺒﻴﻦ ﺳﺎﻟﻔﻪ ﻣﺼﺨﻤﻪ ﻣﻦ ﺳﻮﺍﻟﻔﺞ
ﻭﻟﺞ ﺩﺍ ﺍﺣﺠﻲ ﻭﻳﻪ ﺍﺣﻤﺪ ﺣﺒﻴﺒﻲ ﻭﺍﺧﻮﻳﻪ ﺳﻤﻌﻨﻲ ﻭﺗﻌﺎﻱ ﻭﺷﻮﻓﻲ ﺷﺼﺎﺭ ﻭﺍﻟﻤﺸﺎﻛﻞ ﻭﺍﻧﻜﺘﻠﺖ ﻛﺘﻠﻪ ﻣﻦ ﻫﺎﻱ ﺍﻟﻤﻌﺪﻟﻪ
ﻫﻬﻬﻬﻬﻬﻬﻬﻪ ﻋﺰﺍﺍﺍﺍﺍ ﻭﻟﺞ ﻭﺗﺎﻟﻲ ﺷﺼﺎﺭ
ﻳﻲ ﺍﻧﺘﻲ ﺍﻡ ﺣﻠﻚ ﺳﺎﻋﻪ ﺗﺒﺠﻴﻦ ﻭﺳﺎﻋﻪ ﺗﻀﺤﻜﻴﻦ
ﻋﻠﻴﻪ
ﻭﻟﺞ ﺍﻧﺪﻟﻮﺍ ﺑﻴﺖ ﺍﺣﻤﺪ ﻭﺭﺍﺣﻮﺍ ﺍﺗﻌﺎﺭﻛﻮﺍ ﻭﻳﺎﻩ ﻭﺻﺎﺭﺕ ﻛﻌﺪﻩ ﻋﺸﺎﺋﺮﻳﻪ ﻭﺍﻧﻔﻀﺤﻨﺎ
ﻳﺒﻮﻭﻭﻭﻭﻭ ﻫﺎﻱ ﺷﺒﻴﻬﻢ ﺧﻮﺍﻧﺞ ﺷﻨﻮ ﻣﺎ ﻋﺪﻫﻢ ﻋﻘﻞ ﻭﻓﻀﺤﻮﺍ ﺍﺧﺘﻬﻢ
ﻳﻲ ﻣﺎﻋﺪﻫﻢ ﻋﻘﻞ ﺗﺪﺭﻳﻦ ﺑﻴﻪ ﻳﺘﻴﻤﻪ ﻻ ﺍﺏ ﻭﻻ ﺍﻡ ﻭﺧﻮﺍﻧﻲ ﻳﻤﺸﻮﻥ ﺑﻜﻼﻡ ﻧﺴﻮﺍﻧﻬﻢ
ﻳﻲ ﻭﻟﺞ ﻛﻤﻠﻲ
ﻳﻲ ﻭﺑﻌﺪ ﺍﻟﻜﻌﺪﺓ ﺍﻟﻌﺸﺎﺋﺮﻳﻪ ﻭﺧﻮﺍﻧﻲ ﻃﻠﺒﻮﺍ ﻓﺼﻞ ﺍﻧﻮ ﺍﺣﻤﺪ ﻳﻌﻘﺪ ﻋﻠﻴﻪ ﻭﻓﻌﻼ ﻋﻘﺪ ﻋﻠﻴﻪ ﺑﺲ ﺑﺪﻭﻥ ﻻ ﺧﻄﻮﺑﻪ ﻭﻻ ﻣﻬﺮ ﻭﺍﺗﺰﻭﺟﺖ ﺑﺪﻭﻥ ﻋﺮﺱ ﺍﺗﺨﻴﻠﻲ ﺍﻟﺨﻄﻮﺑﻪ ﻭﺍﻟﻌﺮﺱ ﺻﺎﺭﻥ ﺧﻼﻝ ﺷﻬﺮ ﻭﺧﻞ ﺍﻛﻠﺞ ﺍﻟﺒﺎﺭﺣﻪ ﻋﺮﺳﻲ ﻉ ﺍﺳﺎﺱ ﻫﻬﻬﻬﻬﻪ ﺑﺲ ﻳﺮﻳﺪﻭﻥ ﻳﺨﻠﺼﻮﻥ ﻣﻨﻲ ﺣﺘﻰ ﺑﺪﻟﻪ ﻣﺎ ﻟﺒﺴﺖ ﺍﺟﺎ ﺍﺣﻤﺪ ﺍﺧﺬﻧﻲ ﺑﻤﻼﺑﺴﻲ ﻣﺎﻝ ﺍﻟﻄﻠﻌﻪ
ﻭﺍﺻﺪﻣﺞ ﺑﻌﺪ ﺍﺣﻤﺪ ﻃﻠﻊ ﻣﺘﺰﻭﺝ ﻭﻋﻨﺪﻩ ﺑﻨﻴﻪ ﻭﺍﻟﺒﺎﺭﺣﻪ ﺍﺗﻌﺎﺭﻛﻨﺎ ﻭﻋﺎﻓﻨﻲ ﺑﺎﻟﺒﻴﺖ ﻭﻃﻠﻊ
ﻋﺰﺍﺍﺍﺍﺍﺍﺍﺍ ﻫﺎﻱ ﺷﻨﻮ ﻭﻟﺞ ﻋﺒﺎﻟﻚ ﺩﺍ ﻳﺴﻮﻟﻔﻮﻟﻲ ﻓﻠﻢ ﻫﻨﺪﻱ ﺷﻨﻮ ﻋﻘﺪ ﻋﻠﻴﺞ ﺷﻨﻮ ﺍﺗﺰﻭﺟﺘﻲ ﺑﺪﻭﻥ ﻋﺮﺱ ﻭﻣﻬﺮ ﺷﻨﻮ ﺍﺣﻤﺪ ﻃﻠﻊ ﻣﺘﺰﻭﺝ
ﻳﻲ ﻭﺭﻭﺡ ﺍﻣﻲ ﻫﺬﺍ ﺍﻟﺼﺎﺭ
ﺑﺲ ﺗﺪﺭﻳﻦ ﻣﻦ ﺯﻣﺎﻥ ﺟﻨﺖ ﺍﻛﻠﺞ ﺍﺣﻤﺪ ﻣﻮ ﺭﺍﺣﻪ ﺍﺣﺴﻪ ﺿﺎﻡ ﺷﻲ ﻭﺭﺍﻩ ﺷﻲ ﺗﺘﺬﻛﺮﻳﻦ ﻟﻮ ﻻ
ﻳﻲ ﻋﻤﺮﻱ ﻭﻛﻼﻣﺞ ﺻﺢ
ﻭﻫﺴﻪ ﻭﻳﻦ ﻛﺎﻋﺪﻩ ﺍﻧﺘﻲ
ﻛﻌﺪﻧﻲ ﺍﺑﻴﺖ ﻭﺣﺪﻱ ﺑﻤﻨﻄﻘﻪ ﺍﻝ ......
ﺑﻘﻴﺖ ﺍﺳﻮﻟﻒ ﻭﻳﻪ ﺳﺠﻰ ﺗﻘﺮﻳﺒﺎ ﺳﺎﻋﻪ ﻭﻧﺺ ﺳﻮﻟﻔﺘﻠﻲ ﻛﻞ ﺍﻟﻲ ﺻﺎﺭ ﺧﻼﻝ ﻫﺎﻟﺸﻬﺮ ﻭﺍﻧﻲ ﻫﻢ ﺳﻮﻟﻔﺘﻠﻬﺎ ﻭﺳﺪﻳﺘﻪ ﻭﺍﺟﺖ ﺭﻓﻞ ﻛﻮﻣﺘﻨﻲ ﻭﻛﻌﺪﺗﻨﻲ ﺑﺎﻟﻜﺮﺳﻲ ﺳﺒﺤﺘﻨﻲ ﻭﻃﻠﻌﺖ ﻃﻠﺒﺖ ﻣﻨﻬﻢ ﻳﺤﻀﺮﻭﻟﻲ ﺍﻟﻐﺪﺍ ﻻﻥ ﺭﺍﺡ ﺗﺼﻴﺮ ﺏ١٢ ﻣﻮ ﻣﺎﻝ ﺭﻳﻮﻙ
ﺑﻌﺪ ﻣﺮﻭﺭ ٣ﺍﺷﻬﺮ
ﻣﺮﺕ ﺍﻝ ٣ ﺍﺷﻬﺮ ﻋﻠﻴﻪ ﺑﻴﻮﻡ ﺍﻣﺮ ﻣﻦ ﺍﻟﻘﺒﻠﻪ ﻭﺍﻳﺎﻡ ﺍﻟﻌﻼﺝ ﺍﻟﻄﺒﻴﻌﻲ ﺟﺎﻧﺖ ﺍﺷﺒﻪ ﺑﻌﻤﻠﻴﻪ ﺑﺪﻭﻥ ﺑﻨﺞ ﻣﺨﺪﺭ ﻛﺎﻧﺖ ﺍﻳﺎﻡ ﺻﻌﺒﻪ ﻋﻠﻴﻪ ﺑﺲ ﺍﺗﺤﺴﻨﺖ ﺣﺎﻟﺘﻲ ﺷﻮﻱ ﺧﻼﻝ ﺍﻝ ٣ ﺍﺷﻬﺮ ﺍﺗﻌﻮﺩﺕ ﻉ ﻋﻼﺝ ﺍﻟﻄﺒﻴﻌﻲ ﻭﺍﺗﻌﻮﺩﺕ ﻉ ﺍﻭﺟﺎﻉ ﺍﻻﺣﺲ ﺑﻴﻬﺎ ﺧﻼﻝ ﺍﻟﺘﻤﺎﺭﻳﻦ
ﺍﻫﻠﻲ ﺍﺑﺪ ﻣﺎ ﻧﺴﻴﺘﻬﻢ ٢٤ ﺳﺎﻋﻪ ﺍﺑﺎﻟﻲ ﺑﺲ ﺍﺣﺎﻭﻝ ﺍﻛﻮﻥ ﻗﻮﻳﻪ ﻭﺍﻛﻮﻝ ﺑﻌﺪ ﻣﺎﺍﺑﺠﻲ ﻛﺪﺍﻡ ﺍﺣﺪ ﺑﺲ ﺍﻓﺸﻞ ﺑﻬﺬﺍ ﺍﻟﺸﻲ ﺻﺎﻳﺮﺓ ﺍﺗﺤﺴﺲ ﻣﻦ ﻛﻮﻟﺸﻲ ﻭﺩﻣﻌﺘﻲ ﺑﺴﺮﻋﻪ ﺗﻨﺰﻝ
ﺍﺳﺘﻤﺮﺕ ﺍﺗﺼﺎﻻﺗﻲ ﺑﺴﺠﻰ ﻭﺍﺑﺪ ﻣﺎﺍﻧﻘﻄﻌﺖ ﻋﻨﻲ ﻭﻻ ﻳﻮﻡ ﻭﺗﺴﻮﻟﻔﻠﻲ ﻣﻌﻨﺎﺗﻬﺎ
ﺍﻧﻤﺎﺭ ﺻﺎﺭ ﻳﻠﺘﺤﻖ ﺍﺳﺒﻮﻋﻴﻦ ﻭﻳﺮﺟﻊ ﻟﻠﺒﻴﺖ ﻛﻢ ﻳﻮﻡ ﻭﻳﺘﺼﻠﻮﻥ ﺑﻲ ﻭﻳﻠﺘﺤﻖ ﻭﻣﻦ ﻳﺮﺟﻊ ﻟﻠﺒﻴﺖ ﻣﺎ ﻧﺸﻮﻓﻪ ﻳﻜﻌﺪ ﺍﻟﻈﻬﺮ ﻣﻦ ﺍﻟﻨﻮﻡ ﻭﻳﻄﻠﻊ ﺍﻟﻌﺼﺮ ﻭﻳﺮﺟﻊ ﺍﻟﻔﺠﺮ ﺍﻭ ﺍﻟﺼﺒﺢ ﻭﺧﻼﻝ ﻫﺎﻟﻔﺘﺮﺓ ﺍﺯﻋﺠﻨﻲ ﺑﺘﻌﺎﻣﻠﻪ ﺻﺢ ﻳﻜﻌﺪ ﺑﺎﻟﺒﻴﺖ ﻛﻢ ﺳﺎﻋﻪ ﺑﺎﻟﻴﻮﻡ ﺑﺲ ﻳﺤﺎﺳﺒﻨﻲ ﻉ ﻛﻮﻟﺸﻲ ﻭﺧﻼﻝ ﻫﺎﻟﻔﺘﺮﺓ ﺍﺗﻌﺮﻓﺖ ﻉ ﺧﻮﺍﻧﻪ ٢ ( ﺭﺳﻼﻥ ﻭﻋﻠﻲ ) ﻭﺍﺧﺘﻪ ( ﻭﻫﺞ ) ﺩﺍﺋﻤﺎ ﻳﺠﻮﻥ ﻉ ﺍﻧﻤﺎﺭ
ﻛﺎﻋﺪﺓ ﺑﺎﻟﻤﻄﺒﺦ ﻭﺍﺳﻮﻟﻒ ﻭﻳﻪ ﺍﻡ ﺭﻓﻞ ﻭﻃﺒﻮﺍﺍﺍ ﺍﺧﻮﺍﻥ ٢ ﺍﻧﻤﺎﺭ ﻭﺍﺧﺘﻬﻢ ﺑﻌﻤﺮﻱ
ﺳﻠﻤﻮﺍ ﻋﻠﻴﻪ ﻭﻛﻌﺪﻭﺍ ﻳﺴﻮﻟﻔﻮﻥ ﺳﻮﺍﻟﻒ ﻋﺎﺩﻳﻪ ﻭﻛﺎﻟﻮﺍ ﻣﺸﺘﺎﻗﻴﻦ ﺍﻻﻧﻤﺎﺭ ﻭﺍﺟﻮﺍﺍ ﻳﺸﻮﻓﻮﻧﻪ ﻭﺍﺗﺼﻠﻮﺍ ﺑﻲ ﻭﻛﺎﻟﻠﻬﻢ ﺳﺎﻋﻪ ﻭﺍﺟﻴﻜﻢ ﻃﺎﻟﻊ ﻫﻮﺓ ﻭﻳﻮﺳﻒ
ﺍﺧﻮﺍﻥ ﺍﻧﻤﺎﺭ ( ﺭﺳﻼﻥ ﻭ ﻋﻠﻲ ) ﻭ ﺍﺧﺘﻬﻢ ( ﻭﻫﺞ ) ﺣﺒﺎﺑﻪ ﻭﺣﻠﻮﺓ ﺑﺎﻟﺤﻘﻴﻘﻪ ﻛﻠﻬﻢ ﺣﻠﻮﻳﻦ ﻭﺷﺨﺼﻴﺘﻬﻢ ﺣﻠﻮﺓ ﻋﻜﺲ ﺍﻣﻬﻢ ﻟﻠﻌﻠﻢ ﺍﺑﻮﻫﻢ ﻣﺘﻮﻓﻲ ﻣﺸﺎﻳﻔﺘﻪ ﺍﺑﺪ
ﺩﺍ ﻧﺤﺠﻲ ﻭﻃﺐ ﺍﻧﻤﺎﺭ ﺍﻭﻝ ﻣﺎ ﺷﺎﻓﻨﻲ ﺧﺰﺭﻧﻲ ﻳﺎﺍﺍﺍ ﻫﺬﺍ ﺷﺒﻲ ﻭﺍﺟﺎ ﻳﻮﺳﻒ ﻳﺒﻮﺱ ﺑﻴﻪ ﻭﻳﺤﺠﻲ
ﺷﻮﻓﻲ ﺭﻧﺪ ﺑﺎﺑﺎ ﺍﺷﺘﺮﺍﻟﻨﺎ ﺣﻠﻮﻳﺎﺕ ﻛﺎﻝ ﺣﺘﻰ ﺗﺎﻛﻠﻬﻦ ﺍﻧﺘﻪ ﻭﺍﺧﺘﻚ ﺑﻠﻴﻞ
ﻫﺎ ﻳﻮﺳﻒ ﺻﺎﺭ ﻋﻨﺪﻙ ﺍﺧﺖ ﻭﺍﺣﻨﺎ ﻣﺎﻧﺪﺭﻱ
ﻋﻤﻮ ﻋﻠﻲ ﺭﻧﺪ ﺍﺧﺘﻲ ﺻﺎﺭﺕ
ﻭﻣﻨﻮ ﻛﻠﻚ ﻫﻴﺞ
ﻋﻤﻪ ﺑﺎﺑﺎ ﻛﺎﻝ ﺭﻧﺪ ﻃﻔﻠﻪ ﻣﺜﻠﻚ ﻭﺻﺎﺭﺕ ﺍﺧﺘﻚ
ﻳﻮﺳﻒ ﺑﻼ ﻛﻼﻡ ﺯﺍﻳﺪ ﻳﻠﻪ ﺑﺎﺑﺎﺗﻲ ﺭﻭﺡ ﺍﻟﻌﺐ ﺑﻐﺮﻓﺘﻚ
ﺭﺳﻼﻥ ﻭﻋﻠﻲ ﻭﻭﻫﺞ ﺍﻛﻌﺪﻭﺍ ﺑﺎﻟﺼﺎﻟﻪ ﺍﺣﺠﻲ ﻭﻳﻪ ﺭﻧﺪ ﻭﺍﺟﻴﻜﻢ ( ﺧﻮﺍﻧﻪ ﻛﻮﻟﺶ ﻳﺤﺘﺮﻣﻮﻧﻪ ﻭﻣﻴﺮﺩﻭﻟﻪ ﻛﻠﻤﻪ ﻭﺑﻨﻔﺲ ﺍﻟﻮﻗﺖ ﻳﺨﺎﻓﻮﻥ ﻣﻨﻪ قصص عراقيه حقيقيه من واقعنا.روعه الطائي
ﺳﺖ ﺭﻧﺪ ﻛﺎﻋﺪﺓ ﺑﻨﺺ ﺍﻟﺸﺒﺎﺏ ﺑﺪﻭﻥ ﺣﺠﺎﺏ ﻭﺍﻟﺸﻌﺮ ﻣﻔﻠﻮﻝ
ﺍﻧﻤﺎﺭ ﺗﺪﺭﻱ ﺑﻴﻪ ﺍﻧﻲ ﻣﻮ ﻣﺤﺠﺒﻪ ﻭﺍﻧﺘﻪ ﺍﻟﻔﺮﺿﺖ ﻋﻠﻴﻪ ﺍﻟﺤﺠﺎﺏ ﻭﻛﺘﻠﻲ ﻣﻦ ﺗﻄﻠﻌﻴﻦ ﺍﻟﺒﺴﻲ ﺣﺠﺎﺏ ﻭﻣﺎﻛﺴﺮﺕ ﻛﻼﻣﻚ ﻣﻦ ﺍﻃﻠﻊ ﺍﻟﺒﺴﻪ ﻭﺑﺎﻟﻨﺴﺒﻪ ﺍﻟﺸﻌﺮﻱ ﺳﺮﺡ ﻭﺍﻟﻘﺮﺍﺻﻪ ﺗﻮﻛﻊ ﻣﻨﻪ
ﺻﺎﻳﺮ ﻋﻨﺪﺝ ﻟﺴﺎﻥ ﻭﺗﺮﺍﺩﺩﻳﻦ ﺑﻨﻮﺗﻲ
ﺍﻧﻲ ﻣﺎ ﺭﺍﺩﺩﺗﻚ ﺑﺲ ﺩﺍ ﺍﻭﺿﺢ ﻣﻮﻗﻔﻲ
ﻳﺼﻚ ﻉ ﺳﻨﻮﻧﻪ ﻭﻳﺤﺠﻲ ﺧﻼﻝ ١٠ ﺩﻗﺎﻳﻖ ﺍﺫﺍ ﻣﺎ ﻏﻴﺮﺗﻲ ﻟﺒﺴﺞ ﻭﻟﺒﺴﺘﻲ ﺣﺠﺎﺏ ﺷﻮﻓﻲ ﻭﺟﻬﻲ ﺍﻟﺜﺎﻧﻲ
ﻭﺷﺒﻲ ﻟﺒﺴﻲ ﻭﺍﻧﺘﻪ ﻫﻴﺞ ﺗﺤﺎﺳﺒﻨﻲ ﺗﺮﻯ ﺍﻧﻲ ﻭﻻ ﺣﺒﻴﺒﺘﻚ ﻭﻻ ﺍﺧﺘﻚ ﻭﻻ ﺧﻄﻴﺒﺘﻚ ﻭﻻ ﻣﺮﺗﻚ ﺣﺘﻰ ﺗﺤﺎﺳﺒﻨﻲ
ﺍﻧﺘﻲ ﺑﻨﻮﺗﻲ ﻭﺩﻧﻚ ﻋﻠﻴﻪ ﻭﺍﻳﺪﻩ ﻉ ﻛﺮﺳﻲ ﻭﻗﺮﺏ ﻭﺟﻬﻪ ﻋﻠﻴﻪ ﻭﻳﺨﺰﺭ ﻭﻳﺼﻚ ﻉ ﺳﻨﻮﻧﻪ ﻣﻔﻬﻮﻡ ﻛﻼﻣﻲ ﻟﻮ ﺍﻋﻴﺪ
ﺧﻔﺖ ﻣﻦ ﺧﺰﺭﺗﻪ ﻭﺑﻠﻌﺖ ﺭﻳﻚ ﻣﻔﻬﻮﻡ
ﺭﺣﺖ ﻟﻐﺮﻓﺘﻲ ﻭﻛﻠﺖ ﺍﻟﺮﻓﻞ ﻣﻦ ﻳﺮﺣﻮﻥ ﺧﻮﺍﻥ ﺍﻧﻤﺎﺭ ﺍﻧﻄﻴﻨﻲ ﺧﺒﺮ
ﻭﺭﺓ ﺷﻮﻳﻪ ﺍﺟﺖ ﻭﻫﺞ ﺍﺧﺖ ﺍﻧﻤﺎﺭ ﻭﺑﻘﻴﻨﺎ ﻧﺴﻮﻟﻒ
ﺭﻧﺪ ﻟﻴﺶ ﺿﺎﻳﺠﻪ ﻭﻛﺎﻋﺪﺓ ﺑﻐﺮﻓﺘﺞ ﻟﻴﺶ ﻣﺎ ﻛﻌﺪﺗﻲ ﻳﻤﻨﺎ
ﺍﻧﻤﺎﺭ ﻳﺮﻳﺪﻧﻲ ﺍﻏﻴﺮ ﻣﻼﺑﺴﻲ ﻭﺍﻟﺒﺲ ﺣﺠﺎﺏ
ﻳﻲ ﻏﻴﺮﻱ ﻣﻼﺑﺴﺞ ﺗﺮﻯ ﺍﻧﻤﺎﺭ ﺣﺮﻳﺺ ﻋﻠﻴﺞ ﻣﺜﻞ ﻣﺎ ﺣﺮﻳﺺ ﻋﻠﻴﻪ
ﺷﻠﻮﻥ ﻳﻌﻨﻲ
ﺍﺟﻮﻱ ﻭﻟﺪ ﻋﻤﻲ ﻭﻭﻟﺪ ﺧﺎﻟﻲ ﻭﺍﻧﻲ ﺑﺪﻭﻥ ﺣﺠﺎﺏ ﻭﻻﺑﺴﻪ ﺗﺮﺍﻙ ﻭﻋﺎﻧﺪﺕ ﻭﺭﺩﺕ ﺍﺳﻠﻢ ﻋﻠﻴﻬﻢ ﺣﺼﻠﺖ ﻣﻨﻪ ﺭﺯﺍﻟﻪ ﻣﻦ ﻫﺎﻱ ﺍﻟﺘﻤﺎﻡ ﻭﺗﺎﻟﻲ ﺭﺣﺖ ﻟﺒﺴﺖ ﺩﺷﺪﺍﺷﻪ ﻃﻮﻳﻠﻪ ﻭﺣﺠﺎﺏ ﻭﻃﻠﻌﺖ ﺳﻠﻤﺖ ﻋﻠﻴﻬﻢ
ﻭﻫﺞ ﺍﻧﻲ ﻣﺎ ﻣﺘﻌﻮﺩﻩ ﻭﺍﺣﺪ ﻳﺘﺤﻜﻢ ﺑﻴﻪ ﻭﻳﻔﺮﺽ ﺍﻭﺍﻣﺮﻩ ﻋﻠﻴﻪ ﺟﺎﻧﻮﺍ ﺧﻮﺍﻧﻲ ﻳﺤﺠﻮﻥ ﻋﻠﻴﻪ ﻻﻥ ﻣﺎ ﺍﻟﺒﺲ ﺣﺠﺎﺏ ﻭﻣﺎﻣﺎ ﺍﻟﻠﻪ ﻳﺮﺣﻤﻬﺎ ﺗﺴﻜﺘﻬﻢ
ﺣﺒﻴﺒﺘﻲ ﺯﻣﻦ ﺍﻭﻝ ﺗﺒﺪﻝ ﻫﺬﺍ ﺍﻧﻤﺎﺭ ﻭﻣﺎﻛﻮ ﻭﺣﺪﻩ ﺍﻭ ﻭﺍﺣﺪ ﻳﻜﺪﺭ ﻳﻤﺸﻲ ﻛﻠﻤﺘﻪ ﻉ ﺍﻧﻤﺎﺭ ﺭﺍﺡ ﻳﺠﻲ ﻳﻮﻡ ﻭﺗﻔﻬﻤﻴﻦ ﻗﺼﺪﻱ
ﺭﺍﺣﺖ ﻭﻫﺠﺖ ﻭﺑﻘﻴﺖ ﺑﻐﺮﻓﺘﻲ ﻣﺎ ﻃﻠﻌﺖ ﻣﻨﻬﺎ
ﻛﻌﺪﺕ ﺍﺗﺼﻔﺢ ﻉ ﻓﻴﺲ ﺷﻔﺖ ﻣﻨﺸﻮﺭ ﻉ ﻗﺼﻪ ﻭﺑﻘﻴﺖ ﺍﻗﺮﺃ ﻭﺍﺟﺖ ﺭﻓﻞ ﻛﺎﻟﺖ ﺭﺍﺣﻮﺍ ﻗﺒﻞ ﺳﺎﻋﻪ ﺍﻧﺰﻟﻲ ﻭﻣﺎ ﺟﺎﻭﺑﺘﻬﺎ ﺑﻘﻴﺖ ﺍﻗﺮﺃ ﻟﻠﻴﻞ ﺍﺟﺎﻧﻲ ﻳﻮﺳﻒ ﻛﺎﻝ ﺑﺎﺑﺎ ﻳﺼﻴﺤﺞ ﺻﺎﺭ ﺍﻟﻌﺸﺎ ﻛﺘﻠﻪ ﻣﺎﺍﺗﻌﺸﻰ
ﻭﺍﺟﺎﻧﻲ ﺻﻮﺗﻪ ﺍﻟﻌﺎﻟﻲ ﺭﻧﺪ ﺑﻼ ﺯﻋﻞ ﻭﻛﻮﻣﻲ ﺍﺗﻌﺸﻲ ﻣﻮ ﺯﻳﻦ ﻋﻠﻴﺞ ﺗﺒﻘﻴﻦ ﻫﻴﺞ ﺑﻼ ﻋﺸﺎ ﻟﺘﺼﻴﺮﻳﻦ ﺯﻋﻄﻮﻃﻪ ﺗﺰﻋﻞ ﻉ ﺍﺩﻧﻰ ﺷﻲ
ﺣﺠﻴﺖ ﺑﺰﻋﻞ ﻣﺎ ﻣﺎﺍﺭﻳﺪ ﻫﻴﻪ ﻛﻮﺓ ﺧﻤﺎ ﻛﻮﺓ
ﻳﻲ ﻃﺒﺞ ﻣﺮﺽ ﺍﻧﻲ ﺷﻜﻮ ﻣﺘﻌﺐ ﻧﻔﺴﻲ ﻭﻳﻪ ﺍﻟﻤﺰﻋﻄﻪ
ﻛﻮﻟﺶ ﺿﺠﺖ ﻣﻦ ﻛﻠﻲ ﻃﺒﺞ ﻣﺮﺽ ﺑﺲ ﻫﻮﺓ ﺷﻌﺠﺐ ﺍﻟﻴﻮﻡ ﻣﺎ ﻃﺎﻟﻊ
ﺑﻘﻴﺖ ﺍﻗﺮﺃ ﺍﻟﻘﺼﻪ ﻭﺗﻔﻜﻴﺮ ﻳﺮﺍﻭﺩﻧﻲ
ﺍﺟﺖ ﺭﻓﻞ
ﺭﻧﺪ ﻟﻴﺶ ﺗﻌﺎﻧﺪﻳﻦ ﺗﺮﻯ ﺍﺳﺘﺎﺫ ﺍﻧﻤﺎﺭ ﻳﺮﻳﺪ ﻣﺼﻠﺤﺘﺞ ﻭﻳﺨﺎﻑ ﻋﻠﻴﺞ
ﺭﻓﻞ ﺍﻧﻤﺎﺭ ﻳﺤﺐ ﺩﻭﺭ ﺍﻟﻤﺘﺴﻠﻂ ﻭﺍﻟﻤﺴﻴﻄﺮ ﻭﺍﻧﻲ ﺍﻛﺮﻩ ﻫﺬﺍ ﺍﻟﺸﻲ
ﺭﻧﺪ ﺍﺫﺍ ﺗﺒﻘﻴﻦ ﻉ ﻫﺬﺍ ﻋﻨﺎﺩﺝ ﺭﺍﺡ ﺗﺨﺴﺮﻳﻦ ﺍﻻﻭﻝ ﻭﺍﻟﺘﺎﻟﻲ ﺻﺪﻛﻲ ﺗﺮﻯ ﺍﺳﺘﺎﺫ ﺍﻧﻤﺎﺭ ﻣﺎ ﻳﺘﻌﻮﺽ
ﻟﻴﻠﺘﻬﺎ ﻛﻮﻟﺶ ﺿﺠﺖ ﻭﺣﺴﻴﺖ ﻧﻔﺴﻲ ﺍﺧﺘﻨﻜﺖ ﻭﻃﻠﻌﺖ ﺑﺎﻟﻜﺮﺳﻲ ﺍﻟﻤﺘﺤﺮﻙ ﻟﻠﺤﺪﻳﻘﻪ ﺭﻳﺤﻪ ﺍﻻﺷﺠﺎﺭ ﻭﺭﻳﺤﻪ ﺍﻟﺰﺭﻉ ﺗﺮﺩ ﺍﻟﺮﻭﺡ ﻭﺗﻨﻌﺶ ﺍﻟﺮﻳﻪ ﺑﻘﻴﺖ ﻛﺎﻋﺪﺓ ﻭﻣﻐﻤﻀﻪ ﻋﻴﻮﻧﻲ ﻭﺍﺗﻨﻔﺲ ﺷﻬﻴﻖ ﻭﺯﻓﻴﺮ ﻭﺳﻤﻌﺖ ﺻﻮﺕ ﺍﻟﺒﺎﺏ ﺍﻟﺨﺎﺭﺟﻲ ﺍﻧﻔﺘﺢ ﻭﻓﺘﺤﺖ ﻋﻴﻮﻧﻚ ﻭﺍﻧﺪﺍﺭﻳﺖ ﻭﺍﺷﻮﻑ ﺩﺧﻞ ﺍﻧﻤﺎﺭ ﺑﺴﻴﺎﺭﺗﻪ ﺍﻟﺴﻮﺩﺓ ﺑﻘﻴﺖ ﺍﺑﺎﻭﻉ ﻋﻠﻲ ﺩﺧﻞ ﻭﺑﺴﻴﺎﺭﺗﻪ ﻭﺑﻘﻰ ﻛﺎﻋﺪ ﺑﻴﻬﺎ ﻭﻳﺨﺎﺑﺮ ﻭﻳﻀﺤﻚ ﻭﻣﺰﻳﻦ ﻟﺤﻴﺘﻪ ﻭﻣﺒﻘﻲ ﺑﺲ ﺍﻟﺸﻮﺍﺭﺏ ﺍﻣﻤﻤﻤﻢ ﻣﻌﻨﺎﻫﺎ ﺑﺎﺟﺮ ﻳﻠﺘﺤﻖ ﻻﻥ ﻛﻞ ﻣﺎ ﻳﻠﺘﺤﻖ ﻗﺒﻠﻬﺎ ﺑﻴﻮﻡ ﻳﺮﻭﺡ ﻟﻠﺤﻼﻕ
ﻳﺤﺠﻲ ﺑﺎﻟﻤﻮﺑﺎﻳﻞ ﻭﻳﺒﺎﻭﻉ ﻋﻠﻴﻪ ﺧﻠﻴﺖ ﻭﻃﺒﻴﺖ ﻭﺭﺣﺖ ﻟﻐﺮﻓﺘﻲ ﺍﺗﺼﻞ ﺑﺮﻓﻞ ﺣﺘﻰ ﺗﺠﻲ ﺗﻜﻮﻣﻨﻲ ﻣﻦ ﺍﻟﻜﺮﺳﻲ ﻭﺗﻜﻌﺪﻧﻲ ﻉ ﺳﺮﻳﺮﻱ ﺍﺗﺼﻞ ﺑﻴﻬﺎ ﻣﺸﻐﻮﻝ ﺑﻘﻴﺖ ﺏ١٠ ﺩﻗﺎﻳﻖ ﺍﺗﺼﻞ ﻣﺸﻐﻮﻝ ﺍﺳﺘﻐﺮﺑﺖ ﺍﻣﻬﺎ ﺭﺍﺣﺖ ﻟﺒﻴﺘﻬﻢ ﻭﻫﻴﻪ ﻣﺎ ﻗﺒﻠﺖ ﻛﺎﻟﺖ ﺍﺑﻘﻰ ﻳﻢ ﺭﻧﺪ ﺧﺎﻑ ﺗﺤﺘﺎﺟﻨﻲ ﺑﻠﻴﻞ ﺭﺣﺖ ﻟﻐﺮﻓﺘﻬﺎ ﻭﺍﺳﻤﻌﻬﺎ ﺗﺤﺠﻲ
.... ﺣﺒﻴﺒﻲ ﺍﺷﺘﺎﻗﻴﺘﻠﻚ ﺍﻟﻰ ﻣﺘﻰ ﻧﺒﻘﻰ ﻫﻴﺞ
..... ﺧﻞ ﻳﻨﺎﻣﻮﻥ ﻭﺍﺟﻴﻚ
....... ﺍﻓﻔﻔﻔﻔﻒ ﺣﺎﺿﺮ ﺍﻭﺍﻣﺮﻙ ﻉ ﺭﺍﺳﻲ ﺑﺲ ﻣﻦ ﺗﺮﺟﻊ ﺍﻧﻲ ﺑﺤﻀﻨﻚ
ﻫﺎﻱ ﺍﺩﺍ ﺗﺴﻮﻱ ﺷﻨﻮ ﺑﺤﻀﻨﻚ ﺷﻨﻮ ﺍﺟﻴﻚ ﻣﻦ ﻳﻨﺎﻣﻮﻥ ﺭﻓﻞ ﻣﺘﺮﺑﻴﻪ ﻭﻣﺎﻋﺪﻫﺎ ﻫﺎﻱ ﺍﻟﺴﻮﺍﻟﻒ ﺻﺪﻣﺘﻨﻲ ﺑﺼﺮﺍﺣﻪ ﻋﻔﺘﻬﺎ ﻭﺭﺣﺖ ﻟﻐﺮﻓﺘﻲ ﻭﺩﺯﻳﺘﻠﻬﺎ ﺭﺳﺎﻟﻪ ﺗﻌﺎﻱ ﻟﻐﺮﻓﺘﻲ ﺑﺴﺮﻋﻪ ﻭﺭﺓ ﺭﺑﻊ ﺳﺎﻋﻪ ﺍﺟﺖ ﻛﻮﻣﺘﻨﻲ ﻭﺧﻠﺘﻨﻲ ﻉ ﺳﺮﻳﺮ ﻣﺎ ﺣﺠﻴﺖ ﻭﻳﺎﻫﺎ ﻭﺭﺍﺣﺖ
ﻛﻌﺪﺕ ﺛﺎﻧﻲ ﻳﻮﻡ ﺍﻧﻤﺎﺭ ﻣﻠﺘﺤﻖ ﻭﻳﻮﺳﻒ ﺭﺍﻳﺢ ﻳﻢ ﺍﻣﻪ ﻭﺑﺲ ﺍﻧﻲ ﻭﺭﻓﻞ ﻭﺍﻡ ﺭﻓﻞ ﺑﺎﻟﺒﻴﺖ ﻣﺮ ﺍﻟﻴﻮﻡ ﺍﻟﻨﻬﺎﺭ ﻋﺎﺩﻱ ﻭﺑﻠﻴﻞ ﺍﺟﺖ ﻭﻫﺞ ﻳﻤﻲ ﻭﻛﺎﻟﺖ ﺭﺍﺡ ﺍﺑﺎﺕ ﻳﻤﺞ ﺍﻟﻴﻮﻡ ﻭﺍﻧﻲ ﻛﻴﻔﺖ ﺑﻴﻬﺎ ﺑﺲ ﺟﺎﻧﺖ ﻛﻮﻟﺶ ﺿﺎﻳﺠﻪ ﻭﻋﻴﻮﻧﻬﺎ ﺣﻤﺮ ﺍﻋﺘﻘﺪ ﺑﺎﺟﻴﻪ
ﻭﻫﺞ ﻟﻴﺶ ﻫﻴﺞ ﺣﺰﻳﻨﻪ ﻭﺿﺎﻳﺠﻪ ﻋﻴﻮﻧﺞ ﺣﻤﺮ
ﺭﻧﺪ ﺍﺫﺍ ﺍﺳﻮﻟﻔﻠﺞ ﺗﺤﻔﻈﻴﻦ ﺳﺮﻱ
ﻃﺒﻌﺎ ﻭﻫﺞ ﻟﻌﺪ ﺍﻟﻤﻦ ﺍﺳﻮﻟﻒ ﻳﻌﻨﻲ
ﺭﺍﺡ ﺍﺳﻮﻟﻔﻠﺞ ﻻﻥ ﺍﺫﺍ ﻣﺎ ﺳﻮﻟﻔﺖ ﺍﻃﻚ
ﺳﺪﻱ ﺑﺎﺏ ﻏﺮﻓﺘﻲ ﻭﺗﻌﺎﻱ ﺍﻛﻌﺪﻱ ﻳﻤﻲ ﻭﺍﺣﺠﻲ
ﺷﻮﻓﻲ ﺭﻧﺪ ﺗﺪﺭﻳﻦ ﺍﻧﻲ ﻃﺎﻟﺒﻪ ﻗﺎﻧﻮﻥ ﺑﺠﺎﻣﻌﻪ ﺍﻝ ......
ﻳﻲ
ﻣﻦ ﺍﻟﻤﺮﺣﻠﻪ ﺍﻟﺜﺎﻧﻴﻪ ﺷﻔﺖ ﺍﺳﺘﺎﺫ ﺑﺎﻟﺠﺎﻣﻌﻪ ﻛﻮﻟﺶ ﻋﺠﺒﻨﻲ ﺷﻜﻠﻪ ﻭﺷﺨﺼﻴﺘﻪ ﻓﺪﺷﻲ ﻭﻣﺎ ﻳﻨﻄﻲ ﻣﺠﺎﻝ ﺍﻻﻱ ﺑﻨﻴﻪ ﺟﻨﺖ ﺍﺷﻮﻓﻪ ﺑﺎﻟﻨﺎﺩﻱ ﻣﻦ ﺍﺭﻭﺡ ﺍﺗﺮﻳﻚ
ﻭﻣﻦ ﺻﺮﺕ ﺑﻤﺮﺣﻠﻪ ﺍﻟﺜﺎﻟﺜﻪ ﺟﺎﻥ ﺍﻛﻮ ﻭﺍﺣﺪ ﻣﺮﺣﻠﻪ ﺍﻭﻻ ﻛﻞ ﻣﺎ ﻳﺸﻮﻓﻨﻲ ﻳﺬﺑﻠﻲ ﻛﻼﻡ ﻭﺣﺎﻭﻝ ﻳﺴﻮﻱ ﻭﻳﺎﻳﻪ ﻋﻼﻗﻪ ﻭﺭﻓﻀﺖ ﻭﺩﺯﻟﻲ ﻫﻮﺍﻱ ﺑﻨﺎﺕ ﻭﺭﻓﻀﺘﻪ
ﺑﺤﻤﺎﺱ ﻳﻲ ﻛﻤﻠﻲ
ﻓﺪ ﻳﻮﻡ ﺧﻠﺼﺖ ﺍﻟﻤﺤﺎﺿﺮﺓ ﺍﻻﻭﻟﻰ ﻭﺭﺣﺖ ﺍﺗﺮﻳﻚ ﺑﺎﻟﻨﺎﺩﻱ ﺍﺧﺬﺕ ﻋﺼﻴﺮ ﺑﺮﺗﻘﺎﻝ ﻓﺮﻳﺶ ﻭﻛﻴﻚ
ﺍﺧﺬﺗﻪ ﻭﺩﺍ ﺍﻣﺸﻲ ﻟﻠﻄﺎﻭﻟﻪ ﺍﻟﻜﺎﻋﺪﺍﺕ ﻋﻠﻴﻬﺎ ﺻﺪﻳﻘﺎﺗﻲ ﻭﺍﺟﺎ ﻫﺬﺍ ﺍﻟﻮﻟﺪ ﺍﻟﻤﺮﺣﻠﻪ ﺍﻻﻭﻟﻰ ﻭﺿﺮﺑﻨﻲ ﺑﺠﺘﻔﻪ ﻭﻭﻛﻊ ﺍﻟﻌﺼﻴﺮ ﻉ ﻣﻼﺑﺴﻲ ﻭﻋﻄﺖ ﺑﻲ ﺍﻧﺘﻪ ﺷﻨﻮ ﺍﻋﻤﻰ ﻣﺎ ﺗﺸﻮﻑ ﺩﻣﺮﺗﻨﻲ ﺍﺗﻌﺬﺭ ﻣﻨﻲ ﻋﺪﻩ ﻣﺮﺍﺕ ﻛﺘﻠﻪ ﺍﻧﺘﻪ ﻣﺘﻘﺼﺪ ﺗﻀﺮﺑﻨﻲ ﺑﺠﺘﻔﻚ ﻭﻫﺎﻱ ﻣﻮ ﺍﻭﻝ ﻣﺮﺓ ﻭﺍﺣﺠﻲ ﻭﻳﺎﻩ ﺑﻨﺘﺮ ﻭﺩﺍ ﺍﻣﺴﺢ ﺑﻤﻼﺑﺴﻲ ﻭﺭﻓﻌﺖ ﺭﺍﺳﻲ ﺍﺳﺘﺎﺫ ﻋﻤﺎﺭ ﻳﺒﺎﻭﻉ ﻋﻠﻴﻪ ﻋﺰﺍﺍﺍﺍﺍ ﻭﺍﻧﻲ ﻣﻌﺠﺒﻪ ﺑﻲ ﻭﺷﺎﻓﻨﻲ ﺑﻬﻴﺞ ﻣﻮﻗﻒ ﻭﺷﺴﻮﻳﺖ ﺑﻬﺬﺍ ﺍﻟﻮﻟﺪ ﻣﻦ ﺣﺮﻛﻪ ﻛﻠﺒﻲ ﻓﺮﺟﺖ ﻋﻠﻴﻪ ﺍﻟﻨﺎﺩﻱ ﻛﻠﻪ ﺑﺤﻴﺚ ﺍﻟﻜﻞ ﻛﺎﻡ ﻳﻌﺮﻓﻨﻲ ﻳﺴﻤﻮﻧﻲ ﺍﻡ ﺍﻟﻌﺼﻴﺮ ﻫﻬﻬﻪ
ﻭﻫﺎﻱ ﺍﻟﺴﻨﻪ ﻗﺼﺪﻱ ﺍﻟﻤﺮﺣﻠﻪ ﺍﻟﺜﺎﻟﺜﻪ ﺍﺧﺬﻧﺎ ﺍﺳﺘﺎﺫ ﻋﻤﺎﺭ ﻣﺤﺎﺿﺮﺍﺕ ﺯﺍﺩ ﺍﻋﺠﺎﺑﻲ ﺑﻲ ﻭﺻﺮﺕ ﺍﻋﺸﻖ ﺍﻟﻤﺤﺎﺿﺮﺍﺗﻪ ﻭﻣﺎ ﺍﻓﻮﺕ ﻭﻻ ﻣﺤﺎﺿﺮﺓ ﻭﺑﺎﻟﻴﻮﻡ ﺍﻟﻌﺪﻧﺎ ﻣﺤﺎﺿﺮﺓ ﻷﺳﺘﺎﺫ ﻋﻤﺎﺭ ﺍﺗﺄﻧﻖ ﻭﺍﻣﻜﻴﺞ ﻭﺍﺗﻌﻄﺮ ﻉ ﺍﻛﻤﻞ ﻭﺟﻪ
ﻭﻗﺒﻞ ﻳﻮﻣﻴﻦ ﻛﺎﻋﺪﻩ ﺑﺎﻟﻨﺎﺩﻱ ﺍﺟﺖ ﺑﻨﻴﻪ ﻛﺎﻟﺖ ﺍﺳﺘﺎﺫ ﻋﻤﺎﺭ ﻳﺮﻳﺪﺝ ﺑﺎﻟﻤﻜﺘﺒﻪ ﺍﺳﺘﻐﺮﺑﺖ ﺧﻔﺖ ﺍﻧﻬﺒﻄﺖ ﻛﻠﻬﻦ ﻣﺮﻳﺖ ﺑﻴﻬﻦ ﻭﻣﻴﺖ ﺳﺆﺍﻝ ﺍﺟﺎ ﺍﺑﺎﻟﻲ ﺭﺣﺘﻠﻪ ﻟﻠﻤﻜﺘﺒﻪ ﻟﻜﻴﺘﻪ ﻛﺎﻋﺪ ﻳﻘﺮﺃ ﻛﺘﺎﺏ ﻣﻜﺘﻮﺏ ﻋﻠﻲ ﺍﻧﺖ ﻟﻲ ﺳﻠﻤﺖ ﻋﻠﻲ ﻛﺎﻝ ﺍﻛﻌﺪﻱ ﻛﻌﺪﺕ ﻣﺘﻮﺗﺮﺓ ﻭﺍﻓﺮﻙ ﺑﺄﻳﺪﻱ
ﻟﻴﺶ ﻫﺎﻟﺘﻮﺗﺮ ﻭﻻ ﻛﺄﻧﻮ ﺍﻧﺘﻲ ﺍﻟﻄﺎﻟﺒﻪ ﺍﻟﻔﺮﺟﺖ ﺍﻣﻪ ﻻ ﺍﻟﻪ ﺍﻻ ﺍﻟﻠﻪ ﻉ ﺍﻟﻄﺎﻟﺐ ﺍﻟﻀﺮﺑﻬﺎ ﺑﺠﺘﻔﻪ ﺑﺪﻭﻥ ﻗﺼﺪ ﻭﻣﺒﺘﻌﺪﻩ ﻋﻦ ﺩﻭﺭ ﺍﻟﻄﺎﻟﺒﻪ ﺍﻟﻤﻌﺠﺒﻪ ﺍﻟﺘﺼﻔﻦ ﻣﻦ ﺗﺸﻮﻑ ﺍﺳﺘﺎﺫﻫﺎ ﻭﻓﺎﺿﺤﻪ ﺭﻭﺣﻬﺎ ﺑﻨﻀﺮﺍﺗﻬﺎ
ﺍﺳﺘﺎﺍﺍﺍﺍﺍﺫ ﻫﺎﻱ ﺗﺤﺠﻲ ﻭﻳﺎﻳﻪ
ﻳﺒﺎﻭﻉ ﻉ ﻛﺘﺎﺏ ﻭﻳﺤﺠﻲ ﻳﻲ ﺍﺣﺠﻲ ﻭﻳﺎﺝ ﺍﻡ ﺍﻟﻌﺼﻴﺮ
ﺍﺣﺠﻲ ﺑﻨﺘﺮ ﺍﺳﺘﺎﺍﺍﺫ ﺍﻧﺘﻘﻲ ﺍﻟﻔﺎﻇﻚ ﺍﻧﻲ ﻣﺎ ﻣﺒﺎﻭﻋﻪ ﻋﻠﻴﻚ ﺻﺢ ﺍﺑﺎﻭﻉ ﺑﻘﺼﺪ ﺍﻟﻤﺤﺎﺿﺮﺓ ﻻ ﺍﻛﺜﺮ ﻭﻻ ﺍﻗﻞ ( ﻭﻛﻤﺖ ﺩﺍ ﺍﺭﻭﺡ )
ﺍﻛﻌﺪﻱ ﺍﺣﺠﻲ ﺑﺄﺣﺘﺮﺍﻡ ﻟﻴﺶ ﺗﺘﻬﺮﺑﻴﻦ
ﻣﺎ ﻣﺘﻬﺮﺑﻪ ﺑﺲ ﻛﻼﻣﻚ ﻣﺎﺑﻲ ﺷﻲ ﺻﺤﻴﺢ ﻭﻣﺮﺓ ﺛﺎﻧﻴﻪ ﻣﻦ ﺗﺤﺠﻲ ﺍﺗﺄﻛﺪ ﻣﻦ ﺻﺤﻪ ﻛﻼﻣﻚ ﻳﻠﻪ ﺗﺤﺠﻲ ( ﻭﻛﺒﻞ ﻃﻠﻌﺖ ﺧﻔﺖ ﻳﺼﻴﺢ ﻭﺭﺍﻳﻪ ﺍﻭ ﻳﻠﺤﻜﻨﻲ ﻭﺍﻟﺤﻤﺪﻟﻠﻪ ﻣﺎﺳﻮﺓ ﻫﻴﺞ )
ﺗﺤﺠﻲ ﻭﺗﺒﺠﻲ ﻛﻠﻴﻠﻲ ﺭﻧﺪ ﺷﺴﻮﻱ ﻭﺩﺍﻋﺘﺞ ﺗﻌﺒﺖ ﺻﺎﺭﻟﻲ ﻳﻮﻣﻴﻦ ﻣﺎ ﻣﺪﺍﻭﻣﻪ ﺍﺧﺎﻑ ﺍﺩﺍﻭﻡ ﻭﺍﺷﻮﻓﻪ
ﺣﺒﻴﺒﺘﻲ ﺗﻌﺎﻱ ( ﺭﺭﻧﺪ ﺣﻀﻨﺖ ﻭﻫﻴﺞ ) ﺍﻧﺘﻲ ﻣﻦ ﻣﺎ ﺩﺍﻭﻣﺘﻲ ﺛﺒﺘﻲ ﺻﺤﻪ ﻛﻼﻡ ﺍﻻﺳﺘﺎﺫ ﺍﻟﻤﻔﺮﻭﺽ ﺍﺗﺪﺍﻭﻣﻴﻦ ﻣﻮ ﺗﺘﻬﺮﺑﻴﻦ
ﺗﺒﺠﻲ ﻭﺗﺤﺠﻲ ( ﺭﻧﺪ ﻣﺎ ﺍﻛﺪﺭ ﺗﻔﻬﻤﻴﻨﻲ ﻣﺎﺍﻛﺪﺭ ﻧﻀﺮﺍﺗﻪ ﻓﺎﺿﺤﺘﻨﻲ ﻭﺍﺧﺎﻑ ﺍﺷﻮﻓﻪ ﻣﺮﺓ ﺛﺎﻧﻴﻪ )
ﻭﻫﺞ ﻟﺘﺼﻴﺮﻳﻦ ﺿﻌﻴﻔﻪ ﻭﺍﺫﺍ ﺍﻧﻌﺠﺒﺘﻲ ﺍﻭ ﺣﺒﻴﺘﻲ ﺍﻧﺘﻲ ﻭﻻ ﺍﻭﻝ ﻭﺣﺪﻩ ﻭﻻ ﺍﺧﺮ ﻭﺣﺪﻩ ﻣﺎ ﻣﺴﻮﻳﻪ ﺷﻲ ﻏﻠﻂ ﻭﻻ ﺣﺮﺍﻡ ﺧﻠﻲ ﻫﺎﻟﺸﻲ ﺳﺮ ﺑﻴﻨﺞ ﻭﺑﻴﻦ ﺭﺑﺞ ﻭﺍﺗﻮﻛﻠﻲ ﻉ ﺍﻟﻠﻪ ﻫﻮﺓ ﻳﺪﻟﻴﺞ ﻉ ﻗﺮﺍﺭ ﺍﻟﺼﺢ
ﺑﻘﺖ ﻭﻫﺞ ﻳﻤﻲ ٣ ﺍﻳﺎﻡ ﻭﺍﻣﻬﺎ ﺗﺘﺼﻞ ﺑﻴﻬﺎ ﻭﺗﺘﺮﺯﻟﻬﺎ ﻻﻥ ﺑﺎﻳﺘﻪ ﻳﻤﻲ ﺑﺲ ﻭﻫﺞ ﻣﺎ ﺗﻬﺘﻢ ﻟﻜﻼﻡ ﺍﻣﻬﺎ ﻭﺭﺳﻼﻥ ﻭﻋﻠﻲ ﻣﻦ ﺍﺟﺖ ﻭﻫﺞ ﻳﻤﻲ ﻛﺎﻣﻮﺍ ﻳﻮﻣﻴﻪ ﻳﺠﻮﻥ ﻋﻠﻴﻬﺎ ﺍﻟﻌﺼﺮ ﻳﻜﻌﺪﻭﻟﻬﻢ ﺳﺎﻋﻪ ﻭﻳﺮﺣﻮﻥ
ﺭﺍﺣﺖ ﻭﻫﺞ ﻟﺒﻴﺖ ﺍﻫﻠﻬﺎ ﻭﺑﻘﻴﺖ ﺍﻧﻲ ﻭﺭﻓﻞ ﻭﺍﻡ ﺭﻓﻞ ﻭﻳﻮﺳﻒ ﺑﻌﺪﻩ ﻳﻢ ﺍﻣﻪ ﺍﺗﺼﻞ ﺑﻴﻪ ﻛﺎﻝ ﺑﺎﺑﺎ ﻳﺠﻲ ﻳﺎﺧﺬﻧﻲ ﻣﻦ ﻳﻨﺰﻝ ﻟﺒﻐﺪﺍﺩ
ﺣﺴﻴﺖ ﻭﻫﺞ ﻣﺎ ﺗﺤﺐ ﺭﻓﻞ ﻭﻣﻦ ﺗﻄﺐ ﻟﻐﺮﻓﺘﻲ ﻭﺗﺸﻮﻑ ﺭﻓﻞ ﻳﻤﻲ ﻛﺒﻞ ﺗﻄﻠﻊ
ﺍﻧﻤﺎﺭ ﻳﺘﺼﻞ ﺑﻴﻪ ﻟﺪﻗﺎﺋﻖ ﺑﺲ ﻉ ﻛﺪ ﺍﻟﺴﺆﺍﻝ ﺷﻠﻮﻧﺞ ﺷﺨﺒﺎﺭﺝ ﻭﻳﺴﺪﻩ
ﻣﺮﺕ ﺍﻳﺎﻡ ﻣﺎﺑﻴﻦ ﺍﻟﻌﻼﺝ ﺍﻟﻄﺒﻴﻌﻲ ﻭﻛﻌﺪﻩ ﺍﻟﺒﻴﺖ ﻣﺮ ﻉ ﺍﻟﺘﺤﺎﻕ ﺍﻧﻤﺎﺭ ١٠ ﺍﺳﺒﻮﻋﻴﻦ
ﻭﺍﻟﻌﺼﺮﻳﻪ ﻛﺎﻋﺪﻳﻦ ﺍﻧﻲ ﻭﺭﻓﻞ ﻭﺍﻡ ﺭﻓﻞ ﺳﻮﺗﻠﻨﺎ ﻋﺼﺮﻭﻧﻴﻪ ﻋﺼﻴﺮ ﻭﻛﻴﻚ ﻭﺩﺍ ﻧﺎﻛﻞ ﻭﺍﻧﺪﻙ ﺍﻟﺒﺎﺏ ﺑﺼﻮﺕ ﻗﻮﻱ ﻭﺍﺳﻤﻊ ﺍﻟﺤﺎﺭﺱ ﺍﺑﻮ ﻋﻠﻲ ﻳﺘﻌﺎﺭﻙ ﻭﻳﻪ ﻧﺎﺱ ........
ﺗﺼﻮﻳﺖ ﺣﺒﺎﻳﺐ
ﺣﺒﺎﻳﺐ ﺑﻄﻠﻪ ﺍﻟﺮﻭﺍﻳﻪ ﻗﺎﺭﻳﻪ ﺍﻟﺒﺎﺭﺕ ﺍﻻﻭﻝ ﻣﻦ ﺍﻟﺮﻭﺍﻳﻪ ﻉ ﻓﻴﺲ ﻭﺭﺍﺳﻠﺘﻨﻲ ﻭﺭﺍﺡ ﺗﻨﻄﻴﻨﻲ ﺍﺣﺪﺍﺙ ﺍﻟﺼﺎﺭ ﺑﺤﻴﺎﺗﻬﺎ ﺭﻏﻢ ﻛﺎﻟﺖ ﺍﻛﻮ ﻋﺪﻩ ﺍﺧﻄﺎﺀ ﺑﺎﻟﺒﺎﺭﺕ ﺍﻻﻭﻝ ﻟﻜﻦ ﺍﻟﺒﺎﺭﺗﺎﺕ ﺍﻟﺠﺎﻳﻪ ﺣﺘﻜﻮﻥ ﻣﻨﻬﺎ ﻭﺍﻟﺴﺮﺩ ﺍﻧﻲ ﺍﺳﺮﺩﻩ
أنت تقرأ
الثلاثيني الملتحي
Poetryقصه للكاتبه ،عذاري ال شمر، اعشقها بحنان اب واشتياق حبيب وبلهفه عاشق ماذا لو ادمنتها. ...؟
