علقو ع البارتات ال٤ الي نزلن واكمل
#الثلاثيني_الملتحي
بقلم عذاري آل شمر
#بارت٥
ﺍﻟﺒﺎﺭﺕ ﺍﻟﺨﺎﻣﺲ
ﺍﻟﺜﻼﺛﻴﻨﻲ ﺍﻟﻤﻠﺘﺤﻲ
ﺑﻘﻠﻤﻲ ﻋﺬﺍﺭﻱ ﺍﻝ ﺷﻤﺮ
ﻟﻜﻞ ١٠٠٠ ﺗﺼﻮﻳﺖ ﺑﺎﺭﺕ
ﻣﺮﺕ ﺍﻳﺎﻡ ﻣﺎﺑﻴﻦ ﺍﻟﻌﻼﺝ ﺍﻟﻄﺒﻴﻌﻲ ﻭﻛﻌﺪﻩ ﺍﻟﺒﻴﺖ ﻣﺮ ﻉ ﺍﻟﺘﺤﺎﻕ ﺍﻧﻤﺎﺭ ١٠ ﺍﺳﺒﻮﻋﻴﻦ
ﻭﺍﻟﻌﺼﺮﻳﻪ ﻛﺎﻋﺪﻳﻦ ﺍﻧﻲ ﻭﺭﻓﻞ ﻭﺍﻡ ﺭﻓﻞ ﺳﻮﺗﻠﻨﺎ ﻋﺼﺮﻭﻧﻴﻪ ﻋﺼﻴﺮ ﻭﻛﻴﻚ ﻭﺩﺍ ﻧﺎﻛﻞ ﻭﺍﻧﺪﻙ ﺍﻟﺒﺎﺏ ﺑﺼﻮﺕ ﻗﻮﻱ ﻭﺍﺳﻤﻊ ﺍﻟﺤﺎﺭﺱ ﺍﺑﻮ ﻋﻠﻲ ﻳﺘﻌﺎﺭﻙ ﻭﻳﻪ ﻧﺎﺱ
ﻣﺎﺍﻛﺪﺭ ﺍﺩﺧﻠﻜﻢ ﻟﻠﺒﻴﺖ
ﺷﻨﻮ ﻫﻮﺓ ﺑﻜﻴﻔﻚ ﻣﺎ ﺗﺪﺧﻠﻨﺎ ﺍﺟﻴﻨﺎ ﻉ ﺑﻨﺖ ﺍﺧﺘﻲ ﺍﺫﺍ ﻣﺎ ﺗﻔﺘﺢ ﺍﻟﺒﺎﺏ ﺍﺧﻠﻲ ﻃﻠﻘﻪ ﺑﺮﺍﺳﻪ ( ﻭﻳﻮﺟﻪ ﺍﻟﻤﺴﺪﺱ ﻉ ﺍﻟﺤﺎﺭﺱ )
ﺍﻟﺤﺎﺭﺱ ﻣﻦ ﺍﻟﺨﻮﻑ ﺍﺿﻄﺮ ﻳﻔﺘﺤﻠﻬﻢ ﺍﻟﺒﺎﺏ
ﺩﺧﻠﻮﺍ ﻟﻠﺒﻴﺖ ﺭﺟﺎﻝ ﻛﺒﻴﺮ ﺑﺎﻟﻌﻤﺮ ﺍﻟﺸﻌﺮ ﺍﻻﺑﻴﺾ ﺗﺎﺭﺱ ﺭﺍﺳﻪ ﻭﻟﺤﻴﺘﻪ ﻭﻭﻳﺎﻩ ٢ ﺷﺒﺎﺏ ﺑﻌﻤﺮ ﺍﻧﻤﺎﺭ ﺗﻘﺮﻳﺒﺎ ﺍﻭ ﺍﺻﻐﺮ ﻣﻨﻪ
ﻭﺍﻟﺮﺟﺎﻝ ﺍﻟﻤﺸﻴﺐ ﺣﺠﺎ ﻭﻳﻪ ﺍﻡ ﺭﻓﻞ
ﺍﻟﺴﻼﻡ ﻋﻠﻴﻜﻢ
ﺣﺠﻴﻪ ﺍﺟﻴﻨﺎ ﻧﺎﺧﺬ ﺑﻨﺖ ﺍﺧﺘﻲ ﺻﻴﺤﻴﻬﺎ ﺧﻞ ﺗﺠﻲ
ﻣﻨﻮ ﺣﻀﺮﺗﻚ ﻭﻣﻨﻮ ﺍﺧﺘﻚ
ﺍﻧﻲ ﺣﺴﻴﻦ ﺍﺧﻮ ﺳﺎﺯﺍﻥ
ﻧﻌﻢ ﺍﻧﻲ ﺑﻨﺖ ﺳﺎﺯﺍﻥ
ﻭﻳﺒﺎﻭﻋﻮﻥ ﻉ ﺭﻧﺪ ﻛﺎﻋﺪﻩ ﻉ ﻛﺮﺳﻲ ﻣﺘﺤﺮﻙ
ﺷﻠﻮﻧﺞ ﺧﺎﻟﻮ
ﺍﻧﻲ ﺧﺎﻟﺞ ﺣﺴﻴﻦ ﻭﺫﻭﻟﻪ ﻭﻳﺄﺷﺮ ﻉ ﻭﻟﺪﻩ ﻣﺤﻤﺪ ﻭﻫﺎﻛﺎﻥ ﻭﻟﺪﻱ
ﺍﻫﻼ ﺍﺗﻔﻀﻞ ﻭﺃﺷﺮ ﻉ ﻛﺮﺍﺳﻲ ﺍﻟﻲ ﺑﺎﻟﺤﺪﻳﻘﻪ ﻭﻛﻌﺪﻭﺍ ( ﺳﻠﻤﺖ ﻋﻠﻲ ﺑﺪﻭﻥ ﻧﻔﺲ ﺍﺣﺴﻪ ﻏﺮﻳﺐ ﻋﻨﻲ ﺣﺎﻟﻪ ﺣﺎﻝ ﺍﻱ ﺭﺟﻞ ﻏﺮﻳﺐ )
ﺍﺣﺘﺮﻙ ﺩﻣﻲ ﻣﻦ ﺳﻤﻌﺖ ﺑﻴﺞ ﻛﺎﻋﺪﺓ ﻳﻢ ﺍﺑﻦ ﺧﺎﻝ ﺍﺑﻮﺝ ﻭﺍﺟﻴﺖ ﺍﺧﺬﺝ
ﺧﺎﻟﻮ ﺍﻧﻲ ﻋﺎﻳﺸﻪ ﺑﻬﺬﺍ ﺍﻟﺒﻴﺖ ﻭﻣﺮﺗﺎﺣﻪ ﻭﺩﺍ ﻳﻌﺎﻟﺠﻨﻲ ﻭﻣﺎ ﻣﻘﺼﺮ ﻭﻳﺎﻳﻪ ﺑﺸﻲ
ﺑﻨﺘﺮ ﺷﻨﻮ ﻣﺮﺗﺎﺣﻪ ﻻﺯﻡ ﺗﺮﺟﻌﻴﻦ ﻭﻳﺎﻧﻪ ﻟﺴﻠﻴﻤﺎﻧﻴﻪ
ﻣﺎﺍﺭﺟﻊ ﺷﻨﻮ ﻫﻴﻪ ﻛﻮﺓ
ﺑﻨﺘﺮ ﺍﻧﺘﻲ ﻣﺜﻞ ﺍﻣﺞ ﻭﻛﺤﻪ ﻭﻟﺴﺎﻧﺞ ﻃﻮﻳﻞ ﺷﻨﻮ ﻋﺎﺟﺒﺘﺞ ﺍﻟﻜﻌﺪﺓ ﻳﻢ ﺭﺟﺎﻝ ﻋﺰﺍﺑﻲ ﻣﺎﻋﻨﺪﻩ ﻣﺮﺓ
ﺧﺎﻟﻮ ﻟﻴﺶ ﻫﻴﺞ ﺗﺤﺠﻲ ﻉ ﻣﺎﻣﺎ ﻣﻮ ﻫﻴﻪ ﻣﺎﺗﺖ ﻭﻣﺎﻳﺠﻮﺯ ﻋﻠﻴﻬﺎ ﺍﻻ ﺭﺣﻤﻪ ﻭﺑﻌﺪﻳﻦ ﺍﻧﻤﺎﺭ ﺭﺟﺎﻝ ﻭﺍﻟﻨﻌﻢ ﻣﻨﻪ ﻭﻣﻌﺘﺒﺮﻧﻲ ﻣﺜﻞ ﺑﻨﺘﻪ ﻭﺍﺻﻼ ﺍﻧﻲ ﻣﺎﺍﺷﻮﻓﻪ ﺩﺍﺋﻤﺎ ﻣﻠﺘﺤﻖ ﻭﻳﺠﻲ ﻛﻢ ﻳﻮﻡ ﻭﻳﺮﻭﺡ
ﻏﺼﺒﺎ ﻣﺎ ﻋﻠﻴﺞ ﺗﺮﻭﺣﻴﻦ ﻭﻳﺎﻧﻪ ﺷﻨﻮ ﺗﻜﺴﺮﻳﻦ ﻛﻼﻡ ﺍﺑﻮﻳﻪ
ﻣﺎ ﺍﺭﻭﺡ ﻭﻳﺎﻛﻢ ﻣﻨﻴﻦ ﺍﻋﺮﻓﻜﻢ ﺣﺘﻰ ﺍﺭﻭﺡ ﻭﻳﺎﻛﻢ ﺍﻭﻝ ﻣﺮﺓ ﺍﺷﻮﻓﻜﻢ ﺟﻮﺯ ﺍﻧﺘﻮﺍ ﻣﻮ ﺧﻮﺍﻟﻲ
ﺑﻨﺘﺮ ﺷﻨﻮ ﻣﻮ ﺧﺎﻟﺞ ﻟﻌﺪ ﻣﻨﻮ ﺍﻧﻲ ﻳﻠﻪ ﻟﺞ ﻳﻠﻪ ﻛﻮﻣﻲ ﻭﻳﺎﻧﻪ
ﻭﺩﺍ ﺍﺣﺠﻲ ﻭﻳﺎﻫﻢ ﺍﻗﺼﺪ ﺍﺗﻌﺎﺭﻙ ﻭﺍﺗﺼﻞ ﺑﻴﻪ ﺍﻧﻤﺎﺭ
ﺍﻟﻮﻭ ﺍﻧﻤﺎﺭ ﺍﻟﺤﻜﻨﻲ
ﺍﺩﺭﻱ ﺑﻴﻬﻢ ﺑﻨﻮﺗﻲ ﺩﻳﺮ ﺑﺎﻟﺞ ﺗﺮﻭﺣﻴﻦ ﻭﻳﺎﻫﻢ ﺍﻧﺘﻈﺮﻳﻨﻲ ﻓﺪ ﺳﺎﻋﺘﻴﻦ ﻭﺍﺟﻴﺞ
ﺍﻧﻤﺎﺭ ﺧﺎﻳﻔﻪ
ﻭﻟﺞ ﻣﻨﻮ ﻫﺬﺍ ﺍﻟﺘﺤﺠﻴﻦ ﻭﻳﺎﻩ ﻭﺍﺧﺬ ﺍﻟﻤﻮﺑﺎﻳﻞ ﻣﻨﻲ ﻭﺍﺣﻨﺎ ﻭﺍﻛﻔﻴﻦ ﻳﻤﺞ ﻣﺎﻋﻨﺪﺝ ﺫﺭﺓ ﻣﺴﺘﺤﻰ
ﺩﺍ ﺍﺣﺠﻲ ﻭﻳﻪ ﺍﻧﻤﺎﺭ ﺍﺑﻦ ﺧﺎﻝ ﺍﺑﻮﻳﻪ ﺻﺎﺣﺐ ﻫﺬﺍ ﺍﻟﺒﻴﺖ ﺍﻻﺧﺬﻧﻲ ﻭﻋﺎﻟﺠﻨﻲ ﻭﺧﺎﻑ ﻋﻠﻴﻪ ﺍﺣﺴﻦ ﻣﻨﻜﻢ
ﺍﻧﺠﺒﻲ ﻭﺑﻼ ﻛﻼﻡ ﺯﺍﻳﺪ ﺍﻧﻮﺏ ﻋﻠﻴﻨﺎ ﺍﻟﻤﻜﺮﻣﻴﻦ ( ﺍﻟﻤﻌﺎﻗﻴﻦ ) ﻳﻠﻪ ﺭﻭﺣﻲ ﺣﻀﺮﻱ ﻣﻼﺑﺲ ﺣﺘﻰ ﺗﺮﻭﺣﻴﻦ ﻭﻳﺎﻧﺎ
ﻛﻞ ﻫﺬﺍ ﻭﺍﻧﻤﺎﺭ ﻉ ﺧﻂ
ﺍﻧﻄﻴﻨﻲ ﺍﻟﻤﻮﺑﺎﻳﻞ ﺣﺘﻰ ﺍﺭﻭﺡ ﺍﻏﻴﺮ ﻣﻼﺑﺴﻲ ﻭﺍﺟﻴﻜﻢ
ﺍﻧﻄﺎﻧﻲ ﺍﻟﻤﻮﺑﺎﻳﻞ ﻭﻃﺒﻴﺖ ﻟﻠﺒﻴﺖ
ﺍﻟﻮﻭ ﺍﻧﻤﺎﺭ
ﺍﻭﻙ ﺭﻧﺪ ﺑﻨﻮﺗﻲ ﺭﻭﺣﻲ ﻭﻳﺎﻫﻢ ﻣﺎﺗﻜﺪﺭﻳﻦ ﺗﺒﻘﻴﻦ ﻭﻫﻤﺎ ﻫﻴﺞ ﻳﺤﺠﻮﻥ ﻭﻳﺎﺝ ﻭﺍﻧﻲ ﺑﺎﺟﺮ ﻣﻦ ﺍﻟﻔﺠﺮ ﻳﻤﺞ ﻻ ﺗﺨﺎﻓﻴﻦ ﻣﺎﺍﺗﺮﻛﺞ ﻟﻮ ﻉ ﻛﺺ ﺭﻛﺒﺘﻲ
ﻣﺎﺷﻲ ﺑﺲ ﻻ ﺗﻌﻮﻓﻨﻲ
ﻻ ﺑﻨﻮﺗﻲ ﺍﻧﻄﻴﺘﺞ ﻛﻠﻤﻪ ﻣﻮ ﺍﻧﻲ ﺍﻻﺗﺮﺍﺟﻊ ﻋﻦ ﻛﻼﻣﻲ
ﺑﻌﺪ ﻣﺎ ﺍﻧﻤﺎﺭ ﻛﻠﻲ ﺭﻭﺣﻲ ﻭﻳﺎﻫﻢ ﺍﺧﺬﺗﻨﻲ ﺭﻓﻞ ﻟﻐﺮﻓﺘﻲ ﻭﺧﻠﺖ ﻣﻼﺑﺴﻲ ﻭﻋﻼﺟﻲ ﺑﺠﻨﻄﻪ ﻛﺒﻴﺮﺓ ﻣﺎﻝ ﺳﻔﺮ ﺍﻋﺘﻘﺪ ﻣﺎﻝ ﺍﻧﻤﺎﺭ ﻫﺎﻟﺠﻨﻄﻪ ﻭﻟﺒﺴﺖ ﻓﺴﺘﺎﻥ ﻻﻥ ﺟﻨﺖ ﻻﺑﺴﻪ ﺗﺮﺍﻙ ﻭﺩﺍ ﺍﻃﻠﻊ ﻣﻦ ﻏﺮﻓﺘﻲ ﻭﺍﺗﺼﻞ ﺑﻴﻪ ﺍﻧﻤﺎﺭ
ﺑﻨﻮﺗﻲ ﺍﻟﺤﺠﺎﺏ ﻣﻴﻨﺰﻝ ﻣﻦ ﺭﺍﺳﺞ ﻭﺍﻱ ﺷﻲ ﻳﻜﻠﻮﻟﺞ ﻏﻠﺴﻲ ﻭﻻ ﺗﺮﺍﺩﺩﻳﻦ ﺧﻠﻴﻬﻢ ﻳﺤﺠﻮﻥ ﺑﻜﻴﻔﻬﻢ ﺍﻧﻄﻴﻬﻢ ﺍﻻﺫﻥ ﺍﻟﻄﺮﺷﻪ ﺑﻨﻮﺗﻲ
ﺍﻭﻙ ﺍﻧﻤﺎﺭ ﺑﺲ ﺧﺎﻳﻔﻪ
ﻟﺘﺨﺎﻓﻴﻦ ﺑﻨﻮﺗﻲ ﺍﻧﻲ ﻳﻤﺞ ﻣﻦ ﺍﻟﻔﺠﺮ
ﻣﺎﺍﺗﺮﻛﺞ ﻟﻮ ﺍﻋﺮﻑ ﺍﺣﺮﻛﻬﻢ ﺣﺮﻙ ﻭﺍﺧﺬﺝ ﻣﻦ ﺣﻠﻚ ﺍﻟﺴﺒﻊ ﻭﻣﺎﺍﺗﺮﻛﺞ
ﺷﻜﺮﺍ ﺍﻧﻤﺎﺭ ﻣﺎﺍﻋﺮﻑ ﺷﻜﻠﻚ
ﺑﻌﺪﻧﻲ ﻣﺎﻣﺴﻮﻱ ﺷﻲ ﺣﺘﻰ ﺗﺸﻜﺮﻳﻨﻲ ﻋﻠﻲ ﻭﺍﺧﺬﺝ ﻋﻼﺟﺞ ﻭﻳﺎﺝ ﻣﻮ ﺗﻨﺴﻴﻨﻪ
ﺍﺧﺬﺗﻬﻦ ﺑﺎﻱ ﺍﻧﻤﺎﺭ
ﺍﻟﻠﻪ ﻭﻳﺎﺝ ﺑﻨﻮﺗﻲ
ﻟﺒﺴﺖ ﺣﺠﺎﺑﻲ ﻭﺑﻬﻞ ﻓﺘﺮﺓ ﺍﻟﻌﺸﺖ ﺑﻴﻬﺎ ﻳﻢ ﺍﻧﻤﺎﺭ ﺍﺗﻌﻠﻤﺖ ﺍﻟﻒ ﺍﻟﺸﺎﻝ ﺯﻳﻦ
ﻃﻠﻌﺖ ﻭﻟﻜﻴﺘﻬﻢ ﻛﺎﻋﺪﻳﻦ ﺑﺎﻟﺤﺪﻳﻘﻪ ﻳﻨﺘﻈﺮﻭﻧﻲ ﻭﺍﻟﺤﺎﺭﺱ ﺍﺑﻮ ﻋﻠﻲ ﻭﺍﻛﻒ ﺍﺑﺎﺏ ﺍﻟﺒﻴﺖ ﻭﻣﺨﻨﺰﺭ ﻋﻠﻴﻬﻢ
ﺭﻓﻞ ﻛﻮﻣﺘﻨﻲ ﻣﻦ ﺍﻟﻜﺮﺳﻲ ﺍﻟﻤﺘﺤﺮﻙ ﻭﺭﺣﺖ ﻟﺴﻴﺎﺭﺗﻬﻢ ﻭﻛﻌﺪﺗﻨﻲ ﺑﺎﻟﺴﻴﺎﺭﺓ ﻭﻛﻌﺪﺓ ﻟﻴﻮﺭﺓ ﻭﻛﻌﺪ ﻳﻤﻲ ﺍﺑﻦ ﺧﺎﻟﻲ ﺍﺳﻤﻪ ﻫﺎﻛﺎﻥ ﻭﻟﻴﻜﺪﺍﻡ ﻣﺤﻤﺪ ﻭﺧﺎﻟﻲ
ﻭﻛﻀﻴﻨﻪ ﺍﻟﻄﺮﻳﻖ ﻉ ﺻﺎﻣﺖ ﻣﺎﺣﺠﻮﺍ ﻭﻳﺎﻳﻪ ﻭﻻ ﻛﻠﻤﻪ ﻭﻣﻦ ﻭﺻﻠﻨﺎ ﻟﺴﻠﻴﻤﺎﻧﻴﻪ ﺗﻘﺮﻳﺒﺎ ﺏ١ ﺑﻠﻴﻞ ﻭﻛﻔﻮﺍ ﺍﻟﺴﻴﺎﺭﺓ ﻭﺧﺎﻟﻲ ﻛﺎﻝ
ﺷﻨﻮ ﺍﺳﻤﺞ ﻭﻳﺄﺷﺮ ﻋﻠﻴﻪ ﺑﻨﺮﻓﺰﺓ
ﺍﺳﻤﻲ ﺭﻧﺪ ( ﺍﻟﻠﻪ ﻭﺍﻛﺒﺮ ﺍﺳﻢ ﺑﻨﺖ ﺍﺧﺘﻚ ﻣﺎﺗﻌﺮﻓﻪ ﺍﺣﺠﻲ ﺑﻜﻠﺒﻲ )
ﺷﻮﻓﻲ ﺭﻧﺪ ﺭﺍﺡ ﺗﺪﺧﻠﻴﻦ ﻟﺒﻴﺘﻨﺎ ﻣﺎﻟﺞ ﻋﻼﻗﻪ ﺑﺄﻱ ﺍﺣﺪ ﺗﻜﻌﺪﻳﻦ ﺑﻐﺮﻓﺘﺞ ﻭﺗﺴﻜﺘﻴﻦ ﺑﺎﺟﺮ ﺍﺟﻬﺰﻟﺞ ﻏﺮﻓﻪ ﻭﺗﻜﻌﺪﻳﻦ ﺑﻴﻬﺎ
ﻭﻣﺎﺍﺭﻳﺪ ﺳﻮﺍﻟﻒ ﻋﻮﺟﻪ ﻣﺜﻞ ﺳﻮﺍﻟﻒ ﺍﻣﺞ ﻟﺤﺪ ﻣﺎﺍﺷﻮﻓﻠﺞ ﺭﺟﺎﻝ ﻭﺍﺯﻭﺟﺞ ﺍﻟﻪ
ﺧﺎﻟﻮ ﺷﻨﻮ ﻫﺎﻟﻜﻼﻡ ﺻﺢ ﺍﻣﻲ ﺧﻄﺄﺕ ﻭﻛﺎﻥ ﺧﻄﺄﻫﺎ ﻛﺒﻴﺮ ﺑﺲ ﻣﻮ ﻣﻌﻨﺎﻫﺎ ﺗﺤﺎﺳﺒﻨﻲ ﻉ ﺍﺧﻄﺎﺋﻬﺎ ﻭﻫﻴﻪ ﻣﻦ ﺷﺮﺩﺕ ﻣﻦ ﺑﻴﺘﻜﻢ ﺍﺗﺰﻭﺟﺖ ﺑﺎﺑﺎ ﻉ ﺳﻨﻪ ﺍﻟﻠﻪ ﻭﺭﺳﻮﻟﻪ ﻣﺎﺍﺗﺰﻭﺟﺘﻪ ﺑﺎﻟﺤﺮﺍﻡ
ﺍﺳﻜﺘﻲ ﻣﺎﺍﺳﻤﻌﻠﺞ ﺣﺲ ﻭﻟﺴﺎﻧﺞ ﻃﻮﻳﻞ ﻉ ﺍﻣﺞ ﻭﻣﺒﻴﻦ ﺳﻮﺍﻟﻔﺞ ﻋﻮﺟﻪ ﻣﺜﻠﻬﺎ ﻭﺭﺍﺡ ﺍﺗﻌﺒﻴﻨﻲ ﻭﻳﺎﺝ
ﻣﺎﺣﺠﻴﺖ ﺷﻲ ﻏﻠﻂ ﺍﻧﻲ
ﺍﺳﻜﺘﻲ ﻟﺞ ﺍﺣﺘﺮﻣﻲ ﺍﺑﻮﻳﻪ ﻻ ﺍﻛﻄﻢ ﺭﺍﺳﺞ
ﻋﻮﻓﻬﺎ ﻫﺎﻛﺎﻥ ﻋﻮﻓﻬﺎ ﺩﻭﺍﻫﺎ ﻋﻨﺪﻱ
ﻳﺎﺑﻪ ﻫﺎﻱ ﺭﺍﺩﻟﻬﺎ ﻛﺘﻠﻪ ﺍﻟﺼﺒﺢ ﻭﻛﺘﻠﻪ ﺑﻠﻴﻞ ﺣﺘﻰ ﺗﺴﺘﻌﺪﻝ
ﻫﺎﺍﺍﺍﻱ ﻫﺎﺍﺍﻱ ﺷﻨﻮ ﺍﻛﻄﻢ ﺭﺍﺳﺞ ﺷﻨﻮ ﻛﺘﻠﻪ ﺍﻟﺼﺒﺢ ﻭﻛﺘﻠﻪ ﺍﻟﻌﺼﺮ ﺷﻨﻮ ﻛﺎﻋﺪﻩ ﺑﻤﺠﺰﺭﺓ ﻟﻮ ﻭﻳﻦ
ﻭﻫﺎﻛﺎﻥ ﻟﺰﻣﻨﻲ ﻣﻦ ﺣﺠﺎﺑﻲ ﻭﻳﺼﻚ ﻉ ﺳﻨﻮﻧﻪ ﻭﻳﺤﺠﻲ ﺍﺣﺘﺮﻣﻲ ﺍﻻﻛﺒﺮ ﻣﻨﺞ ﻻ ﺍﺧﻠﻲ ﻃﻠﻘﻪ ﺑﺮﺍﺳﺞ ﻭﺍﺧﻠﺺ ﺍﻟﻨﺎﺱ ﻣﻦ ﻟﺴﺎﻧﺞ
ﺍﺍﺍﺍﺍﻱ ﺷﻌﺮﻱ ﺣﺠﺎﺑﻲ ﺍﻧﺰﻉ ﻣﻦ ﻫﺎﻟﻜﺪ ﻣﺎ ﺟﺮﻳﺖ ﺑﻲ ﻫﺎﻱ ﺷﺒﻴﻚ
ﺑﺼﻴﺎﺡ ﻋﻮﻓﻬﺎ ﻫﺎﻛﺎﻥ ﻋﻮﻓﻬﺎ
ﻫﺎﻱ ﺭﺍﺩﻟﻬﺎ ﻭﺍﺣﺪ ﻳﺮﺑﻴﻬﺎ ﻣﻦ ﺟﺪﻳﺪ
ﻻ ﺑﻘﻴﺖ ﺑﺲ ﺍﻧﺘﻪ ﺍﻝ ﺗﺮﺑﻴﻨﻲ ﻭﺗﻌﻠﻤﻨﻲ ﺍﻟﺼﺢ ﻣﻦ ﺍﻟﻐﻠﻂ ﻋﻮﻑ ﺷﻌﺮﻱ ﻳﺎ ﺣﻘﻴﺮ
ﺍﻧﺠﺒﻲ ﻟﺞ ﺷﻮ ﺗﺘﺠﺎﻭﺯﻳﻦ ﺑﻨﺖ ﺳﺎﺯﺍﻥ
ﻋﻮﻓﻮﻫﺎ ﻛﺎﻓﻲ ﺑﺎﺑﺎ ﻫﺎﻛﺎﻥ ﻛﺎﻓﻲ ﻳﻤﻌﻮﺩﻳﻦ ﺍﻟﺒﻨﻴﻪ ﺍﻭﻝ ﻣﺮﺓ ﺗﻠﺘﻘﻮﻥ ﺑﻴﻬﺎ ﻭﻫﻴﺞ ﺗﺴﻮﻭﻥ ﺑﻴﻬﺎ
ﻛﺎﻓﻲ ﻫﺎﻛﺎﻥ ﻋﻮﻓﻬﺎ ﻳﻠﻪ ﻧﻨﺰﻝ
ﺑﻌﺪ ﻫﺎﻟﻤﺤﺎﻭﺭﺓ ﻭﺍﻟﻌﺮﻙ ﻭﺍﻟﺴﻮﻭﻩ ﺑﻴﻪ ﺍﺗﻤﻨﻴﺖ ﻣﻴﺘﻪ ﻭﻳﻪ ﺍﻣﻲ ﻭﺧﻮﺍﻧﻲ ﻭﻻ ﻫﺎﻟﻜﻼﻡ ﺍﻟﺴﻤﻌﺘﻪ ﻣﻨﻬﻢ ﻭﻛﻞ ﺷﻮﻱ ﻭﻳﺬﻛﺮﻭﻧﻲ ﺑﺄﻣﻲ
ﻋﺪﻟﺖ ﺷﻌﺮﻱ ﻭﻟﺒﺴﺖ ﺣﺠﺎﺑﻲ ﻭﻏﻄﻴﺖ ﺷﻌﺮﻱ ﺑﻲ ﻭﻧﺰﻟﺖ ﺟﺎﺑﻮﻟﻲ ﺍﻟﻜﺮﺳﻲ ﺍﻟﻤﺘﺤﺮﻙ ﻭﺭﻓﻀﺖ ﺍﺣﺪ ﻣﻨﻬﻢ ﻳﺴﺎﻋﺪﻧﻲ ﻟﻮ ﻳﺒﻘﻮﻥ ﺍﺧﺮ ﺑﺸﺮ ﺑﺎﻟﻜﻮﻥ ﻣﺎﺍﺧﻠﻴﻬﻢ ﻳﺴﺎﻋﺪﻭﻧﻲ ﻛﻮﺓ ﻧﺰﻟﺖ ﻣﻦ ﺍﻟﺴﻴﺎﺭﺓ ﻭﻛﻌﺪﺕ ﺑﺎﻟﻜﺮﺳﻲ ﺭﻏﻢ ﺍﺗﻮﺟﻌﺖ ﻣﻦ ﺿﻐﻄﺖ ﻉ ﺭﺟﻠﻲ ﻭﺩﻣﻮﻋﻲ ﺑﻄﺮﻑ ﻣﺪﻣﻌﻲ ﺑﺲ ﻣﺎﺧﻠﻴﺘﻬﺎ ﺗﻨﺰﻝ ﻭﺍﺑﺎﻭﻉ ﺑﻴﺘﻬﻢ ﻛﻠﻪ ﺍﺷﺠﺎﺭ ﺩﺍﻳﺮ ﻣﺪﺍﻳﺮ ﺑﻴﺘﻬﻢ ﺍﻟﺨﻀﺎﺭ ﻭﺣﺪﻳﻘﻪ ﻛﻮﻟﺶ ﻛﺒﻴﺮﺓ ﻭﻛﻠﻬﺎ ﺍﺿﻮﻳﻪ ﻋﺒﺎﻟﻚ ﻧﻬﺎﺭ ﻣﻮ ﻟﻴﻞ ﻭﺑﻴﺖ ﻃﺎﺑﻖ ﺍﺭﺿﻲ ﻓﻘﻂ ﻣﺎﺑﻲ ﻃﺎﺑﻖ ﺛﺎﻧﻲ ﺑﺲ ﻣﺒﻴﻦ ﻛﺒﻴﺮ ﻭﺩﺧﻠﺖ ﺑﻲ ﺭﻏﻢ ﻛﺒﺮ ﻣﺴﺎﺣﻪ ﺍﻟﺒﻴﺖ ﺑﺲ ﺍﺛﺎﺛﻪ ﺑﺴﻴﻂ ﻭﻣﺮﺗﺐ ﻭﻧﻈﻴﻒ ﻭﺧﺎﻟﻲ ﻛﺎﻝ ﻟﻤﺤﻤﺪ ﻭﺩﻳﻬﺎ ﻟﻌﻤﺘﻲ ﺧﻞ ﺗﺴﻠﻢ ﻋﻠﻴﻬﺎ
ﻭﻭﺩﺍﻧﻲ ﻟﻐﺮﻓﺘﻬﺎ ﻣﺮﺓ ﻛﺒﻴﺮﺓ ﺑﺎﻟﻌﻤﺮ ﻭﺟﻬﻪ ﻣﺜﻞ ﺍﻟﻤﻜﺮﻣﺶ ﻣﻦ ﺍﻟﻜﺒﺮ ﻭﺗﺠﺎﻋﻴﺪ ﻭﺟﻬﻪ ﺗﺒﻴﻦ ﻋﻤﺮﻫﺎ ﺑﺲ ﺭﻏﻢ ﺗﺠﺎﻋﻴﺪﻫﺎ ﺣﻠﻮﺓ ﻋﻴﻮﻧﻬﺎ ﺯﺭﻙ ﻭﻻﺑﺲ ﺯﻳﻬﻢ ﺍﻟﻜﺮﺩﻱ ﺍﺣﻤﺮ ﻭﺑﻲ ﻭﺭﺩ ﺍﺧﻀﺮ ﻭﻛﺎﻋﺪﻩ ﻉ ﺳﺮﻳﺮ ﻭﻓﺮﺍﺷﻪ ﻣﻄﺮﺯ
ﺑﺎﺟﻲ ﻫﺎﻱ ﺑﻨﺖ ﻋﻤﺘﻲ ﺳﺎﺯﺍﻥ
ﺷﺎﻓﺘﻨﻲ ﻭﺍﺑﺘﺴﻤﺖ ﻭﻣﺪﺗﻠﻲ ﺍﻳﺪﻫﺎ ﻛﺎﻟﺖ ﺗﻌﺎﻱ ﻋﺒﺎﻟﻚ ﺳﺎﺯﺍﻥ ﺩﺧﻠﺖ ﻋﻠﻴﻪ ﺗﺸﺒﻬﻴﻬﺎ ﻫﻮﺍﻳﻪ
ﻭﺍﺗﻘﺮﺑﺘﻠﻬﺎ ﻭﺑﺴﺖ ﺍﻳﺪﻫﺎ ﻻﻥ ﺷﻔﺘﻬﺎ ﻭﺣﺴﻴﺘﻬﺎ ﺗﺴﺘﺤﻖ ﺍﻻﺣﺘﺮﺍﻡ ﺑﻮﺳﺘﻨﻲ ﻣﻦ ﺭﺍﺳﻲ ﻭﻣﺴﺪﺕ ﻉ ﺭﺍﺳﻲ ﻭﺣﺴﻴﺘﻬﺎ ﺍﺧﺘﻨﻜﺖ ﻭﺣﺎﺑﺴﻪ ﺩﻣﻮﻋﻬﺎ ﻭﺗﺨﺎﻑ ﺗﺨﻮﻧﻬﺎ ﺩﻣﻮﻋﻬﺎ ﻭﺗﻨﺰﻝ
ﺷﻠﻮﻧﺞ ﻭﺷﻨﻮ ﺍﺧﺒﺎﺭﺝ ﻣﻦ ﺑﻌﺪ ﺍﻣﺞ
ﻣﺜﻞ ﻣﺎ ﺗﺸﻮﻓﻴﻦ ﺑﻴﺒﻲ ﺍﺳﻤﻴﺞ ﺑﻴﺒﻲ ﻟﻮ ﺷﻨﻮ
ﻣﺜﻞ ﻣﺎ ﺗﺤﺒﻴﻦ
ﺍﺳﻤﻴﺞ ﺑﻴﺒﻲ ﻭﺍﺑﺘﺴﻤﺘﻠﻬﺎ
ﻳﻲ ﺳﻮﻟﻔﻴﻠﻲ ﺷﺼﺎﺭ ﺑﺤﺎﻟﺞ
ﺑﻴﺒﻲ ﻣﻦ ﺑﻌﺪ ﺍﻣﻲ ﻭﺧﻮﺍﻧﻲ ﻭﺷﻔﺘﻬﻢ ﺑﻌﺪ ﺍﻻﻧﻔﺠﺎﺭ ﺍﻧﺸﻠﻴﺖ ﺷﻠﻞ ﺳﻔﻠﻲ ﻭﺩﺍ ﺍﺗﻌﺎﻟﺞ ﻭﻋﻼﺝ ﻃﺒﻴﻌﻲ ﻭﻋﺎﻳﺸﻪ ﺍﺑﻴﺖ ﺍﺑﻦ ﺧﺎﻝ ﺑﺎﺑﺎ ﺍﻧﺴﺎﻥ ﻣﺤﺘﺮﻡ ﻭﻳﺨﺎﻑ ﻋﻠﻴﻪ ﻭﻣﺎﺧﻼﻧﻲ ﺍﻋﻴﺶ ﺍﺑﻴﺖ ﺍﻫﻠﻲ ﻭﺣﺪﻱ
ﻣﺤﻤﺪ ﺷﻌﻨﺪﻙ ﻭﺍﻛﻒ ﻳﻤﻨﺎ ﺭﻭﺡ ﺻﻴﺢ ﺍﻣﻚ ﻭﺍﻟﺒﻨﺎﺕ ﺧﻞ ﻳﺴﻠﻤﻦ ﻉ ﺑﺖ ﻋﻤﺘﻚ ﻭﻳﺤﻀﺮﻥ ﺍﻟﻌﺸﺎ
ﺑﺎﺟﻲ ﻫﺴﻪ ﻛﻠﻬﺎ ﻧﺎﻳﻤﻪ ﺣﺮﻭﺡ ﺍﺟﻴﺒﻠﻬﺎ ﺍﻛﻞ ﻣﻦ ﺍﻟﻤﻄﻌﻢ ﻭﺍﺟﻲ
ﻻ ﻻ ﻣﺎﻳﺤﺘﺎﺝ ﻣﻮ ﺟﻮﻋﺎﻧﻪ ﺑﺲ ﺗﻌﺒﺎﻧﻪ ﻭﺍﺭﻳﺪ ﺍﻧﺎﻡ
ﻫﺴﻪ ﺍﻓﺮﺷﻠﺞ ﻳﻤﻲ ﺑﺎﻟﻐﺮﻓﻪ ﻭﺗﺒﻘﻴﻦ ﻳﻤﻲ ﺗﻨﺎﻣﻴﻦ ﺍﻓﻀﻞ ﺍﻟﺞ
ﺗﻤﺎﻡ ﺑﻴﺒﻲ ﻣﺜﻞ ﻣﺎﺗﺮﺩﻳﻦ ( ﺍﺭﺗﺎﺣﻴﺘﻠﻬﺎ ﺣﺴﻴﺘﻬﺎ ﺗﺤﺒﻨﻲ ﻋﻜﺲ ﺍﻟﺒﺎﻗﻴﻴﻦ ﺭﻏﻢ ﺑﻌﺪﻧﻲ ﻣﺎ ﺷﺎﻳﻔﻪ ﺍﻟﺒﺎﻗﻴﻴﻦ )
ﻓﺮﺷﺘﻠﻲ ﻭﺩﺍ ﺍﻧﺰﻝ ﻣﻦ ﻛﺮﺳﻲ ﻭﺣﺎﻭﻝ ﻣﺤﻤﺪ ﻳﺴﺎﻋﺪﻧﻲ ﺑﺲ ﺍﻧﻲ ﺭﻓﻀﺖ ﻭﻛﻮﺓ ﻧﺰﻟﺖ ﺑﺲ ﻭﻛﻌﺖ ﻃﺒﻌﺎ ﻭﻣﺎ ﺣﺴﺴﺘﻬﻢ ﺑﻮﺟﻌﻲ ﺯﺣﻔﺖ ﻉ ﻓﺮﺍﺵ ﺍﻟﻔﺮﺷﺘﻪ ﺑﻴﺒﻲ ﻋﻤﻪ ﻣﺎﻣﺎ ﻭﺭﺣﺖ ﺍﺗﻤﺪﺩﺕ ﻋﻠﻲ
ﻳﻠﻪ ﻣﺤﻤﺪ ﺍﻃﻠﻊ ﺧﻞ ﺍﻟﺒﻨﻴﻪ ﺗﺎﺧﺬ ﺭﺍﺣﺘﻬﺎ
ﺗﺼﺒﺤﻮﻥ ﻉ ﺧﻴﺮ
ﻭﺍﻧﺘﻪ ﻣﻦ ﺍﻫﻞ ﺍﻟﺨﻴﺮ ﻣﺎﻣﺎ ﺳﺪ ﻭﺭﺍﻙ ﺍﻟﺒﺎﺏ
ﻧﺴﻴﺖ ﺍﺳﺄﻟﺞ ﻉ ﺍﺳﻤﺞ
ﺍﺣﺠﻲ ﺑﺄﺑﺘﺴﺎﻣﻪ ﺍﺳﻤﺞ ﺭﻧﺪ
ﻋﺎﺷﺖ ﺍﻻﺳﺎﻣﻲ ﻣﺎﻣﺎ ﺍﺗﻌﻮﺩﻱ ﻋﻠﻴﻪ ﺍﺣﺠﻲ ﻭﻳﻪ ﺍﻟﺸﺒﺎﺏ ﻭﺍﻟﺸﺎﺑﺎﺕ ﻣﺎﻣﺎ ﻭﺍﺗﻌﻮﺩﻱ ﻉ ﻫﺬﺍ ﺍﻟﺸﻲ ﻻﻥ ﻛﻠﻬﻢ ﺍﻧﻲ ﺭﺑﻴﺘﻬﻢ ﻣﻦ ﺻﻐﺮﻫﻢ
ﺗﻌﻴﺶ ﺍﻳﺎﻣﺞ ﺑﻴﺒﻲ
ﻳﻠﻪ ﻛﻮﻣﻲ ﺑﺪﻟﻲ ﺷﻨﻮ ﺗﻨﺎﻣﻴﻦ ﺑﻔﺴﺘﺎﻧﺞ
ﻭﺩﺍ ﺍﺣﺠﻲ ﻭﺍﻧﺪﻙ ﺍﻟﺒﺎﺏ
ﺍﺗﻔﻀﻞ
ﺑﺎﺟﻲ ﻫﺎﻱ ﺟﻨﻄﻪ ﺭﻧﺪ ﺑﻘﺖ ﺑﺴﻴﺎﺭﺗﻲ ﻭﺟﺒﺘﻬﺎ
ﺍﺟﺖ ﺑﻮﻗﺘﻬﺎ ﺟﻴﺒﻬﺎ ﻭﺳﺪ ﺍﻟﺒﺎﺏ
ﺟﺎﺑﻠﻲ ﻣﺤﻤﺪ ﺍﻟﺠﻨﻄﻪ ﻭﺭﺍﺡ ﻭﺑﻴﻴﻲ ﻗﺮﺑﺘﻬﺎ ﺍﻟﻲ ﻭﻓﺘﺤﺘﻬﺎ ﻭﺭﺟﻌﺖ ﻛﻌﺪﺕ ﻉ ﺳﺮﻳﺮﻫﺎ
ﻃﻠﻌﺖ ﺗﺮﺍﻙ ﺍﺳﻮﺩ ﻭﻛﻮﺓ ﺑﺪﻟﺖ ﻭﺳﺎﻋﺪﺗﻨﻲ ﺑﻴﺒﻲ ﺑﺎﻟﺘﺒﺪﻟﻴﻦ ﻭﺑﻘﺖ ﺗﺴﺄﻝ ﻉ ﺍﻣﻲ ﻭﺷﻠﻮﻥ ﺍﺗﺰﻭﺟﺖ ﻭﺷﻠﻮﻥ ﺟﺎﻧﺖ ﻋﻼﻗﺘﻬﺎ ﺍﺑﺎﺑﺎ ﻭﺷﻠﻮﻥ ﺍﻧﺸﻠﺖ ﺳﻮﺕ ﻭﻳﺎﻳﻪ ﺗﺤﻘﻴﻖ ﻣﻦ ﻫﺬﺍ ﺍﻟﺘﻤﺎﻡ ﻭﺑﻘﻴﻨﺎ ﻧﺴﻮﻟﻒ ﻟﺤﺪ ﻣﺎﺍﺫﻥ ﺍﻟﻔﺠﺮ ﻭﻛﺎﻣﺖ ﺑﻴﺒﻲ ﺗﺼﻠﻲ ﻭﺍﻧﻲ ﻧﻤﺖ ﺍﺳﺘﻮﻧﻲ ﻧﻤﺖ ﻭﺍﺗﺼﻞ ﺑﻴﻪ ﺍﻧﻤﺎﺭ
ﺑﻨﻮﺗﻲ ﺻﺒﺎﺡ ﺍﻟﺨﻴﺮ
ﻣﻨﻌﺴﻪ ﻣﻄﻔﻴﻪ ﻭﻛﻮﺓ ﺍﺣﺠﻲ ﺻﺒﺎﺡ ﺍﻟﺨﻴﺮ
ﺍﻟﺒﺎﺭﺣﻪ ﻣﻜﺪﺭﺕ ﺍﺗﺼﻞ ﺑﻴﺞ ﺟﺎﻥ ﻋﺪﻧﺎ ﻫﺠﻮﻡ ﻭﻫﺴﻪ ﻳﻠﻪ ﺧﻠﺺ ﺭﺍﺡ ﺍﻃﻠﻊ ﻭﺍﺗﻮﺟﻪ ﻟﺴﻠﻴﻤﺎﻧﻴﻪ ﻻ ﺗﺨﺎﻓﻴﻦ ﻣﺎﺍﻋﻮﻓﺞ
ﺗﻤﺎﺍﺍﺍﻡ
ﺭﻭﺣﻲ ﺑﻨﻮﺗﻲ ﺍﻧﺘﻪ ﻣﻄﻔﻴﻪ ﻛﻮﺓ ﺗﺤﺠﻴﻦ ﻣﻦ ﺍﻭﺻﻞ ﺍﺗﺼﻞ ﺑﻴﺞ
ﻛﺒﻞ ﻧﻤﺖ ﺣﺘﻰ ﻣﺎﺍﺩﺭﻱ ﺳﺪﻳﺖ ﺍﻟﺨﻂ ﻟﻮ ﻻ
ﻭﻛﻌﺪﻭﻧﻲ ﺏ١١ ﻉ ﺍﺻﻮﺍﺗﻬﻢ ﺍﻟﺠﻬﻮﺭﻳﻪ ﻭﻛﻼﻣﻬﻢ ﺍﻟﻴﺴﻢ ﺍﻟﺒﺪﻥ
ﻳﻲ ﺍﻟﺨﺎﺗﻮﻥ ﻧﺎﻳﻤﻪ ﻟﻠﻀﻬﺎﺭﻱ
ﻋﻮﻓﻴﻬﺎ ﺍﻡ ﻫﺎﻛﺎﻥ ﺧﻠﻲ ﺍﻟﺒﻨﻴﻪ ﻧﺎﻳﻤﻪ ﺷﻌﻠﻴﺞ ﺑﻴﻬﺎ
ﺷﺤﺎﺟﻴﻪ ﺍﻧﻲ ﺑﺲ ﺭﺩﺕ ﺍﺗﻌﺮﻑ ﻋﻠﻴﻬﺎ
ﻣﻦ ﺗﻜﻌﻮﺩ ﺍﺗﻌﺮﻓﻲ ﻋﻠﻴﻬﺎ ﻫﺴﻪ ﺧﻞ ﻧﻄﻠﻊ ﻭﻧﻌﻮﻓﻬﺎ ﺗﻨﺎﻡ ﻫﺎﻟﻤﺴﻜﻴﻨﻪ
ﻭﺷﺒﻴﻬﺎ ﻣﺴﻜﻴﻨﻪ ﻟﺘﺨﺎﻓﻴﻦ ﻋﻠﻴﻬﺎ ﻫﺴﻪ ﺗﺸﻮﻓﻠﻬﺎ ﻭﺍﺣﺪ ﻭﺗﺸﺮﺩ ﺑﻲ ﻣﺜﻞ ﺍﻣﻬﺎ
ﺑﺼﻴﺎﺡ ﻭﺻﻮﺕ ﻋﺎﻟﻲ ﺍﺍﺍﺍﺍﻡ ﻫﺎﻛﺎﻥ ﺍﺣﺘﺮﻣﻲ ﻧﻔﺴﺞ ﻭﻟﺘﺤﺠﻴﻦ ﻉ ﺑﻨﻴﻪ ﻫﻴﺞ ﻛﻼﻡ ﻣﻮ ﺍﻧﺘﻲ ﻫﻢ ﻋﻨﺪﺝ ﺑﻨﺎﺕ ﻭﺧﺎﻓﻲ ﺍﻟﻠﻪ ﺑﻴﻬﻦ
ﺷﺤﺠﻴﺖ ﺍﻧﻲ ﻭﺍﻧﺘﻲ ﻛﺒﻴﺘﻲ ﻋﻠﻴﻪ
ﺭﻧﺪ ﻣﻦ ﺳﻤﻌﺖ ﺻﻴﺤﻪ ﺑﻴﺒﻲ ﺑﺄﻡ ﻫﺎﻛﺎﻥ ﻛﺒﻞ ﻓﺘﺤﺖ ﻋﻴﻮﻧﻲ ﺑﺎﻟﺮﻏﻢ ﺍﻧﻲ ﻛﻌﺪﺕ ﻣﻦ ﺑﺪﻳﺖ ﺍﻟﻜﻼﻡ ﺑﺲ ﺳﻮﻳﺖ ﻧﻔﺴﻲ ﻧﺎﻳﻤﻪ ﺷﺎﻓﺘﻨﻲ ﺍﻡ ﻫﺎﻛﺎﻥ ﻓﺘﺤﺖ ﻋﻴﻮﻧﻲ
ﺻﺒﺎﺡ ﺍﻟﺨﻴﺮ ﺑﺖ ﺳﺎﺯﺍﻥ
ﻭﺭﺍﺣﺖ ﺣﺘﻰ ﻣﺎﺍﻧﺘﻈﺮﺗﻨﻲ ﺍﺟﺎﻭﺑﻬﺎ
ﻛﻮﻣﻲ ﻣﺎﻣﺎ ﻛﻮﻣﻲ ﻣﺎﺍﻟﺞ ﺩﺧﻞ ﺑﻴﻬﻢ ﺍﻱ ﺍﺣﺪ ﺑﻬﺬﺍ ﺍﻟﺒﻴﺖ ﻳﺴﻤﻌﺞ ﻛﻼﻡ ﺳﻮﻱ ﻧﻔﺴﺞ ﻣﺎﺳﻤﻌﺘﻲ ﺷﻲ
ﺑﻴﺒﻲ ﻣﻦ ﺍﻟﺒﺎﺭﺣﻪ ﻟﻠﻴﻮﻡ ﺳﻤﻌﺖ ﺍﻧﻮﺍﻉ ﺍﻟﻤﻐﺜﻪ ﻭﺍﻟﻜﻼﻡ ﺍﻟﺠﺎﺭﺡ
ﺍﻧﻲ ﻭﻳﺎﺝ ﻟﺘﺨﺎﻓﻴﻦ ﻣﻨﻬﻢ ﺑﺲ ﺩﻳﺮ ﺑﺎﻟﺞ ﻣﻨﻬﻢ ﻭﻓﻜﺮﻱ ﺑﺘﺼﺮﻓﺎﺗﺞ ﻗﺒﻞ ﻣﺎ ﺗﺴﻮﻳﻨﻬﺎ
ﺍﻧﺸﺎﺀ ﺍﻟﻠﻪ ﺑﻴﺒﻲ
ﻳﻠﻪ ﺧﻞ ﺍﻛﻮﻣﺞ ﺣﺘﻰ ﺗﺮﻭﺣﻴﻦ ﻟﻠﺤﻤﺎﻡ
ﻻ ﻻ ﺗﻌﺒﻴﻦ ﻧﻔﺴﺞ ﻭﺍﻧﺘﻲ ﻣﺮﺓ ﻛﺒﻴﺮﺓ ﺑﺎﻟﻌﻤﺮ ﺍﻧﻲ ﺍﻛﻮﻡ
ﻻ ﺗﺨﺎﻓﻴﻦ ﻋﻠﻴﻪ ﺍﻧﻲ ﻣﺜﻞ ﺍﻟﺤﺼﺎﻥ ﺍﺻﺤﻰ ﻣﻨﺞ ﻭﻣﻦ ﻛﻞ ﻫﺬﻭﻟﻪ ﺍﻟﻌﺎﻳﺸﻴﻦ ﺑﻬﺬﺍ ﺍﻟﺒﻴﺖ
ﻛﻮﻣﺘﻨﻲ ﻭﻛﻌﺪﺗﻨﻲ ﺑﺎﻟﻜﺮﺳﻲ ﻭﺩﺗﻨﻲ ﻟﻠﺤﻤﺎﻡ ﻭﺭﺟﻌﺖ ﺑﺪﻟﺖ ﻟﺒﺴﺖ ﺩﺷﺪﺍﺷﻪ ﻃﻮﻳﻠﻪ ﻭﺣﺠﺎﺏ ﻣﺎﺍﺭﻳﺪ ﺍﺳﻤﻊ ﺣﺠﺎﻳﻪ ﻣﻨﻬﻢ ﻣﺎﺍﺭﻳﺪ ﻳﺴﺠﻠﻮﻥ ﻋﻠﻴﻪ ﻧﻘﻄﻪ ﻏﻠﻂ
ﻭﻭﺍﺟﺖ ﺑﻨﻴﻪ ﻳﻄﻠﻊ ﻋﻤﺮﻫﺎ ﺗﻘﺮﻳﺒﺎ ١٥ ﺍﻭ١٦ ﺳﻠﻤﺖ ﻋﻠﻴﻪ ﻭﺟﺎﺑﺘﻠﻲ ﺭﻳﻮﻙ ﻭﺭﺍﺣﺖ
ﺍﺗﺮﻳﻜﺖ ﺍﻛﻠﺖ ﺷﻮﻳﻪ ﻭﻋﻔﺖ ﺍﻻﻛﻞ ﻭﺍﺟﻨﻲ ٣ ﺑﻨﺎﺕ ﺑﻌﻤﺮﻱ ﻭﺍﻛﺒﺮ ﻣﻨﻲ ﺳﻠﻤﻦ ﻋﻠﻴﻪ ﻭﻋﺮﻓﻨﻲ ﻋﻠﻴﻬﻦ ﻣﺒﻴﻨﺎﺕ ﺣﺒﺎﺑﺎﺕ ﻭﻳﺴﻮﻟﻔﻦ ﻭﻳﻀﺤﻜﻦ ﻭﻳﺎﻳﻪ ﺍﺣﺴﻦ ﻣﻦ ﺍﻫﻠﻬﻦ
ﻭﺻﺎﺭﺕ ﺏ١٢ ﺭﺍﺣﻦ ﻫﺎﻱ ﻛﺎﻟﺖ ﺗﺼﻠﻲ ﻭﻫﺎﻱ ﺗﺴﺒﺢ ﻭﻫﺎﻱ ﺗﺴﻮﻱ ﻏﺪﺍ ﻭﺍﺟﺖ ﺑﻴﺒﻲ ﻟﻠﻐﺮﻓﻪ
ﻫﺎ ﻣﺎﻣﺎ ﺷﻠﻮﻧﻬﻦ ﺍﻟﺒﻨﺎﺕ ﻭﻳﺎﺝ ﺧﺎﻑ ﺳﻤﻌﻨﺞ ﺣﺠﺎﻳﻪ
ﻻ ﺑﻴﺒﻲ ﺑﺎﻟﻌﻜﺲ ﺣﺒﺎﺑﺎﺕ ﺍﺣﺴﻦ ﻣﻦ ﺍﻫﻠﻬﻦ
ﻫﻬﻬﻬﻪ ﻭﻟﺞ ﺍﻧﺘﻲ ﻟﺴﺎﻥ ﻭﺻﺮﻳﺤﻪ ﻉ ﺍﻣﺞ
ﺑﻴﺄﺱ ﺍﻟﻠﻪ ﻳﺮﺣﻤﻬﺎ ﺑﺮﺣﻤﺘﻪ ﺍﻟﻮﺍﺳﻌﻪ
ﻳﻠﻪ ﺣﺒﻴﺒﺘﻲ ﻛﻮﻣﻲ ﺻﻠﻲ ﺷﻮ ﻣﺎﺷﻔﺘﺞ ﺍﻟﻔﺠﺮ ﺗﺼﻠﻴﻦ
ﻳﻲ ﺑﻴﺒﻲ ﻣﺎﺍﺻﻠﻲ
ﻟﻴﺶ ﻣﺎﻣﺎ ﻣﻮ ﺍﻟﺼﻼﻩ ﻋﺎﻣﻮﺩ ﺍﻟﺪﻳﻦ ﺍﺗﻮﻛﻠﻲ ﻉ ﺭﺑﺞ ﻭﺻﻠﻲ ﻟﻌﺪ ﺷﻠﻮﻥ ﺗﻄﻠﺒﻴﻦ ﺣﺎﺟﺘﺞ ﻣﻦ ﺭﺏ ﺍﻟﻌﺎﻟﻤﻴﻦ ﻭﺍﻧﺘﻲ ﻣﺎﺗﺼﻠﻴﻦ
ﺑﻴﺒﻲ ﺍﺗﻌﺎﺟﺰ ﻣﻦ ﺍﻟﺼﻼﻩ ﻣﺮﺍﺕ ﺍﺭﻳﺪ ﻭﺍﻛﻮﻝ ﺑﻌﺪ ﻣﺎﺍﺗﺮﻛﻬﺎ ﻭﺍﺗﺤﻤﺲ ﻭﺍﺻﻠﻲ ﻛﻢ ﻳﻮﻡ ﻭﺍﺗﺮﻛﻬﺎ
ﺷﻴﻄﺎﻧﺞ ﻗﻮﻱ ﻳﺎﻟﻤﻠﻌﻮﻧﻪ ﻭﺿﺮﺑﺘﻨﻲ ﻉ ﺭﺍﺳﻲ ﺑﺨﻔﻪ ﻭﺗﻀﺤﻚ
ﻻﺯﻡ ﺗﺒﺪﻱ ﺗﺼﻠﻴﻦ ﻭﺍﺗﻌﻮﺫﻱ ﻣﻦ ﺍﻟﺸﻴﻄﺎﻥ ﻣﻦ ﻳﺼﻴﺮ ﺍﻻﺫﺍﻥ ﺍﺑﻘﻲ ﺍﺗﻌﻮﺫﻱ ﻣﻦ ﺍﻟﺸﻴﻄﺎﻥ ﻭﺍﺗﻮﺿﻲ ﻭﺻﻠﻲ ﻭﺷﻮﻓﻲ ﺍﺫﺍ ﺗﺮﻛﺘﻴﻬﺎ ﺑﻌﺪ
ﺑﺲ ﺍﺑﻘﻲ ﺍﺗﻌﻮﺫﻱ ﻣﻦ ﺍﻟﺸﻴﻄﺎﻥ ﻭﺍﻧﻌﻠﻲ ﺍﻟﺸﻴﻄﺎﻥ ﻗﺒﻞ ﻛﻞ ﻓﺮﺽ ﻭﺍﻧﺸﺎﺀ ﺍﻟﻠﻪ ﺧﻴﺮ ﺷﻮﻓﻲ ﺷﻠﻮﻥ ﺭﺍﺡ ﺗﺤﺴﻴﻦ ﺑﺮﺍﺣﻪ ﻧﻔﺴﻴﻪ ﻋﻈﻴﻤﻪ
ﻣﺎﺷﻲ ﺑﻴﻴﻲ ﺭﺍﺡ ﺍﺣﺎﻭﻝ ﺍﺳﻮﻳﻬﺎ
ﻣﺎﻣﺎ ﻣﺎﻛﻮ ﺷﻲ ﺍﺣﺎﻭﻝ ﻻﺯﻡ ﺗﺴﻮﻳﻨﻬﺎ ﺍﻧﺘﻲ ﻣﻮ ﺻﻐﻴﺮﺓ
ﺍﻧﻄﺘﻨﻲ ﺑﻴﺒﻲ ﺳﺒﺤﻪ ﻭﺑﻘﻴﺖ ﺍﺗﻌﻮﺫ ﻣﻦ ﺍﻟﺸﻴﻄﺎﻥ ﻭﺍﺟﻨﻲ ﺍﻟﺒﻨﺎﺕ ﻭﺳﺎﻋﺪﻧﻲ ﻣﻦ ﻛﻌﺪﺕ ﺑﺎﻟﻜﺮﺳﻲ ﻭﺍﺗﻮﺿﻴﺖ ﻭﺭﺣﺖ ﻛﻌﺪﻧﻲ ﻉ ﺍﻟﻜﺮﺳﻲ ﻣﺎﻝ ﺍﻟﺼﻼﻩ ﻣﺎﻝ ﻛﺒﺎﺭ ﺍﻟﺴﻦ ﻭﺻﻠﻴﺖ ﻭﺳﺒﺤﺖ ﻭﺻﺢ ﻛﻼﻡ ﺑﻴﺒﻲ ﺣﺴﻴﺖ ﺑﺮﺍﺣﻪ ﻧﻔﺴﻴﻪ ﻋﻈﻴﻤﻪ ﻉ ﻛﻮﻟﺘﻬﺎ ﻫﻬﻬﻬﻪ
ﻭﺟﺎﺑﻮﻟﻲ ﺍﻟﻐﺪﺍ ﺩﺍ ﺍﺗﻐﺪﻩ ﻭﺍﺗﺼﻞ ﺍﻧﻤﺎﺭ
ﺷﻠﻮﻧﺞ ﺑﻨﻮﺗﻲ
ﺍﻟﺤﻤﺪﻟﻠﻪ ﻭﺍﻧﺘﻪ
ﺍﻟﺤﻤﺪﻟﻠﻪ ﻭﺍﻟﺸﻜﺮ ﻟﻠﻪ ﺑﻨﻮﺗﻲ ﺍﻧﻲ ﺍﺑﺎﺏ ﺑﻴﺖ ﺧﺎﻟﺞ ﺭﺍﺡ ﺍﻃﺒﻠﻬﻢ
ﻫﻼ ﺑﻴﻚ
ﻋﻔﺖ ﺍﻟﻐﺪﺍ ﻭﺑﻘﻴﺖ ﻛﺎﻋﺪﻩ ﻉ ﻧﺎﺭ ﻭﻛﻠﺖ ﻟﺒﻴﺒﻲ ﺍﺟﺎ ﺍﻧﻤﺎﺭ
ﺷﻨﻮ ﺍﻧﺘﻲ ﺗﺮﻳﺪﻳﻦ ﺗﺮﺟﻌﻴﻦ ﻭﻳﺎﻩ
ﻳﻲ ﺑﻴﺒﻲ ﺍﺭﻳﺪ ﺍﺭﺟﻊ
ﻭﻟﺞ ﺷﻠﻮﻥ ﺗﻌﻴﺸﻴﻦ ﻭﻳﺎﻩ ﻭﺍﻧﺘﻲ ﺍﻟﺒﺎﺭﺣﻪ ﻛﺘﻴﻠﻲ ﻋﺎﻳﺶ ﻭﺣﺪﻩ ﻣﻨﻔﺼﻞ ﻋﻦ ﺯﻭﺟﺘﻪ
ﺑﻴﺒﻲ ﻫﻮﺓ ﻳﺴﻤﻴﻨﻲ ﺑﻨﻮﺗﻲ ﻭﻳﻌﺘﺒﺮﻧﻲ ﻣﺜﻞ ﺑﻨﺘﻪ ﻭﺩﺍﺋﻤﺎ ﻳﻜﻠﻲ ﺍﻧﺘﻲ ﻃﻔﻠﻪ ﻳﺨﺎﻑ ﻋﻠﻴﻪ ﻫﻮﺍﻳﻪ
ﺗﺤﺠﻲ ﻭﺗﻀﺤﻚ ﻳﻲ ﻫﺎﻱ ﻫﻴﻪ ﻳﺴﻤﻴﺞ ﺑﻨﻮﺗﻲ
ﺷﺒﻴﺞ ﺗﻀﺤﻜﻴﻦ ﺑﻴﺒﻲ
ﻣﺎﻣﺎ ﺗﺒﻘﻴﻦ ﻫﻨﺎ ﻭﻣﺎﺗﺮﻭﺣﻴﻦ ﺍﻻ ....
ﺍﻻ ﺷﻨﻮ
ﺑﻌﺪﻳﻦ ﺗﻌﺮﻓﻴﻦ ﺧﻞ ﺍﺭﻭﺡ ﺍﻛﻌﺪ ﻳﻤﻬﻢ ﻭﺍﺷﻮﻑ ﺍﻧﻤﺎﺭ ﻉ ﺷﻨﻮ ﺟﺎﻱ
________________________________
ﺣﺠﻲ ﺣﺴﻴﻦ ﻋﻔﺖ ﺩﻭﺍﻣﻲ ﻭﺍﺟﻴﺖ ﻋﻠﻤﻮﺩ ﺍﺧﺬ ﺭﻧﺪ ﻭﺗﻜﻠﻲ ﻣﺎﺍﺧﻠﻴﻬﺎ ﺗﺮﻭﺡ ﻭﻳﺎﻙ
ﺷﻠﻮﻥ ﺗﺮﻳﺪﻫﺎ ﺗﺮﻭﺡ ﻭﻳﺎﻙ ﻭﺍﻧﺘﻪ ﺭﺟﺎﻝ ﻋﺰﺍﺑﻲ ﻭﻋﺎﻳﺸﻴﻦ ﺑﺎﻟﺒﻴﺖ ﻭﺣﺪﻛﻢ
ﺍﺗﻔﻬﻢ ﻣﻮﻗﻔﻚ ﺑﺲ ﺍﻟﺒﻨﻴﻪ ﺍﺩﺭﻱ ﺑﻴﻬﺎ ﻣﺎ ﺗﺮﺗﺎﺡ ﻫﻨﺎ ﻳﻤﻜﻢ ﻫﻨﺎﻙ ﻋﺎﻳﺸﻪ ﺍﺑﻴﺘﻲ ﻭﻣﺮﺗﺎﺣﻪ ﻭﻋﺪﻫﺎ ﻋﻼﺝ ﻃﺒﻴﻌﻲ ﻭﺩﺍ ﺗﺮﻭﺡ ﻟﻠﻨﺎﺩﻱ ﺗﺘﻌﺎﻟﺞ ﺑﺎﻻﺳﺒﻮﻉ ﻣﺮﺗﻴﻦ
ﻉ ﺷﻨﻮ ﻣﺮﺗﺎﺣﻪ ﻉ ﻭﺟﻮﺩﻙ ﻳﻤﻬﺎ ﻭﺍﻧﺘﻮﺍ ﻭﺣﺪﻛﻢ ﺷﺘﻜﻮﻝ ﺍﻟﻨﺎﺱ ﻋﻠﻴﻪ ﺫﺍﺏ ﻟﺤﻤﻲ ﻋﺪ ﺍﻟﻐﺮﻳﺐ
ﺍﻧﻲ ﻣﺎﺍﺗﻮﺍﺟﺪ ﺑﺎﻟﺒﻴﺖ ﺍﻟﺘﺤﻖ ﺍﺳﺒﻮﻋﻴﻦ ﻭﺍﺭﺟﻊ ﻟﻠﺒﻴﺖ ﻛﻢ ﻳﻮﻡ ﻭﻳﺘﺼﻠﻮﻥ ﺑﻴﻪ ﻭﺍﺭﺟﻊ ﺍﻟﺘﺤﻖ ﻭﺣﺘﻰ ﻣﻦ ﺍﺭﺟﻊ ﻟﻠﺒﻴﺖ ﺍﻛﻌﺪ ﻛﻢ ﺳﺎﻋﻪ ﻭﺍﻃﻠﻊ ﻭﺷﻔﺖ ﺍﻛﻮ ﺣﺎﺭﺱ ﺍﺑﺎﺏ ﺍﻟﺒﻴﺖ ﻭﻛﺎﻣﺮﺍﺕ ﻭﺧﺪﺍﻣﻪ ﻭﻣﺴﺎﻋﺪﻩ ﺗﺴﺎﻋﺪ ﺭﻧﺪ ﺑﻜﻮﻣﺘﻬﺎ ﻭﻃﻠﻌﺘﻬﺎ
ﺣﺠﻲ ﻳﻔﻴﺪﻙ ﺭﻧﺪ ﻣﺎﺗﺮﺟﻊ ﻭﻳﺎﻙ
ﺍﻟﺴﻼﻡ ﻋﻠﻴﻜﻢ
ﻭﻋﻠﻴﻜﻢ ﺍﻟﺴﻼﻡ ﺣﺠﻴﻪ ﺍﻋﺮﻓﺞ ﺑﻨﻔﺴﻲ ﺍﻟﻀﺎﺑﻂ ﺍﻧﻤﺎﺭ ﺣﺴﻴﻦ ﻋﻠﻲ
ﺍﻫﻼ ﻭﺳﻬﻼ ﺑﻴﻚ
ﻭﺑﻴﺞ ﺍﻛﺜﺮ ﺣﺠﻴﻪ
ﺣﺠﻴﻪ ﺍﺟﻴﺖ ﺍﺧﺬ ﺭﻧﺪ ﻭﻳﺎﻳﻪ ﻭﺍﻟﺤﺠﻲ ﺣﺴﻴﻦ ﻣﺎﻳﻘﺒﻞ ﺗﺮﻭﺡ ﻭﻳﺎﻳﻪ
ﻳﻲ ﻃﺒﻌﺎ ﻣﺎ ﻳﻘﺒﻞ ﺷﻠﻮﻥ ﺍﺗﻌﻴﺶ ﻭﻳﺎﻙ ﺍﺑﻴﺖ ﻭﺍﺣﺪ ﻭﻣﺎ ﺑﻴﻨﺎﺗﻜﻢ ﺷﻲ ﻳﺮﺑﻄﻜﻢ
ﻓﻬﻤﺖ ﻗﺼﺪﺝ ﺣﺠﻴﻪ ﻭﺍﻧﻲ ﻣﻔﻜﺮ ﺑﻬﺬﺍ ﺍﻟﺸﻲ ﺑﺲ ﻛﻠﺖ ﻳﻌﺪﻱ ﻛﻢ ﺷﻬﺮ ﻭﺍﻓﺎﺗﺤﻬﺎ ﺑﺎﻟﻤﻮﺿﻮﻉ ﻣﺎ ﺭﺩﺕ ﺍﻓﺎﺗﺤﻬﺎ ﻭﻫﻴﻪ ﻣﺎﺻﺎﺭ ﻟﻤﻮﺕ ﺍﻫﻠﻬﺎ ﻛﻢ ﺷﻬﺮ ﺭﻧﺪ ﺗﺘﺤﺴﺲ ﻫﻮﺍﻳﻪ
ﺍﺣﺠﻲ ﻭﻳﺎﻫﺎ ﺑﺎﻟﻤﻮﺿﻮﻉ ﻭﺍﻧﻲ ﺍﺣﺠﻲ ﻭﻳﺎﻫﺎ ﻭﺍﻧﺸﺎﺀ ﺍﻟﻠﻪ ﺗﺼﻴﺮ ﻣﻦ ﻧﺼﻴﺒﻚ
ﺩﺍ ﻧﺤﺠﻲ ﻭﻃﺐ ﻫﺎﻛﺎﻥ ﻟﻠﺼﺎﻟﻪ
ﻣﻨﻮ ﻫﺎﻱ ﺍﻟﺘﺼﻴﺮ ﻣﻦ ﻧﺼﻴﺒﻪ
ﻫﺬﺍ ﺍﻧﻤﺎﺭ ﺍﺑﻦ ﺧﺎﻟﻬﺎ ﻟﺮﻧﺪ ﻭﻳﺮﻳﺪ ﻳﺨﻄﺒﻬﺎ
ﻭﻟﻴﺶ ﻳﻌﻴﻨﻲ ﻧﻨﻄﻴﻬﺎ ﺍﻟﻪ ﻣﺎﻋﺪﻧﺎ ﺷﺒﺎﺏ ﻟﻮ ﺧﻠﺼﻮﺍ ﺍﻟﺸﺒﺎﺏ ﺣﺘﻰ ﻧﻨﻄﻴﻬﺎ ﻟﺮﺟﺎﻝ ﻣﻨﻔﺼﻞ ﻭﻋﻨﺪﻩ ﻃﻔﻞ ﻭﺑﻜﺪ ﺍﺑﻮﻫﺎ
ﺍﺣﺘﺮﻡ ﻧﻔﺴﻚ ﻟﻚ ﺗﺮﻯ ﻛﺎﻋﺪ ﺍﺑﻴﺘﻜﻢ ﻣﺎﺍﺭﻳﺪ ﺍﺗﺠﺎﻭﺯ
ﻳﻲ ﺍﻧﻲ ﺍﺭﻳﺪﻙ ﺗﺘﺠﺎﻭﺯ ﺣﺘﻰ ﺍﺷﻜﻪ ﻟﺤﻠﻜﻚ
ﺍﺫﺍ ﺍﻧﺘﻪ ﺭﺟﺎﻝ ﺗﻌﺎﻝ ﻭﻧﺸﻮﻓﻚ ﺍﻻﻣﻬﺎﺕ ﺷﺘﺠﻴﺐ
ﻛﺎﻓﻲ ﻣﺎﻣﺎ ﺍﺳﺘﻬﺪﻭﺍ ﺑﺎﻟﺮﺣﻤﻦ ﺷﻨﻮ ﻫﺎﻟﻜﻼﻡ ﺍﺣﺠﻲ ﺷﻲ ﺣﺠﻲ ﺣﺴﻴﻦ
ﻛﺎﻓﻲ ﻫﺎﻛﺎﻥ ﺷﻨﻮ ﻫﺎﻟﻜﻼﻡ ﻭﺍﻧﺘﻪ ﺍﻧﻤﺎﺭ ﻛﺎﻓﻲ ﺷﻨﻮ ﻛﺎﻋﺪﻳﻦ ﺑﻤﻴﺪﺍﻥ ﺍﻟﻌﺮﻛﺎﺕ ﻟﻮ ﻭﻳﻦ ﻛﺎﻋﺪﻳﻦ
ﺣﺠﻲ ﺣﺴﻴﻦ ﺍﺑﻨﻚ ﺍﺗﺠﺎﻭﺯ ﺣﺪﻭﺩﻩ ﻭﺧﻠﻮﺍ ﺷﻲ ﺍﺑﺎﻟﻜﻢ ﺭﻧﺪ ﺍﻟﻲ ﻭﻣﺘﺼﻴﺮ ﻟﻐﻴﺮﻱ ﺍﻥ ﻗﺒﻠﺘﻮﺍ ﺍﻭ ﺭﻓﻀﺘﻮﺍ ﻭﺑﻨﻬﺎﻳﻪ ﻫﺬﺍ ﺍﻻﺳﺒﻮﻉ ﻫﻴﻪ ﺍﺑﻴﺘﻲ ﻭﻏﺼﺒﺎ ﻣﺎ ﻋﻠﻴﻜﻢ
ﻃﻠﻌﺖ ﻣﻦ ﻏﺮﻓﻪ ﺑﻴﺒﻲ ﻭﺩﺍ ﺍﻣﺸﻲ ﺑﺎﻟﻤﻤﺮ ﻭﺳﻤﻌﺖ ﺻﻮﺕ ﺻﻴﺎﺡ ﺍﻧﻤﺎﺭ ﻭﻭﻛﻔﺖ ﻳﻢ ﺑﺎﺏ ﺍﻟﺼﺎﻟﻪ ﻭﺳﻤﻌﺖ ﻛﻞ ﺍﻟﻲ ﺩﺍﺭ ﺑﻴﻨﻬﻢ ﻭﻛﻤﺖ ﺍﺑﺠﻲ ﺻﺮﺕ ﻣﺜﻞ ﺍﻟﻠﻌﺎﺑﻪ ﻭﻳﺘﻌﺎﺭﻛﻮﻥ ﻋﻠﻴﻬﺎ ﻟﻴﺶ ﻫﻴﺞ ﻳﺼﻴﺮ ﺑﻴﻪ ﻭﺩﺍ ﺍﺑﺠﻲ ﻭﻃﻠﻊ ﺍﻧﻤﺎﺭ ﻣﻦ ﺍﻟﺼﺎﻟﻪ ﺍﺑﺎﻭﻉ ﻋﻠﻴﻪ ﺑﺰﻳﻪ ﺍﻟﻌﺴﻜﺮﻱ ﻭﻣﺒﻴﻦ ﻋﻠﻲ ﺍﻟﺘﻌﺐ
ﺭﻧﺪ ﺗﻌﺎﻱ ﺧﻞ ﻧﻄﻠﻊ ﺑﺮﺓ ﺍﺭﻳﺪﺝ ﺑﻤﻮﺿﻮﻉ..قصص عراقيه حقيقيه من واقعنا.روعه الطائي
ﻭﻃﻠﻌﻨﻲ ﻭﻛﻒ ﻛﺮﺳﻴﻲ ﺍﺑﺎﺏ ﺑﻴﺖ ﺧﺎﻟﻲ
ﺭﻧﺪ ﺑﻨﻮﺗﻲ ﺍﺩﺭﻱ ﺑﻴﺞ ﺳﻤﻌﺘﻲ ﺍﻟﻌﺮﻛﻪ ﻭﺍﻟﻜﻼﻡ ﺍﻟﺪﺍﺭ ﺑﻴﻨﺎﺗﻨﺎ ﻛﻞ ﺍﻟﻲ ﺳﻮﻳﺘﻪ ﻋﻠﻤﻮﺩﺝ ﻋﻠﻤﻮﺩ ﺍﺣﻤﻴﺞ ﻭﻳﻤﺴﺢ ﺑﺪﻣﻮﻋﻲ ﺑﻨﻮﺗﻲ ﻻ ﺗﺒﺠﻴﻦ
ﻣﺎﺍﺗﻮﻗﻌﺖ ﻫﻴﺞ ﻳﺼﻴﺮ ﺑﻴﻪ
ﻟﺘﺨﺎﻓﻴﻦ ﺍﻧﺘﻲ ﺑﺤﻤﺎﻳﺘﻲ ﻭﺍﻧﻲ ﺍﻧﻄﻴﺘﺞ ﻛﻠﻤﻪ ﻣﺎﺍﻋﻮﻓﺞ ﻟﻮ ﻉ ﻛﺺ ﺭﻛﺒﺘﻲ ﻭﺍﺳﻮﻱ ﺍﻟﻤﺴﺘﺤﻴﻞ ﺣﺘﻰ ﺍﺣﻤﻴﺞ ﻭﻫﺬﺍ ﺍﻟﺤﻞ ﺍﻟﻮﺣﻴﺪ ﺣﺘﻰ ﺗﻜﻮﻧﻴﻦ ﻳﻤﻲ ﻭﺑﺤﻤﺎﻳﺘﻲ ﻭﺻﺪﻛﻲ ﻭﺛﻘﻲ ﺑﺎﻟﻠﻪ ﻣﺮﺍﺡ ﺍﻗﺼﺮ ﻭﻳﺎﺝ ﺑﺄﻱ ﺷﻲ ﻭﻃﻠﺒﺎﺗﺞ ﺍﻭﺍﻣﺮ ﺑﺲ ﺍﺫﺍ ﻃﻠﺒﺎﺕ ﺗﻀﺮﺝ ﻣﺎﺍﻧﻔﺬﻫﺎ
ﺍﻣﻤﻤﻤﻢ ﺍﻭﻙ ﺑﺲ ﺑﺸﺮﻁ
ﻫﺎ ﺗﺘﺸﺮﻃﻴﻦ ﺑﻨﻮﺗﻲ ﺍﻭﻙ ﻛﻮﻟﻲ
ﺍﺫﺍ ﺍﺗﺰﻭﺟﻨﺎ ............
ﺗﺼﻮﻳﺖ
ﻧﺸﺮﺕ ﻫﺬﺍ ﺍﻟﺒﺎﺭﺕ ﻟﻌﻴﻮﻥ ﺍﻟﻤﺘﺎﺑﻌﻴﻦ ﺍﻟﺼﻮﺗﻮﺍ ﻟﻠﺒﺎﺭﺕ ﺍﻟﺴﺎﺑﻖ ﻟﻸﺳﻒ ﻣﺎ ﺷﻔﺖ ﺍﻟﺘﺼﻮﻳﺖ ﺍﻻﺭﻳﺪﻩ
ﺍﻋﺘﺬﺭ ﻻﻥ ﻣﺎﻛﺪﺭﺕ ﺍﻭﺻﻠﻠﻜﻢ ﻟﻬﺠﻪ ﺍﻻﻛﺮﺍﺩ ﻣﻦ ﻳﺤﺠﻮﻥ ﺑﻠﻬﺠﺘﻨﺎ ﻭﻛﺘﺒﺖ ﻛﻼﻣﻬﻢ ﺑﻠﻬﺠﺘﻨﺎ ﻭﻟﻠﻌﻠﻢ ﻫﺬﺍ ﺍﻟﺒﺎﺭﺕ ﺍﺧﺬﺕ ﺍﺣﺪﺍﺛﻪ ﻣﻦ ﺭﻧﺪ ﻭﻛﺘﺒﺘﻪ ﻣﻦ ﺭﺍﺳﻠﺘﻨﻲ ﺍﻟﺒﺎﺭﺣﻪ
ﻣﻮ ﻛﻠﺘﻠﻜﻢ ﺭﺍﺳﻠﺘﻨﻲ ﻟﻮ ﻣﺎ ﻛﺘﻠﻜﻢ ؟
ﺍﺩﺭﻱ ﺭﺍﺡ ﺗﻜﻮﻟﻮﻥ ﺍﻟﺒﺎﺭﺕ ﻗﺼﻴﺮ ﺑﺲ ﺍﺗﻤﻨﻰ ﺗﺘﻔﻬﻤﻮﻥ ﻣﻮﻗﻔﻲ ﺍﻳﺪﻱ ﺩﺍ ﺗﺨﺪﺭ ﻣﻦ ﻛﺜﺮ ﺍﻟﻜﺘﺎﺑﻪ ﻭﺩﺍ ﺍﻧﺸﺮ ﺭﻭﺍﻳﺘﻴﻦ ﺑﻮﻗﺖ ﻭﺍﺣﺪ
أنت تقرأ
الثلاثيني الملتحي
Poetryقصه للكاتبه ،عذاري ال شمر، اعشقها بحنان اب واشتياق حبيب وبلهفه عاشق ماذا لو ادمنتها. ...؟
