الثلاثيني الملتحي

الاخيرر

#الثلاثيني_الملتحي🔞🔞🔞

١٩

#البارت الاخير

الثلاثيني الملتحي
بقلمي عذاري ال شمر

شنوووووووووو

كمت اعيط بهستريه

الحكوووووولي انماااار راح
انماااااار يماااا تعاي شوفي بنتج شصار بيها
منو الي من بعده انماااااار

شبيج يمه شنو هالعيط شبي استاذ انمار

اشهك بالبجي وكوة احجي
خالي خابرني واحد من رقم انمار كال داعش
قاصفين المقر البي انمار

ضليت اعيط وما اعرف شتصرف شسوي
اجاني يوسف كام يبجي من سمع صوت عياطي
يكول ليش تعيطين مثلهم من ماما ماتت

وكعد بزاويه الغرفه خله ايده ع وجهه ويبجي

بعد نص ساعه تقريبا اجا رسلان وعلي
اعتقد ام رفل متصله بيهم

رسلان يكول الصبح اتصل بيه انمار
وكال دير بالك ع رند ويوسف
اني اتأخر يله انزل لبغداد

اني من سمعته هيج يكول متت بدمي
حسيت نفسي فقدت انمار راح وما اله اي رجعه

رسلان وعلي بعد ما كعدوا يمنا بساعه طلعوا
واجت ام انمار و وهج يعيطن وام انمار بس تحجي
عليه تكلي كله من وراج هججتي
و دومه هاج بالدوام من وراج
كرطتي اهلج وهسه اجا الدور ع ابني وكرطتي
ابني ما مرتاح وياج  و وهج تسكت بيها
وهيه ولا تسكت تكلي
طبعا كل شويه وسابتني و تحجي ع امي
اني عفتها ما حجيت وياها شي
الي بيه كافيني
حجت حجت لحد ما تعبت وسكتت

صار الليل وماكو اي خبر عن انمار
الي عرفته من وهج انو رسلان رايح للموصل
حتى يعرف شصار ع انمار
واجت سارة وامها من اربيل علينا سامعات بخبر انمار
عبالهن مستشهد
وهنا اكتملت السبحه اني منا متخبله ونفسيتي زفت
وام انمار ما عافتني بحالي وسارة بس تتنعوص
بقينا اسبوع ماكو لا حس ولا خبر
رسلان راح للموصل ونتصل بي جهازه مغلق
هنا اتخبلنا و رفل كامت بس تبجي وتعيط
زوجي راح زوجي راح
انصدمنا من كلامها شنو زوجي شنو راح
بالبدايه عبالي تقصد انمار
وبعدين اغمئ عليها ومن صحت بس تنطق بأسم
رسلان
ام انمار اتعاركت ويه رفل تكللها انتي جذابه
ابني ما يتزوج بت الخدامه
و رفل كالتلها قبل كم يوم اخذني رسلان للمحكمه وعقدنا وهوة زوجي شرعا وقانونا وانمار جان ويانه
بالمحكمه وهوة الشاهد ع زواجنا

ام رفل من سمعت اتخربطت ودوها للمستشفى
طلع بيها سكر

ام انمار طردت رفل وامها من البيت

جانت ايام اسود من السواد
كولش تعبنا بيها ام انمار و وهج بقن يمي بالبيت
وسارة وامها هم بقن ما راحن
وما اسولفلكم ام انمار شسوت بيه
لعبت بيه طوبه رزايل ومسبه وحتى طردتني
من البيت بس اني ما طلعت واتعاركت وياها
كتلها هذا بيت زوجي وما اطلع من هذا البيت
بس ع كبري
وهيه تعد وتصف ولا عبالك ذيج صاحبه المضاهر
والمستويات من تتعارك عبالك وحده من ذني
الي يبيعن بالسوك تتلفظ بألفاظ سوقيه
اول مرة اسمعهن وتفشر افشار حتى استحي
اكوله المهم دمرتني خلتني اتمنى الموت الف مرة
وعلي بقا يمنا ما بيده شي يسوي
وبعد ١٠ ايام اتصل بينا رسلان كال انمار عايش
بس متصوب واصابته خطيرة
ورسلان ناقله لمستشفى الطب ب بغداد