عشقت ميمونه 🌸
بقلمي هاجر محمد 🌸 حبيبة 🌸
الفصل التاسع 🌸
ر 🌸 م🌸ض🌸ا🌸ن🌸م🌸با🌸ر🌸ك🌸
دقق مالك النظر بترقب في ملامح ميمونه التي طال صمتها وهي تضع يدها أسفل ذقنها حتي نفذ صبره :- إنتي لو بتحطي خطه لتحرير القدس كان زمانك خلصتي تفكير
ميمونه بعصبيه مصطنعه :- إيه يامالك مش بفكر خليني اخد وقتي ياأخي
مالك باستخفاف :- ياروحي.. علي أساس إنك مش عارفه إنك كده كده هتلبسيه ولا هو جر شكل وخلاص
ضحكت ميمونه وضربته بخفه علي صدره و:- يوه كتك إيه يابن أمينه ضحكتني وأنا ما ليش نفس اضحك
فتح مالك عينيه باتساع و:- يابن أمينه.. لا أنا ليا مستقبل باهر مع مراتي الصراحه
ميمونه :- هههههههههه.. نتكلم جد بقي إحنا هنزر في وسط البلوي اللي إحنا فيها دي
مالك :- طب هاااا بقي قولتي إيه؟؟ ننزل نشتري كام نقاب حلوين كده لست الحسن والجمال
عشقت ميمونه. هاجر محمد. حبيبة
ميمونه :- إنت بتثبتني يعني.. طب علي فكره. سجود كلمتني في موضوع النقاب وأنا جربت بتاعها وحسيت براحه جامده جدا فيه.. بس برده خايفه ما أقدرش عليه.. لأن النقاب مش لبس وبس أنا عايزه أكون أد النقاب في التزامي عايزه أبقي استحق النقاب
حرك مالك رأسه بموافقه واعتراض في نفس الوقت و:- معاكي حق.. لكن عايز أقولك النقاب هيجبرك تلتزمي بتعاليم دينك لأنك هتتكسفي تعصي ربنا وإنتي بيه
ميمونه :- في منقبات كتير واخدين النقاب مظهر ليهم لكن الجوهر خبيث
مالك :- رديتي علي نفسك الجوهر خبيث بس ده مش عيب في النقاب ده مرض في جوهرهم هم
ميمونه :- بص أنا هصلي صلاة استخاره وربنا يقدم اللي فيه الخير
إبتسم مالك وهو يحمل الأشياء الخاصه به و:- عين العقل ياملاكي وبعدها أنا هسيبك تعملي اللي إنتي عاوزاه.. نمشي
تابطت ميمونه في ذراعه وخرجوا سوياً قابلهم احد الحراس وهو يركض :- دكتور مالك دكتور مالك
ترك مالك ذراع ميمونه وأسرع إليه و:- أيوه ياسعد بتجري كده ليه
سعد بفرحه وابتسامه :- تعالي معايا بسرعه
امسك مالك يده و:- استني بس خد نفس.. وقولي فيه إيه
الحارس سعد بعجاله :- إنت لسه هتتكلم يادكتور انزل بسرعه الدنيا مقلوبه والعميد عرف مين اللي كان ورا الاشاعه دي والكل تحت بيطالب بحضور الدكتور مالك بسرعه
ميمونه بفرحه :- يعني مش هتسيب الجامعه
أمسك مالك بيدها و:- تعالي بس نشوف فيه إيه
*تفاجأ مالك بعميد الجامعه يقف في ساحة الجامعه والجميع يهتف بإسمه نظر إلي ميمونه التي كانت ابتسامتها تكاد تتجاوز أذنها بسعاده و. :- هو إيه اللي بيحصل هنا ده
