انت ملكي يا عنيدتي(الجزء2 من المشرملة والمفيوزي)

16(السباحة)

ياسر: يلاه خليتكم ندخل نعوم
مشا ياسر يعوم كلشي حال فمو نشافو يحلف على طاسيلتو ماشي مغربي شاف مروى وادم كيعومو فقنيتة وشاف زينب. كتعوم عومة الميت ومرتاحة مشا قاصدها ديريكت ناوي يرد ليها الكريدي
عند مجد تم جاي هو و جينيفر لشادة فيه شافتهم نور قلبات وجها جيهة لخرا يلاه غيگلس حداها ايمن وهو ينطق
ياسين: وحق من بعث محمد ونسميتك راجل گلس حداها نما حيدت ليك هاداك لفرحان بيه راني *امل
ايمن تراجع شاف كمية الغضب لفيه لهادة توجه لبحر مع اسر يدخلوا يعومو وتبعاتهم جينيفر وقمر وانس
ياسين(وقف):مجد..هانة غندخل نعوم نبرد شي شوية كنحس براسي غنتفرگع ورد البال معا نور
مجد:متحتاج توصيني
مشا ياسين دخل يعوم ونور حقدات كتر وكتر من جيهة كلشي دخل يعوم ومن جيهة غتبقا مع مجد راس في راس
مجد(جلس حداها) : مالك دابا معبسة
نور:الصمت
مجد: مغدويش دابا
نور: الصمت
مجد: ضبري راسك مهم متبقايش نلقاك مع ايمن
نور(شافت فيه) : وعلاش
مجد: بغيت
نور: اها اي حاجة بغاها سي مجد هي لولا شوف الله يخلي ليك خالتي نجلاء وعمي تفرق عليا وديها في خطيبتك اشمن صفة كدوي معايا راجلي خويا صاحبي بابا ها لا شيء نتا بصح ماشي خوت ولكن كنتي سند ديالي من ضغري وكنتي الكتف لكن توجه ليه فكنبكي منكرش اه ولكن حياتي شخصية حرة فيها ( وركات عليها) اخويا
مجد: خوك
نور: اه خويا
مجد: خوك انا خوك خالتي عمرها مرضعاتني
نور: ولكن كتعتابرك ولدها ولا لا
مجد: مكيهمش شنو كتعابرني المهم نتي ماشي ختي بفمك قلتيها نتا ماشي خويا ما با ما صاحبي مهم سدي عليا هاد الموضوع
نور( رجعات تشوف في البحر بصمت)
مجد(وقف وحيد تريكو وبانت وشمة فيدو ليسرة نور شافت فيه تصدمات وهبطات عينيها دغيا وكتشوف كلشي كيشوف فيه اححح عينين كيكبانو مع الشمس
مجد(تحنى عندها) : ياك باغة تعومي ايوا نوضي
نور: بصح
مجد: بهاد الحوايج
نور(بزعف): بلاش
مجد(تنهد وحك شعرو بحيرة) : اوووف اوكي لبسي لي بغيتي بشرط نعومك انا
نور: اوكي
لبسات مايو بييس بالغوز وفيه خطوط من الكحل دايزين من الخصر شافها مجد تنهد وجرها معاه بعاد على البشار
عند زينب حسات براسها مجرورة من تحت البحر بقات كتجابد تخرج والوا دازت 7 دقايق وهي تخرج كتلهث شافت مول فعلة وشكون من غيرو ياسر
زينب: حه حه واش نتا مريض كنتي غتقتلني
ياسر: راك حققتي رقم قياسي جديد
زينب: شوف هاداك سير ت*ود وخليني نعوم
ياسر(جمع ليها فمها) :هاد الفم وهاد القنانف لفرحانة بيهم غنطيرهم ليك وديك الضربة و سلعة كلشي غنتفاهم معاك فيه كلشي
زينب(صرفقاتو حتى دار ليه الحنك) : اخر مرة تحط يديك المسخين عليا سمعتي
ياسر (شافها بعينيه حمرين ونقض على فمها وهي كدفع فيه بكل قوتها) :تهزي عليا يديك
زينب(زادت تصرفيقة كتر من ختها ): حماااار كيف قدرتي تجرأ
مكملات هدرتها حتى نقض عليها وهاد المرة دوز ليها الدم من فمها
دفعاتو كتلهت هزات يديها
ياسر: زيدي وحدة و نتعامل معاك بطريقتي
زينب: واش مكتحشمش كيفاش تجرأتي كيفااااااش قليل الحيا واصلا تكون عندك نفس من صباح وانا تنسرفقك ونتا غكتزيد
ياسر: و حتا نتي تكون عندك نفس في كل مرة تجرئي تسرفقني راك عارفة العقاب ديالك
زينب(مشات مبعدا عليه ترجع حدا ناس حيت داها واحد المنطقة معزولة ومشا تبعها)
عند ياسين لكيدرع في البحر ودماغو مشغول باش الله وعلم كيحس براسو مشطون من نهار جا المغريب او بالتحديد من نهار جات نور وديك دعوة وهي ملاحقاه كان جاهل على كتلة الاعين لكتراقبو كيفاش ديك الكتلة من الرجولة كتبان ليك عاطياه الهيبة خصوصا الكريزمة ديالوا كتجدب البنات كتر وكتر
البنت1: ناري ياختي خلي ليا العينين الكحلين
البنت2: اشمن كحلين راه زرقين
البنت3: نتوما راكم تعميتو راه غريين
البنت2: شتي حنا غنتصابو بعمى الاوان لبقينا ياختي متبعين هاد زين
البنت1: وياه عمرني ماشفت هادشي في المغريب كون معرت باه ومو كيدايرين
البنت3: ياختي زين باينة كيولد زين شوفي ضربي ليا على الگاوري
البنت1: وتواااااام اهيا ربي هادشي راه بزااااف بغاو يوقفو لينا الحجرة كتر ماهي واقفة
البنت2: شتي ياختي الوشام فليدو ليسرة
البنت3:اللهم جعله من نصيبي
البنت 1: غير بقاي تحلمي والله لا كان لينا شوفي الخير ديال سيدي ربي لمعانا وبحالنا
البنت2:مكم مكم ضربو ليا على دوك الكوبل لي لهيه
البنت3: وهادا لمن ليسر
البنت1: هادو باغين ديرو لينا انجلاط في المشاعر
عند مجد ونور لشاد فيها مبغاش يطلقها
نور: و صافي طلقني خليني نعوم راه كنعرف
مجد: علاش تافقنا
نور: اه قلتي تعومني وخليني دابا غشوية ومن تما مرحبا
طلق منها مجد ومشات كتعوم بحال شي حورية مشات بعها كيدرع حتى وصل ليها شدها من خصرها
نور :واء مكملاتش حتى 30 تانية
مجد: مهم ضربتي شي شوية ودابا نويتي بقا شادها من خصرها وكيعوم معاها وهي كتحاول تبعد هو غير مكيزيد بقا كيشوف في عينيها لأسروه من هادي سنين في شمس كيبانو كيلمعو بقا كيقرب ليها هي تصدمات عندها زهر جات موجة قلباتهم
عند انس وقمر
قمر: اش داني نعوم معاك واش نتا كتعومني ولا كتغرق
انس: ههههه مالك عرگتيها ما
قمر: كيقولي واحد راس نمشي عند خوك وهي لغيصلح ليا
انس(جرها عندو) : ا برهيشتي خلي خويا مع حبيبتو مدخليش بيناتهم
قمر: انا برهوشة وخا عقل خليها فيك وشكون هاد ريهام خاصك تعاودليا زوينة بعدا
انس:توتوز
قمر: ايوا من خوك ضبر ضبر حتى نتا شوف ليك شي همزة
انس: هه كنفضل كرموس بلادي على حلوة ناس
--------تفصيل صغير بالنسبة ام مريم واب ديالها ----
--------قصتهم غنحكيلها ليكم في قصة خرا وفي---- --------عنوان اخر وكذلك عنكتب على مريم وخوتها --------وطفولتها ولينا بنت مريم لي ماتت وارتباط --------رانيا بعدنان ودخول زينب المافيا وحتى قصة --------مريام وناصر ولكن ابطالها ايمان و معاد تحت عنوان
--------"المحجبة الغنية،والمشرمل " ولكن بعد نهاية القصة