دازت مدة صمت ونطق سهيل
سهيل: مهم مريم هاوما حوايجك لغتبداي بيهم غدا وباقين تلاتة لبسات كل وحدة و الوقت ديالها
مريم:اوكي
وقفو فواحد بتي ڤيلا بيضة هبطو بجوج ومريم بقات كتحقق فيها وفي نفس الوقت حشمانة من سهيل حيت غيباتو في دار وحدة
سهيل: مهم طلعي ترتاحي ومنين تهبطي ندربو شي شوية
مريم: صافي وخا
طلعات لبيتها وما قداها فرحة دوشات بزربة ولبسات كولون سبور وتيشور غوز مع سبادري في نفس لون هبطات لتحت لقاتو لابس سورفيط كحل شافها بتاسم و تبعاتو لاصال كاين في جيهة لخرا من الڤيلا
سهيل: دابا غنشوف القدرات ديالك عاد غنعلمك الحوايج الاساسية موجودة
مريم: ههه هانتا كتشوف
عند زينب
لجالسة كتخربق في بيسي ديالها جات عندها موظفة هازا كاس عصير
موظفة: مدموزيل واش بغيتي عصير شتك عيانة
زينب:اههه شحال كنت محتاجاه (بتاسمات ليها) :ميغسي
موظفة: من واجبي امدام
زينب بقات كتشوف فيها بانبهار حيت كانت زوينة جمالها برازيلي وزينها كتر هو شعرها لصفر
زينب:بزااف الخدامي يقبلوها ملقات غهادي مهم ماشي شغلي ضبر راسها يمكن مرتاحة
بعد ساعتين ديال خدمة
زينب( وقفات كتآثب):هااااه غنعس اوه شحال عييييت نمشي نضربها بنعسة
مشات تلاحت في الناموسية كومة بقوة العيا
عند جماعة لكاينة في المغرب
غيتة: اوه قلبي ممطمنيش بقا مجاوبات
رياض: وحتا نتي غتوصل غاد تعيط
غيتة: اهااا من البارح ومعيطااات
رياض: وغييتة راه نهار كنديرو في طيارة شحال بغيتي نتي
غيتة: ودااازت حداش الساعة راه بزاااف
ياسين: وصافي الواليدة راه دابا تصوني عليك تلقايها غنسياك
غيتة: علاش خليتها تمشي اوووف
شويا صونات تيلي هزاتو لقات ريتاج لكتصوني عليها(ريتاج بنت خالتها)
غيتة:الو ريتاج كديرة لباس عليك
ريتاج: الحمد لله . كيديرين مالين دار
غيتة: كلشي مزيان واش نور مزااال ما وصلات مصوناتش عليا وقلبي ممطمنيش
ريتاج: نور وصلاات هادي شحال وراها خرجات مع جيداء (بنتها)
غيتة: اوووه طيراتها مني خلعة وغتصوني سمحليا برزطتك
ريتاج:اويلي اش كتقو لي من حقك تشوشي عليها راه كبدتك هاديك
غيتة: يللااه خليتك على الخير وسلمي على خالتي
ريتاج: مبلاغ احبيبية
غيتة(قطعات):شوف بنت الهم ‘ انا فقلبي حارقني وهي كتسارة وغير تعلمني غير بلاتي عليها
رياض:ط حتا نتي عارفة فيها هاد القضية حتا ديك المر دارتها ليك
غيتة:عيرتها وقالت ليا عمرها مغتعاود غير نخليتها تسافر بحدها هاد المرة ماسميتيش غيتة ونتا(رياض):نتا لمفششها هانة غنطلع لبيتي اوووه
رياض:دابا انا اش درت
عماد: ههه هادو هوما العيالات
نجلاء: اش كتقصد
ياسين:ههه الواليد سير طلع عندها راك عارفها اصها غا معامن
رياض(وقف):هاد مك مكينش بحالها واش غندير طحت فيها
ياسين: و طيحة خايبة ههه
رياض : هه كنت بحالك في ياماتك و عقل دابا تلاقا مع شي وحدة لغطيحك بحال باك
ياسين(بتاسم ابتسامة جانبية صفراء وتفكيرو طاح ديريكت في مريم لكتوعد ليها باشر ماطاح في بالول) :خليتك غنمشي نشم الهوا
ركب في طونوبيلتو وكسيرا
جينيفر:حبيبي واش مغنطلعوش نعسو(حطات يديها فوق رجلو)
مجد: قلت ليك متبقايش تحطي يديك عليا فين كونو مع الدار هنا ماشي هي بريطانيا
شافو باه ومو
عماد:مجد وخا ندويو شوية
مجد:اه راك با متحتاش تسولني
عماد:يلاه نمشيو جردة
مشاو جردة وكيشو في ضواو ديال كازا منبعيد
عماد:مالك
مجد:والوا
عماد:راني باك امجد
مجد:نكذب عليك معرفتش حاير كنحس براسي دايخ ومرشقاش ليا
عماد:هاداك الحب اولدي
مجد:الحب ! ههه راني نهار كامل مع جينيفر والوا كنحس براسي هاز هموم دنيا ومافبها
عماد(حط يدو على كتف ولدو رتب عليها) : مكندويش على جينيفر
مجد(شاف في باه) : وعلامن
عماد(شاف فيه وقاس قلبو بصبعو) :لي خدااات هاد القلب وسكنات فيه من صغرها و حد الآن
مجد(شاف في ضواو):واليد نور مابيني وبينها والوا وهادك كان اه حب طفولة ولكن دابا مكاين والوا
عماد : عندك صح حب طفولة مزيان منين ختارت ايمن تكمل معاه حياتها
مجد(شاف في باه وممصدقش) : كيفاش تكمل معاه حياتها معامن مع ايمن(غوت ولا حمر حتى العروقة بانو فيه) : داك الحمار امتا هادشي وعلاش انا مفراسيش والله لا خليتها ليه وخا تشق الارض
عماد: ههه شتي غير كذبت عليك وشنو درتي شوف نصيحة مني كباك متخليهاش شي واحد اخر نتا كتبغيها من صغرها واش حاسبني عور فين توقف ماشي دري كتبغي تمرض وفين تخاصمتو هادي شهر عمرك ماضحكتي (حط يدو فوق كتفو وشاف فيه) نتا ولدي ومغنبغيش ليك ضرر قاتل على ودها وحتا هي تكون تبغيك
عماد تم غادي حتى وقفو صوت
مجد: زعما تقدر تكون كتغيني
عماد(شاف فيه بابتسامة) :ههه كلشي ممكن في القانون الحب و خطف لي بغا قلبك
مجد: الواليد
عماد: ها
مجد: شكرا
مجد: راك ولدي ممحتاش تشكرني
يلااه البنات جمجمو هاديك نجيمة ونزيدكم
أنت تقرأ
انت ملكي يا عنيدتي(الجزء2 من المشرملة والمفيوزي)
Romanceسلام البنات هنا جيت وجبتليكم الجزء2 من قصة المشرملة والمفيوزي لغتكون متميزة إنشاء الله كتر من 3 قصاص وكل وحدة ومضمونها الخاص منساوش الحب العناد المافيا التجنيد بالدالجة تفاعل كتير= مغنتعطلش عليكم
