فتحتهه دولابي طلعت لي فستان عادي لبستو واتمكيجته خفيف وطلعته 😍😍لما جيت مارة بي البرندة عمار شافني وبقى يعاين لي نظرات غريبة حتى انا خفتهه منو😔😔طبعا بتوقع منو اي حاجة اصلا عمار دا عينو زايقة شديد وهو كريه عشان كدا قاعدة اتجنبو بي كل الطرق 😠😠ابرار لبست وطلعنا في العربية انا قعدتهه ورا وعمار كان سايق العربية وابرار قاعدة جنبو😒😒قاعدين يتونسو شايفة عمار قاعد يعاين لي بي المراية 😤😤وصلنا المنتزه انا سرحتهه بعييد وعمار وابرار قاعدين يتونسو سااي ومبسوطين شديد الا انا اموري جايطة شديد 😭😭لما رجعنا البيت دخلته الحمام وانا طالعة لقيت عمار في وشي قرربته اصرخ من الخوف 😭😭قال لي اسكتي يا هبلة وارجعي جوا بجيك اسي 😠😠قلته ليهو عمار احترم نفسك انا بكلم ابرار والله 😡😡قال لي ما ح تصدقك اصلا خلينا نعبر عن مشاعرنا وبي المناسبة جسمك حلو 😍😍انا لزيتو في الباب وطلعته وانا جارية ابرار شافتني عمار طوالي جا ملا ليها راسا كلام كضب والله اعلم هو قال شنو 😭😭💔كنت قاعدة ابكي بي حرقة معقولة عمار دا وسخان للدرجة دي 😔😔بس اتلفت جاني كف طاير لمن حسيت بي دوخة ابرار قالت لي عليك الله يا امنة اخجلي دا تصرف ليك 😠😠تجي تحاولي تعملي علاقة مع راجلي في بيتي ياخي ما خفتي الله فيني 😠😠قلته ابرار هسي في ذمتك لو قالو ليك انا عملته كدابتصدقي راجليك هو الوسخان امشي اساليه 😭😭عايني يا امنة انا ما بسمح ليكي تخربي بيتي ✋قلته وحاات الله انا ما نويت على حاجة يا اختي ومعليش لو جبته ليكي مشاكل انا ماشة من هنا 😔😔ابرار ما ردت علي لميت ملابسي وحاجاتي وطلعته برا وانا خلاااص دايرة اموت من الوجع الجواي وبطني ماشة توجعني اكتر من الاول لدرجة اني استفرغته دم 😭😭💔ما عندي مكان تاني امشي يا ربي امشي وين؟؟ركبته المواصلات مشيت بيتنا الانا اتولدت فيهو بيتنا المفترض يحضني ويحتويني في اللحظة دي 😭😭طلعته المفاتيح فتحتهه الباب بتاع الشارع ودخلته سمعته صوت جارتنا قالت دا منو؟؟قلته ليها دي انا امنة يا خالتو مريم 😊😊قالت لي ايواا اكان دي انتي خلاص تمام 😍😍فتحتة باب البرندة اترميت في الارض من شدة الوجع ال في بطني قمته فوق مشيت فتحتة دولاب امي لقيت تيابا في محلهم كما خلتهم ومشت 😭😭شلته التوب حضنتو وبكييييت على حالتي كنت قاعدة اتخيل شكل بيتنا زمان دا ابوي جا من الشغل وامي سوت جبنة العصر وابرار جابت لي حلاوة من المدرسة وطارق جاب لي ايسكريم من الجامعة واحمد ساقني عشان يفسحني 😭😭💔انا بكيت وطلعتهه الدموع ال كان مفترض ابكيها يوم فراق امي 😭😭💔يعني خلاص اخواني نسو انا منو؟؟يعني انا بقيت اليوم مشردة ومصدر مشاكل لي درجة انهم يطردوني من بيوتهم 😔😔للدرجة دي انا بقيت ما عندي زول يواسيني او يعوضني فراق امي او رحيل ابوي؟؟مرت الليلة دي وانا عيوني ما ضاقت النوم حتى الدموع انتهت من عيوني 😭😭💔قاعدة في الواطة وحاضنة توب امي ما اتحركتهه اصلا انا تاني ما فضل لي شي غير توب امي دا 😭😭سامعة صوت الباب اتفتح اتلفتهه لقيت طارق اخوي واقف مبحلق فيني لما شافني بي الحالة دي قال لي امنة ماليك الحاصل شنو؟؟ما رديت عليهو انا كنتهه شبه غمرانة لي كم يوم ما اكلتهه شي ولا نمتهه 😭😭💔قال لي قومي من الارض احمد قال لي خليتي البيت وابرار قالت لي برضو انو انتي خليتها ومشيتي ماليك؟؟
يتبع
