انا جيت بيتنا داخلة والله ما مصدقة عيوني انو انا شفته وليد 😭💔كان وين ساعة انا كنته تعبانة وكنتهه محتاجاه جمبي ؛؛كان وين وقت فقدته املي في الحياة؟؟😭💔 جاتني مكالمة من وليد ابيت ارفع تاني قام اتصل رديت قلته ليهو مالك بتتصل؟؟قال لي امرقي العريشة برا انا قاعد مع طارق 😒😒قفلته منو ومشيت ليهم؛؛وليد قال لي طارق انا داير امنة ❤❤طارق قال ليهو انت ما شايف البت دي حالته كيف؟؟قال ليهو طارق انا ما بهمني المهم انا دايرة تخطبوها لي الليلة قبل بكرة ✋قال ليهو يا وليد انا ما عندي مانع لكن اصبر نشوف البحصل شنو؟؟ انا يا طارق عارف انو امنة حالته ما بتطمن وانا داير اقيف معاها في كل خطوة وانا مقتنع بي قسمتي 😍❤طبعا بعد السمعتو من وليد نسيت اي حاجة كنته خاتاها ليهو من زعل ولوم وعتاب 💔طارق قال لي امنة انتي رايك شنو؟قلته ليهو بفكر ✋طارق قال ليهو بعد كدا القرار قرار امنة هي تفكر ونشوف البحصل ✋عد يومين ووليد كان قاعد يحاول يرجع علاقتنا زي زمان وانا من حبي ليهو رضيت نحب بعض 😍❤بي الصباح كان لازم اقابل دكتور احمد ؛؛طارق وصلني للمستشفى توليد كان راجيني هناك ❤دكتور احمد قال لي اها ان شاء ما قاعدة تحسي بي وجع في بطنك؟؟قلته ليهو احيانا لكن ما زي زمان 😞😞قال لي امنة شوفي انا في حياتي مرو كتييير من المرضى ؛؛في منهم ربنا كاتب ليهم الحياة عاشو ؛؛وفي منهم قسمتهم غير الاتمنوها بس انا داير منك حاجة واحدة حبي الحياة عشان تحبك ❤اتمسكي بيها عشان تتمسك بيك؛؛قلته ليهو ان شاء الله ❤تمام؛؛ بالنسبة للخطوة التانية يلا نحن ما عندنا اجهزة متطورة هنا في السودان عشان كدا دايرك تكلمي اهلك يسفروك فرنسا هناك في دكتور شاطر اسمو محمد المرضي؛؛اتعامل مع كم اشخاص من النوع دا ونجح 😍❤ قلته ليهو تمام ؛؛طلعته برا لقيت وليد قاعد قلته ليهو نمشي؟؟قال لي تمام ❤ركبنا العربية ونحن ماشين بدون ما اشعر عيوني دمعت 😭😭💔لاول مرة في حياتي احس نفسي دايرة اعيش عشان احب 💔💔شكلو الحياة ح تخزلني ؛؛وليد ركن العربية بي الطرف قال لي بتبكي مالك؟؟قلته ليهو انا ح اموت يا وليد ما تتعلق فيني انا ماشة 😭😭💔قال لي ما تقولي كدا انا معاك خطوة بي خطوة تمام 😍❤رجعنا البيت ووليد كلم طارق انو نحن دايرين نخطب وكدا 😍❤المهم اهل وليد اتقدمو وتاني يوم طوالي كان العقد مافي زمن ❤❤ بدينا اجراءات السفر طلعته جوازي واشرته ؛؛قطعنا التزاكر وتاني يوم كنا مسافرين 💔💔اسيل جاتني اتونست معاي كدااا وقالت لي الليلة انا بايتة معاك عشان اقدمك تمشي فرنسا ❤❤قلته ليها اجيب ليك شنو من هناك؟؟قالت لي تعاليني راجعه بس تاني ما دايرة شي 😍❤
يتبع
