انا كنته قاعدة في الجامعة وليد اتصل قال لي نتلاقى الليلة بعد ما اخلص قلته ليهو خلاص سمح 🐸❤اتفقنا نتلاقى في توتي نشرب جبنة ونتونس هناك ❤❤قال لي امونة قاعدة تفكري في العرس ؟؟ختيت فنجاني تحت ورفعته حاجبي واحد قلته ليهو عرس اسي؟؟قال لي اي مستعدة تتحملي مسؤولية بيت في الوقت الراهن ؟؟قلته حاليا انا ما قاعدة افكر في الاستقرار دايرة اتم دراستي وبعدين نشوف البحصل شنو 😍😍داير تعرس ولا شنو 😂😂💔سكت مسااافة وقال لي انا مسافر بعد يومين😿😿طبعا ماسكة كبايهه المويهه وقاعدة اشرب فيها قمته اتشرقته قلته ليهو تمشي وين ؟؟الساعة الرفع يدو ولبعني في ضهري لمن الشرقة راحت 😂😂💔قال لي ماشي الكويت لي فترة ما محدودة لكن بوعدك بعد ما اكون نفسي برسل يعقدو لي عليك ونمشي نكمل باقي حياتنا هناك 😍😍❤لما اتاملته تعابير وشو اكتشفهه انو هو جااادي في الموضوع طبعا السكات عم المكان لي فترة طويلة لا انا قادرة ارد ولا هو قادر ينضم بي كلمة تانية 😱😱قلته ليهو ومن متين خططته لي موضوع السفر😠😠تقريبا من شهر انا طلعته جوازي واتفقتهه مع ود خالتي ورتب لي امور السكن وداير امشي اتوظف هناك واظبط اموري 😅😅وانا يا وليد اخر من يعلم صح ؟؟امنة الموضوع ما كدا انتي حاولي اتفهمي الوضع انا يا امنة ما بقدر اعصر على اخوي اكتر من كدا كفاية انو رباني وخلاني اتم دراستي لحدما اتخرجتهه 😞😞قلته فيها طيب ما بتقدر تتوظف هنا وتتم باقي حياتك جمبي 😔😔امنة انتي شايفة وضع البلد كيف انا لي تلاتة سنوات متخرج لفييت عشان القى شغل وما قدرته وهسي انا قدمته لي وظيفة في الكويت وقبلوني بي بساطة اظن دي فرصة ما بتتعود ❤❤خلاص يا وليد فوت وسافر بس اتزكر حاجة واحدة تاني مافي واحدة اسمها امنة في حياتي لا تسال عني ولا تراسلني يلا سلام 😭😭💔مشيت على ناداني ابيت اتلفت انا وصلته البيت كيف ومتين ما عارفة جيت داخلة لقيت منال قاعدة تغسل ملابس في الحوش والله ولا سلمتهه عليها وطواالي غرفتي دغري 😭😭💔قفلته الباب واستفرغته كمية كبيرة من الدم حتى انا خفتهه شديد والدم اتسرب بي تحت الباب 😔😔وانا كلما اتزكر كلام وليد الوجع يزيد اكتر ؛؛قافلة تلفوني لي يومين وانا لا قادرة اكل ولا انوم😭😭💔بعدما امي ماتت بقيت وحيدة شديد ما صدقته اصلا انو واخيرا لقيت زول يفهمني ويملا فراغ حياتي الكئيبة فرحة ما قادرة اصدق فكرة انو ما يكون جمبي بي النسبة لي كارثة يعني هو ما قادر يفهم انو هو اخر حاجة فضلت لي في الدنيا دي 😭😭💔بي الصباح بدري دا كان اليوم الموعود ووليد كان مسافر سامعة صوتو وهو قاعد يودع منال وانا لا فيني حول ولا قوة ما قادرة امشي افتح الباب واشوفو ولو لي اخر مرة في حياتي😭😭💔ضرب بي غرفتي لحدما يدو وجعتو قام جدع لي ورقة بي تحت لي الباب وفات 😭😭💔فتحتها قال لي يا منوشة كل القاعد اعمل فيهو عشانك وعشان خاطر تكوني مرتاحة وما تشتكي في حياتك كلها وما تنسي تدعي لي في كل صلاة ما تبخلي علي وما تنسي والله العظيم بحبك 💔💔من هنا حياتي اتغيرت لقيت روحي قدر ما حاولتهه انساهو بلقى روحي بشتاق ليهو اكتر واكتر 😭😭💔وليد بعيد فات وشال معاهو فرحتي وضحكتي وكل حاجة حلوة معاهو 😭😭💔في اليوما ديك فتحته الرسالة ال كان خلاها لي قبال تلاتة شهور بكيييت لي درجة انا ما كنتهه قادرة اتخيلا فجاءة حسيت بي برود شدييد في اطرافي والدم ما داير يقيف وانا قاعدة استفرغ طلعته برا ناديت منال وطوالي بدون ما احس وقعتهه جمب الباب 😔😔💔منال وطارق ودوني مستوصف جمب الباب الدكتور قال ليهم حالتهه حرجة ودوها مستشفي كبيرة عدييل 😭😭💔ودوني مستشفى يستبشرون طوالي دخلوني غرفة الطوارئ فحصوني وكل مرة تاني بيجو يفحصوني الدكتور قال لي طارق شكوكنا في محلها ودا الشي الكنا خايفين منو
يتبع
