اخذوني فصليه وضاعت احلامي😢

البارت 9

ابدي بلبارت قرايه ممتعه ان شاء الله

.....
مهيمن
مرت الخمس اشهر بس شنو كمت احبه حيل يعني اذا اطب للبيت وماالكاهه اكبالي شو شيصير بيه واضل طول اليوم عصبي
بس اكو شغله ان اني مامتقرب منه لين اكول خطيه اله هيه تخليني بس شنو مرات اشوفه لابسه ملابس لو قصيره لو حصر بلغرفه شيصير بيه بلكوه اتحمل حته مرات اضل اليل كله كاعد وادخن عوفكم مني

مره جنت كاعد اشتغل جان يتصل بيه ابو لمى جاوبته

مهيمن .الووو

ابو لمى .اكلك مهيمن بسرعه جيب لمى

مهيمن .شكوو شصار

ابو لمى . ام لمى انطتك عمره

مهيمن .انا لله وانا اليه راجعون انشاء الله هسه اروح للبيت واجيبه واجيكم
خلصت نهيته

كلت خطيه خل تروح للفاتحه مال امه هيه شدخله باخوه هوه اخوه الي كتل اخوي يعني لا اني الي شغل ولا هيه خطيه هم كافي جانت يم اهله متعذبه انوب اجت يمنه ابوي  وامي ماقصروو يكومون ويكعدون يحجون عليه وهيه تتحمل

كلت بله هسه شلون اكول اله وهيه صار ايام خطيه تكلي والله مشتاقه الامي ومحمد ولبنا اخته وهيه تكول امي اكثر وحده احبه

خطيه الام ماتتعوض

المهم رجعت للبيت اتلكتني ببتسامه

وكالتلي الله يساعدك

كتله ويساعدج صبيلي اكل

كلت خل اخليه تشتغل واخبر اهلي

راحت جانت امي موجوده وحوراء وابوي وعلاء ومرته وجهاله

كتله اكلكم تره ام لمى ماتت هسه خابروني هستوه اتوفت

امي وابوي كالو اي هاي حوبتنه

كاللهم علاء يا يمه بويه صدك تحجون

جان كالو لعد اخذو شاب بعمر الورود من ايدي خلهم يضوكون الوعه

جان ابوي كام كبل للمطبخ كالله ولج هي يلفصليه الله اخذ حبتنه منكم واخذ امج منج انشالله الجهنم تطب 

كمنه كنه شفنه شنو موقفه وابوي ماقصر خطيه هم الله يصبر كلبه

مانحس غير طبه بلكاع انباوع هيه مغمي عليه

امي كالت عساكم ماشفتو الراحه ولا تشوفون فرحه بحياتكم عبن اخذتو ابني مني الله لا يوفقكم

ركضنه عليه اني وعلاء ومرته نسرين وحوراء كمنه نرش عليه مي

كلت الحوراء جيبي عطر ركضت تجيب عطر جابت وخليته تشتمه

بلكوه صحت بس  شنو من صحت كامت تملخ بنفسه بعدين

كالتلي حباب وديني الاهلي الله عليك