هلوووو😍😙😙😙
**********************
راحو ابوي وعمامي ومحمد اخوي
اتأخروو
رجعووو اول ماطبو محمد حضني
كتلهم شكو شطلبوو
اخويه محمد كال طلبو فصليه و100 مليون
ماتوقعت هيج يكون الفصل ماتوقعت اخلي تعاستي عله حساب شخص عيشني بلهانه لو اعرف اموت وماروح
اتعرفو عله البطل المكروهه
ولج تحجين علي اني الج مو هسه خل اخلص كتابه اعرف شصرف
يوو دعوفنه منك هسه عرفنه
السلام عليكم اني اسمي مهيمن عمري 28 دارس مخلص شكلي اسمر وطويل طولي 180وزني 87 عندي كفشه وعندي عضلات وماعندي كرش اموت عليه المهم عندي اخوان ثنين واحد عادل صغير عمره21سنه وعلاء عمره 30 متزوج وعنده جهال واختي سلما متزوجه واختي حوراء عمره 16 وامي وابوي عايشين والحمد لله
اشتغل عسكري جنت بلدوام خابروني اهلي انو اخوي عادل متعارك ويه واحد وضاربه وحالته خطره انصدمت وكمت ماعرف طريقي منين رجعت ركض من الدوام للبيت لكيتهم ماهمه بلمستشفى رحت كبل بملابسي مال دوام للمستشفى كالولي مات عادل انهاريت ضليت ابجي ماتحملت اخوي من دمي ولحمي ومو يوم ويومين عشرين سنه عايش وياي اووف عوفكم من جرحي اخذنا غسلناه ودفناه اجو اهل القاتل كنالهم دم بلدم وطردناهم
خلصنه الفاتحه بس حزن والم رجعو اهل القاتل كلنه اله ندفعهم الثمن غالي طلبنه منهم فصليه و100مليون كالو انجيبه الاحد ونسلمكم الفلوس كنالهم هايهيه اتفقو وراحو اهلي كتلهم المن الفصليه كالو الك كتلهم ماريد اني شنو اخذ اخت قاتل اخوي كالو ماكو غيرك سكتت كلت اله اراويه انواع الغذاب عذاب دموع امي الي بس تبجي وماتقبل تسكت واراويه حزن ابوي الي مايكدر يضمه واراويه كسر ضهرنه اني وعلاء بخونه اشوفه الامهات شجيب اني اعلمه اله اراويه انجوم الضهر
واطلع حليب امه من عينه
//////لمى///////
محمد كالي وانصدمت كتلهم ماروح لو اعرف اخوي يموت ولا اخلص حياتي خدامه
ابوي كالي غصبن ماعليج ترحين
لمى.مو بكيفكم خليتوني حياتي كلها خدامه الكم تهينون واسكت تمنعوني من شي واسكت بس كافي بعد لحد لهنا وكافي مااسكت بع ماحسيت غير راشدي عله وجهي
ابوي كالي ولج غصبن ماعليج تخدمينه انتي بنيه خدامه النه المن مخلفج لا فائده منج ولاشي وترحين فصليه واذا سمعت كلمه بعد ماتلومين اله نفسج
سكتت محمد ابصفي اني ابجي واباوعله بس هوه اليحس بيه اجه حضني وكال شبيدنه عليج والله بس ترحين اشهر واجيبج كتله ماريد اروح حباب 😢
كالي ياروحي كتلج اجيبج منهم اشهر تحملي
صعدت الغرفتي وكمت ابجي ضليت مااطلع لحد يوم السبت العصر اجتني امي واختي لبنا لمن ملابسي وضلن يوصني ويواسني وطلع ضليت ابجي لليل لحد ما اجه محمد للغرفه حضني وكالي كوني قويه ولاتخلين احد يضلمج
كتله خايفه
محمد .لاتخافين الله رح يكون وياج
كتله انشالله وكمت ابجي
محمد .ولج لمى مدري شلون رح اعيش بدونج ولج المن اجيب هدايه منو اطلعه من يضوج منو يشاقه وياي بعد وكام يبجي حضنته وكمت ابجي
كتله لا تعوفني بيوم ولا تنساني
كالي انسه روحي ومانساج روحي انتي
ضل للصبح يمي ويمسد عله راسي
المهم ضل يحجي وياي لحد مانمت
اوف ياهذه الصباح
يوم الاحد
كعدني ابوي الصبح بصياح :كومي ولج اليوم ترحين واخلص منج
كتله :ابعمري مااسامحك ولا اريدك وبس اطلع من هذا البيت بعد تنسه عندك بنيه اسمه لمى
كالي: ولي هسه عساس شلون بنيه طايح حضه يله خمس دقايق الكاج مبدله ومخلصه يله بساع كومي كافني ومشه كلت بيني وبين نفسي هاي كل الاباء هيج لو بس ابوي ودموعي ينزلن مثل المطر كمت لبست ملابس وعبايه ومشيت طلعت لكيتهم كلهم موجودين عمامي وخوالي ماسلمت عله احد بس محمد اوف اخ واب وصديق صار الي مو بس اخ ضليت بحضنه ابجي وكتله لاتنساني
ورحت الامي هم سلمت عليه والاختي لبنا هم سلمت ومرت احمد فاطمه وطلعت ماسلمت عله احد بعد لا ابوي ولاعمامي ولا خوالي صعدت بلسياره ومحمد اجه ويانه طلعنه مشينه مو بعيد عن بيتنه تقريب ساعه وصلنه لكينه ولد يطلع عمره بكد محمد تقريب واحد جبير واحد يعني بلثلاثين طببوني للبيت اهلي سلموني تدرون ابوي ضل بلسياره حته مااجه وباسني عمي حمزه و عمي راشد ومحمد سلموني وحجو ويه الولد الواكفين ومحمد كاله هاي امانه يمك لا تأذيهه وطلعو محمد قبل لايطلع اجه كالي اصبري وصيري قويه وسباعيه وباسني وطلعو باوعت وراهم وابجي
اجه من وراي واحد صاح شعندج واكفه ماطبين بصياح اني نزيت نزه والله يمكن صار بيه سكر باوعت شفته هاذه البكد محمد
طبيت واني خايفه من الي منتضرني
كالولي خل يعقد الكم السيد
كعدت وكعد اكبالي هذه البكد محمد بس شنو يمه طويل وسمين ويخوف بده السيد يحجي كال للولد شكد الحاضر والغايب كاله ماكو ولا فلس السيد كاله مايصير كاله اكتب خمسين الحاضر والغايب كتب وبعدين كال اسمج وعمرج كتله لمى اسمي وعمري17
كاله انته عمرك واسمك كاله مهيمن 28
المهم خلص اخذ المواقيه وطلعو بيت بس اني وهوه جان كالي شوفي شرح اسوي اتفنن بتعذيبج واشوفج انجوم الضهر وعافني وطب جوه ضليت بمكاني وابجي كلت اول تهدين بعدج بلبدايه ورح يتفنن بتعذيبي اووف شراح اشوف بعد
^^^^^^^^^ يتبع^^^^^^^^^
ها راضين عليه والله طولته البارت احبكم وشاركو بلتعليق 😘😘😘😘
الكاتبه زهراء
أنت تقرأ
اخذوني فصليه وضاعت احلامي😢
Fiksi Umumقصه حزينه حقيقيه 100% وصاحبت القصه موجوده تتابع التعليقات 😙 اتركم معا احداث القصه
