#خيانه الحلقه 3
نورس:حسيت الدنيا دارت بيا ومعش قدرت نوقف 💔خطيبي طلع واحد حقير ونسونجي قعمزت نبكي وانا نادمه ياريتني ماسيبت نزار ع خاطر عريس تافه 😭😭😭💔اه ياقلبي وحرقته
ابتهال:خشيت لي دار النوم نحيت بدلة الجلوه ودوشت لبست روب خفيف طرفين طرف قصير وطرف طويل وخشيت المطبخ ندير في قهوا ....بعد شوي نسمع في الباب نفتح وقلبي دق يارب يكون مزاج عصام كويس اليوم 😨
ابتهال:ع سلامتك ☺️
عصام:😒سلمك خشي شهوده
ابتهال:ياعمررري محلاها البنوته الصغنونه
شهد:تشبحلها وتضحك ....بابا هاذي علوسه؟
ابتهال:انتي يلي عروسه حبيبت قلبي تعالي معاي نعطيك حاجه هي
شهد:مشت لي حضن ابتهال تجري
ابتهال:دخلتها المطبخ وعرفت انها قاعده متعشتش حطيت القهوا لي عصام وعشيت شهوده ورقدتها
عند بنات العم :-
العيله كلها كل حد رجع لي حوشه بحكم ان خلاص العرس كمل ❤️.
ملاك:مهند 24ساعه يتصل وانا نبكي وبس وااااعره لما تكوني خاطبك حد وقلبك مع غيره ياريته عرفت قيمتي بس ومخانش والله كنت نصونه ومستحيل ياخذني غيره 💔💔
خديجه؛شنووو😳خيرك شن جاك العفو
نورس:تبكي .....امي خلااااص انا معادش نبيه بكرا نوتيله حجاته وبنفسخ كل واحد في طريق
خديجه:بنسبه ليا انا من البدايه مش راضيه ع الخطبه هاذي تعالي يا ساره هدرزي ع اختك بالك نلقو حل ....وطلعت
نورس:😭😭😭😭💔
ساره:قعمزت وتمسح ع راس نورس....احكيلي شن صار
نورس:طلع خاين حقير معفن
ساره:به ممكن تكوني فاهمه غلط او شي
نورس:مسحت دموعها ....لا شفت كل شي بي عيني
ساره:به اهدي هوا الخاسر اصلا ماما تو تكلم واحد من خوتي ينهي معاه الموضوع
نورس:ياريتني قعدت مع نزار 😭😭
ساره:اسكتي نورس معادش تقولي هكي بعدين اصلا نزار بعد سيبتيه يبي اميره بنت خالك وخلاص الخميس الجاي بيانها
نورس:قعدت ساكته وتتكلم في داخلها .....مستحيل انا نفسخ واميره تكمل حياتها عادي لا ومع منو مع حبيبي السابق ليش لما كنت معاه علاقه مخطبنيش شن فيا زايد عليها يعني 💔بس رح نوريهم 🔥
ابتهال:رقدت شهد وطلعت للمطبخ بتشرب اميه وتسأل في روحها زعما عصام وين؟وصلت للمطبخ وحست بي حد واقف وراها 😨
عصام:جبدها من يدها
ابتهال:بسم الله خيرك خوفتني
عصام:كلمتين غيرهم لا لازم تعرفي ان بنتي اغلا شي عندي فاهمه متزوج ع خاطرها لا اكتر لاكن قلبي قاعد مع امها اي تصرف غلط مع البنت حوايج وحوش بوك
ابتهال:قعدت ساكته ونشوفله 😨منزلتش من عيني ولا دمعه قعدت متجمده في مكاني
عصام:طلع للبلاكونه وولع دخانه
ابتهال:قعمزت ع كرسي طاولت الاكل يلي جنبي وانا خلاص معنديش حيل حتا نوقف 💔يمكن مبكيتش لان قاعده محبيتاش ولا تعودت عليه كيف رح نتصرف توا؟؟؟؟ انا طول حياتي قضيتها في قراية الروايات وقريت هلبا روايات بنت تتزوج واحد ميحبهاش وبعدين يحبها ❤️رح نخليه يحبني ان شاء الله رح يحبني
