#خيانه الحلقه 11
المهم قدمت ملاك الضيافه لي عزوزتها وحماتها وقعمزت تساير فيهم لين سمعو برا دووووشه كبيرااااا ورصاص..
ملاك:شن في😨😨😨
سالمه:ان شاء الله خير يارب
زُهره(عزوزة ملاك):يااا ربي سلم
بدت الدوشه وصوت الرصاص عااالي هلبا لين طق باب الحوش
سالمه:تو نفتح😨😨😨...
ملاك:اشرت براسها يعني تمام
سالمه:خير العفو شن فيه الدنيا مقلوبه
خيري(بو ملاك):تو تعرفي علاش😡خشي نادي المرا وبنتها بيروحو
سالمه:مسرع هما كيف وصلو 😳
خيري:ناااادي المرا وبنتها قتلكككك😡😡....وطلع
سالمه:تلبكت ومعش عرفت شنو تقول ...نوضو روحو ولا شنو وكانت خااااايفه من الدوشه يلي صارت برا ومش فاهمه شي اول مرجعت لي الصاله لقت زُهره وبنتها يلبسو
سالمه:خيرك العفو قعمزي
زهره:قامت حاجبها ....هيا يابنت وقت
ملاك:كانت مصدوومه ومش فاهمه شي
سالمه:العفو خيرك يا زهره استهدي بالله
زهره:خذت بنتها وطلعت بدون متتكلم
سالمه:ياحي علياااا شن يلي صاير
ملاك:بدت خااايفه وقلبها بيطلع بس نش فاهمين شنو يلي صاير
في المربوعه:-
الهادي:متأكد من يلي قاعد ادير فيه؟بنتي في شنو غلطت فيك ولا في عيلتك
عصام:ياعمي الله غالب في النهايه حجات زي هادي قسمه ونصيب وانا وبنتك متفاهمناش مش شرط تكون غلطت فيا بس كل واحد تفكيره في اتجاه وزي مخشيتلك بلمعروف بنطلع بلمعروف وبذن الله حقوقها كلها تكون عندها
الهادي:تمام ربي يعاونك المهم فهمت منك ان بنتي زي مربيتها مغلطت في حد تقدر تروح
عصام: ارتبك وناض....في امان الله
خيري:بعدددددددددي من عليا ياسالمه
سالمه:غير استهدى بالله يا خيري مش هكي خلينا نفهمو بس
ملاك:😭😭😭😭😭😭😭
خيرى:وقف وداااهش ووجها احمممممررر
سالمه:تعود من الشطان وعدي روحك
خيري:استغفر الله....وقعمز
سالمه:اشرت بي عيونها لي ملاك بمعنى اطلعي
ملاك:طلعت وهيا تبكي بس قعدت واقفه قدام الباب تبي تسمع شن صار
سالمه:بعد صمت طوويل فتحت الموضوع بي صوت خايف....قولي شن صار
خيرى:تنهد...مهند ولد خوي
ملاك:😨😨😨
سالمه:خيره؟
خيري:جاني اليوم الصبح في المحل قالي خلي ملاك تفسخ ونبيها ولد عمها اولى قتله ميجيش ها الكلام حني عطينا كلمة لي الناس واليوم بيحددو العرس
سالمه:به؟😳😳😳😳
خيري:حاول كم مره وانا سكرت راسي لين طلع واليوم خش عليا بي سلاحه قدام الناس وقعد يلز فيهم حشمني الكلب هوا
ملاك:من صدمه حطت يدها ع فمها🤭
سالمه:معقوله مهند 😳شن خطر عليه ملاك توا
خيري:اكككيدد بنتك الكلبه المش متربيه عندها يد في الموضوع لاكن تو نوريها
سالمه:لا يا خيري والله مصارت مدخلها بنتي ونعرفها كان ليها علاقه بيه راهو لاحضت
خيري:سيوره يبان كله قوليلها فسخو العرب ومعادش فيه لا عرس لا مرس
سالمه:حطت يديها ع راسها......ياربي علي حض بنيتي خيرها متفرحش زي البنيات😭
ملاك:ركبت نجري لي داري نبكي فرحاااانه من داخل معرفت ليش يمكن لاني فسخت من واحد منحباش ولا شفت مهند دار حاجه ع خاطري ؟
