#خيانه 17 والاخيره
حبيباتي ياريت تقروها كلهااا فيها كلام مهم ومتنسوش لايك ❤️
ابتهال:خشت لي الصاله وهيا متوتره قعمزت جنب امها بي هدوء....امي
حواء:ترغي في الشاهي ....نعم
ابتهال:بي صوت واطي ...في موضوع نبيك 5دقايق
حواء:شن فيه ان شاء الله خير😨
ابتهال:شبحت لي بوها يلي كان مقعمز ويتفرج ع التلفزيون....نوضي معاي الدار
حواء:سيبت الشاهي وناضت بسرعه
خديجه:وراس بنيتي فكري ع الاقل
ساره:ساكته
خديجه:كلنا عارفينه صهيب ولد ناجيه والله كويس وبخدمته وحوشه مشاء الله
ساره:خليها علي ربي تو نصلي استخاره ويصير خير ان شاء الله
خديجه:فرحت ...ياااارب
حواء:كيف😍😍😍امتا كلمك
ابتهال:من اسبوع تقريبا وقال انه يبي نحددو يوم ويجي لي بوي يتفاهم معاه عشان يردني
حواء:انشاء الله ياااااارب يهنيني عليك به وانتي شن موافقه؟
ابتهال؛حسيته تغير معاي ونادم فقلت اي عادي ليش لا
حواء:تمام تو نكلم بوك ياااااارب يكمل عليك
ابتهال:😊😊
طق طق طق
خديجه:سااااااره ساااااره شوفي منو ع الباب
ساره:اهلا اهلا ياعمر خالتو انتي يا قلبي
نورس:هاك ساكوها انا مروحه مع 6العشيه مش معطله
ساره:غير خشي سلمي ع الاقل
نورس:مستعجله والله مفيهاش كيف هي سلااام...وطلعت
ساره:ربي يهدي....وبعدين شافت لي البيبي...ياعمرررري الحلوه انتي😍محلاها حبيبة خالتها محلاها
نورس:كيف؟
مؤيد:حاولي تكملي بكري اليوم عندي خدمه منعرفش امتا نفضا ونجيك
نورس:عيونها في التالفون تبعت في مساجات لي نزار ....به به
📩انا كيف وصلت انت وين
نزار:نشوف فيك مدرس قدام النادي
نورس:تمام نخش ندير دوره لين يمشي مؤيد وجاياتك
نزار:تم
✨روايات بنووتة الشيخ،اروى الطاهر المسلاتي✨
محمد:تي هيا عطلت ع الاولاد
ساره:به يامحمد عارفني لاهيا مع بنت اختك
محمد:يلبس في الكدار...وخيرها كل يوم ملوحه بنتها وطالعه
ساره:حدفت عليه الطاقيه....هاذي طاقيتك ومدخلكش انا شادتها ولا انت
محمد:وين امي
ساره:كيف طلعت مش لي حوش عمي خيري
محمد:انا طالع متبي شي؟
ساره:سلامتك
نورس:اول مشافت مؤيد مشي طلعت وركبت مع نزار ولبست خمار وطااار بيها
خيري:وهوا يسحابني بنلوح بنتي بساهل هكي ؟
حواء:لا عندك حق اشرط عليه كييييف ماتبي
خيري:تو نكلمه ونقوله يجيني بكرا في المحل وان شاء الله خير
ابتهال:واقفه في الباب نسمع فيهم وقلبي بيطططلع
نزار:طول الطريق رايق وجوه مليح وفاتح الاغاني ونورس تناشب فيه واديرله في لقطات اغراء زي تنحي عبايتها في السياره وكانت لابسه روب لين وصلو قدام الاستراحه
