فصليتي اسرائيليه

البارت الرابع

عفت امي بحالة هستريا بالشارع
وفتت لغرفتي اركض حطيت راسي على المخده وكمت اشهك بجي ابجي وابجي ما اعرف شنو فصليه ولا اعرف شنو راح يصير بيه بس الاعرفه هذا الشي راح بأذيني وراح انحرم من ماما ومن جامعتي ومن دراستي بسبب هالحقير الخنزير اسامه اووف
ثاني يوم الفجر ساعه ب٥ فزيت سمعت صوت سيارات صوتهن قوي مبينات سيارات حديثه باوعت على البرده ضوه خافت قليل يفوت منه وغرفتي بارده واني متلفلفه بروحي ما هتميت للصوت الي سمعته ردت ارجع انام وباب غرفتي نفتح بقوه اباوع وراي مره جبيره بالعمر لابسه شيله بيضه وثوب اسود وجهه ابيض بس مبينه من ملامحها حقيره
اني: منو انتي شنو هذا شدخلج لغرفتي؟؟
ام اسامه: كومي يا حلوه شنو ماخذج النوم وابوج يفتر من دهر الدهر كومي
اني: شنو دتحجين انتي عجوز صيحي امي شدخلج لبيتنه بهيج وقت؟
ام اسامه : اني عجوز اي صح اني عجوز لان صدك راح تشوفين تصرفات ما راح تعجبج ومتطلع اله من عجوز انتي والكحبه ام الرجوله امج
تقربت مني ام اسامه ولزمتني من ايدي ونزلتني حوه اباوع امي مشدود حلكها وعيونهه حمر من البجي وتناشك اني صحت ماماااااااا مااااامااااا شنوووو هاااي امييي كام رجال ما اعرفه كلي يله سيارات بالباب اني كلت شنو سيارات شنو ( ياربي بس اريد اعرف شتعرف من حياتها كوله شنو وشنو) وكعت يم امي وابجي يمهه وفتحت حلكها وهي صرخت ولج بنتي ولج شمامة كلبي ولج شمعة عمري ياخذوج مني ( لا وامهه متعرف حتى دافع عن روحهه مخلصتهه بس تبجي عجيب امرهن صدك المرأه لا حيل ولا قوه)