فصليتي اسرائيليه

البارت الثاني

للكاتبه : سجى احمد
اني:صباح الخير ماما
ماما : صباح النور كومي يلا بنتي تأخرتي على جامعتج
اني : يدلييييي رسل تموتني اليوم واني احتاج سنه كامله يلا اخلص تبديل
ماما :ههههه رسلان بسرعه خلصي بنتي لتروح عليج اول محاضره بالجامعه
اني: ماشي ماما كايمه
كمت بسرعه بدلت لبست تنوره قصيره فوك الركبه بشويه لونها اسود وياها قميص بنفسجي غامق وحذاء بنفسجي ولفيت شعري كعكه طبعاً شعري كولش طويل ولونه فحمم ما اخلي شي لبشرتي لان من غير شي يكولولي مكيجه
رحت للجامعه وصلت متأخره كعدت يم رسل كالبه وجها
اني : صباح الخير يا عسل
رسل : صباح الخير مو شكد نتضرتج وانتي ماكو متبطلين عادتج من تتأخرين
اني : رسل قابل متقصده بس تدرين بيه اسهر اقره وما احب اقره بالنهار واكعد متأخره وامي ماعرف شبيها تكولي كعدتج بس هي ممكعدتني
رسل : مدري شبيها مو😒
اني: يدلييي انفش لهذا الوجه العسل
رسل: ههههههه عوفج هسه مني شوفي ذاك طالب جديد بالقسم صيدله والبنات متخبلات على جماله
اني: ترا جماله عادي على شنو متخبلات
رسل: حقج انتي ماتنعجبين اب احد لان كولهم منعجبين بيج
اني عابت😒
رجعت للبيت وره محاضره كانت كولش ممله ميته تعب ما اكل نمت وما احس اله امي تصيح جوه اني فزيت بسرعه ونزلت اركض لكيت رجال كاعد يم امي وامي تصيح لالا مو صياح عياط وصريخ اني خفت كولش كلتلها ماما شبيج باوعت للرجال باوع عليه ونزل راسه كتلها ماما منو هذا الرجال كالتلي انتي معليج روحي لغرفتج وسدي الباب ومتطلعين ابد منها
اني ما قبلت كتلها شلون اعوفج بهاي الحاله وهذا الرجال يمج وانتي تصرخين صاحت بيه خفت حيل ركضت لغرفتي وسديت الباب وكعدت ابجي اول مره اشوف امي بهيج حاله هستريا باليل نزلت لكيت امي وحدها وتبجي كعدت يمها وحضنتها وكلتلها لا تعتبريني بنتج عتبريني صديقتج وكوليلي شنو صاير ليش هيج حالتج منو هذا الرجل؟
امي باوعتلي وحضنتني حيل وكامت تبجي بقوه وتكول احنه مضلومات وهذا الضلم ما ديفارقنه كتلها شنو شبيج ماما حبيبتي سولفيلي
كالتلي ماكو شي بنيتي بس لا تعتقدين اتخلى عنج بيوم ماشي بنتي اني ما جاوبتها بس هزيت راسي بس احس اكو شي ممرتاحه للوضع كولش

٣٠٠ ناقه هنا سردت الكم القصه السطحيه بس يا ترا صدك ما راح تتخلى الام عن بنتها؟ ويا ترا رسلان راح تتقبل الي راح يصير بحياتها
يتبع...