#عند_رفاء
رفاء قمعزت:ها كنك وانتي مااتريحي حد
هناء:بنحكيلك علي أيوب
رفاء ضحكت ضحكة هزوة:عارفته يبيك قديمة
هناء:لا يااحمارة مش هكي أيوب يبيك انتي
رفاء:كيف انتي شنو اتقولي بلاش برادة وكذب
هناء:والله مانكذب أيوب يبيك انتي
رفاء;هناء مااادرهيش كبدي وفكيني مالكذب وبعدين لو صح كلامك راه جا حكالي عساس بيتحشم مني انتي عارفة كيف انا وايوب علاقتنا قوية وكيف غاليين علي بعضنا
هناء:ماهو عشان هكي ماعرفش كيف ايفاتحك في الموضوع عشان صداقتكم القوية ولان عارف ان غالي عليك خايف ماتفهميش صح ويخسرك
رفاء:الكلام هذا مستحيييل
هناء:تمام مستحيل معناها ارجي نعطيك حاجة وشوفيها وبعدها كذبيني براحتك وصبت هناء من سريرها وفتحت دولابها وطلعت جاكة الها وحلت الجيب اللي من جوا في الجاكة وطلعت منه رسالة وجت الرفاء ومدتها الها
هناء:امسكي شوفي
رفاء;شنو هذي
هناء:افتحيها وتوا تعرفي
مسكت رفاء الرسالة وفتحتها وقعدت تقرا فيها وكان مكتوب فيها
(بعد التحية:
رفاء بنت العم اللي جوها ايهبل اللي غالية عليا قبل كل شيئ مش عارف شنو تفكيرك تجاهي توا بس اللي نعرفه ومتاكد منه اني غالي عليك واجد بس انتمنى يقعد اكثر من غلا رفاء انتي مش عارفة شن دايرة فيا مش قادر انبطل تفكير فيك وفي كلامك وفي ضحكتك في حركاتك في كل شيئ فيك ماتستغربيش مني لما انقولك اني انحبك اها انحبك ومن زمان وحبك قعد كل يوم يكبر عن اليوم اللي قبله حاولت اكثر من مرة نحكيلك بس ماقدرتش حاولت انعبرلك بالاغاني لو تذكري يوم كنا كلنا ملتمين في حوش حني وجيتي جايبتلنا حليب في الليل القيتي نسمع في أغاني وكلمتك قتلك اسمعي الاغنية هذي كانت أغنية #على_بالي وكن قاصدك بيها بس انتي مافهمتيش وقلتيلي ماانحبش شيرين بس خلاص معش نقدر اندس حبي اكثر ولازم انقولك اني انحبك وبكل صدق ولعند توا مافيش بنت ملكت قلبي غيرك ولا حتقدر وحدة تملكه بعدك
رفاء انتمنى اتحسي بيا واتخلينا ناخذو فرصة ونوعدك مش حتندمي في يوم انك حبيتيني ياريت ماتسريعي بالحكم علي حبي وترفضيه عشان والله حتنتهى حياتي لو قلتيلي لا لان شعوري معاك توا عمري ماحسيته ان شاءلله مااتكونيش قاسية في قرارك عليا واخيرا حنقعد انحبك لين انموت )(الكلام هذا كان مكتوب بالحرف في الرسالة الحقيقية اللي بينهم💛)
بعد كملت قراية الرسالة كانت مصدومة مالكلام اللي فيها
رفاء نزلت الرسالة من يدها
رفاء:امتى عطاها لكي
هناء:الها يومين عندي تذكري لما جا جايب بابا الاحد اللي فات اليوم هذكي عطاها ليا
رفاء:وماخفتيش حد ايفتش الدولاب ويلقاها وبذات ماما ديما اتفتش في دبشنا
هناء:ماهو قعدت كل مرة انحطها في مكان عشان ماحد يفطنللها المهم توا شن رايك في الكلام
رفاء:ماعنديش راي ولا الموضوع هذا حيصير منه لان بإختصار أيوب زي خويا وماعمريش حطيته في اي مكان خاطي هكي
هناء:بس فيه حاجة انتي مش عالمتيها وحتثبتلك اكثر ان هو يبيك بجديات
رفاء:شنو
هناء:ايوب اليوم خطبك من باتي
رفاء بصدمة:شنوو كيف خطبني
هناء:اليوم لما طلبوط العلاء هو حجرك
رفاء بعصبية:واتقولي يبيك هذا مايبينيش هذا امه موصيته ايدير زي مادارو في مروة
هناء:لا يارفاء انتي عافرة ايوب مش زي امجد
رفاء:زي بعضهم كلهم امهم مسيطرة عليهم لانها مااتحبش امي لا اتحبنا
هناء:والله أيوب ايحبك جديات
رفاء:هذا كذاب وبيخرب الخطبة يعني قصته مش معايا حتى لو كنتي انتي اللي انخطبتي كان دار هكي
هناء:لا يارفاء انتي اكثر وحدة عارفة ان ايوب مش هكي
رفاء:انا نعرف كيف انوقفه عند حده
هناء:قصدك ماتبيش اتوافقي عليه
رفاء:مستحيييل
هناء:حتى بعد خطبك
رفاء:اكثر شيئ ايخليني نرفضه لان خطبني بطريقة خوه أمجد وياريت معش تحكيلي عليه وصبت من جنبها ومشت للحمام وبعد اشوي ردت خشت السريرها ورقدت دغري
