قومي يازفتة انتي الليلة ما ماشة المدرسة😕 اتاخرتي🤓
ياخ غوري من وشي انا ما ناقصاك 😒
طييييب مش ما عاوزة تصحي 😤يااااااااابساااام🎙
خلاص خلاص قايمة يازفتة 🤬الزول اصلو ما يرتاح معاكم 😏اصلا دي اخر سنة وتاني ارتاح من كواريكك الما بتنتهي دي 💃🏻
جات امي وادتني محاضرة طويلة عريضة عن كسلي وكلو بسبب الحيوانة منيرة دي 💦😗
يا مرام تعالي اشربي الشاي قبل تمشي عشان ما تجوعي من الصباح😏
لكن يا امي عمو عثمان بفوتني اكلمو واجي تمام 😇
نزلت تحت وكلمت عمو عثمان يستناني ورجعت شربت الشاي وجبت لي عمو عثمان كباية☕ وشوية كيك🍰 قال لي شكرا انا شربت يابتي تسلمي
قلت ليهو الله يسلمك يا عمو بس ياريت ما تخجلني امسك اكل الكيك طيب لو ما عاوز شاي 😊
# كسرة😁
اعرفكم على نفسي انا اسمي مرام احمد 🙃عمري 16 طولي 160 جسمي مليان😉 عيوني عسلية👁 ورموشي طويلة💁🏻♀ شعري لاخر ظهري💇🏻♀ با اختصا مزززة قاطعة 😌(اي مالكم عاجباني نفسي ) مجنونة 🤓وشقية وطوااالي معزبة اهلي وجايبة ليهم مشاكل بي فصاحتي😅 وطولة لساني😜 (مرة كنت طالعة مع لميس صاحبتي حا تعرفوها قدام 😃وسقت عربية امي وانا اساسا اول مرة اسوق وكان عمري 14 المهم انا ملشة دخلت بالعربية في محل وكسرت ليهو القزاز بتاع المحل 😪 الراجل مسكني وقال الا يوديني الشرطة قمت اتصلت لماما وكلمتها جات دفعت الغرامة وودت العربية الورشة عشان يصلحوها😅 ومن يومها عملو لي سواق 😌)وعموما اسرتنا صغيرة ولد البكر واسمو بسام (ده الهددتني بيهو منيرة🤪 لمن ما اصحى ليهم بجي بجك موية باااردة🥛وبصحيني بيها ) عمره 24 خلص جامعة لكن لسه ما اشتغل .
وبنتين انا واختي الكبيرة منيرة (يب يب انا الحتالة اصغر واحدة😘في البيت عشان كده مدلعة 😌)منيرة عمرها 21 وقرت صيدلة جامعة مامون حميدة
نبع الحنان واسمها ناريمان 😍عمرها 42سيدة اعمال وزولة طموحة جدا عرست بابا في عمر صغير بس بابا كان زول متعلم وراقي وما منعها من انها تواصل قرايتها والحمد لله واصلت واشتغلت مع انو نحنا حالنا ممتاز جدا😌 بس برضو كانت ما بتحب تقعد في البيت😕 زي ما بقولو بتقضي وقت في الشغل وبتفرق على روحها 😪
ابوي السيد احمد عبد الرحيم مهندس معماري وجدي كان داعمو في موضوع الدراسة ده وسفرو مصر وقرا هناك وعمره 50 وحاليا عندو شركة معمار اسمهاM.M.B (مرام .منيرة وبسام )اي عظمة وكده 😌😂😂😂
نرجع لعمو عثمان بعد شال مني الكيك ووصلني المدرسة وهناك لاقيت شلة الفساد ميساء😍 ورنا 😍ولميس😍
ديل اعز اصحاب لي ومن زمان من الابتدائي نحنا ما افترقنا ابدا وبعرفو عني اي شي وانا كمان بعرفهم اكتر من روحهم
ميساء عمرها 16 زي يا اخواننا هي وحيدة امها وابوها 🙂 بت جميلة بكل معنى الكلمة انيقة وبتحب الطلعات والمظاهر (رمة خلاص💦😗 )
نفسها تقرا هندسة
دي رغبة الشلة كلها بما فيهم انا 😌😉
رنا بت كيوت وحلوة😘قصيرة بس ماشديد بعني القصر الحلو داك شعرها بني وطويل وناعم🧝🏻♀ لونها جميل وصافي وظريفة😘 وزولة ونسة وقعدات☕ عندها اخت واحدة صغيرة اسمها رتاج 😍عمرها سنتين وعسوولة وحتى مرات بقول ليها يارنا انتي متاكده دي اختك 😕🙂😂😂😂👌🏻
لميس بت ظريفة ومجنونة انا وهي فايتين الناس مسافات في الجنون لكن قدام الناس ملائكة بس😇
عندها اخوين اكبر منها واسمو منذر وبقرا في لندن
واصغر منها واسمو محمد
نحنا حاليا قاعدين في السعودية وفي الرياض تحديدا انا طول عمري ما شفت السودان غير مرة واحدة لما اتوفت حبوبتي ام ابوي وكان عمري 11🤭يعني لسه طفلة وما بتذكر كيف شكلها زاتو واساسا ما قعدنا كتير اسبوع بس😝 وكان فيهو البكاء ولمة الناس وانا كنت رغم عمري الصغير ده مفترية😌 وعقلي اكبر مني بكتير 😏
وهسه انا في ثالثة ثانوي ورغم جنوني ده بجي اولة الدفعة 😌
ووراي صاحباتي (ما بنغش ولا شي بحققنا😜)
وهسه امتحانات الشهادة قربت وخلاص كتمت فينا 😅😂
نرجع المهم لاقيت البلابل (مع اني ماعرفاهم ولا حصل مرة شفتهم لكن بسمع اسمهم عند ابوي وامي وهم بقولو انهم 3اخوات المهم اسكتوا ما توروهم🤫 )
مما دخلت لميس شغالة قريص ورنا ترصع وميساء في مرايتها (كلمتك اهم شي عندها شكلها وبرستيجها قدام الناس💦😗 )
قلت ليهم مالكم ياخ انا حساسة ابعدو مني شنو المسترجلات ديل 🤨
رنا :ليه اتاخرتي يا مرض🌚
لميس :اي نحنا من قبيل مستنينك ما ممكن معاك ياخ🙉
قبلت على ميساء لقيتها بتحمر لي قلت ليها مالك ساكتة ما تجي تقرصي معاهم 😏
ما كنت قايلاها بتجي😳 واااي قطعت لحمي المؤفنة 😩
المهم بعد معركة واكلو من الاسنيكرز حقتي حتى خلوني (بتاعات مصالح🤫💦😗)
والله حسيت نفسي مصاحبة تماسيح 🐊ما ناس 😂
المهم دخلنا الفصل اخذنا الحصص وطلعنا على البيت 🤯🚗🏢
دخلت البيت وكان مظلم قعدت انا دي في امي ما في زول رد لي ونادين منيرة وبسام ماف رد برضو وبديت اخاف وقعدت ابكي واكورك ليهم 😭 فجاة اسمع صوت بقول لي ....
يتبع......
