اتلفت شفت مروة قالت لي ولاا يهمك ما تزعلي حبيبتي ديل متخلفين وشايفين روحهم على الفاضي ما تركزي معاهم وارح نكمل الحفلة 😉
قلت ليها انتي ما سمعتي قال لي شنوو بت شوارع تخيلي انا بت شوارع يا مروة 😭😤😤😤
انا لو ما انتي اصريتي علي ما كنت حا اجي والله جد واصلا كنت ماشة اتكلم مع صاحباتي لكن انتي كنتي زعلانة عشان كده جيت لكن تاني ما برجع كرامتي فوق كل شي 😔✋🏻
قالت لي طيب ارح انا زاااتي ما عايزة اكملها لو انتي ماشة 😓
قلت ليها امشي دي صحبتك وحا تزعل وانا برجع براي طيب😇
قالت لي كيف ترجعي براك انتي الطريق الجينا بيهو ما عارفاهو استني بس اجيب شنطتي واجيك يلا وما تناقشيني 🤫
طيب يلا بس ما تتاخري 😅
ده كلللو وهم لسه واقفين والبت شغالة بتبكي وقالت بس استني وشوفي انا حا اعمل فيك شنوو😾
قلت ليها بصوت عااالي اعلى مافي خيلك اركبيهو وانا مابهموني امثالك يا تافهة 😒
شوية وجات مروة وصلنا البيت وانا طبعا ما بحب ابكي قدام زول طلعت غرفتي وقفلت الباب علي وبكييت تاني قمت صليت ركعتين ونمت 😴😪
تاني ما صحيت الا الساعة 10:30 مشيت اخدت دووش وماما جاتني جارية قالت لي جدك تاني تعب وفي العناية البسي وارح معانا
قلت ليها ما بقدر مصدعة وراسي حا يتفجر
قالت لي مالك الحاصل عليك شنوو يابتي ادوك عين😧😱 ( عين شنو كمان تقول هي الحور العين 😏)
قلت ليها بس امس رجعت متاخرة وماقدرت انوم عشان كده
قالت لي طيب بس ماشة اجيب ليك دواء وجاية ما تتحركي من هنا فاهمة 😐
قلت ليها ما ضروري بروح بس عاينت لقيتها مشت جابت لي اكسترا بلعته ونمت طوااالي 🤒
صحيت قريب العصر سمعت صوت ناس بكوركو وبكاء وصريخ ومن الاصوات دي صوت امي
نزلت تحت لقيت ناس كتيرين وببكوا سالت ماما في شنوو ماردت لي خفت ثلت ليها بابا مااالو وبسام كويس ولا منيرة الحاصل شنو ياخ😭وروني ما ممكن اكون كده ما عارفة شي
جاتني مروة قالت لي تعالي معاي فوق طلعت معاها وقالت لي شوفي يامرام واسمعيني وافهمي كلامي ده كوييييس جدك اتوفى والله يرحمه وهسه جايبين الجنازة والخبر ده جانا قبل شوية بس كان في العناية وفجاة السكر والضغط حقه ارتفع وربك اخد امانتوا كوني قوية ويلا انزلي معاي تحت عشان نودعه (صح انا ما كنت بجي السودان كتير لكن جدي كل ما اجي كنت بقعد معاهو وكنت متعلقة بيهو شديييد وفجاة يتوفى كده وما شفته )
قعدت ابكي وقلت ياريتني لو مشيت قبيل وشفته ياريت لو ما قعدت هنا ياريت ياريت 😭😭😭
مروة قالت لي ده قضاء وقدر يلا قومي البسي ده طلعت لي عباية وطرحة لبستهم ونزلت قعدنا شوية كده وانا اصلا مصدعة وكان حايتشق راسي بالصداع بس استحملت والنسوان اصلا ما سكتوا وبكوركوا باعلى صوت وانا خلاااااص كنت حا اموت انا برضو 😖
بس ختيت راسي في يدي وعاينت في الارض وكل مرة اشوفها بتقرب لحد تاني ما صحيت الا وانا في المستشفى 😷
الدكتور قال لي حمد لله على السلامة ليه ارهقتي روحك كده وانتي في الحالة دي
قلت ليهو حالة شنو انا عنيد شنو يادكتور😓
قال لي يعني ما عارفة انتي عندك صداع نصفي وعلاجه ما صعب وبكتب ليك ادوية تاخديها اول باول وما تاخري ولا شي منها تمام 😁
قلت ليهو طيب
قال لي يابتي ما اوصيك اياك والزعل والانفعال فهمتي انا ماعرفته باثر عليك بشنو بس لازم تعملي فحص ورسم لقلبك❤ احتمال يكون ضعيف وانا كنت سرحانة لحد ماطقطق لي بيدو 👂🏻👋🏻 قال لي سمعتي قلت ليك شنوو
قلت ليهو ها اي معاك تاني قلت ليهو بس وين امي وديل والجابني هنا منوو
قال لي امك واختك بس هسه طلعوا وجاء اخوك قاعد برة بصلي
قلت ليهو لو سمحت ممكن وانت طالع تناديهو لي بلييز ☹
قال لي طيب يلا انتبهي على نفسك والدواء في وقته لو جليتي بالغلط انا ما مسؤول من البحصل 😤✋🏻
طيب حاضر😇 🤫
بعد طلع شوية كده وجاني بسام وشكله كان ببكي قلت ليهو مالك بتبكي قال لي انتي ما وروك
قلت ليهو بشنو
قال بوفاة جدي
يادووووب هنا انا اتذكرته وحاولت اجمع وقعدت ابكي قعد جنبي ومسكني قال لي ما تضغفي ابوك وانا وكللنا صعب علينا بس الدنيا اصلا كده 😰✋🏻
قلت ليهو طيب بس ممكن تجيب لي اكل جوعاانة قال لي هسه مش كنتي بتبكي 😳
قلت ليهو انت ماالك يلا امشي بعد طلع بكيت لما تعبت واتذكرت كل مواقفي مع جدو وقعدت انكش شعري
جاء بسام فجاة شافني بالمنظر ده وقال لي مالك مش هسه كنتي كويسة 😕😳😳
قلت ليهو ده جدي يابسام بس انا ما بحب ابكي قدام زول
قال لي يا غبية انا اخوك لو ما بكيتي قدامي تبكي قدام منو 😕😒
طيب طيب اديني
قال لي سمعتي الدكتور قال ليك شننو
قلت ليهو قال لي بس عندي صداع نصفي واداني ادوية قال لي طيب جيبي اشوف مواعديها شال الكيس وقال لي من هسه بديتي اهمال دي حبة قبل الاكل
قلت ليهو اه ما بهمني ده كلام دكاترة وبضخموا الامورعادي ببلع في اي وقت😋
قال لي طيب يلا قومي عشان نمشي البيت قلت ليهو ما ماشة
قال لي ليه
قلت ليهو ما بقدر اتذكر واشوف الناس بنهار والله ما بقدر
قال لي طيب قومي ارح نمشي مطعم وناكل اسكريم 🍦🍦 طيب يلا
مشينا مطعم واول ما دخلت اشوف ليك البت الاقتني في الحفلة واتشاكلت معاها 🤨
طوااالي كشرت وقلت لبسام ماعاوزين نقعد في الطاولة دي
قال لي ليه في شنو يا منفسنه
قلت ليهو بس كده ولا ارح نرجع 😠
قال طيب ما تفوري ارح
مشينا قعدنا بعيييد منها وكان تقريبا معاها زول بس ما شفته لانو كان مديني ظهره 😐
المهم ما ركزت معاها تاني بديت اكل وطبعا لما ابدا اكل ما بتفاهم وشربت العصير وطوااالي رميت القارورة جات في نفس الطاولة الفيها البت وكمان ضربت الولد في كتفه وتمت الباقي 😳
قلت لي بسام م مم ماشة الحمام انا دقيقة بس طوااالي جريت الحمام 🏃🏻♀عشان لو شافني بنكد علي وانا ما بقدر نكد وزيادة على العلي 😏
مشيت بس ما خشيت وقفت جنبها فجاة جاء المابغباني 😳😨
جاء وقف قدامي وعاين لي مسااافة قلت ليهو خييير ياطييير في شنو مالك 😒
قال لي متخلفة دي انتي قايلاني فايق للشفع الزيك قلت ليهو نعععم انا شافعة يا متكبر يا معولق 😤😡
رفع لي حاجبه وقال لي طيب انا شايفك ويييين 😯
👀👀👀
قلت ليهو مشبه بس يلا طير اختاني بالله 😏
قال لي شوفي نفسك واقفة ويين 😁
عاينت للافتة لقيت مكتوب حمام رجال طوااالي وشي بقى عامل كده 👈🏻😳😳😳😳😳😳😳😳😳
جريت ما وقفته ولااا حتى رديت ليهو
مشيت لي بسام قلت ليهو يلا ارح قال لي ليه اتاخرتي كان في زحمة ولاشنو 😅
قلت ليهو اي اي زحمة مباااالغة 😫🤯
قال لي يلا طيب ماشي اشغل العربية يلا ونحنا ماشين كده اتذكرته قلت لبسام دقيقة بس اطمن ناس ماما ما كلمنام اننا طالعين وبتكون قلقت علينا 😶😧
قال طيب اتصلي فتشت مطبقتي ما لقيتها قلت لي بسام دقيقة بس اقيف تلفوني 📱ومطبقتي ما لاقياهم بكون نسيتهم في الحمام انت امشي وانت بلحقك تمام
قال لي بس ما تتاخري😊🙃
قلت ليهو طيب يلا
مشيت وصلت الحمام كان فيهو تقريبا راجلين كده كباار يعني ما صغار بكون اعمارهم30/29 المهم انا مترددة اخش وبفهموني غلط ولا ما اخش المهم اتوكلت وخشيت قعدت افتش فجاة احس بيد لمستني 🤐😨
😳😳😳😳😳👈🏻اتلفت لقيتو واحد من الراجلين قلت ليهو ااااا انا جج جيت اشييل تلفوني نسيته هنا 😭😢
قال ليييه مالك انتي شكلك نسيتينا نحنا برضو ولا ماكده يا عسل 😉
بس من قال كلمة عسل دي انا خلاص ركبي عفريت وبقيت ببكي 😭😭😭😭
واقول عليييك الله خليني يستر عرضك سيبني انا زي بتك النبي تخليني 😭😳😨😨😨
قال وييين تمشي واخليك هو الزول بلقى قشطة زي دي كل يوم 😛
طبعا انهرت بالبكاء بس سمعت صوت بقول ليهو لو راجل اتراجل علي انا ماعلى البنات ياوسخ يا تافه 😠😡🤬الراجل فكاني قال ليهو شنو مااالك يامان دي اختك ولا شي
قال ليهو دي خطيبتي 😤انت لو راجل ما بتعمل الحركة الجبانة دي 👊🏻
الراجل قال ليهو احسن ليك تمشي نحنا ما بنلعب مع شفع 🤫😠
الولد طلع مسدس قال ليهو وحتى انا مابلعب يلا امشوا كن هنا عشان ما ابلغ للشرطة واتصل عليهم يجوا يلموكم وانتوا من هسه تعتبروا مراقبين فهمت 😊
يلا ما اشوفك هنا طيروا يلاااا 😒😡
ده كللو وانا ببكي وواقعة في الارض والراجلين فاتوا شكلوا خوفهم
جاء علي لقاني قربت اموت من الخوف وببكي وشغالة عليك الله سيبني 😭بقى بهز فيني وقال لي يابت اهدي انا ما حا اعمل ليك حاجة والله
وانا لسه ببكي وبكورك عشان ما يلمسني
بس ماحسيت الا بكف في وشي 👋🏻 حتى وعيت قلت ليهو انت منو وانا وين وبسام اخوي وينو 😭
قال لي اسكتي صرعتي راسي الرجال دي بلطجية وانتي الجابك هنا شنو مش قبيل نبهتك انا ده حمام رجال ولا تكوني براااك بت ....
قبل يتمها صرخت في وشه لما عاينت لقيتو نفس الولد القبيل كان مع البت ديك والاديتو كف في الحفلة 😕😳😱
قلت ليهو انا نسيت تلفوني هنا بس عشان كده رجعت اشيلو وبعدين بعدين وتاااني قعدت ابكي وجاتني زفس حالتي ديك
بس تاني جاء بسام لقاني واقعة وهو قاعد جنبي
قعد يضرب فيهو قلت ليهو بسام لاااااا ده انقذني من الوحوش ديك ما هو الاتهجم علي وبرضو كمت شبه ما واعية وانا بقول كده 😭😭😴🤧😬😬😬😬 بس تاني وقعت من طولي وبس لقيت زول برش فيني موية بااارد فتحت عيوني لقيت بسام والولد ومعاهم مراة والبت ديك القليصة 😒
قلت ليهو بسام ما تضربه هو ما غلط والله
قال لي اي كلمني واعتذرت ليهو والرجال اتقبضوا وطلعوا مشبوهين
بس تاني سالت الولد قلت ليهو انت من وين جبت المسدس قال لي انتي مالك بيهو 😒
عاينت ليهو ورفعت حاجبي قلت غااايتو الحسنة ما بتنفع فيك
بسام قعد يضحك قال انتي بتخاطبي نفسك عالفكرة 😂😂😂😬👊🏻👊🏻👊🏻
قلت ليهو ننن ظريف 😒👋🏻
قال لي اصلا 😌
رجعنا البيت الضيوف وناس البكاء رحلوا ناس جدي واول ما وصلنا طلعت غرفتي
اتصلت لي ميساء وقالت لي عنيد ليك مفاجاة ☺🙃
انا جاية بعد اسبوع تقريبا
قلت ليها احلللفي 😳....
يتبع .........
