دخلت البيت وكان مظلم قعدت انادي في امي مافي زول رد لي وناديت منيرة وبسام بس ماف رد برضو وبديت اخاف وقعدت ابكي واكورك ليهم😭 فجاة اسمع صوت بقول 🎊كل سنة وانتي طيبة مرووووم 🎊وعقبال ال10000شمعة يا حبيبتي 😊
وجريت لي لميس وميساء ورنا حضنتهم وقلت ليهم ربنا ما يحرمني منكم يااا
لميس قرصتني قالت لي تميها يا شنو🌚👊🏻 قلت ليها يا تماسيح😪🐊🐊وميساء شغالة تعاين وراي اتلفتت لقيت بسام بتضحك 😳 قلت ليهو انتوا متفقين قالوا لي اي 😂 عندنا كم مرام نحنا🌚 لميتهم كلهم وحضنتهم وبقيت اكورك وانطط وكان يوم حللو وقطعت التورتة🎂واتمنيت انو ربنا يخليهم لي ولا يحرمني منهم ابدا
بعد شوية قعدت اتلفت ماما لاحظت لي قالت لي مالك 😳
قلت ليها وين بابا 😭
قالت لي جايي😂👊🏻
بس اسمع صوت بقول ربنا يخليك لي يا اميرتي الحلوة جريت حضنتو ( بابا صح قاعد معانا لكن نادر ما اشوفو بطلع من الصباح قبل اصحى😪 برجع 12بليل يعني ما بنتلاقى كتير الا يوم الجمعة والسبت زاتو مرات بكون شغال )
قلت ليهو ليه اتاخرت 😩
قال لي عشان ده 🤯
وطلع كرتونة كبيرة من وراهو قال لي كل سنة وانتي طيبة وعقبال الالف شمعة😘 قلت ليهو ربنا يخليك لي وما يحرمني منك ☺
مشينا شغلنا اغاني واكلنا الكيك وطقطقنا البوالين (طبعا احلى شي البوالين ديل😂👊🏻 )
بعدين جاني بسام باس لي راسي واداني هديتو وبعديهو البلابل 🤫
واخر حاجة ماما قلت ليها رضاك بالدنيا بس احلى هدية انك ترضي علي😁 قالت لي الله يديك العافية وراضية عليك يا بتي
كان يوم متعب وفي نفس الوقت حلو 😍 واحلى شي الكيك😋 طلعت غرفتي وبديت افتح في الهدايا اول هدية حقت بسام لقيتو جايب لي 2علبة نوتيلا وجلكسي🍫 4علب ومعاهم ساعة ⏱وطقم فضة كان حلو شدييد
وبعديها فتحت حقت بابا كان فيها مفتاح سيارة مرسيدس🚗 وشوية شوكلاتة وفساتين ونزلت ليهو جررري بستو في راسو وقلت ليهو انت احسن اب في الكون 😚 قال لي لكن ما حتسوقي انتي حا اجيب ليك سواق لما تتعلمي تمام 🙂قلت ليه ما مشكلة حللو وطلعت غرفتي فتحت هدية البنات جابوا لي ايفون 7📱 😘😍قلت لالالالالالا مستحيل يكون ايفون ياهم ما صاحباتي التماسيح يا ده لعبة😂 ( زولتكم عندها شوية جفاف ولسه ما مصدقة وما متعودة صحاباتها يهدوها حاجة زي😳 ) قلت انا كنت مفتكراهم حا يختو لي ضب ميت🦎 او صرصور 🦗
مسكت جوالي اتصلت عليهم وقعدت اصرخ يا تماسيحي🐊( عندها جفاااف😂👊🏻)
ميساء قالت لي : عارفنك ما بتنفع معاك الحنية والذوق كان نخت ليك ضب 🦎😂👊🏻
رنا قالت لي طفولة مشرردة
المهم قعدنا نتونس لحد12 ونص ولميس الوحيدة الكانت ساكتة ما نطقت ولا حرف 😳 قمت طوالي قفلت منهم
واتصلت ليها:-
انا :مالك الليلة يا لميس ما طبيعية 😪
قالت لي ماف شي بس تعبان شوية من جيت من المدرسة شغالة في التجهيزات حقت عيد ميلادك 🙂
قلت ليها متاكده😑
قالت لي اي يعني حيكون في شنو بس 😁 قالت لي انا نعسانة عايزة انوم عاوزة شي ؟!😔
قلت ليها لالا سلامتك😟
ومرت الايام وامتحان الشهادة فضل ليهو يومين بس 😩 وانا مقضياها مشاوير من بيتنا لناس لميس لحد ما جاء اول امتحان وكان قران وامتحنا كلنا تمام الا لميس ما عارفة مالها مشيت قعدت جنبها قلت ليها انتي الايامات دي ما طبيعية 🧐
قالت لي ماف شي
قلت ليها لما تكذبي كذبي على غيري انا بعرفك اكتر من روحك فاهم احكي لي في شنوو سورعة 😖
قالت لي انا هسه ما بقدر اكلمك لمن احس الوقت مناسب بوريك تمام 😔
ماحبيت اضغط عليها وقلت ليها تمام يازولة يلا ناكل اسكريم🍦 ومشينا لفينا وشفنا برج المملكة🏢 (اكيد شفتوهو 🌚) ورجعنا البيت ومرت الايام وباقي لينا اخر امتحان وهو الانجليزي امتحننا كويس ونحنا طالعين قلت للميس ما جاء الوقت تكلميني الحاصل معاك شنو 😐
قالت لي بتعرفي برااك 🙂
رجعت البيت لقيت ماما عاملة خلية وبسبوسة وحاجات تانية بحبها جيت طوالي نطيت ليها في رقبتها 🤪
وقلت ليها الليلة الحاج متغدي معانا ولا شنو ومعاها غمزة😜قالت لي بطلي امورك دي وتعالي رصي معاي 😤
قلت ليها حااضر ورصيت معاها الاكل
سالتها قلت ليها يا ماما وريني في شنووو قالت لي انتي مالك امشي الغرفة وخلي اختك تجهز وساعديها بالله
قلت ليها لكن يا ماما
قالت لي امشي بس بدون لكن 😊
مشيت لقيتها قاعدة قدام المراية وبتتبسم ساااي جيت برااحة بدون ما تشوفني شلت كباية عصير🥃 كانت في التربيزة (هي طربيزة ولا تربيزة 🤪المهم يلا ماعلينا🌚) كشحتها فيها قالت لي يوووووووه يادوب خلصته مكياج هسه مازن يجي يشوفني بالمنظر ده 😣
قلت ليها نعم نعم الاخت بقت تحب من وراي والله اكلم ماما الا تديني الفستان الرمادي المكسرني داك 🤤
قالت لي كلميها
مشيت نزلت بالحديدة بتاعت السلم وكوركت يامااااامااااا بتك بتحب ليها واحد اسمو مازن😀
امي قعدت تضحك قللت لي عاارفة 😉
انا وشي بقى عامل كده😳😳😳
قلت ليها كيف يعني عارفة
قالت لي جايين الليلة يطلبوا يد اختك وهو اهلو سودانين وقالوا حا يعملوا العرس هناك 😃
طبعا انا لسه مصدومة 😳😳😳ليه ما كلمتوني وانا اخر من يعلم 😣 صحبتكم جررردل 😪
طلعت ليها فوق لقيتها بتتكلم مع سيد الريد مزوني (مالكم عجبني اسم مزوني😑) نشلت منها التلفون وجريت بيهو طلعت السطوح وهو شغال يقول في كلام كده رومانسي (كبير عليكم لسه 😂👊🏻) وانا ولا اتلفتت شلت تلفوني وسجلتو وبعد قفل نزلت ليها تحت لقيتهة شايلة لي الوصلة عاوزة تضربني 😳قلت ليها والله تهبشيني ما بمسح التسجيل ده 😜وسمعتو ليها جرت وراي لمن التلفون وقع مني بس الحمد لله بسام مسكو 🤤
قلت ليها ماااااابمسحو😜👊🏻
بسام قال لي شنو هو قلت ليهو التسجيل حق حبيب الهارت وديك الطيرة قال شنو خجلت (منيرة شنو البتخجل غايتو جنس محن😏) بقت تقولي لي احسن ليك تجيبيهو قامت جاية علي رميتو لي بسام شالوا وجرا بيهو بقت تقول والله مابخليكم بس خلي ابوي يجي😉🤬
بسام قال ليها اذا قدرتي تمسكينا وجريت عليهو وضربت كفو 😅(مجنين قلت ليكم 😏) جات علينا حولت تشيلو بسام رماهو لي وتجي علي ارميهو لبسام لحد ما قعدت تبكي امي
قالت لينا خلاص كفاية كده ادوهو ليها 😡
بس فجاة نسمع صوت الباب دق بسام مشى يفتحو وانا كؤيت العواليق دي ولبستها ونزلت تحت قال شنو عاوزين يشوفوها 😏 ( تشوفوا النبي واصحابه ) قالوا لبابا والله نحنا ماعندنا مشكلة وبنتك دي زينة وسمحة لكن عندنا شرط 😅
ونحنا ما بنقدر نلزمكم بس ده كلام اهلي وانتوا لو ما موافقين عادي لكن ياريت توافقوا 🙂
انا قلت في نفسي مش شايلين الفقرية دي من وشي شيلوها مجااان 😂👊🏻
(ابو مازن اسمو محمد)
عمو محمد قال لابوي يا احمد ياخوي نحنا عاوزين نعمل العرس في السودان رابكم شنوو
ابوي قال ليهو .....
يتبع.....
