عمو محمد قال لابوي :يا احمد ياخوي نحنا عاوزين نعمل العرس في السودان رايكم شنو
ابوي قال ليهو ما عندنا مشكلة ابدا وزاتو احسن لانو ابوي👴🏻واهلنا كللهم هناك 👨👩👧👦
قال ليهو خلاص على بركة الله نقرا الفاتحة 🤲🏻 ولبسوا الخواتم
وحددوا العرس بعد شهرين عشان مازن مسافر لندن وهو اساسا شغال هناك وحا يسوقها معاهو 😊
ومرت الايام والليله النتيجة صحيت بددري وقعدت اصلي وادعي (الصلاة يوم القيامة ما بتنفع يا مرام 😏)(مالك اصلا بصلي 😒) صليت وقريت سورة البقرة ونزلت تحت قلت لي ماما ماشة للميس عشان نشوف نتيجتنا📈 قالت لي امشي خلي بسام يوصلك عشان عمك عثمان اعتذر وقال مرته في المستشفي ضغطها ارتفع عشان كده ما بقدر يجي 😅
قلت ليها سلامتها😊
وطلعت فوق لي بسام لقيتو فاتح اللابتوب وشكلو كان بتكلم مع زول لما شافني قفلو 🤨قلت ليهو يا اخوي حبيبي ونور عيوني
قال لي عاوزة شنو سوورعة عندي شغل 🧐 قلت ليهو عاوزاك توصلني قال لي ما بقدر قلت ليهو ماشة للميس عشان النتيجة ما رد علي 😒
بعد شوية قال لي انا عندي شغل ما بقدر ( هوهو العاطل بقى شغال😎 ) قلت ليهو ماما قالت كده عشان عمو عثمان مرتو عيانة واعتزر قال ما بقدر يجيعاين لي مسافة 😑 قلت ليهو والله ما بكذب امشي اسال امي لو ما مصدق 😏قال لي ربع ساعة جهزتي كان بها ما جهزتي ما بوصلك قلت ليهو انا اصلا جااهزة قوم يلا
وصلني للميس ولقيتها على حالها داك مكتئبة وشاردة قلت ليها مالك ماردت لي قلت ليها لو ما كلمتيني تاني لا صحبتك لا بعرفك فاهمة 😡 قالت لي ياخ كرهتوني زاتو كل دقيقة تسالوني مالك اي صح انا متغيرة وفي سبب تعالي مش عاوزة تعرفي يلا وكرتني من يدي فتحت الدرج طلعت ليها روشتة وورق حق فحوصات قريتو واتجمدت في مكاني 😳
قلت ليها كيف تدسي علينا حاجة زي دي مرض خطير زي ده وما تكلمينا ونحنا صاحباتك على شنو لو ابسط شي ما بتورينا ليهو عندك سرطان في المخ ونحنا اخر من يعلم 😠🤬وهجت فيها وقعدت اكورك وابكي قالت لي ماكلمتكم عشان ما تخافوا بس ما عشان حاجة تانية وانا خلاص حااموت حااموت يعني ما فرقت وكان احسن ما اكلكم كنت عايزاكم تكرهوني عشان لما اموت ما تتاثروا وتواصلوا حياتكم عادي😔طوالي بدون ما اشعر اديتها كف قلت ليها كيف تقولي كده وانتي ما حتموتي حا تعيشي وتواصلي حياتك عاادي وما حيحصل ليك شي بس خليك واثقة بربنا وقوي ايمانك بعدين ضميتها وهي لسه شغالة تقول لي انا حا اموت حا اموت قلت ليها حتى لومتتي حا تبقي صحبتي الشبح👻( دمك ميت غايتو يا مرام 😹👊🏻)قعدت تضحك قالت لي ما تكلمي ناس ميساء ورنا تمام قلت ليها طيب بس اوعديني انك تعملي البقولوا ليك حرف حرف فاهمة وما تنكسري للمرض وماف داء الا وليهو دواء تمام تمشي تتعالجي ولا تشيلي هم انك عيانة عادي المرض ما عيب تمام قالت لي تمام بحاول
قلت ليها لا ما تحاولي حا تنفذي اوعديني
قالت لي وعد 😊
قلت ليها دي صحبتي البعرفها يلا قومي البسي عشان نمشي لميساء من الصباح بتنق عشان نمشي ليها يلا سررعة مسافة البس مشت لبست وطلعنا المدرسة انا جبت 92😌ولميس90وميساء 87ورنا88 ( بي حركاتكن دي ما اظن حقاتكم الدرجات دي 😒) بي حققنا 😛
شلنا نتائجنا ورجعنا بيت ناس ميساء قعدنا ناكل في شوكلاتة ( طبعا ميساء بتموت في حاجة اسمها شوكولاتة وفي السعودية رخيصة عشان كده عندها تلاجة صغيرة في غرفتها مليانة شوكولاتة🍫)وبعدين جابت بوشار حضرنا فيلم البطلة فيهو بتموت بالسرطان
بس عاينت لقيت لميس ماف سالت ميساء قلت ليها وبنا لميس قالت لي مشت هسه الحمام بتكون 🌁مشيت لقيتها بتبكي قلت ليها مالك قالت لي انا ما حا اموت صح قلت ليها انتي وعدتيني بشنو😑قالت خلاص ما بقول كده تاني يلا طلعنا لقينا ميساء البقرة خلصت البوشار🍟🍟حمرتا ليها 😑👊🏻وجينا نطينا فيها وكانت لسه بتاكل عشان تغيظنا 😛 قعدنا اتونسنا حبة قامت ميساء سالتني حا اقرا الجامعة وين قلت ليها ما عارفة لسه وانتي قالت لي انا ماما قالت لي تقري في السودان عشان تعليمهم قوي وسالت لميس وانتي قالت لي مش بالاول اعيش 😔( متخلفة دي والله لو محلها بتدلع للاخر قال اموت قال ما كلنا ميتين😏 اي عارفة عديمة هارت وهيومنستي😌👊🏻 ) قلت ليها تاني ابقي مرة قولي كده
وميساءما عارفة شي بس شغالة تعاين لي وانا بردح ليها 😳قالت لينا يا حيوانات في شنو حكيت ليهو وقعدت تكورك ليه ما كلمتوني وووووو قلت ليها ما تزيدي هم البت انا بحاول انسيها وانتي بتزيدي ليها في همها 😑👊🏻قالت لي خلاص لكن اتغظت منكم كان على الاقل تكلموني سغيلات 🤬 قعدت تواسي فيها قمت قلت ليهم ما كلمتكم منيرة خطبوها والعرس في السودان بعد شهرين 😌ميساء نطت قالت لي كمان ده تاني خبر انا ما اعرفه لت ليها ابردي الكلام ده قبل فترة ما بعيدة 😒لميس قالت وين رنا ليه ما قلتو ليها تجي ميساء قالت الليلة بتضبحنا المسترجلة دي 🐸🙊 قلت ليهو دقيقة اتصل ليها فتشت الجوال لقيت نفسي ناسياهو في البيت قلت للميس جيبي جوالك ادتني ليهو قعدت افتش في رقم رنا لاقاني رقم مسجل ب❣My hart❣ سالتها منو قالت لي ده رقم اخوي 😇ماصدقتها مشيتها (قال رقم اخوي قال انا مسجلاهو ب My💩) قلت ليها امم تمام لمن اخلص بجي اشوف حكاية ماي هارت دي شنو هسه ما فاضية ليك بس استني 💪🏻
اتصلت ليها سمعت صوت راجل بتشاكل معاها وهي ما قصرت شغالة ليهو الفاظ وكواريك انا خفت عليهو (مسترجلة دي 😏) ردت لي قالت الو قلت ليها لالا بالله كان تكملي شكلتك قالت لي ده واحد حمار رش فيني موية كان بسقي في زرع🌱 وملابسي كللها اتملت طين 🌚قلت ليها تعالي نحنا في بيتةميساء قالت لي ما بقدر اجي لانو ملابسي ما بتتشاف 🙉 قلت ليها تمام يلا بااي
مشيت قلت لميساءتعالي وريني الحمام بوين 🐻
قالت لي لاصقة هنا ليك 16سنةما عارفة الحمام من وين حمرت ليها 😑جات مشيت معاها دخلتها غرفة وقفلت الباب قالت لي لا الا شرفي ( معولقة دي 😑😏👊🏻)قلت ليها ياخ بطلي لميس دي محتاجانا نقيف معاها بانو مرضها ده ما ساهل ومحتاج دعم معنوي كبيير فاهمة ( عاملة فيها فيلسوفة كان ما قريتي قلت ليهو اياك تكلمي رنا لانك عارفاها لسانها اطول منها وكل دقيقتين حا تذكره ونحنا عاوزنها تنسى ( اجي يا المرض البتنسي😏 ) بس اسمع ليك صوتها في التلفون قالت لي بشنو ما بتكلموني يا رمم 😡 ااااووووووف الخط كان فاتح وسمحت ( براك شليقة ما كان تقفليهو 😏👊🏻) بس في اقل من ربع ساعة البت كانت معانا وما لقينا حل غير نكلمها وقدت تبكي وقلبته لينا عزاء وقالت ليه ما كلمتوني يا عواليقات انا ما صحبتكم وقعدت تردم وتردح ( سلسانها اتبرأ منها البت دي 🐸👊🏻) قلت ليها عشان كده ماكلمناك تقلبي لينا عزاء هنا وكل دقيقة تذكريها 😒عاينت لميساء نظام اطردينا عشان الحيوانة دي لسانه لي بكرة حا تقعد تبكي ما عندها مشكلة خاااالص (شفتو النوع الزي رنا ده هو الخرب سمعة النسوان وطلع علينا اننا بنبكي كتير 🐸👊🏻) ميساء فهمتني قالت لينا يلا كل دجاجة على عشها 🐓عاوزة انوم يلاااسررعة برره لميس قعدت تضحك (هسه ده حال زول عيان محن غايتو🐱) رجعت البيت كنت نعسانة و هلكانة شدييييد ردت بس ما نمت ناس امي وبابا باركو لي النجاح ونمت بليل جاتني صحية الساعة 2ونص اخدت شاور سريع ( كللو عرفناهو الحمام نص الليل شنو كمان🙉) ونزلت تحت المطبخ شربت موية 🥛وعملت سندويتش فراخ🍗🍔وانا طالعة بالسلم سمعت منيرة بتتكلم بالتلفون دخلت براحة الغرفة طلعت شبشبي وفنيتها بيهو👡👡👡😈 وجيت طلعت غرفتي قعدت افكر هسه هي تحبو كده وبمشكلة تاافهة يسيبها وتتعذب وكنت خاتة في بالي انو الحب ده كلام روايات وقصص وكلام فارغ سااي وقعدت افكر في لميس ومرضها وانو صعب يتعالج خصوصا لو كان في اخر مرحلة😔
بس قعدت ادعي ليها 🤲🏻شالتني نومة😴 وصحيت متاخرة نزلت تحت لقيت ماما في غرفتها بترتب في ملابسها وملابس بابا قلت ليها ماشين وين😳 قالت لي بكرة مسافرين السودان
قلت ليها لكن مش مفروض مسافرين بعد اسبوع 🤯قالت لي جدك جاتو جلطة وهسه في العناية المركزة 😥قلت ليها طيب وين بابا قالت لي في الصالون مشيت ليهو سالته قال لي ماف حجز قريب الا الاسبوع الجاي عشان كده مسافرين بكرة طلعت غرفتي رتبت ملابسي 👗👕👖👠🧣🌂👛👒في الشنطة 🎒🔐 واتصلت على ميساء وكلمتها ردحت وقفلت منها واتصلت للميس قالت لي انها مسافرة المانيا عشان العلاج قلت ليها ما تخافي اتوكلي على الله بس😊
قالت لي .......
يتبع...
عاوزة ارائكم😃😇
ناس تم واب اختوني😘😒
