اولا اعرفكم عني انا اروى وعمري 17 سنه وعندي اخت اسمها رنا دي عمرها 14 سنه حتي تسنيم عمرها 10 واخ عمره 4 سنين اسمه مجد احنا حالنا الحمدلله ميه الميه وامي مرام وابوي سالم واحنا عايشين وفي يوم من الايام
رنا :ي اروي اصحي ناس محمد جاين (دا ود خالتي وغياظ شديد)
اروي :ويعني
رنا:ع راحتك
اروى :احسن
ونمت لمن اسمع ليك الباب والجرس ودا كلو ماف زول يفتح حتي اسمع اصوات السلام حتي قمت جهزت ولبست بنطلون اسود وبلوزه حلاويه وطرحه سوداء نزلت سلمت وساعدت امي للفطور وفطروا وبعدين طلعت فوق للسطوح واصلا كنا مأجزين بعد مسافه سمعت صوت ود خالتي نسيت اسمو رامي قالي ي مجنونه بقيتي عاقله وبتفكري وقاعده في الشمس عاينت ليه باستخفاف وقالي امك قالت لي ماشين بورتسودان بعد يومين قلت ليه اكيد عشان ارتاح من شوفتك وضحك قالي وانت لاقيه (عمره 22وخلص جامعه مدير شركه بس عقل ماف) بعد دا كلو نزل وانا ما كنت عارفه انو حنسافر بس فرحت وطوالي اتصلت علي صحبتي اسمها لمار دي اغلي من روحي زاتو دي اكتر من اخت وهي قدري ومعاي في نفس الجامعه بس الفرق انو هي خالطه مع ولد بنات الجامعه كلهم مكسرات فيه اسمه باسل خريج المهم اتكلمت معاها وكلمتها بالسفر وقالت لي خلاص بعدين بجيك لان هي اسي مع باسل وضحكت وقلتليها لمن نتلاقي قفلت منها نزلت امي قالت جهزي شنطتك سرعه عشان نمشي بكره لخطوبه خالك المهم جهزت ولمن جات لمار واتونسنا وكالعاده ما خلت هديه ما جابتها ع اساس وداع وكدا ومره تبكي ومره تفرح وانا بس بضحك لمن ضرب باسل وودعتني ومشت وانا نمت لمن جات تسنيم ساعه 4 صباحا وصحتني وبعد معاناه جهزت ومشينا للموقف وطبعا وصلنا ساعه 3 والوقت دا كلو نوم في الباص لمن وصلنا وزي ما عارفين سلام وونسه لمن ساعه 12 حتي أنا اصلا مهلكه بس مشيت رقدت نمت ما صحيت لما ساعه 11 ومشيت فطرت وعندي صحبتي اسمها أسراء هي صديقتي شديد وساكنه جنبنا في بورتسودان مشيت ليها لاني مشتاقة ليها سلمت عليها واتونسنا بعد شويه جاء سلم علي ولد كبير يعني 20 سنه المهم هو شكلو قايم من النوم لكن شياكه عجيبه واسراء ما بتقصر عرفتني عليه اسمو احمد ود خالتها المهم مشا بعدين سألتها من امها قالت لي طلعت مشوار واسراء دي عندها اخت واخ بس وهي اصغر وحده المهم احمد جاء اتونس معانا بصراحة هو اكتر من ظريف بعدين استأذن لان عندو مكالمه ومشي وانا مشيت البيت وونسه وكللم لما ضرب لي رامي واتونستا معاه ع اساس ود خالتي لاني ما عندي ليه حاجه والايام مرت ونفس الموال لمن يوم من الصباح حددنا نمشي البحر بس شباب انا واسراء وبت خالتي اسمها رزان الاحنا عندهم هي مخطوبه اتصلت بخطيبها عشان يلاقينا واسراء واحمد وحبيب اسراء اسمه أمجد وتسنيم ومشينا وطبعا تسنيم ما من النوع الاجتماعي بتحب تحووم من وصلنا لافين انا وهي وطبعا اسراء وبت خالتي ما فاضين واحمد اصلا ما بيوقف كلام في التلفون وبعد رجلي وجعوني رجعتا للناس وما فضلي الا اقع وتسنيم ولا همها هي اصلا بتمشي كتير ويتحب المشي كرياضه مع انها ما سمينه والشباب قالو نمشي نقعد في طرف البحر جبنا كراسي وقعدنا في طرف البحر وفي شكل دائره وانا كرسي بتاعي علي البحر لمن والكرسي خفيف قعدت ومع الطين الكرسي جاء واقع وانا دموعي تاني ما وقفو
يتبع*
دا م مشكله بس المشكله في الطين والناس البيتفرجوا شويه وكنت حاسه اني حأجي في الجزيره😊ولمن اسراء رفعتني وبقيت بحنس فيهم يرجعوني وكأني ما بتكلم بتونسوا حتي احمد انتبه وبعد ما ضحك وخلص ضحكوا قالي خلاص بوصلك وانا ولا صدقت طوالي مشيت حتي تسنيم قالت ما ماشه المهم ركبت معاه وهو يعاين للطين وانا اصلا ما ضحكت كتير لأني بجد زعلت منهم وكان مشغل اغنيه انا نسيتك البتغنيها جنات وانا اصلا شاكه في غموض الولد عشان كدا بعد الاغاني الحزينه ما صدقت قلت اسألوا قلت ليه انت كويس قالي الحمدلله قلت ليه شكلك مجروح قالي لا بس ضغوط وجيت هنا عشان اغير جو وماف فايده قلت ليه ممكن تحكيلي ترتاح قالي والله ارتحت ليك وانتي الوحيده الحست بي بس انتي ما ضروري تسمعي قصصي دي طبعا اصلا انا اموت واعرف هو مالو ما داير يحكي قلت لا احكي قالي تمام بكره نتلاقي انشاء الله عازمك غدا وانا اول مره ولد يعزمني غدا قلت اسي م تحكيلي قالي اسي انتي ملانه طين لازم ترجعي عشان تغيري وصلت وانا بفكر في الفموض الغريب في احمد وما نمت من كتره التفكير ما حاجة جديده علي انا اصلا متعوده علي حكايات المشاكل والحزن وانا دايما بدي الحلول عشان كدا باعده من الارتباط بعد الشفتو الصباح قمت رتبت وفطرت وما مشيت لاسراء كالعاده ضربت لي قالت لي وينك الليله قلت ليها اسي ما فاضيه تعالي انتي انتظرتها لمن جات واتونسنا لمن اتصل عليها باسل قاليها تجي عشان اتأخرت ومشت والساعه كانت 4 طبعا كلمت امي اني ماشه اتغدا مع صاحبتي طبعا امي في بورتسودان بالذات مدياني حريه شديده قالت لي سوقي رنا ثلت نهائي ما يمشي معاي زوا وبعد وقت رضت بس ما أتاخر لمن لبست بنطلون كحلي وبلوزه بيضاء فيها ورود بالكحلي وجهزت طلعت وقفت في الشارع طبعا متفقين نتلاقي جدام بيتنا لان باب بيتهم فاتح في بيتا بس متر الشارع المهم شفتو من هناك جاي قالي اتاخرتي لفيت حتي جيت قلت ليه معليش قالي ولا يهمك اركبي سرعه قالي اول مره اجي اسوق بنت من جدام بيتهم قلت ليه انا زاتي اول مره اطلع مع ولد قالي شكلك ما بيقول كدا 😳 قلت ليه لا والله لمن وصلنا في نفس الموضوع نزلنا طلب لينا بيتزا وبيبسي وجاء قعد معاي وبدا يحكي لي قال انو حبيبتو خانته مع صاحبو وهو كان خاطبها بس لمن يخلص ويشتعل يعرسها وهو كان السبب في تعرفهم والمشكله انه ما عارف يعمل شنو لان اهله هم السبب في استمرار الخطوبه وهو بعد ما كشف علي حقيقتها اتغير الحب لكره وانا بس بسمع لمن جاء الغدا واتغدينا وطبعا انا لسه متأثرة بموضوع خطوبة بالقوة والصديق والحبيبه الخائنه ودا كلو مجبور طبعا انا ما مريت بتجربه عشان كدا ما فكرت في حل المهم قالي انا حأضرب لي ابوها دون علم اهله ويفسخ الخطوبه وانا طبعا مهجومه وصاني البيت زي الساعه 10 دخلت مسكت التلفون واتونست مع لمار ورامي واسراء ونمت وصحيت بدري ساعه 8
يتبع.....
