لقيت ناس البيت نايمين بس قمت قعدت شويه اقرا في رسائل القروبات لمن صحوا قمت شويه ترتيب حتي مشيت لاسراء اتونست معاها جاء احمد اتونس معانا وقال عازمنا الحنه عد بكره واسراء اقترحت نطلع نتمشي كلنا انا مشيت جهزت ومشينا انا واسراء وبت خالتي اسمها نمارق سقتهم ومشينا بس بنات واتونسنا وبعد المغرب رجعنا وانا افكر في الحنه حتي ضرب لي رقم قريب رديت قالي اهلين قلت ليه مين قالي في زول بنسي الأصدقاء طبعا انا ما عندي بال للعب طوالي قفلت الخط تاني رجع لي قالي قولي بسم الله قلت ليه انت مين قالي احمد قلت اهلين واتونس وقفلت مشيت نمت اصلا كنت تعبانه وزهجانه ولا طلعت من البيت لمن اليوم البعديه يوم الحنه صحيت بديت اجهز في ملابسي شويه ونسه لمن المغرب اتصل علي رامي ونسني المهم شويه واتصل احمد قالي لي ما جيتي قلت دقائق اجهز واجي واسراء تجيني وامشي معاها قالي تمام لمن جهزت لبست فستان كحلي فيه ورود بيضاضء وكويت شعري ولبست طرحه كحليه ومشيت لاسراء ومشينا والعرووس بجد حلوه ومع انه ما فرحان لكن بدي احساس مبسوط ما اتاخرت وجيت راجعه نمت بدري احمد ضرب قال مشي لاهل البت وفسخ الخطبه انا واسيتو ومشيت ومرت الايام وانا احمد اتعلقنا في بعض شديد ولمن رجعت الخرطوم واحنا ما اكتفينا وبعد شهر جاء وخطبني بس في النفس الوقت انا ما حسيت بالحب وبالعكس انا ما كنت متمنيه غير ود خالتي لكن قلت اجرب لان ود خالتي ما حسيت بيه بيهتم بموضوعي شديد ووتم من خطوبتنا اسبوعين انا اتصلت عليه وكلمت انه انا ما بقدر اعيش معاه مع اني حاسه انو أتألم بس ما بقدر اغشو وهو غير كدا انا كنت بديل لحبيبتو ما اكتر عشان كدا ما بنقدر نعيش وبعدين انا وجهت تفكيري نحو ود خالتي اذا بحبني ولا لا
وبعد تفكير حسيت انو دا غلط انو افكر في شيء ما حيبقي لي هو احتمال بحب وحده وانا في النهايه اقنعت نفسي وعشت في حاله اكتئاب لان اول انسان بحبه معتبرني بس صديقه وانا كل يوم بحاول انسي وافكر اذا كنت في مكانو حأعمل نفس الشيء اما احمد كأني ما مريت في حياتو بقي بحب بنت تانيه ودا خلا ثقتي تنهز انو هو ما زعل حتي بس قويت نفسي وعشت عادي لمن خلصت الجامعه مع انو رامي كان معاي بس كنت بتذكر انو صداقه وبحاول ابعدو قدر الاامكان بس هو بدا يفهم وبعد عني وانا كنت بجد في الوقت داك ما حاسه الا بأنو ماف شيء صداقه ولا حب وبقيت عايشه متوحده بس انوم واشتغل لما جاتني لمار وهي اكتر انسان بقويني المهم بدات معاي برنامج لدرجه جات قعدت معاي ثلاثة ايام شيء رجيم وشيء كريم وشيء مشاوير لمن نفسيتي اتحسنت😊
يتبع.....
