وخرجوا من المستشفى وبقينا عندهم طوالي بعدين نهال جات في بيتهم وطبعا هي عارفه انو انا ورامي أصدقاء جات بس عشان تقول لي ابعدي منو وانا عملت نفسي رايحه وخليتها ومشيت حتي جات لمار وحكيت ليها عن نهال وبس نهال طالعه مشت ليها لمار وما قصرت في الكلام معاها ولمار قالت انو اسي بعد اسبوع ولادتها عشان كدا نمشي الكوفير نترتب واصلا انا كنت زهجانه وهي مشاء الله ما ظاهر فيها الحمل نهائي ومشيت انا وهي الكوفير وبعدين اتصلنا علي باسل قالت نمشي شارع النيل لان هي كويس انها تتمشي ومشينا انا وهي اتمشينا وقالت اسي الحل في علاقتكم دي نهايه ما معروفه واسراء قالت احمد خطب يعني انتي حتنتظري لمتين قلت ليها لمن رامي يخطب نهال وهو لازم يعرف انو انا بحبه من من كنت في الثانوي وما اتغير شيء وصبرت دا كلو اصبر بس الاسبوع دا ولو ماف فايده حارجع الشغل واسي انا اتاخرت لازم ارجع لناس رامي يلا باي ومشيت وانا بفكر في كلامها بجد اسي ماف فايده من حبي بس غلطتي من طرف واحد ورجعت دخلت سلمت عليه وانا بعاين ليه وبتذكر نهال ولا فكرت كتيير قلت ليه رايك شنو نمشي نتعشي برا قالي تمام براحه سقتو وكلمنا بس اخوه عشان يكلمهم انو جاء صاحبو ومشي يتعشي معاه ومشينا انا وهو واتعشينا وضربت ليه نهال عشان عايزاه لفي موضوع وطبعا هو كلمها اننا قاعدين وين وجات اول ما دخلت لقتني معاه حمرت لي وانا كأني ما شايفه عاينت ليها من فوق لتحت وانا دي اول اطلع مع رامي عشاء برانا عشان كده كنت لابسه احلي شيء عندي وقعدت معانا وطلبنا وبدينا نتعشي وهي ما سكتت تنق في انو ود عمها عايزها ولو رامي ما جاها اسي تاني ما حيتزوجها وهو قاليها لكن اسي انا م مستعد للزواج وهي في لحظه غضب قالت ليه وفاضي تتعشي بره وتونس وشكلك خاين وبتحبها وانا اتصدمت والناس دي بس تعاين لينا قاليها حب في عينك قالت ليه ما دايره واحد ما بيحترمني وطوالي قمت وكنت ماشه قاليها وانا زاتي ما عايزك وانتهت علاقتهم وانا وقفت جنبو وكلمتو انو ما صاح ينهي العلاقه بالطريقه دي بس مع كدا ما عبرني وانا عارفه انو في حالة دي ما حيهتم بي ومشينا البيت وانا بتكلم معاه في النهايه كلهم يسألوني مالو قلت ليهم ماف شيء ولمن اقنعتهم دخلت لقيتو نام ونمت الصباح لقيتو ماف سألت قالو مشي الشغل بتصل عليه هو بقفل الخط وانا مشيت رجعت البيت والشغل واسبوع ما بيضرب لي لمن جاء يوم السبت واتصل علي قالي اطلعي برا سرعه دا ساعه 2 بليل وقلت ليه بطل كذب شكلك ما كنت نعسان لكن انا نعسانه لمن اقنعني انو برا لبست بس طرحه في بجامتي ومشيت كلمت رنا وطلعت ليه سلم علي وقالي اروي انا بحبك وانا من الصدمه حسيت اني حأقع قعدت في الباب مسافه حتي قمت قالي والله انا عايزك حلالي قلت ليه ما بصدق قالي صدقي وانتي موافقه انك تكوني سند لي زي ما انتي اسي سند لي قلت ليه اكيد ودخلت وانا نهائي ما نمت حتي الصباح ضرب لي قالي احنا جاين نطلب يد العسل وكلامو كأنو دا ما ود خالتي العلاقتنا بدت بصدااقه قبل حب بس ما علينا وجوا وطلبوا يدي وعشان هو مسافر كان لازم العرس يكون بعد أسبوع اضطريت اشتري واجهز سرعه والمهم جاء يوم العرس كان العقد في الصاله اصلا كل الاعراس عندنا كدا لمن تم العقد اتصل بي وبارك لي وانا لبست الزفاف والمفأجاه اول ما وصلنا لقيت احمد في الباب بارك لينا طبعا انا بحكي لرامي كل اسراري عشان كدا رامي عزم احمد وزوجته وناس اسراء وشله الجامعه ومن هناك رامي قال ما عايز جرتق وطواالي مشينا المطار سافرنا تركيا لان طموحي كان اجي تركيا لمن رجعنا السودان هو اهلو كانو راحلين بيت جديد بطابقين واحنا سكنا فوق وبعدين واصلت شغلي ورامي واحمد صاروا أصدقاء وبعد سنتين جبت بنتين توأم هم ريان وليان ومن هناك عشنا اياام ماف زيها
الفكره
ان الحياه ما بتستاهل معاناه والحب ممكن يجي في اي وقت وفي مكان والقدر مكتوب
(اول روايه اكتبها علشان كدا مش طويله وانشاء الله تعجبكم)
