----/////البارت الاول ///----
-----////بقلمي. حكمت H.M////----
إنّ القلوب إذا تنافر ودّها
مثل الزجاج كسرها لا يجبر !- 💔💔
بالبدايه اعرفكم. عن. نفسي اسمي. بنين عندي اخوان 2
احمد الكبير .واختي اسمهة نضال
واني الصغيرره .
وابوي وامي عايشين ..الحمدلله بس بالنسبه الي وجودهم. وعدمه هوة. نفس الشي
من وووعيت علئ الدنيا واني اشووف ابوي يمووت علئ امي بس امي بالعكس تموت منه ودائما اشوف ابوي يتوسل بأ امي وهيه تعيط عليه وتكله وخر بس كل هذا وابوي يحبهة
اني الاعرفه انوو المرره هيه الي تريد رضات زلمتهة
مو الزلمه هوة اليتوسل
جنت ادررس اني واخواني جان حموودي هووة سندي ومسندي واتكائي احسه بس هووة الي ويانه هوة اليقرينه وهوة. اليشاقينه وهوة. الي يلعبنه .هوة .هوة ..الخ…..
ما يوم. امي. اجت وكالت شمحتاجات اقريجن. انومجن
نمرض حمودي يسهر
جنه اذا نكل لامي. قرينه تصيح. علينه وحته مرات تمد ايدهة علينه .ابوي جان بطبيعت شغله 6 ايام شغل ويوم واحد استراحه ومثل. متعرفون. يكضيهة.عرگ وصياح ويضل يتوسل بأمي
حياااتي حيلل هادئه اني الي نحرمت. من. حنان. الام والاب وهمه عايشين. اني الي معشت مثل الجهال… اريد اتذكر مره ماشيه وي صديقه ابد علئ كد الدروس وبس .
بيوم. جنه كاعدين نقره با الاستقبال واندك الباب كاام احمد راد يفتحه
طلعت امي لابسه فستان 👗 قصير لون احمر ومخليه مكياج وفاتحه شعرهة وشكلهة. مثل هذن. اليطلعن بالتلفزيون
صاحت علئ احمد ..ولي اكعد اني افتح
فتحت الباب دخل ولد شكله مو. كلش جبير
امي. جانت حلووه وصغيره
اخذته ودخلت للغرفه ..كمنه نسمع صوت ضحكاتهة الي تجيب التايه .
جانت دنيه ليل 🌃 تقريبا ب 9
سألت احمد ..
اكلك احمد منو هذا الولد ؟
احمد.. والله ما ادري انتبهي لدراستج معليج بيهة
بقينه نقره انوب ضمينه غراضنه.و فرشنه ونمنه
بهذا الحجي عمري 11 سنه
واحمد 17
ونضال15
بقينه نشووف هذا الولد يدخل. كل يوم. ماعدئ اليوم الي يجي بي ابوي
جانت اجازه ابوي كاعدين كلنه علئ سفره وحده نتغده
ابوي كال ..اي ياجهال شكو ماكو
احمد .والله كلشي ماكو
سكتنه ورجع ابوي سأل
منو راح. منو اجه
اني. فزيت من. مكااني كلت .
بابه كل يوم. يجي النه ولد
بااوعت امي تغمزز الي
واحمد يندس بيه. و ونضال تأشر الي
بس كل هذا واني. مسكتت
ابوي كال ..منو هذا االولد؟؟
امي. فزت بسرعه
شبيك. يروحي. هذا ابن الجيران يجي يأخذ خبز لو يسوي الماطور
ابوي .ها
صار هدوء بس الهدوء يسبق العاصفه
واعرف امي. مراح تضمهة الي ..
باليوم. االثاني راح ابوي
امي. هجمت علينه .كطعتنه تكطع
حته احمد ضربته
بس خطيه احمد حضنه اني ونضال
علمود منتأذه
نمنه واحنه نبجي
هااي حياتنه وهاي عيشتنه
اهلي عايشين بس محاسه بيهم
امي كل. ماجالهة تنجرف للهاويه
بدل متعوضنه وتحيطنه بالحنان
لا هيه عكس كل الامهات
دائما اسمع البنات يسولفن. بالمدرسه
انو. جذب تجي. مثل الام
وما الهة بديل
بس اني اشوف جذب
يعني. اني. بذاك الوكت لو. اي مريه جايتني
وكايلتلي تعالي وياي واني اعوضج. عن امج. والله اروح. وما افكر اصلا ..
لان الانسان. من يريد يعوف كلشي و.يروح. يكلوله. لخاطر اهلك
او. يخلي اهله بين. عيونه ..بس اني.
الواكف بعيني. نضال واحمد
مرات اسأل نفسي بما انو اني عمري عمر طفوله فهواي اسأله تخطر علئ بالي
شلون احمد ونضال وكميه الحنيه وطيبه القلب العدهم وهمه ابوهم. وامهم. كميه الخبث. والخبائث
يتبع… ..
