-----///البارت الثامن///---
----///بقلمي. حكمت H. M///---
جان اخته كالت ل زين كدامهم كلهم ..
امال… شنو خويه ما الله يفرحك بطفل
سكتت وبس اباوع ادري راح تدوس ببطني
زين.. لاخويه بعد وكت بعده العمر كدامنه
امال… اكلج بنين انتي ليش متخلفين خل نراجع بيج تره اخوي جبير ونريد نشوف جهاله عگب بااجر نروح. للدكتوره .واذا ماكوو بعد الله وياج هوة احنه كوه اخذنااج من اصلج لو فصلج شو امج و استغفرلله من. كالت هيج احس اتجمعت الدمووع بعيني كلامهة جرحني حيل زين صاااح… هييي هيي وانتي شعليج هذا شي يخصني اني وبنين ارجوكم لا احد يدخل بحياتنه واصلهة وفصلهة يسووه راسج
كاام اخذني من ايدي وصعدني بالسيارره محد حجه بس اني عيوني غوشت من الدمووع .صارت غصه بيه وصلنيي للبيت و طلع
طبي للغرفه شمررت الشال بالباب مال غرفه .والحنطه شمرتهة علئ الميز وكع العطر ونكسر
رحت وكفت يم الميز اباووع علئ نفسي جانت عندي صوره لامي لزمتهة ركعتهة بالحايط اتكسرت واطشرت رحت للجربايه واني ابحي اتمددت واني كلشي بيه منكسر
كمت اشهگ سمعت صوت الباب انفتح… .
زين.. جنه يم اهلي واختي جرحت بنين كدامنه انقهرت حيل رحعتهة للبيت و رجعت لاهلي. كلبت الدنيا حته ضربت امال لخاطرهة رجعت للبيت مالتنه دخلت ارركض دخلت للغرفه شفت الشال مالهة بالباب والكزاز مطشر و الجنطه مشموره
لا يا الله هاي شمسويه… اسمع شهكاتهة مثل السجاجين بكلبي
سمعته انه كمت بسرعه دست علئ الكزاز بس ما اهتميت… لزمته من ياخته مال قميص وحجيت واني ابحي…
ليش هيج اني عاله عليكم
هيج انته كوه متحملني
اذا اني ساقطه ليش جبتني ببيتك
اهلي مو خوش نااس اني شعليه اني شعليه اصلا اني ليش نولدت اخر الكلام جان بصياح ..
جنت لازمته من ياخته واهز بي وابجي.
بالاخير كتله ..الله ياخذكم. كلكم
الله لايوفق الجان السبب
كمت اضررب بي بصدره واسحب بقميصه… حاول يهديني او يلزم ايدي بس اني تخبلت… كدر يلزمني من ايدي سحبني وحضني احسه قيدني لزمني حيل بقه يمسح علئ ظهري. ويهدي بيه ..كال
انه احبج واريدج وراضي بيج
كلهة خل تولي اني ماعليه بأحد اني عليه بيج انتي حبيبتي وزوجتي. وام بيتي وان شاء الله عن قريب تصيرين ام جهاالي ..واليمسج يمسني
شااف رجلي تجري دم سحبني من ايدي وراح جاب ديتول ولزكه وقطن وشاش
كال اثبتي خل اسويهة الج
كتله… لاعادي هسه اني اسويهة
زين.. باوعلي بحده ..اني اسووي
خفت منه وبقيت رجلي
طلع الكزاز من رجلي وعقمهة ولفهة. الي
شكرا تعبتك وياي
زين. لاتكولين هيج اني. زوجج
انتبهت اله قميصه مشلعه الدكم. الي بالبدايه وصدره مشخط كله. من. وراي جان كاعد يم رجلي ..مديت ايدي لزمت….. ..
هاي بسببي
زين.. يلا مصار شي
بنين.. والله زين اسفه والله مو قصدي والله اني. ما اعرف ائذي نمله بس محسيت علئ نفسي وجنت معصبه..
زين.. هوب. هوب تره عادي مصار شي
بنين. يعني ميوجعك
زين. ابد ابتسمت علمود اطمنهة
خليت ايدي علئ رجلهة
يلا حياتي كومي بدلي
بنين. كمت لميت الكزاز ولزمت صوره امي وكفت يم. الزبل ردت اذبهة بس كلبي ما انطاني كل السوته بس تبقئ امي واني احبهة اخذتهة. وضميتهة وطبيت اسبح
زين.. اباوع عليهة شكد كلبهة طيب رغم كل الصار بس مذبت صوره امهة… ادعي الله يحفظهة الي
كملت سألت. زين يتعشه كال. ما اريد واني. هم ما اشتهي
استمرت حياتي بس. قررايه وزين. يوم. بعد يوم اتعلق بي واحجيله كلشي ..يومي بالجامعه عن الدكاتره وهوة. هم. كلشي يسولفه الي ..
جان. يروح لاهله بس ميكلي تعالي وياي ..اشترالي مبايل اني ما احبه ولا استخدمه لو احبه جان. من. جنت. ابيتنه اشترري ..بس كال. خاف احتاج شي او اريد احاجيج. او احجي وي نضال ..
بيووم اجه من. وكت وضاايج واحس. بس احد يلزمه ينفجر .
كلت اسأله لو اتفشل بقيت حايره
اتجرأت ورحت اله للغرفه
جان.كاعد وصافن. كتله
زين شبسك ليش ضاايج
زين.. مابيه شي
بنين. اااه لعد مو اني صديقتك. هيج. يهون. عليك. متكلي
زين.. تعالي .واشر الي يمه رحت كعدت يمه صررت قريبه منه كلش
كال.. تعبان وضايج ومقهور
بنين. اسم الله عليك ..ليش شكو صاير شي
زين. ما ادري بس احس بنفسي مخنوگ. وضايج
ما ادري ليش سويت هل حركه ..اتدنيت يمه و… .."يتبع"
